Connect with us

Literature

തൊണ്ണൂറിന്റെ ഒരു വരൾച്ചയിലേക്കായിരുന്നു ഈ കവിയുടെ വരവും

ഒരു കവിതയായാലും, നോവലായാലും, ചെറുകഥയായാലും അതെഴുതിക്കഴിഞ്ഞാൽ ഒരു പൂർണ്ണ സൃഷ്ടിയായി. പൂർണ്ണസർഗസൃഷ്ടി തന്നെ. എന്നാൽ ചലച്ചിത്രങ്ങൾക്ക് വേണ്ടി എഴുതുന്ന പാട്ടുകൾ എഴുതി കഴിഞ്ഞാൽ

 89 total views

Published

on

ഗിരീഷ് വർമ്മ ബാലുശ്ശേരി

പാട്ടിന്റെ പെരുമഴക്കാലം

ഒരു കവിതയായാലും, നോവലായാലും, ചെറുകഥയായാലും അതെഴുതിക്കഴിഞ്ഞാൽ ഒരു പൂർണ്ണ സൃഷ്ടിയായി. പൂർണ്ണസർഗസൃഷ്ടി തന്നെ. എന്നാൽ ചലച്ചിത്രങ്ങൾക്ക് വേണ്ടി എഴുതുന്ന പാട്ടുകൾ എഴുതി കഴിഞ്ഞാൽ അത് പൂർണ്ണത നേടുന്നില്ല . അത് പിന്നെ മറ്റൊരാളുടെ ഭാവനകളിലൂടെ, സംഗീതം ചേർക്കുന്നതിലൂടെ പുതിയൊരു സൃഷ്ടി ആയി മാറുന്നു . അപ്പോഴും അപൂർണമായി തന്നെ നിലകൊള്ളുന്നു. ഒരു ഗായികയുടെയോ, ഗായകന്റെയോ ശബ്ദത്തിലൂടെയേ അതിന്റെ ശരിയായ രൂപത്തിൽ ആവിഷ്കരിക്കപ്പെടുന്നുള്ളൂ…

അതൊക്കെയാണെങ്കിലും പാട്ടെഴുത്തിൽ തന്നെ കവിതാംശം ഏറെ കലർന്ന ഗാനങ്ങൾ ഇവിടെ പിറവിയെടുത്തിട്ടുണ്ട്. അതിനുചിതമായ സംഗീതം മേമ്പൊടിയായി ഉൾച്ചേർന്നു വരുമ്പോൾ അതൊരപൂർവ സൃഷ്ടിയായി മാറ്റപ്പെടുന്നു. അത്തരത്തിൽ ഈണമിട്ട കവിതകളായി ചലച്ചിത്രഗാനങ്ങളിലും കുറച്ചേറെയുണ്ട്. തൊണ്ണൂറിനു മുൻപൊക്കെ കവികൾ പാട്ടെഴുത്തുകാരായി നിരന്ന കാലഘട്ടങ്ങളിൽ …
തൊണ്ണൂറിന്റെ ഒരു വരൾച്ചയിലേക്കായിരുന്നു അത്തരമൊരു കവിയുടെ വരവും. ശ്രീ റഫീഖ് അഹമ്മദ്. അതും ഒരു കവിത തന്നെ നമുക്കേകിക്കൊണ്ടും . സംഗീതം ചെയ്യാൻ ഒരു ഗസൽ സാമ്രാട്ടിനെയും! ഉണർവിന്റെ സംഗീതമായി നമ്മിലേക്ക്‌ പെയ്തിറങ്ങിയ ഹിന്ദുസ്ഥാനി ജോഗ് രാഗം ! ” പറയാൻ മറന്ന പരിഭവങ്ങൾ ” ഗർഷോം എന്ന പി ടി കുഞ്ഞുമുഹമ്മദ് ചിത്രം .

