കാട്ടിൽ സിംഹവും ,കടുവയും, പുലിയും തമ്മിൽ ഏറ്റുമുട്ടിയാൽ ആര് ജയിക്കും? ചീറ്റ, ജഗ്വാർ, പുലി എന്നിവ എല്ലാം ഒരേ ജീവി ആണോ ?

അറിവ് തേടുന്ന പാവം പ്രവാസി

കാട്ടിലെ ഏറ്റവും ശക്തനായ മൃഗം ആരാണ്? എന്ന ചോദ്യത്തിന് സിംഹം എന്നാവും ഉത്തരം. അപ്പോൾ കടുവയോ???ലോകത്തെ ഏറ്റവും വൻശക്തി രാഷ്ട്രം റഷ്യയോ , അമേരിക്കയോ എന്ന് ചോദിക്കും പോലെയാണ് ഈ ചോദ്യവും .റഷ്യയും ,അമേരിക്കയും തമ്മിൽ നേരിട്ട് ഏറ്റുമുട്ടിയാലേ അവരിൽ ആരാണ് കേമനെന്ന് നമുക്ക് പറയാൻ പറ്റൂ. പക്ഷേ ആ ഏറ്റുമുട്ടൽ കഴിയുമ്പോൾ ജേതാവിനെ തിരഞ്ഞെടുക്കാൻ ഭൂമുഖത്ത് ആരെങ്കിലും ശേഷിക്കുകയും വേണം.

ഇതേപോലെയുള്ളൊരു ചോദ്യമാണ് കടുവയോ, സിംഹമോ ആരാണ് കേമനെന്ന ചോദ്യവും. ചരിത്രാതീത കാലം മുതൽ റോമാ ചക്രവർത്തിമാരുൾപ്പെടെ പലരുടേയും ഒരു ഹോബിയായിരുന്നു ആഫ്രിക്കൻ ലയണിനേയും , ബംഗാൾ ടൈഗറിനേയും പരസ്പരം പോരടിപ്പിക്കുക എന്നത്. ഇത്തരം പോരാട്ടങ്ങളിൽ ഏറിയ പങ്കും കടുവകൾ സിംഹത്തെ കൊന്നു കളയുകയായിരുന്നു. സിംഹം ആനയെ കൊല്ലും. കാട്ടുപോത്ത്, കാണ്ടാമൃഗം, ഹിപ്പോ തുടങ്ങിയവൻമ്മാരേയും ഇരയാക്കും. പക്ഷേ സിംഹങ്ങൾ അതെല്ലാം
ചെയ്യുന്നത് സംഘം ചേർന്നാണ്. പ്രൈഡ് എന്നു പറയും. അതേ സമയം കടുവകളും ഇതെല്ലാം ചെയ്യും. ആന, ഗൗർ (ഇന്ത്യയിലെ കാട്ടുപോത്ത്) , റിനോസോ റസ് (കാണ്ടാമൃഗം) തുടങ്ങിയവരെയെല്ലാം ആശാനും തട്ടും. പക്ഷേ ഒറ്റയ്ക്കാണെന്നു മാത്രം. നൂറുപേരെ ഒറ്റയ്ക്ക് ഇടിച്ചിടുന്ന രജനീകാന്തിൻ്റെ വേറൊരു വേർഷനാണ് കടുവ അഥവാ ടൈഗർ. രണ്ട് വർഷം മുമ്പ് വയനാട്ടിൽ ഒരു ആനയെ കടുവ കൊന്നതാണ് സമീപ കാലത്തെ കടുവ നടത്തിയ ഒരു ആനവേട്ട സംഭവം.

