Connect with us

article

ചതിക്കപ്പെട്ടു കഴിഞ്ഞാൽ അവിടെ രണ്ടു കഥാപാത്രങ്ങൾ ഭൂമിയിൽ ജനിക്കുന്നു

ചതിക്കപ്പെട്ടവരുടെ ചതിക്കപ്പെട്ടതിനു ശേഷമുള്ള ജീവിതം എന്തായിരിക്കും എന്ന് ആദ്യം പറയാം. എന്തായിരിക്കും അവരുടെ അവസ്ഥ?

 74 total views,  1 views today

Published

on

fasil shajahan

ചതിക്കപ്പെട്ടു കഴിഞ്ഞാൽ അവിടെ രണ്ടു കഥാപാത്രങ്ങൾ ഭൂമിയിൽ ജനിക്കുന്നു
1- ചതിച്ചവൻ/വൾ
2- ചതിക്കപ്പെട്ടവൻ/പ്പെട്ടവൾ

ചതിക്കപ്പെട്ടവരുടെ ചതിക്കപ്പെട്ടതിനു ശേഷമുള്ള ജീവിതം എന്തായിരിക്കും എന്ന് ആദ്യം പറയാം. എന്തായിരിക്കും അവരുടെ അവസ്ഥ? എന്തായിരിക്കും അവരുടെ ഭാവി?ഒരു ചതിയിൽ പെട്ടു എന്ന് ഉറപ്പായാൽ തന്നെ ചതിക്കപ്പെട്ടവർക്ക് പെട്ടെന്നത് ഉൾക്കൊള്ളാനാവില്ല. അവരതിനെ സ്വയം നിഷേധിക്കാനാണ് ആദ്യം ശ്രമിക്കുക. അവരേറ്റവും വിശ്വസിച്ച, സ്നേഹിച്ച, വളർത്തിയ, ചേർത്തുപിടിച്ച, പ്രാർത്ഥിച്ച ഒരാളെ അവിശ്വസിക്കുക എന്നാൽ മരണത്തിനു തുല്യമാണത്. നീ ചതിക്കപ്പെട്ടുകൊണ്ടിരിക്കുകയാണ് എന്ന സൂചന ആരെങ്കിലും നൽകാൻ ശ്രമിച്ചാൽ സൂചന നൽകിയവരെ അവിശ്വസിക്കാനാണ് ഇര തെര്യപ്പെടുക.

ചിലപ്പോൾ ജീവിതവഴികളിൽ മറ്റെവിടെയൊക്കെയോ നമ്മുടെ രക്ഷകരായവർ തന്നെയാവും ചതിയുടെ വിഷ്ണു മോഹിനീ രൂപം പൂണ്ട് നമ്മെ ഭസ്മമാക്കിക്കളയുന്നത്! ഇനി ചതിക്കപ്പെട്ടു എന്ന് ഉറപ്പായാൽ തന്നെ, അവൻ അല്ലെങ്കിൽ അവൾ അങ്ങനെ ചെയ്യാൻ എന്തെങ്കിലും കാരണമുണ്ടാവും, അല്ലാതെ വെറുതെ ഒരിക്കലുമങ്ങനെ ചെയ്യില്ല എന്നിങ്ങനെ പ്രതിയെ ന്യായീകരിക്കാൻ നമ്മുടെ മനസ്സാക്ഷി വെമ്പൽ കൊള്ളും.
ഇതിന്റെയെല്ലാം കാരണം ഒന്നു തന്നെയാണ്. വിശ്വസിച്ചു സമർപ്പിച്ചു തന്റെ ഹൃദയാന്തർ ഭാഗങ്ങളോട് ഉരുക്കി വിളക്കിച്ചേർത്ത ഒരു വൈകാരിക സാന്നിധ്യം നമ്മെ ചതിച്ചുവെന്ന് ഉൾക്കൊള്ളാൻ പറ്റാത്ത അവസ്ഥ. മനുഷ്യസഹജമാണത്. തികച്ചും സ്വാഭാവികവും. അങ്ങനെയൊന്നുമാവാത്തവരെ മനുഷ്യരെന്നു വിളിക്കാനാവില്ല.