വിരഹത്തിന്റെ തീവ്രഭാവം വരികളിൽ പിടഞ്ഞുണരുന്നത് ബാബുരാജിന്റെ ഈണങ്ങളിലൂടെ അറിഞ്ഞനുഭവിച്ചിട്ടുണ്ടെങ്കിലും രമേശ് നാരായണന്റെ ഈണസമൃദ്ധി അനുഭവവേദ്യമാകാനിരിക്കുന്നതെ ഉണ്ടായിരുന്നുള്ളൂ അന്ന് …! ഓരോ വരികളിലും വിങ്ങുന്ന വിധുര സുസ്മിതങ്ങൾ ! റഫീഖ് എന്ന നവാഗതന് കിട്ടിയ ഗംഭീര വരവേൽപ് തന്നെയായിരുന്നു ഈ ഗാനം .
തുടർന്നുള്ള യാത്രയിലും തുടക്കത്തിൽ കനമുള്ള ചിത്രങ്ങളും അതിന് ഒരു കാവ്യഭാവനയ്ക്ക് വേണ്ടും വണ്ണം പുഷ്ടിപ്പെടുത്താവുന്ന ഗാനങ്ങളും ഉണ്ടായി.

വിരഹത്തിന്റെ മറ്റൊരു ഭാവം , എന്നാൽ തീവ്രതയ്ക്കൊരു അരയ്ക്കിട്ടുറപ്പിക്കൽ ! അങ്ങിനെയൊക്കെ പറയാവുന്ന തരത്തിൽ ഒരു എം ജയചന്ദ്രൻ ഗാനം. പെരുമഴക്കാലം എന്ന കമൽ ചിത്രത്തിലെ ഒരു ഗാനം. “രാക്കിളി തൻ വഴി മറയും … നോവിൻ പെരുമഴക്കാലം ” ആളുന്ന സങ്കടങ്ങളിലേക്ക് പെരുമഴയുടെ കൂട്ടും. മഴക്കാലം കൊണ്ടുവരുന്ന തടസ്സങ്ങളുടെ കണ്ടെടുപ്പുകൾ ഉണ്ട് പാട്ടിൽ നീളെ . രാക്കിളിയുടെ വഴി മറച്ചും, കാത്തിരിപ്പിൻ തിരി നനച്ചും വരുന്ന ഈറൻ പെരുമഴക്കാലം. വരില്ലെന്ന് ഉറപ്പുള്ള ഒരാളുടെ കാൽപ്പെരുമാറ്റം പോലും മഴശബ്ദത്തിൽ അലിഞ്ഞു പോവുമോ എന്ന ഭയവും ..ഓർമ്മകളുടെ ലോലകരങ്ങൾ പുണർന്നു കൊണ്ട് ആർത്തലച്ച് ….. മറ്റൊരു ഗസൽ രാഗം . എം ജയചന്ദ്രന്റെയും , സുജാതയുടെയും ശബ്ദത്തിൽ വെവ്വേറെ സോളോ ..ഗംഭീരമായ ഒരു തുടർച്ചയിലൂടെ കവിയുടെ സഞ്ചാരം തുടർന്നു .

Advertisement

പി ടി കുഞ്ഞുമുഹമ്മദിന്റെ അടുത്ത ചിത്രത്തിലും ഇദ്ദേഹം തന്നെ. പരദേശി . ” തട്ടം പിടിച്ചു വലിക്കല്ലേ , മൈലാഞ്ചി ചെടിയേ ” എന്ന അതി സുന്ദരമായ ശബ്ദത്തിൽ സുജാതയുടെ ഗീതം . മൈലാഞ്ചി ചെടിയോടു കൊഞ്ചുന്ന പ്രണയിനിയുടെ ലാളനകൾ നിറഞ്ഞ ഗാനം. രമേശ് നാരായണോടൊപ്പം , ഗസൽ ഗായകൻ ഷഹബാസ് അമനും കൂടെ ഈണം ചേർത്തപ്പോൾ അതിമധുരം കൊണ്ട് കണ്ണടഞ്ഞു പോയി പാട്ടാസ്വാദകർ .

