Connect with us

Cricket

ഒരു റൺ പോലും നേടാതെ ,ഒരൊറ്റ ക്യാച്ച് പോലും എടുക്കാതെ വിക്കറ്റ് കീപ്പിങ്ങിൽ ലോകറെക്കോർഡ് തീർത്ത ഒരാൾ

മഹേന്ദ്ര സിങ് ധോണി എന്ന ചാണക്യൻ്റെ ഉദയത്തോടെ അസ്തമിച്ചത്, വർഷങ്ങളായി ഇന്ത്യൻ ക്രിക്കറ്റിൽ സംഭവിച്ചു കൊണ്ടിരുന്ന ഒരു ഗതികേട് ആയിരുന്നു .പലപ്പോഴും ബൗളർമാർക്ക് പിന്തുണയുമായി

 78 total views

Published

on

Dhanesh Damodaran

ഒരു ക്യാച്ച് പോലുമെടുക്കാതെ കീപ്പിങ്ങിൽ അത്ഭുതമായ താരം

മഹേന്ദ്ര സിങ് ധോണി എന്ന ചാണക്യൻ്റെ ഉദയത്തോടെ അസ്തമിച്ചത്, വർഷങ്ങളായി ഇന്ത്യൻ ക്രിക്കറ്റിൽ സംഭവിച്ചു കൊണ്ടിരുന്ന ഒരു ഗതികേട് ആയിരുന്നു .പലപ്പോഴും ബൗളർമാർക്ക് പിന്തുണയുമായി വിക്കറ്റിനു പിറകിൽ ഗ്ലൗസ് അണിഞ്ഞ് നിൽക്കുക എന്നല്ലാതെ എതിർ ബൗളർമാരെ വെല്ലുവിളിച്ച് വിക്കറ്റിന് മുന്നിൽ വന്ന് ബാറ്റുമെടുത്ത് വെല്ലുവിളിക്കുക എന്ന ഹീറോയിസം ഇന്ത്യൻ ക്രിക്കറ്റിൽ അതു വരെ ഇല്ലായിരുന്നു .എന്നാൽ ബാറ്റിങിലെ പോരായ്മ അതിസമർത്ഥമായി മറച്ചു പിടിക്കാൻ പറ്റുന്ന തരത്തിലുള്ള കീപ്പിങ് വൈദഗ്ധ്യം പലരും കാഴ്ച വെച്ചിരുന്നു .പ്രത്യേകിച്ച് മിന്നൽ സ്റ്റംപിങ്ങിലൂടെ ബാറ്റ്സ്മാൻമാരേയും കാണികളേയും അമ്പരപ്പിക്കുന്ന ഇന്ദ്രജാലക്കാരായിരുന്നു അവരിൽ ചിലർ .

കളിക്കാൻ അവസരം ലഭിച്ച ഒരേയൊരു ടെസ്റ്റിൽ ,ബാറ്റ് ചെയ്യാതെ ,ഒരൊറ്റ ക്യാച്ച് പോലും എടുക്കാതെ ചരിത്രത്തിൽ ഇടം പിടിച്ച ഒരു അപൂർവ നേട്ടത്തിനുടമയായ ഒരാളെ ചരിത്ര പുസ്തകത്തിൻ്റെ താളുകൾ മറിച്ചാൽ കാണാം .ഒരൊറ്റ ക്യാച്ച് പോലും എടുത്തില്ലെങ്കിലും എണ്ണം പറഞ്ഞ 4 സ്റ്റംപിങ്ങുകൾ അയാളെ എത്തിച്ചത് ചരിത്രത്തിലേക്ക് .ധോണി എന്ന സ്റ്റംപിങ് രാജാവിൻ്റെ മുൻഗാമികളായ പല മിടുക്കൻമാരെയും കാണാം .സാക്ഷാൽ ഡോൺ ബ്രാഡ്മാനെ സ്റ്റംപ് ചെയ്ത് ചരിത്രം സൃഷ്ടിച്ച പ്രൊബിർ മൂതൽ സ്റ്റംപിങ്ങിൽ ലോക റെക്കോർഡ് സൃഷ്ടിച്ച കിരൺ മോറെ വരെ നീളുന്നു ധോണിക്ക് മുൻപുള്ള സ്റ്റംപർമാരുടെ നിര