എങ്കിലും വിവരണാതീതമാണത്. തികഞ്ഞ ശൂന്യത.കൂരാക്കൂരിരുട്ട്.. മരവിപ്പ്… മരണം മണക്കുന്ന മൗനം…. കഴുത്തറുക്കപ്പെട്ട മൃഗം അവസാനത്തെ പിടച്ചിലിനു തൊട്ടുമുമ്പ് പ്രകടിപ്പിക്കുന്ന ഒരു അടക്കമുണ്ട്. അതേ അവസ്ഥ! ചതിക്കപ്പെട്ടു എന്നുറപ്പായാൽ തളരും. ഇനിയങ്ങോട്ടു അഭിമുഖിക്കേണ്ടി വരുന്ന ഓരോ മുഖങ്ങളെയും സെവന്റി എം.എം സ്ക്രീനിലെന്ന പോലെ കണ്ണിനു മുന്നിൽ തെളിയും.
അവരിൽ നിന്നും ഉയർന്നു വരാവുന്ന ഉപദേശങ്ങളും കുത്തുവാക്കുകളും പരിഹാസങ്ങളും കാതുകളിൽ പെരുമ്പറ കൊട്ടും. നഷ്ടം സാമ്പത്തികമെങ്കിൽ ദാരിദ്ര്യത്തിന്റെ ഒരു ഗന്ധം മേലാകെ ഉടലാകെ വന്നു പൊതിയും.

എല്ലാ കൂരമ്പുകളും തന്നിലേയ്ക്കു തന്നെ തറപ്പിക്കും. തന്നെത്തന്നെ കുറ്റപ്പെടുത്തും. സ്വയം ചാവേറാകും. സ്വന്തത്തെ, സ്വയത്തെ, വിശ്വസിച്ചു പോയ നിമിഷങ്ങളെ, നിമിഷങ്ങളെ ഒരുക്കിയ വഴികളെ എല്ലാം ശപിക്കും. ദൈവത്തെ പോലും ശപിക്കും. അതേ ദൈവത്തോടു തന്നെ ആ പാതകിയെ നശിപ്പിച്ചു നരകിപ്പിക്കണേ എന്നു പ്രാർത്ഥിക്കുകയും ചെയ്യും.വല്ലാത്തൊരു നീറ്റലാണത്. ചെങ്കനലായതു നിറയും. ഒരു കേടുപാടുമില്ലാത്ത സുസുന്ദര ശരീരം അകമേ ആരും കാണാതെ വെറുതേ നിന്നു കത്തും. ഹൃത്താകെ തീ നാളങ്ങൾ പടരും. ചിന്തകൾ ചെകുത്താന്റെ പണിശാലയായി മാറും.

പകയും പുകയും നിരാശയും ആത്മാഭിമാനച്ചോർച്ചയും കൊണ്ട് തലച്ചോറ് തിളച്ചു മറിയും. ഇതുതന്നെ ദിവസങ്ങളോളം ആവർത്തിക്കും. ഒരേ കഥ … ഒരേ തീ… പിന്നെയും പിന്നെയും അതിലിങ്ങനെ ഉരുകും.
കരയാൻ ഭാഗ്യം ലഭിച്ചവർ പൊട്ടിക്കരയും. അല്ലാത്തവർ അകക്കണ്ണീരിനാൽ മഹാസമുദ്രം പണിയും. ഈ ലോകത്തെ ഏറ്റവും വലിയ വിഡ്ഢി താനെന്ന് സ്വയം അപഹസിക്കും. താളം തെറ്റും.
ജീവിതത്തിലേയ്ക്ക് തിരിച്ചുവരാനാവത്ത വിധം കയത്തിലേയ്ക്കു പതിച്ചു പോയവർ ആത്മഹത്യയെ വിരുന്നിനു വിളിച്ചാലോ എന്ന് പലകുറി ആഗ്രഹിക്കും.

Advertisement

അഗ്നിപർവ്വത സ്ഫോടനങ്ങൾ, പൊട്ടിത്തെറികൾ, കബന്ധങ്ങൾ, കടലലകൾ, ചുഴികൾ.. എല്ലാം ഉള്ളിൽ നിറയും. ഡിപ്രഷനും അഗ്രഷനും സോറോയും മെലങ്കൊലിയും റിസഷനും ഒരൊറ്റ വേദിയിൽ നാട്യ നർത്തന സർപ്പകാഹളമൂതും.ആയൊരവസ്ഥയിൽ നിന്നും കരകയറുക എളുപ്പമല്ല. ആയൊരു മുറിവിൽ എത്ര മരുന്നു തേച്ചാലുമുണങ്ങില്ല. സാന്ത്വനവാക്കുകൾക്ക് അശേഷം ജീവനനുഭവപ്പെടില്ല.
എത്ര തണുത്ത വെള്ളത്തിൽ മുങ്ങിക്കുളിച്ചാലും ആ ചൂട് അമരില്ല. എത്ര വലിയ കുഴിമാടത്തിലതിനെ കുഴിച്ചിട്ടാലും ശരി, സ്മരണകളിൽ അതിന് എപ്പോഴും സ്ഫുലിംഗങ്ങളാൽ ആളിക്കത്തുന്ന തീജ്വാലകളുടെ പൊള്ളലാണ്.