ഉപകരണസംഗീതത്തിന്റെ അകമ്പടിയില്ലാതെ , ഒട്ടും തട്ടും തടവുമില്ലാതെ പാട്ടിന്റെ കുഞ്ഞൊഴുക്ക് ! മുസ്ളീം പശ്ചാത്തലത്തിലുള്ള കഥാരചനയ്ക്ക് ഇമ്പമേറിയ വരികൾ കോർത്തു നൽകി റഫീഖ് അഹമ്മദ് . ഗർഷോം, പെരുമഴക്കാലം, പരദേശി എന്നിവ അദ്ദേഹത്തിന് ആദ്യനാളുകളിൽ ഏറെ ഊർജം നല്കിയിട്ടുണ്ടാവും എന്നുറപ്പുണ്ട്. ആ ഒരു നല്ല തുടക്കം തന്നെയാണ് റഫീഖ് വരികളുടെ പിന്നീടത്തെ ഇവിടുത്തെ നിലനിൽപ്പിനും ഒരു തുടർച്ച നൽകിയത് . റഫീഖ് വരികളുടെ ആത്മാംശം കണ്ടെത്തിയവരിൽ പ്രമുഖർ ശ്രീ രമേശ് നാരായണും, എം ജയചന്ദ്രനും ആണ്. പാട്ടിനെ കവിതയിൽ തളച്ചിടാതെയും , കവിതയുടെ കരുത്ത് ചോരാതെയും കാത്തു സൂക്ഷിച്ചവർ .പിന്നീട് വന്നവരിൽ പുതുക്കക്കാരിൽ അത് നിലനിർത്താൻ ശ്രീ ഗോപി സുന്ദറിന് കഴിഞ്ഞിട്ടുണ്ട്.

ശ്രീവത്സൻ ജെ മേനോൻ ലാപ്ടോപ്പ് എന്ന ചലച്ചിത്രത്തിന് നൽകിയ ഈണങ്ങൾ റഫീഖ് അഹമ്മദിന് മറ്റൊരു തലം കൊണ്ടുവന്നു. കണ്ണ് നിറയുന്ന സംഗീതം എന്നൊക്കെ ഒറ്റവാക്കിൽ പറയുമ്പോൾ അതിന്റെ ആഴം മനസ്സിലാക്കണം. കണ്ണ് നിറഞ്ഞിട്ട് പിന്നെ വാക്കുകളില്ലാതെ ആവുകയാണ്. ” ജലശയ്യയിൽ കുളിരമ്പിളി ” എന്ന ഗാനം . ഒരമ്മയുടെ മനസ്സിന്റെ വേവലാതികൾ , സ്നേഹ സ്പർശങ്ങൾ നിറഞ്ഞ ഗാനം. പല വരികളിലും വല്ലാതെ പിടഞ്ഞുപോവും. പല്ലവിയിലെ വാത്സല്യത്തിന്റെ ആ സൂക്ഷ്മത നമ്മെ തെല്ലല്ല സുഖിപ്പിക്കുന്നത്. പിന്നീടുള്ള ഓരോ വരികളിലും അവന്റെ വളർച്ചയിലെ നിഴലായി തുടരുന്നത് … ചിത്രീകരണത്തിൽ മാത്രം ചെറിയ കല്ലുകടി തോന്നി. ഗാനചിത്രീകരണം നന്നായെങ്കിലും കന്നത്തിൽ മുത്തമിട്ടാൽ എന്ന തമിഴ് ചിത്രത്തിലെ അത്യപൂർവ സീൻ അനുകരിക്കാൻ ശ്രമിച്ചതായി തോന്നും.. അതിന്റെ പരിസരത്തു പോലും എത്തിയില്ലെങ്കിലും … അതൊന്നും സാരമില്ല . പാട്ടിന്റെ മാധുര്യത്തിൽ സീൻ നമ്മൾ കണ്ടിട്ടില്ലല്ലോ!

