ടി എ ഷാഹിദിന്റെ കഥയിലെ മാതാപിതാക്കൾ

എഴുതിയത് : Shaju Surendran

ടി എ ഷാഹിദ് “കഥയും തിരക്കഥയും” നിർവഹിച്ച എല്ലാ സിനിമകൾക്കും പൊതുവായിട്ടുള്ള ഒരു വസ്തുത എന്തെന്നാൽ, എല്ലാ ചിത്രങ്ങളിലും നായകൻറെ അച്ഛൻ അല്ലെങ്കിൽ അമ്മ എന്തെങ്കിലും രീതിയിൽ നായകനിട്ടു ഒരു “പണി” കൊടുക്കുന്ന ആളായിരിക്കും. അയാളുടെ ജീവിതത്തിൽ അവർ കൊടുത്ത ആ “പണി” വലിയ രീതിയിൽ സ്വാധീനം ചെലുത്തുന്ന ഒന്നും ആയിരിക്കും.

ബാലേട്ടൻ: – പെട്ടെന്നൊരുദിവസം തനിക്കു മറ്റൊരു ബന്ധത്തിൽ ജാര സന്തതികൾ ഉണ്ടെന്നും അവരെ നോക്കണമെന്നും ബാലേട്ടനോട് പറഞ്ഞ ശേഷം അച്ഛൻ മരിക്കുന്നു. പിന്നീട് ബാലേട്ടന് തറയിൽ നിൽക്കാൻ അവസരം ലഭിച്ചിട്ടില്ല.

മത്സരം: – ഹംസയുടെ ഉമ്മയെ അയാളുടെ അപ്പൻ തൊമ്മിച്ചൻ പിഴപ്പിച്ചു കടന്നു കളഞ്ഞു. അയാളെ മകനായി അംഗീകരിക്കാൻ പണക്കാരനായ തൊമ്മിച്ചൻ തയ്യാറാവുന്നില്ല.

നാട്ടുരാജാവ്‌: – മാസ്സ് നമ്പറുകൾ ഒക്കെ കാണിക്കുമെങ്കിലും, അപ്പൻ പുലിക്കാട്ടിൽ മാത്തച്ചൻ ചെയ്ത് വച്ചിട്ട് പോയ കൊള്ളരുതായ്മകൾക്ക്‌ പ്രായശ്ചിത്തം ചെയ്യാൻ വധിക്കപ്പെട്ടതാണ് പാവം പുലിക്കാട്ടിൽ ചർലിയുടെ ജീവിതം.

മാമ്പഴക്കാലം: – പുരമനയിൽ ചന്ദ്രന്റെ അച്ഛനും കുറെ കടം വരുത്തിവച്ച് കുടുംബ ഭാരം മുഴുവൻ ചന്ദ്രന്റെ തലയിൽ വച്ചിട്ട് ആത്മഹത്യ ചെയ്ത ആളാണ് .

ബെൻ ജോൺസൻ: – ഗുണ്ടയായിരുന്ന അപ്പൻ പിന്നീട് നല്ലവനായി എങ്കിലും ഗുണ്ടയായിരുന്ന കാലത്തെ അനന്തര ഫലങ്ങൾ അനുഭവിച്ചത്‌ മകൻ ജോൺസൺ ആയിരുന്നു.

രാജമാണിക്യം: – നല്ലൊരു കുടുംബ ജീവിതം ലഭിച്ചപ്പോൾ തന്റെ മുൻ ബന്ധത്തിൽ ഉണ്ടായ മകനെ ഉപേക്ഷിച്ചു മറ്റൊരു വിവാഹം കഴിച്ച രാജമാണിക്യത്തിന്റെ അമ്മ മുത്തുലക്ഷ്മി.

കാക്കി: – വില്ലന്മാരായ ബന്ധുക്കളെ സഹായിക്കാതെ ന്യായത്തിന്റെ ഭാഗത്തു നിന്നതിനു നായകൻ ഉണ്ണിയെ കുടുംബത്തിൽ നിന്ന് അടികൊടുത്ത് പുറത്താക്കുന്ന അച്ഛൻ.

അലി ഭായ്: – കുട്ടിക്കാലത്തു ചെയ്യാത്ത കുറ്റത്തിന് നായകനെ നാട്ടുകാരുടെ മുന്നിലിട്ട് തലങ്ങും വിലങ്ങും തല്ലിയ അലിഭായിയുടെ ഉപ്പ. അതിൽ മനംനൊന്ത അലിഭായ് അതോടെ വീടുവിട്ടിറങ്ങുന്നു.

താന്തോന്നി :- എല്ലാപേരെയും മരിച്ചു എന്ന് വിശ്വസിപ്പിച്ചു, ജീവിച്ചിരിക്കുന്ന കാര്യം മകനെ മാത്രം അറിയിച്ചുകൊണ്ട്, അജ്ഞാത വാസം നയിക്കുന്ന ആളാണ് വടക്കൻ വീട്ടിൽ കൊച്ചുകുഞ്ഞിന്റെ അപ്പൻ. ഈ രഹസ്യം ഉള്ളിലിട്ടു നീറി നീറി ജീവിക്കുക എന്നതാണ് കൊച്ചുകുഞ്ഞിന്റെ നിയോഗം.

Leave a Reply
You May Also Like

ഇനിയും ചുരുളരിയാത്ത ഒരുപിടി ചോദ്യങ്ങളുമായി ഒറ്റിലെ ഒറ്റിനായി കാത്തിരിക്കുന്നു

Sarath Kannan വ്യത്യസ്തമായ കഥാപാത്രങ്ങളുടെ തിരഞ്ഞെടുക്കലിലൂടെ വീണ്ടും മലയാള സിനിമയുടെ മുൻനിര താരനിരയിലേക്ക് കടന്നുവരുകയാണ് കുഞ്ചാക്കോ…

“സ്വീറ്റ് ബീൻ” എന്ന ജാപ്പനീസ് സിനിമ കണ്ടാൽ ഒരു പാചകക്കാരൻ ആകാൻ ഉള്ളിൽ നമ്മളറിയാതെ ഒരാഗ്രഹം മുളയ്ക്കും

സ്വീറ്റ് ബീൻ Balachandran Chirammal ഭക്ഷണവുമായി ബന്ധപ്പെട്ട സിനിമകൾ എനിക്ക് പ്രിയപ്പെട്ടവയാണ്. ഒരു പക്ഷെ നിങ്ങൾക്കും…

ഡൽഹിയിലെ ലവ്കുഷ് മൈതാനിയിൽ രാവണനെ ചുട്ടെരിക്കുന്ന ആദ്യ ഇന്ത്യൻ വനിതയായി കങ്കണ

ഒക്‌ടോബർ 24 ചൊവ്വാഴ്‌ച രാജ്യത്തുടനീളം വിജയദശമി ഉത്സവം ആഘോഷിച്ചു . വിജയദശമി ദിനത്തിൽ രാവണന്റെ കോലം…

‘ഒരു യൂണിവേഴ്‌സൽ തീം ഉള്ള സിനിമയാണ് ഫാസിൽ സംവിധാനം ചെയ്ത മാനത്തെ വെള്ളിത്തേര്’, കുറിപ്പ്

Hiran N ഒരു യൂണിവേഴ്‌സൽ തീം ഉള്ള സിനിമയായാണ് ഫാസിൽ സർ സംവിധാനം ചെയ്ത മാനത്തെ…