ആയഗ്നികുണ്ഠത്തിൽ നിന്നും ആളിപ്പടർന്ന് വിശ്വമാകെ പരക്കുന്ന ശബ്ദമില്ലാത്ത ശാപത്തിൽ നിന്നും ചതിച്ചവന് / ചതിച്ചവൾക്ക് മോചനം സാധ്യമാവുന്നതെങ്ങനെ? ഒരിക്കലുമില്ല. അത് അടുത്ത എഴുത്തിൽ പറയാം.എന്തായാലും ഒരു കാര്യം ഉറപ്പിച്ചു പറയാം. ഒരു ചതിയാൽ എത്ര ആഴത്തിൽ നിങ്ങൾ മുറിയുന്നുവോ, എത്ര കഷണങ്ങളായി നിങ്ങൾ ചിതറുന്നുവോ അത്രയും അവസരങ്ങളും ഈ ഭൂമി നമുക്കായി ഒരുക്കുന്നുണ്ട്.
അവ കണ്ടെത്തിയവരാണ് ഇന്നു നാം കാണുന്ന എല്ലാ വൻകിട ബിസിനസുകാരും എല്ലാ പണക്കാരും.
പണം മാത്രമല്ലല്ലോ ജീവിത വിജയം. നിങ്ങളുടെ കണ്ണിനു മുന്നിൽ ഏതെല്ലാം മാനദണ്ഡങ്ങളിൽ എന്തെന്തെല്ലാം ജീവിത വിജയം കൈവരിച്ചവരുണ്ടോ അവരെല്ലാം ഒരിക്കൽ ഏതോ ചതിയുടെ, വഞ്ചനയുടെ, നന്ദികേടിന്റെ കൊടും ചുഴിയിൽ വീണു വീണ് കയ്യും കാലും കണ്ണും നഷ്പ്പെട്ടവരാണ്.
നാമത് അറിയുന്നില്ല, അവരത് വെളിപ്പെടുത്തുന്നതുവരെ! മിക്കവരുമത് പറയാറില്ല. അവർ അവരുടെ ജീവിതം തിരിച്ചു പിടിക്കുന്ന തിരക്കുകളിലാണവർ. ഓരോ ചതിയും പിറവികൊടുത്ത മുത്തുകൾ വാരിയെടുക്കുന്ന തിരക്കിലാണവർ. അവർ പോലുമറിയാതെ!

നിങ്ങളും ചതി കൊണ്ടു മുറിഞ്ഞവരാണോ? നിരാശരാവാതെ ഊർജ്ജസ്വലരാകൂ. നിങ്ങളുടെ അവസരം നിങ്ങളുടെ വരവു കാത്ത് എവിടെയോ വിരഹമനുഭവിച്ചു കൊണ്ടിരിക്കുകയാണ്.. ഇതു വെറുമൊരു ഫിലോസഫി പറച്ചിലല്ല. കണ്ണുകളും കാതുകളും തുറന്നു വെക്കൂ, ഇതു സത്യമെന്ന് ഉറപ്പായും ബോധ്യപ്പെടും..ഓരോ ചതിയും നമ്മുടെ മുന്നിൽ തുറന്നിടുന്നത് ഒരായിരം തിരിച്ചറിവുകളാണ്. തിരിച്ചറിവുകളാണ് മാറ്റങ്ങളുടെ മാതാവ്.അങ്ങനെ തിരിച്ചറിവുകൾ നേടിയവരുടെ ജീവിതകഥയുടെ പേരാണ് ഭൂമി.. അതു വെറുമൊരു ഗോളമല്ല..പറയാത്ത, അറിയപ്പെടാത്ത കോടാനുകോടി ചതികളിൽ നിന്നും പുതുജീവൻ കൊണ്ടവരുടെ, നിഷ്കളങ്ക മനസ്സുകളുടെ ഗർഭപാത്രമാണത്.

 

 75 total views,  2 views today

ഇന്ത്യയിലെ ആദ്യത്തെ ബ്ലോഗ് പേപ്പർ & നമ്പർ വൺ സിറ്റിസൺ ജേർണലിസം പോർട്ടൽ.

Advertisement
Entertainment1 hour ago

അധ്യാപകരിൽ ആരെയെങ്കിലും നിങ്ങൾ നന്ദിയോടെ സ്മരിക്കുന്നുവെങ്കിൽ ഈ മൂവി കാണണം

Entertainment5 hours ago

ഐക്യബോധത്തിന്റെ ആവശ്യകതയും മനുഷ്യന്റെ കുടിലതകളും

Entertainment10 hours ago

നിർത്താതെ പെയ്യുന്ന പ്രണയത്തിന്റെ ‘ഇടവപ്പാതി’

Entertainment3 days ago

ആത്മഹത്യ ചെയ്ത പാറുവിന്റെ ഫോണിൽ ആക്സിഡന്റിൽ മരിച്ച അലക്സിന്റെ കാൾ വന്നതെങ്ങനെ ?