“മെയ്മാസമേ … നിൻ നെഞ്ചിലേ ” എന്ന അമൽ ആന്റണി ഗാനവും ഇതേ പോലെ നെഞ്ചുരുക്കുന്നത് .
റഫീഖ് അഹമ്മദിന്റെ കാവ്യസമ്പത്ത് തിരിച്ചറിഞ്ഞിട്ടുള്ള മറ്റു ചിലരെ കൂടി ഒന്ന് തിരഞ്ഞുപോവാം …
ശരത് സംഗീതത്തിലെ അത്ര പ്രധാനമല്ലാത്ത ഒരു ഭാഗമാണ് തിരക്കഥയിലെ ഗാനങ്ങൾ. ശരത് ഗാനങ്ങളുടെ ആ ഭാവതീവ്രത ഇതിലെ പാട്ടുകൾക്ക് കിട്ടിയതായി തോന്നിയിട്ടില്ല. എങ്കിലും
” പാലപ്പൂവിതളിൽ , വെണ്ണിലാപ്പുഴയിൽ ” എന്ന ഗാനത്തിൽ അദ്ദേഹം കുറച്ചു ശ്രദ്ധിച്ചെന്നുതോന്നുന്നു!
മോഹൻ സിതാരയുടെ ശാന്ത സംഗീതം ഏറെ ഗുണപ്രദമായി സൂഫി പറഞ്ഞ കഥയിലെ ഗാനങ്ങൾക്ക്. തീവ്രമായ ഒരു കഥാതന്തു പേറുന്ന സിനിമ ആണെങ്കിലും മൃദുലമായ ഗാനങ്ങളാണിതിൽ . ” തെക്കിനി കോലായ ചുമരിൽ ” എന്ന ചിത്രഗാനം ചിത്രത്തിൽ ഇഴചേർന്നു പോവുന്നത്.
പുതുകാല സംഗീതജ്ഞരിൽ പ്രമുഖനായ ശ്രീ ഗോപി സുന്ദർ ഇദ്ദേഹത്തിന്റെ വരികളുടെ ആത്മാവ് തൊട്ടറിഞ്ഞ മറ്റൊരു
ഈണകർത്താവ് . അൻവർ എന്ന ചിത്രത്തിലെ ” കിഴക്കു പൂക്കും മുരിക്കിനെന്തൊരു ” എന്ന ശ്രേയ ഘോഷാലും സംഘവും ആലപിച്ച ഗാനത്തിൽ പുതിയ കാല സംഗീതത്തിന്റെ ഒരു വഴിമാറ്റവും ദർശിക്കാം.. ഹൌ ഓൾഡ് ആർ യു എന്നതിലെ ” വിജനതയിൽ …..” എന്ന ഗാനം നൽകിയ അനുഭൂതി ഒന്ന് വേറെ ആണ്. ജീവിതത്തിൽ പിന്തള്ളപ്പെട്ടു, തോൽപ്പിക്കപ്പെട്ടു എന്ന് തോന്നുന്നവർക്ക് ജീവനാളത്തിന്റെ ഒരു തിരി കത്തിച്ചു നൽകുന്ന വരികളും , ഈണവും. മുന്നേറാൻ കരുത്തേകുന്ന എന്തോ ഒന്നുണ്ട് ഈ ഗാനത്തിൽ…ശ്രേയാഘോഷാലിന്റെ ശ്രുതി മധുരം. ഗോപീ സുന്ദർ മധുരം തുടരുന്നുണ്ട്….
കാടണിയും കാൽചിലമ്പേ ,…. ( പുലിമുരുകൻ )
പാൽത്തിര പാടും …. ( ക്യാപ്റ്റൻ )