TIGER AND LION
TIGER AND LION

സിംഹവും , കടുവയും നേരിൽ പരസ്പരം കണ്ടുമുട്ടുന്ന ഒരു വനവും ഇന്ന് ലോകത്തില്ല. സിംഹങ്ങളിന്ന് ആഫ്രിക്കയിലും , ഇന്ത്യയിലുമേ ഉള്ളു. ഏഷ്യൻ രാജ്യമായ ബാലിയിൽ മുമ്പ് സിംഹങ്ങളുണ്ടായിരുന്നു. ഇന്ത്യയിൽ ഗുജറാത്തിലെ ഗീർ വനത്തിൽ മാത്രമേ സിംഹങ്ങളുള്ളു. കേരളം, തമിഴ്നാട്, കർണാടക ഉൾപ്പെടുന്ന സൗത്തിന്ത്യയിലും , പിന്നെ ബംഗാളിലുമെല്ലാം കടുവകൾ വിഹരിക്കുന്നു. ഈ രണ്ട് ഘടാഘടിയൻമ്മാർ കഴിഞ്ഞാൽ കാനന സാമ്രാജ്യം അടക്കി ഭരിക്കുന്ന മറ്റൊരു ജഗജില്ലിയാണ് പുലി (LEOPARD).

LEOPARD
LEOPARD

വനത്തിലെ മാരക വേട്ടക്കാരനാണ് പുള്ളിപ്പുലി. സകല കലാ വല്ലഭൻ. പക്ഷേ വകതിരിവ് വട്ട പൂജ്യം. അങ്ങനുള്ളൊരു ഐറ്റമാണ് പുലി എന്നുപറയുന്ന കേമൻ.ലോകത്തെ ഏറ്റവും ഡെയിഞ്ചറസ് മർജാരനാണ് പുള്ളിപ്പുലി അഥവാ LEOPARD. അതിന്റെ അഗ്രഷനും, ഫ്ലക്സിബിലിറ്റിയും, ഫിയർലസ് ആറ്റിറ്റ്യൂഡും മറ്റ് മർജാരൻമാരായ കടുവയേക്കാളോ , സിംഹത്തിനേക്കാളോ ഉപരിയാണ്. കടുവയും , സിംഹവും നേരിട്ട് കാണുന്ന ഒരു വനവും ഇന്ന് ലോകത്തില്ല. പക്ഷേ സിംഹമുള്ളിടത്തും, കടുവയുള്ളിടത്തും സ്വന്തം ടെറിടെറിയുണ്ടാക്കി വിലസുന്നവനാണ് പുലി എന്ന ബിഗ് ക്യാറ്റ്. ഏത് ശത്രുവിനേയും ഒറ്റയ്ക്ക് ഹാൻഡിൽ ചെയ്യാനും മാത്രമുള്ള അപാര ചങ്കൂറ്റത്തിനുടമയാണ് പുലി. ഒരു മുതലയെ ഒറ്റയ്ക്ക് കീറാൻ പുലിയ്ക്ക് കഴിയും.

jaguar
jaguar

കടുവകളും മുതലയെ കീഴടക്കാറുണ്ട്. പക്ഷേ കാട്ടിലെ കിങ്ങ് എന്നു പറയുന്ന സിംഹത്തിന് ഒറ്റയ്ക്ക് ഒരു മുതലയോട് ഫൈറ്റ് ചെയ്യാൻ ചങ്കുറപ്പില്ല. കൂട്ടമായിട്ടായാൽ പോലും സിംഹങ്ങൾക്ക് ഇപ്പോഴും അറിയില്ല ഒരു മുതലയെ എങ്ങനെ ഹാൻഡിൽ ചെയ്യണമെന്ന്. ഉരഗ ജീവികളെ കാണുമ്പോ സിംഹങ്ങൾക്ക് മുട്ടിടിയ്ക്കും. പക്ഷേ മുതലകളെ ഏറ്റവും സിമ്പിൾ ആൻ്റ് ഹമ്പിളായി വേട്ടയാടുന്നതിന്റെ അപ്പോസ്ഥലൻ ലാറ്റിനമേരിക്കയിൽ മാത്രമുള്ള ജാഗ്വാറാണ്. മുതല വേട്ട ജഗ്വാറുകൾക്ക് ഒരു ഹരമാണ്. (ഓർക്കുക ജാഗ്വാറും പുലിയും രണ്ട് ഇനങ്ങളാണ്).

