സൂപ്പർമാൻ എന്ന കഥാപാത്രത്തെ സ്‌ക്രീനിൽ നിരവധി അഭിനേതാക്കൾ അവതരിപ്പിച്ചിട്ടുണ്ടെങ്കിലും, ഹെൻറി കാവിലിനെപ്പോലെ മറ്റാർക്കും ഈ സൂപ്പർഹീറോ കഥാപാത്രവുമായി ഇഴുകിച്ചേരാൻ കഴിഞ്ഞില്ല. മാൻ ഓഫ് സ്റ്റീൽ എന്ന പേരിലാണ് അദ്ദേഹം എപ്പോഴും ഓർമ്മിക്കപ്പെടുന്നത്, എന്നാൽ അദ്ദേഹം സൂപ്പർമാനായി മടങ്ങിവരില്ല എന്നറിയുമ്പോൾ ഹെൻറി ആരാധകർ ഞെട്ടിയേക്കാം. ഒരു സോഷ്യൽ മീഡിയ പോസ്റ്റിലൂടെ ഹെൻറി തന്നെ ഈ പ്രഹരം നൽകി, അതിനുശേഷം അദ്ദേഹത്തിന്റെ ആരാധകർ നിരാശയിലാണ് . ഹെൻറിയും വളരെ വികാരാധീനനാകുകയാണ് ഇക്കാര്യത്തിൽ
ജെയിംസ് ഗണ്ണും പീറ്റർ സഫ്രോണുമായി കൂടിക്കാഴ്ച നടത്തിയ ശേഷം സോഷ്യൽ മീഡിയയിൽ ഒരു കുറിപ്പ് എഴുതി ഹെൻറി ഇക്കാര്യം അറിയിച്ചു. അദ്ദേഹം എഴുതി – എല്ലാവർക്കും ദുഃഖകരമായ വാർത്തയുണ്ട്. ഞാൻ സൂപ്പർമാൻ ആയി മടങ്ങിവരില്ല.. ഒക്ടോബറിൽ സ്റ്റുഡിയോ മടങ്ങിവരവ് പ്രഖ്യാപിച്ചു എങ്കിലും അതത്ര എളുപ്പമല്ല ,അതാണ് ജീവിതം. ഉത്തരവാദിത്തങ്ങൾ ഇടയ്ക്കിടെ മാറുന്നു. ഞാൻ അതിനെ ബഹുമാനിക്കുന്നു.
ജെയിംസിനും പീറ്ററിനും ഒരു പ്രപഞ്ചം സൃഷ്ടിക്കേണ്ടതുണ്ട്. അദ്ദേഹത്തിനും ഈ പുതിയ പ്രപഞ്ചത്തിനായുള്ള ഒരുക്കങ്ങളുമായി ബന്ധപ്പെട്ട എല്ലാവർക്കും ഞാൻ ആശംസകൾ നേരുന്നു. വർഷങ്ങളായി എന്നോടൊപ്പം നിന്ന എല്ലാവരോടും, നമുക്ക് അൽപ്പം സങ്കടപ്പെടാം, പക്ഷേ നമ്മൾ ഓർക്കണം, സൂപ്പർമാൻ ഇപ്പോഴും അവിടെയുണ്ട്. അവൻ എന്തിനുവേണ്ടി നിലകൊള്ളുന്നുവോ അത് ഇപ്പോഴും നിലനിൽക്കുന്നു, അദ്ദേഹം സ്ഥാപിച്ച മാതൃകകൾ ഇപ്പോഴും അവിടെയുണ്ട്. ആ വസ്ത്രം ധരിച്ച എന്റെ സമയം കടന്നു പോയി, എന്നാൽ സൂപ്പർമാൻ എന്നതിന്റെ അർത്ഥം ഒരിക്കലും ഇല്ലാതാകില്ല . നിങ്ങളോടൊപ്പം ഇപ്പോഴും സൂപ്പമാൻ സഞ്ചരിച്ചുകൊണ്ടേയിരിക്കും
View this post on Instagram
കുറച്ച് ദിവസങ്ങൾക്ക് മുമ്പ്, ബ്ലാക്ക് ആദം റിലീസിംഗിനിടെ, ചിത്രത്തിന്റെ അടുത്ത ഭാഗത്തിൽ ഹെൻറി കാവിൽ സൂപ്പർമാനായി തിരിച്ചെത്തുമെന്ന് ഡ്വെയ്ൻ ജോൺസൺ അറിയിച്ചു. ഡിസി എക്സ്റ്റെൻഡഡ് യൂണിവേഴ്സിന്റെ ഭാഗമായിരിക്കും ചിത്രം. സോഷ്യൽ മീഡിയയിലൂടെ ഈ ഐതിഹാസിക കഥാപാത്രത്തിന്റെ തിരിച്ചുവരവിൽ ഹെൻറി തന്നെ സന്തോഷം പ്രകടിപ്പിച്ചു.
2013-ൽ പുറത്തിറങ്ങിയ മാൻ ഓഫ് സ്റ്റീൽ എന്ന ചിത്രത്തിലാണ് ഹെൻറി ആദ്യമായി സൂപ്പർമാൻ ആയത്. ഡിസി യൂണിവേഴ്‌സിലെ ആദ്യ ചിത്രവും സൂപ്പർഹീറോയുടെ റീബൂട്ട് ചിത്രവുമായിരുന്നു ഇത്. ബാറ്റ്മാൻ Vs സൂപ്പർമാൻ, ജസ്റ്റിസ് ലീഗ് എന്നിവയിൽ അദ്ദേഹം ഈ കഥാപാത്രത്തെ അവതരിപ്പിച്ചു.
എന്നാൽ ഇപ്പോൾ ഹെൻ‌റിയുടെ ഈ പ്രഖ്യാപനത്തിൽ അദ്ദേഹത്തിന്റെ ആരാധകരും നിരാശരാണ്, ഒപ്പം അഭിപ്രായങ്ങളിലൂടെ അവരുടെ വികാരങ്ങൾ പ്രകടിപ്പിക്കുകയും ചെയ്യുന്നു. നിങ്ങൾ ഞങ്ങളുടെ സൂപ്പർമാനായി തുടരണമെന്ന് ഒരു ആരാധകൻ എഴുതി. നിരവധിപേര് ഹെൻറിയോട് അഭ്യർത്ഥനകളും നടത്തി. ഇപ്പോൾ എനിക്ക് താങ്കളല്ലാത്ത സൂപ്പർമാനുമായി ഒരു ബന്ധവുമില്ലെന്ന് പ്രകോപിതനായ ഒരു ആരാധകൻ എഴുതി.