യെരുശലോം നായകാ എന്ന അബ്രഹാമിന്റെ സന്തതികളിലെ ഗാനം വേറിട്ട ഒരനുഭവമാണ്.
നീ മുകിലോ എന്ന ഉയരെയിലെ ഗാനത്തിലും ഹൌ ഓൾഡ് ആർ യുവിലെ അതെ ഭാവം നിഴലിക്കുന്നുണ്ട്.
രമേശ് നാരായൺ ഈണം വീണ്ടും റഫീഖ് വരികളെ തേടി വന്നിരുന്നു. വീരപുത്രനിലെ ” കണ്ണോടു കണ്ണോരം നോക്കിയിരുന്നാലും ” എന്ന ഗാനം ശ്രേയ ഘോഷാൽ തന്റെ പതിവ് ശ്രദ്ധയോടെ ആലപിച്ചത്. നിർവൃതിയുടെ കാണാക്കയങ്ങളിൽ മുങ്ങുന്ന അനുഭവം.
മക്കാമദീനത്തിൽ …..( ആദാമിന്റെ മകൻ അബു ) രമേശിന്റെ മറ്റൊരു സൃഷ്ഠി .
എം ജയചന്ദ്രന്റെ മറ്റ് ഈണമാധുര്യം നുണയാം..