വാൽ കഷ്ണം

കുടുംബ വേരുകൾ നിരവധി കാറ്റഗറിയിലായി പടർന്നു കിടക്കുന്ന ഒരു ജീവി വർഗ്ഗമാണ് മർജാര വംശം. നമ്മുടെ വീട്ടിലെ വളർത്തു പൂച്ചയിൽ തുടങ്ങി കാട്ടു പൂച്ച, ആഫ്രിക്ക യിലുള്ള കുറച്ചു കൂടി വല്യ സൈസുള്ള കരാക്കൽസ്, സെർവൽസ്, ചീറ്റ(CHEETAH), പുലി (LEOPARD), ലാറ്റിനമേരിക്കയിലെ ആമസോൺ വനാന്തരങ്ങളിൽ മാത്രമുള്ള ജഗ്വാർ, വടക്കേ അമേരിക്കൻ ഭൂഖണ്ടത്തിൽ മാത്രമുള്ള മൗണ്ടൻ ലയൺ എന്നറിയപ്പെടുന്ന കൗഗാർ(COUGAR – കൗഗാർ അഥവാ മൗണ്ടൻ ലയണുകൾ , പുമ, പാന്തർ എന്ന പേരിലും അറിയപ്പെടുന്നു.) , ഇന്ത്യയിലെ ഹിമാലയ ത്തിലും ചൈനയിലും മഞ്ഞിൽ വസിക്കുന്ന ക്ലൗഡഡ് ലെപ്പേർഡ്, ഹിമാലയത്തിലുള്ള സ്നോ ലെപ്പേഡ്, ആഫ്രിക്കയിലും ഇറാനിലുമുള്ള ചീറ്റ, ആഫ്രിക്ക , ഇന്ത്യ , ശ്രീലങ്ക എന്നിവിടങ്ങളിലുള്ള പുലി (LEOPARD), റഷ്യ , ചൈന എന്നിവിടങ്ങളിൽ മാത്രമുള്ള സൈബീരിയൻ ടൈഗർ, പശ്ചിമ ഇന്ത്യയിലും , തെക്കേ ഇന്ത്യയിലും മാത്രമുള്ള റോയൽ ബംഗാൾ ടൈഗർ, ഇന്ത്യയിലെ ഗീർ ഫോറസ്റ്റിലും , ആഫ്രിക്കൻ വനാന്തരങ്ങളിലുമുള്ള ലയൺസ് എന്നിവരിലെത്തി നിൽക്കുന്ന കുലീനമായൊരു വംശമാണ് മർജാര വംശം.

CHEETAH
CHEETAH

ഇവയ്ക്ക് കോമണായി കണ്ട് വരുന്ന രണ്ട് സ്വഭാവ വിശേഷങ്ങൾ വൃത്തിയും വെടിപ്പും, പിന്നെ മരം കയറ്റവുമാണ്.ചീറ്റ, ജഗ്വാർ, പുലി എന്നിവയെ കോമണായി പലരും പുലി എന്ന് പറയുന്നതു കേൾക്കാം. പക്ഷേ അത് തെറ്റാണ്. മുന്നിനും മഞ്ഞ ശരീരത്തിൽ കറുത്ത പുള്ളികളായത് കൊണ്ടാണ് പലരും അത്തരം തെറ്റിദ്ധാരണ വെച്ച് പുലർത്തുന്നത്. മൂന്നിനും തമ്മിലുള്ള വ്യത്യാസങ്ങൾ ശരീരഘടനയിലും സ്വഭാവത്തിലുമെല്ലാമുണ്ട്.