വിജയ് രജീന്ദർനാഥ് എന്ന പ്രതിഭാധനനായ വിക്കറ്റ് കീപ്പർക്ക് ഒന്നിനും ഒരു കുറവും ഉണ്ടായിരുന്നില്ല .എന്നാൽ പ്രൊബിർ സെൻ ,തരേൻ തമാനെ മാർ അരങ്ങു വാഴുകയും മാനവ് മന്ത്രി ,ഇബ്രാഹിം മാക്ക.നാന ജോഷി എന്നിവർ പിറകെ തന്നെ അണിനിരക്കുകയും ചെയ്ത സമൃദ്ധമായ വിക്കറ്റ് കീപ്പിങ്ങ് കാലഘട്ടത്തിൽ കളിച്ചത് കൊണ്ട് മാത്രം കളിച്ച ഒരേയൊരു ടെസ്റ്റിൽ അതിഗംഭീര പ്രകടനം കാഴ്ച വെച്ചിട്ടും ഭാഗ്യമില്ലാതെ പോയി അദ്ദേഹത്തിന് .ഒരു പക്ഷെ മറ്റൊരാൾക്കും സംഭവിക്കാത്ത നിർഭാഗ്യം .

സാധാരണ ഇന്ത്യൻ വിക്കറ്റ് കീപ്പർമാരിൽ നിന്നും വിഭിന്നമായി അത്യാവശ്യം ഉയരക്കാരനായ രജീന്ദർ നാഥ് ക്യാച്ചുകളെടുക്കുന്നതിനേക്കാൾ മിന്നൽ വേഗത്തിൽ ബെയിലുകൾ തട്ടിത്തെറിപ്പിക്കുന്നതിലാണ് ആനന്ദം കണ്ടെത്തിയിരുന്നത് . ഫസ്റ്റ് ക്ലാസിൽ 28 മാച്ചുകളിൽ നടത്തിയ 59 പുറത്താക്കലുകളിൽ 24 ഉം സ്റ്റംപിങ് വഴിയായിരുന്നുവെന്ന് തന്നെ ആ കലയിലെ അദ്ദേഹത്തിൻ്റെ കഴിവിൻ്റെ സാക്ഷ്യപത്രമാണ്

1952 ലെ പാകിസ്ഥാൻ്റെ ഇന്ത്യൻ പര്യടനത്തിലെ ആദ്യ രണ്ട് ടെസ്റ്റ് 1-1 ൽ നിൽക്കെയാണ് ബോംബെയിലെ മൂന്നാം ടെസ്റ്റിനുള്ള ഇന്ത്യൻ ടീമിൽ രജീന്ദർ നാഥ് ഉൾപ്പെടുന്നത് .മാധവ് ആപ്തെക്കും ബൽദാനിക്കുമൊപ്പം അദ്ദേഹവും അരങ്ങേറി .ആ പരമ്പരയ്ക്ക് ഇന്ത്യൻ വിക്കറ്റ് കീപ്പിങ് ചരിത്രത്തിലെ തന്നെ അപൂർവത ഉണ്ടായിരുന്നു 5 ടെസ്റ്റുകളിൽ ഇന്ത്യക്ക് വേണ്ടി ഗ്ലൗസ് അണിഞ്ഞത് 4 പേർ .അതിൽ 2 പേർ കളിച്ചത് അവസാന ടെസ്റ്റും .ആദ്യ ടെസ്റ്റിൽ പ്രൊബിർ സെന്നും രണ്ടാം ടെസ്റ്റിൽ ജോഷിയും കീപ്പ് ചെയ്തപ്പോൾ മൂന്നാം ടെസ്റ്റിൽ രജീന്ദർ അരങ്ങേറി .നാലാം ടെസ്റ്റിൽ ഇബ്രാഹിം മാക്ക യ്ക്ക് അവസരം കിട്ടിയപ്പോൾ അഞ്ചാം ടെസ്റ്റിൽ തിരിച്ചു വന്ന പ്രൊബിർ സെൻ കരിയറിലെ അവസാന ടെസ്റ്റ് കളിച്ചു .

ടോസ് നേടിയ പാക്നായകൻ അബ്ദുൾ ഹഫീസ് കർദാർ ബാറ്റിങ്ങ് തെരഞ്ഞെടുത്തുന്നു .വിനു മങ്കാദും ലാലാ അമർനാഥും തിരിച്ചടിച്ചതോടെ 60 ന് 6 എന്ന നിലയിൽ തകർന്ന പാകിസ്ഥാൻ 186 ന് ഓൾ ഔട്ടായി .ആദ്യ ഇന്നിങ്സിൽ മങ്കാദിൻ്റെയും സുഭാഷ് ഗുപ്തയുടെയും പന്തിൽ രജീന്ദർ നാഥ് 2 സ്റ്റംപിങുകൾ നടത്തി .