Advertisement

സത്യസന്ധമായ പ്രണയത്തിന്റെ നാൾവഴികൾ കണ്ടമ്പരന്ന സിനിമയാണ് എന്ന് നിന്റെ മൊയ്തീൻ. അത്തരം സിനിമകളിൽ പാട്ടുകൾക്ക് ഏറെ പ്രാധാന്യമുണ്ട്. അതി ശക്തമായ കഥാ തന്തുവിൽ മെനഞ്ഞെടുത്ത സിനിമയിൽ ദുർബലമായ ഗാനങ്ങൾ വന്നാൽ അത് സിനിമയെ തന്നെ ബാധിച്ചിരിക്കും. എന്നാൽ ” കാത്തിരുന്ന് കാത്തിരുന്ന് ….” എന്ന ഗാനം കഥസന്ദർഭങ്ങളെ മൊത്തം ആവാഹിച്ചെടുക്കുന്നു ആ സീനോടുകൂടി . അതുണ്ടാക്കിയെടുക്കുന്നതിൽ ഗാനരചയിതാവും, സംഗീതജ്ഞനും ഒരുക്കിയെടുത്തതെന്തോ അതാണ് ഒരു സിനിമയ്ക്ക് വേണ്ടതും! ” കണ്ണോടു ചൊല്ലണ് ” എന്ന ഗാനവും അതെ ഭാവം നിലനിർത്തുന്നത്…
മാധവിക്കുട്ടിയുടെ ജീവിതം അഭ്രപാളിയിൽ പകർത്തിയ കമൽ ചിത്രം ആണ് ” ആമി ” .
” നീർമാതളപ്പൂവിനുള്ളിൽ ”
“പ്രണയമയീ രാധ ”
ഇവ രണ്ടും ചിത്രത്തിന്റെ പ്രോജ്വലതയ്ക്കു ചേർന്ന തരത്തിൽ എഴുതപ്പെട്ടത്. മാധവിക്കുട്ടിയുടെ മനസ്സിന്റെ അകങ്ങളിലൂടെ ഒരു റഫീഖ് മുഹമ്മദ് സഞ്ചാരം തന്നെ..
ഒടിയൻ എന്ന ചിത്രം കാഴ്ച്ചയിൽ അത്ര സുന്ദരമായില്ലെങ്കിലും ഗാനങ്ങൾ വേറിട്ട് നിന്നു .
“: കൊണ്ടൊരാം .. കൊണ്ടോരാം ”
” മാനം തുടിക്കണ് “…..
നിറയെ സംഗീത സംവിധായകരാൽ ആശ്ലേഷിക്കപ്പെട്ട വരികൾ എഴുതപ്പെട്ടിട്ടുണ്ട്. എത്ര പേരതിനെ മനസ്സറിഞ്ഞു കൊണ്ടാശ്ലേഷിച്ചു !!!!
സ്പിരിറ്റ് എന്ന ചിത്രം ജനസമൂഹത്തിനു നൽകിയ ഒരു തിരിച്ചറിവുണ്ട്. ആഘോഷിക്കപ്പെടുന്ന ജീവിതങ്ങളുടെ ആ തിരിച്ചറിവുകൾ പ്രേക്ഷകരിലും ചലനങ്ങൾ സൃഷിടിച്ചിരുന്നു. അതിലെ എല്ലാ ഗാനങ്ങളും കവിതകൾ തന്നെയായിരുന്നു. ഷഹബാസ് അമൻ സ്വതന്ത്ര സംഗീത സംവിധായകനായി ചെയ്ത പാട്ടുകൾ.
മരണമെത്തുന്ന നേരത്ത് അരികിലിരിക്കാൻ അഭ്യർത്ഥിക്കുന്ന ഒരുവന്റെ സങ്കടങ്ങൾ . അവസാനത്തെ നിന്റെ സാമീപ്യം മാത്രം മതി ശരീരം തണുത്തവസാനം മണ്ണിലടങ്ങി വീണ്ടുമൊരു പുൽക്കൊടിയായുയരുവാൻ …. മരണത്തിന്റെ വിഹ്വലതയും , നിസ്സഹായതയും നിഴലിക്കുന്ന ഗാനം.
മഴയും പ്രണയവും ഇഴചേർന്നു പോകുന്ന മറ്റൊരു ഗാനം ….
” മഴകൊണ്ട് മാത്രം മുളയ്ക്കുന്ന ”
നൽകാനുള്ളതെല്ലാം നല്കാനാവാതെ പിരിഞ്ഞുപോവുന്ന പ്രണയിതാക്കൾക്കു വേണ്ടിയും ഈ ഗാനം സമർപ്പിക്കുന്നു.
ഒരു വേലപ്പുഴയിൽ ( പ്രണയകാലം )
വേനൽക്കാറ്റിൽ പൂക്കൾ പോലെ ( ഋതു )
പുലരുമോ രാവൊഴിയുമോ ( ഋതു )
നാട്ടുവഴിയോരത്തെ ( ഗദ്ദാമ )
പ്രേമിക്കുമ്പോൾ നീയും ഞാനും ( സാൾട് ആൻഡ് പെപ്പർ )
ആവണിത്തുമ്പീ ( സ്‌നേഹവീട് )
ശലഭമഴ പെയ്യുമീ ( നിദ്ര )
വിജനസുരഭീ ( ബാച്ചിലർ പാർട്ടി )
ആറ്റുമണൽപ്പായയിൽ ( റൺ ബേബി റൺ)
മലർവാകക്കൊമ്പത്ത് ( എന്നും എപ്പോഴും )
കണ്ണിലെ പൊയ്കയില് ( തൊണ്ടിമുതലും ദൃക്‌സാക്ഷിയും )
നോക്കി നോക്കി ( ജോമോന്റെ സുവിശേഷങ്ങൾ )
അത്തിമരക്കൊമ്പിനെ ( മുന്തിരി വള്ളികൾ തളിർക്കുമ്പോൾ )
എന്നീ ഗാനങ്ങളൂം ഇഷ്ടങ്ങൾ ചേർത്തു പോവുമ്പോൾ നമ്മെ പിന്തുടരും. റഫീഖ് മുഹമ്മദിന്റെ വരികളോട് നീതി പുലർത്തിയെന്നു കരുതുന്ന ഗാനങ്ങളാണിവ.
ഇനിയുമേറെ ഗാനങ്ങളുണ്ട് . എങ്കിലും മനസ്സിൽ എന്നും നിലനിൽക്കുന്നു എന്ന് തോന്നുന്നവ മാത്രം എടുത്തെഴുതി.
ഇനിയുമെഴുതട്ടെ ….
ഈണമിട്ട് കേൾക്കാൻ ഇവിടെ ഞങ്ങളുമുണ്ട്….