Entertainment4 days ago

സത്യത്തിനെന്നും ശരശയ്യ മാത്രമെന്ന് ‘ദൈവമേ തേങ്ങ’ പറയുന്നു

Boolokam5 days ago

ബൂലോകം ടീവി ഫിലിം വെബ്‌സൈറ്റ് വരുന്നു, ഷോർട്ട് ഫിലിം ഫലപ്രഖ്യാപനം ജനുവരി ഒന്നിന്

Entertainment6 days ago

ഓരോ ക്രിമിനലിന്റെ പിന്നിലും കലുഷിതമായ കുടുംബാന്തരീക്ഷത്തിന്റെ ചരിത്രമുണ്ട്

Entertainment6 days ago

ഇര എവിടെയുണ്ടോ അവിടെ ഒരു വേട്ടക്കാരനും ഉണ്ടാകും

Entertainment1 week ago

ആ ഡമ്മിയെ പ്രണയിക്കാൻ വിഷ്ണുവിന് കാരണമുണ്ടായിരുന്നു, പക്ഷെ നിങ്ങൾ അതൊരു കാരണമാക്കരുത് !

Entertainment1 week ago

തൊഴിലില്ലായ്മയെന്ന സാമൂഹിക യാഥാർഥ്യത്തിന്റെ കയ്‌പേറിയ അനുഭവങ്ങളാണ് ‘നീളെ നീളെ’

Entertainment1 week ago

ഇതരൻ, ചൂഷിതരുടെയും പാർശ്വവത്കരിക്കപ്പെട്ടവരുടെയും പ്രതിനിധി

Entertainment1 week ago

നിയന്ത്രണ രേഖയ്ക്കുള്ളിൽ കരഞ്ഞു ജീവിക്കുന്ന സ്ത്രീകളെ ഈ സിനിമ ചേർത്തുപിടിക്കുന്നു

Entertainment3 weeks ago

സാമൂഹ്യ പ്രതിബദ്ധതയുള്ള ‘ആഗ്നേയ’ ശരങ്ങളുമായി പ്രിയ ഷൈൻ

Entertainment1 month ago

സ്വന്തം നഗ്നത വൈറലാകുന്നതിൽ നിന്നും അവളരെ പിന്തിരിപ്പിച്ചത് പ്രേതമോ അതോ മനസോ ?

Entertainment1 month ago

നിങ്ങളെ ഭയപ്പെടുത്തുന്ന ‘എലോൺ’ കർമയുടെ നിശ്ചയദാർഢ്യത്തിന് പിന്നിലെ കഥയാണ്

Entertainment1 month ago

ഒരു കോഴിക്കോടുകാരൻ ഓട്ടോ ഡ്രൈവറുടെ നന്മയുള്ള സൃഷ്ടികൾ

Entertainment2 months ago

രമേശിന്റെ ചെവിയിലെ ആ ‘കിണർ ശബ്‌ദം’ പലർക്കുമുള്ള ഒരു ‘അസ്വസ്ഥ’ സന്ദേശമാണ് !

Entertainment1 month ago

ഈ ഷോർട്ട് ഫിലിം നടന്ന കഥയാണ്, മറ്റാരുടേയുമല്ല ഇതിന്റെ പ്രൊഡ്യൂസറിന്റെ ജീവിതത്തിൽ

Entertainment2 weeks ago

നിങ്ങളുടെ ഉപബോധമനസിന്റെ ശക്തിയെ നിങ്ങൾ തിരിച്ചറിഞ്ഞിട്ടുണ്ടോ ? എങ്കിൽ യെമൻ കാണുക !

Entertainment2 months ago

വ്യക്തമായ രാഷ്ട്രീയം പറയുന്ന ജാതിക്ക… അല്ല ജാതി ക്യാ (?)

Entertainment4 weeks ago

‘മീനിന് സുഗന്ധം തന്നെയാണ് ‘, മരയ്ക്കാൻ ഷോർട്ട് മൂവിയുടെ വിശേഷങ്ങൾ

Entertainment3 weeks ago

അബ്യുസ് പെൺകുട്ടികൾക്കു മാത്രമല്ലെന്ന് ഒഴിവുദിവസത്തെ സംസാരം, അതാണ് രാസലീല ( A )

Entertainment3 weeks ago

‘കിസ്മത്ത് ഓഫ് സേതു’, സേതു കൃത്യം പത്തുമണിക്ക് തന്നെ മരിക്കുമോ ?

Entertainment2 months ago

ഓൺലൈൻ സംവിധാനത്തിന്റെ സാധ്യതകൾ തുറന്നിട്ട ഡേർട്ട് ഡെവിളും സംവിധായകൻ സോമൻ കള്ളിക്കാട്ടും

Advertisement