Advertisement

മറുപടി ബാറ്റിങ്ങിൽ ഹസാരെയും ഉമ്രിഗറും സെഞ്ചുറി നേടിയപ്പോൾ ഇന്ത്യ 387 ന് 4 ൽ ഇന്നിങ്സ് ഡിക്ലയർ ചെയ്തു .പാകിസ്ഥാനെ രണ്ടാമിന്നിങ്സിൽ 242 റൺസിന് പുറത്താക്കിയപ്പോൾ സുഭാഷ് ഗുപ്തെ യുടെ പന്തിൽ 2 തകർപ്പൻ സ്റ്റംപിങുമായി രജീന്ദർ ശ്രദ്ധേയനായി .അരങ്ങേറ്റ ടെസ്റ്റിൽ 4 സ്റ്റംപിങ് എന്ന ഗിൽ ലാങ്ലെയുടെ റെക്കോർഡിന്ന് ഒപ്പവുമെത്തി .

ടെസ്റ്റ് ഇന്ത്യ 10 വിക്കറ്റിന് ജയിച്ചു .എന്നാൽ അടുത്ത ടെസ്റ്റിൽ അപ്രതീക്ഷിതമായി വിക്കറ്റ് കീപ്പർ ആയത് മാക്ക .തൻ്റെ ആദ്യ ടെസ്റ്റിൽ ബാറ്റ് പോലും ചെയ്യാൻ അവസരം കിട്ടാതെ പോയ വിജയ് രജീന്ദർ നാഥിന് പിന്നീടൊരിക്കലും ഒരു ടെസ്റ്റ് പോലും കളിക്കാൻ കഴിഞ്ഞില്ല .അതോടെ ഒരു ക്യാച്ച് പോലും എടുക്കാത്ത വിക്കറ്റ് കീപ്പർമാരിൽ ഏറ്റവുമധികം സ്റ്റംപിങ് എന്ന കൗതുകകരമായ ലോക റെക്കോർഡ് ആ നിർഭാഗ്യവാൻ്റെ പേരിലായി .

ആഭ്യന്തര ക്രിക്കറ്റിൽ 15 രഞ്ജി മാച്ചുകൾ കളിച്ച രജീന്ദർ അതിൽ തന്നെ നോർത്തേൺ ഇന്ത്യ ,യുണെറ്റഡ് പ്രോവിൻസ് ,സതേൺ പഞ്ചാബ് ,ബീഹാർ ,ഈസ്റ്റേൺ പഞ്ചാബ് എന്നിങ്ങനെ 5 ടീമുകൾക്ക് വേണ്ടി കളിച്ചു എന്നത് മറ്റൊരു കൗതുകം .
19 48-49 ൽ ഇന്ത്യൻ പര്യടനത്തിന് വന്ന വെസ്റ്റ് ഇൻഡീസ് ടീമിനെതിരെ ജോർജ് ഹെഡ്ലിയെ ക്യാച്ചെടുത്ത് പുറത്താക്കിയ രജീന്ദർ അതേ മാച്ചിൽ 223 റൺസടിച്ച ലാല അമർനാഥിനൊപ്പം 92 മിനിട്ട് പിടിച്ച് നിന്ന ഐതിഹാസിക കൂട്ടുകെട്ടിൽ പങ്കാളിയായും ശ്രദ്ധേയനായിരുന്നു .
1989 ൽ മരണപ്പെട്ട രജീന്ദർ ഒരു ടെസ്റ്റ് മാത്രം കളിച്ച അത്ഭുതങ്ങളുടെ പട്ടികയിലെ ഒരു അത്യപൂർവ റെക്കോർഡിൻ്റെ പേരിൽ ഇന്നും ഓർമ്മിക്കപ്പെടുന്നു .

 79 total views,  1 views today

Advertisement
Entertainment10 hours ago

നിങ്ങൾ ഏതെങ്കിലും നിയമലംഘനം നടത്തിയിട്ടുണ്ടെങ്കിൽ ഈ ഷോർട്ട് മൂവി കാണണം

Entertainment16 hours ago

അടിച്ചുപൊളി ഞായർ ദീപുവിന് തല്ലിപ്പൊളി ഞായർ ആയതെങ്ങനെയാണ് ?

Entertainment1 day ago

ജീവിതം അവസാനിക്കുമ്പോഴല്ല, ജീവിക്കുമ്പോഴാണ് ചിന്തിക്കേണ്ടതെന്നു ‘പൂജ്യം’ പറയുന്നു

Entertainment2 days ago

ഭീകരമായൊരു കാലത്തിന്റെ ആവിഷ്കാരം ആണ് ‘ഹം ഏക് ഹേ’ !

