ഒടുവിൽ ബോളിവുഡിനെ രക്ഷിക്കാൻ ദൃശ്യം തന്നെ വേണ്ടിവന്നു, ചിത്രം 200 കോടി ക്ലബ്ബിലേക്ക്…

ഒടുവിൽ ബോളിവുഡിനെ രക്ഷിക്കാൻ ദൃശ്യം തന്നെ വേണ്ടിവന്നു. ചിത്രം 200 കോടി ക്ലബ്ബിലേക്ക് കുതിക്കുകയാണ്. മലയാളത്തിൽ ഇറങ്ങിയ ദൃശ്യം സീരീസിന്റെ ഹിന്ദി റീമേക്കിൽ ആണ് അജയ് ദേവ്ഗൺ നായകനായി എത്തിയത്. ശ്രിയ ശരൺ , തബു, ഇഷിത ദത്ത, മൃണാള്‍ യാദവ്, രജത് കപൂര്‍, അക്ഷയ് ഖന്ന എന്നിവർ മറ്റു സുപ്രധാന കഥാപാത്രങ്ങളെ അവതരിപ്പിച്ചു. പുറത്തിറങ്ങി പതിനാറാം ​ദിവസം 176.38 കോടിയാണ് ദൃശ്യം 2 ഇന്ത്യയിൽ നിന്നുമാത്രം നേടിയിരിക്കുന്നത്. വെള്ളിയാഴ്ച 4.45 കോടിയും ശനിയാഴ്ച 8.45 കോടിയും ചിത്രം നേടിയിരുന്നു. ചിത്രം 200 കോടി ക്ലബ്ബിലേക്ക് കുതിക്കുന്ന കാഴ്ചയാണ് കാണാൻ സാധിക്കുന്നത് എന്നാണു ട്രേഡ് അനലിസ്റ്റ് ആയ തരൺ ആദർശ് പറയുന്നത്. ഈ ആഴ്ച തന്നെ 200 കോടി ക്ലബിൽ എത്തുമെന്നും അദ്ദേഹം പറയുന്നു.