മോൻസൺ മാവുങ്കലുമായി ബന്ധപ്പെട്ട പുരാവസ്തു തട്ടിപ്പ് കേസിൽ ഇ.ഡി നോട്ടീസ് അയച്ചിരിക്കുകയാണ് നടൻ മോഹൻലാലിന് . വിവാദനായകനായ മോൻസന്റെ ‘പുരാവസ്തു’ മ്യൂസിയം സന്ദർശനവുമായി ബന്ധപ്പെട്ട കേസിൽ ആണ് നോട്ടീസ് നൽകിയത്. അടുത്തയാഴ്ച മൊഴി നൽകണമെന്നാണ് ഇ.ഡിയുടെ നോട്ടീസിൽ ആവശ്യപ്പെട്ടിരിക്കുന്നത്.
മോൻസൺ മാവുങ്കലിന്റെ കലൂരിലെ വീട്ടിൽ മോഹൻലാൽ എത്തിയിരുന്നതായും മോൻസണുമായി വളരെ അടുത്ത ബന്ധം പുലർത്തിയിരുന്ന മറ്റൊരു നടനാണ് മോഹൻലാലിനെ ഇവിടെ എത്തിച്ചതെന്നുമാണ് ഇ.ഡി.ക്ക് മൊഴി ലഭിച്ചിരുന്നത്. ഈ കേസിനു പുറമെ കള്ളപ്പണം വെളുപ്പിക്കലുമായി ബന്ധപ്പെട്ട മറ്റൊരു കേസിൽക്കൂടി മോഹൻലാലിന്റെ മൊഴിയെടുക്കേണ്ടത് അനിവാര്യമാണെന്നാണ് സൂചന.