Entertainment2 days ago

‘അന്നുപെയ്ത മഴയിൽ’ അപവാദക്കുരുക്കുകളിൽ ജീവിതം നഷ്ടപ്പെടുത്തിയവർക്കു വേണ്ടി

Entertainment2 days ago

ക്രൂശിക്കപ്പെട്ട നിരപരാധിയുടെ കഥപറയുന്ന ‘ഇങ്ങനെയും ചിലർ’

Entertainment3 days ago

എന്നോ കാണാൻ മറന്നു പോയ ഒരു സ്വപ്നത്തിലേക്കുള്ള യാത്ര

Entertainment3 days ago

അധ്യാപകരിൽ ആരെയെങ്കിലും നിങ്ങൾ നന്ദിയോടെ സ്മരിക്കുന്നുവെങ്കിൽ ഈ മൂവി കാണണം

Entertainment4 days ago

ഐക്യബോധത്തിന്റെ ആവശ്യകതയും മനുഷ്യന്റെ കുടിലതകളും

Entertainment4 days ago

നിർത്താതെ പെയ്യുന്ന പ്രണയത്തിന്റെ ‘ഇടവപ്പാതി’

Entertainment7 days ago

ആത്മഹത്യ ചെയ്ത പാറുവിന്റെ ഫോണിൽ ആക്സിഡന്റിൽ മരിച്ച അലക്സിന്റെ കാൾ വന്നതെങ്ങനെ ?

Entertainment1 week ago

സത്യത്തിനെന്നും ശരശയ്യ മാത്രമെന്ന് ‘ദൈവമേ തേങ്ങ’ പറയുന്നു

Entertainment4 weeks ago

സാമൂഹ്യ പ്രതിബദ്ധതയുള്ള ‘ആഗ്നേയ’ ശരങ്ങളുമായി പ്രിയ ഷൈൻ

Entertainment2 months ago

സ്വന്തം നഗ്നത വൈറലാകുന്നതിൽ നിന്നും അവളരെ പിന്തിരിപ്പിച്ചത് പ്രേതമോ അതോ മനസോ ?

Entertainment2 months ago

നിങ്ങളെ ഭയപ്പെടുത്തുന്ന ‘എലോൺ’ കർമയുടെ നിശ്ചയദാർഢ്യത്തിന് പിന്നിലെ കഥയാണ്

Entertainment2 months ago

ഒരു കോഴിക്കോടുകാരൻ ഓട്ടോ ഡ്രൈവറുടെ നന്മയുള്ള സൃഷ്ടികൾ

Entertainment1 month ago

ഈ ഷോർട്ട് ഫിലിം നടന്ന കഥയാണ്, മറ്റാരുടേയുമല്ല ഇതിന്റെ പ്രൊഡ്യൂസറിന്റെ ജീവിതത്തിൽ

Entertainment3 weeks ago

നിങ്ങളുടെ ഉപബോധമനസിന്റെ ശക്തിയെ നിങ്ങൾ തിരിച്ചറിഞ്ഞിട്ടുണ്ടോ ? എങ്കിൽ യെമൻ കാണുക !

Entertainment4 weeks ago

‘മീനിന് സുഗന്ധം തന്നെയാണ് ‘, മരയ്ക്കാൻ ഷോർട്ട് മൂവിയുടെ വിശേഷങ്ങൾ

Entertainment4 weeks ago

‘കിസ്മത്ത് ഓഫ് സേതു’, സേതു കൃത്യം പത്തുമണിക്ക് തന്നെ മരിക്കുമോ ?

Entertainment3 weeks ago

അബ്യുസ് പെൺകുട്ടികൾക്കു മാത്രമല്ലെന്ന് ഒഴിവുദിവസത്തെ സംസാരം, അതാണ് രാസലീല ( A )

Entertainment2 months ago

ഓൺലൈൻ സംവിധാനത്തിന്റെ സാധ്യതകൾ തുറന്നിട്ട ഡേർട്ട് ഡെവിളും സംവിധായകൻ സോമൻ കള്ളിക്കാട്ടും

Boolokam1 month ago

സ്വന്തം പേരായ ‘ഭൂമി’യുടെ അർത്ഥം തേടുന്ന പെൺകുട്ടിയുടെ കഥ !

Entertainment1 month ago

നിങ്ങളിലെ വിള്ളലുകളുടെ സത്യം നിങ്ങൾ കരുതുന്നതാകില്ല

Advertisement