 90 total views,  1 views today

Advertisement
cinema1 day ago

ജെയിംസിന്റെ മരണം (എന്റെ ആൽബം- 14)

Entertainment1 day ago

യാഥാസ്ഥിതികതയുടെ കണ്ണാടികളെ തച്ചുടയ്ക്കുന്ന ഛായാമുഖി

cinema2 days ago

മീണ്ടും ഒരു കാതൽ കതൈ (എന്റെ ആൽബം- 13)

cinema3 days ago

ബ്യുട്ടിപാലസ് ഷൂട്ടിംഗിനിടെ രസകരമായ ഒരു സംഭവം (എന്റെ ആൽബം- 12)

cinema4 days ago

ബ്യൂട്ടി പാലസും അഭിപ്രായ വ്യത്യാസങ്ങളും (എന്റെ ആൽബം- 11)

Entertainment4 days ago

നിങ്ങളുടെ വർത്തമാനകാലത്തെ വേട്ടയാടാൻ ‘ഭൂതകാലം’

cinema5 days ago

ബ്യൂട്ടി പാലസ് (എന്റെ ആൽബം- 10)

Uncategorized6 days ago

ബാലുസാറിനെ സ്ഥിരമായി കാണാറുള്ള കാലം (എന്റെ ആൽബം- 9)

cinema7 days ago

രാധികാ തിലക് (എന്റെ ആൽബം – 8 )

cinema1 week ago

മൗനദാഹം (എന്റെ ആൽബം- 7)

cinema1 week ago

നമുക്ക് പാർക്കാൻ മുന്തിരിത്തോപ്പുകൾ (എന്റെ ആൽബം -6)

cinema1 week ago

ജയറാമിന്റെ വളർച്ച (എന്റെ ആൽബം -5 )

Boolokam1 month ago

ആരുംപറയാത്ത പുരുഷ വേശ്യകളുടെ കഥയുമായി ‘ജിഗോള’

Entertainment4 weeks ago

ഏവരും കാത്തിരുന്ന ബൂലോകം ടീവി അവാർഡുകൾ പ്രഖ്യാപിച്ചു

Entertainment1 month ago

ആതുരസേവനവും സിനിമയും, അഭിമുഖം : ഡോക്ടർ ജിസ് തോമസ്

Boolokam2 months ago

വിവേകാനന്ദൻ പറഞ്ഞതു തന്നെയാണ് ‘കാലമാടൻ’ പറയുന്നതും

Entertainment2 months ago

ജീവിതം അവസാനിക്കുമ്പോഴല്ല, ജീവിക്കുമ്പോഴാണ് ചിന്തിക്കേണ്ടതെന്നു ‘പൂജ്യം’ പറയുന്നു

Entertainment1 month ago

ചലനമറ്റ വാളും ചിലമ്പും പിന്നെ കോമരവും

Boolokam1 month ago

വിനോദത്തിന്റെ കലവറയായി ബൂലോകം ടീവീ വെബ് ആപ്പ് പ്രവർത്തനക്ഷമം ആയിരിക്കുന്നു

Entertainment4 weeks ago

മികച്ച സംവിധാനത്തിനുള്ള അവാർഡ്, മൂന്നു വ്യത്യസ്തമായ സബ്‌ജക്റ്റുകൾ

Entertainment2 months ago

അടിച്ചുപൊളി ഞായർ ദീപുവിന് തല്ലിപ്പൊളി ഞായർ ആയതെങ്ങനെയാണ് ?

Entertainment4 weeks ago

സണ്ണിചാക്കോ, സാമൂഹിക പ്രതിബദ്ധതയിൽ ഊന്നിയ ബിസിനസും കലയും

Entertainment4 weeks ago

ഐശ്യര്യയുടെ കരച്ചിൽ നമ്മുടെ ഉച്ചിയിൽ മിന്നൽപ്പിണറുകൾ ആയി പതിക്കാതിരിക്കട്ടെ

Entertainment2 months ago

നിങ്ങൾ ഏതെങ്കിലും നിയമലംഘനം നടത്തിയിട്ടുണ്ടെങ്കിൽ ഈ ഷോർട്ട് മൂവി കാണണം

Advertisement