✨1. CHEETAH -ചീറ്റയുടെ ശരീരം മെലിഞ്ഞതാണ്. ലോകത്തിൽ ഏറ്റവും വേഗത്തിൽ ഓടാൻ കഴിയുന്ന മർജാരനാണവൻ. പക്ഷേ ഇവയ്ക്ക് പുലി , സിംഹം , ഹൈയിന തുടങ്ങിയ ശത്രുക്കളുമായി പോരാടാനുള്ള കായബലമില്ല. മറ്റ് ക്യാറ്റുകളേ പോലെ നഖം ഉള്ളിലേക്ക് വലിക്കാനുള്ള കഴിവുമില്ല. പോരാത്തതിന് അപൂർവമായേ മരം കയറാറുള്ളൂ. ഇവയുടെ മുഖത്ത് ഇരു കണ്ണിൽ നിന്നും വായിലേക്ക് കറുത്ത രണ്ട് നീണ്ട വരകളുണ്ട്. ഇവ എപ്പോഴും കൂട്ടം ചേർന്നാണ് നടക്കുന്നത്. ഒരു സോഷ്യൽ ആനിമലാണ് ചീറ്റ.ഇന്ത്യയിൽ ചീറ്റ ഉണ്ടായിരുന്നു. രാജസ്ഥാൻ മരുപ്രദേശങ്ങളിൽ അവൻ കിംഗായി പറന്നോടിയ ഒരു കാലമുണ്ടായിരുന്നു. മനുഷ്യന്റെ നിരന്തര വേട്ടയാടലിൽ അവയ്ക്ക് വംശനാശം സംഭവിച്ചു. 1970 – ൽ അവസാനത്തെ ചീറ്റയും കൊല്ലപ്പെട്ടു)

✨2. LEOPARD – പുലി (LEOPARD) ചീറ്റയേക്കാൾ വലുതും സ്ട്രോങ്ങുമാണ്. ഒരു പുലിയും , ചീറ്റയും തമ്മിൽ നേരിൽ കണ്ടാൽ പുലി ചീറ്റയെ കൊല്ലും. പുലികൾ ഏകാന്ത സഞ്ചാരിയാണ് (Solitary Animal). ഇവ ആരേയും ഭയക്കാറില്ല. കൂടുതൽ സമയവും ഇവ മരത്തിനു മേലേ കഴിച്ചു കൂട്ടുന്നു. ഒരു മരത്തിൽ നിന്ന് മറ്റൊരു മരത്തിലേക്ക് അണ്ണാൻ , കുരങ്ങ് എന്നിവയേ പ്പോലെ ചാടാൻ കഴിയും വിധം ഫ്ലക്സിബിൾ ബോഡിയാണിവയുടേത്. വേട്ടയാടിയ ഇരയെ മരത്തിനു മേലേ കൊണ്ട് വെക്കുക പുലികളുടെ ഒരു പതിവാണ്.

✨3. JAGUAR -ജാഗ്വാർ പുലിയേക്കാൾ വലുതും , സ്ട്രോങ്ങുമാണ്. എന്നാൽ കടുവയുടെ അത്ര വരില്ല. ഇവ ബ്രസീലിലെ ആമസോൺ വനാന്തരങ്ങളിൽ മാത്രമേ ജീവിക്കുന്നുള്ളൂ.
ഒരു പുലി, കടുവയേയോ , സിംഹത്തേയോ നേരിട്ടാൽ 80% പുലി കൊല്ലപ്പെടാനാണ് സാദ്ധ്യത. എന്നാൽ ചിലപ്പോഴെങ്കിലുംകടുവയ്ക്കോ , സിംഹത്തിനോ പോലും, അവയേക്കാൾ സൈസ് കുറഞ്ഞ ഒരു ഒത്ത ആൺ പുലിയെ ഒറ്റയ്ക്ക് ഈസിയായി കീഴ്പ്പെടുത്താൻ കഴിയില്ല എന്നതാണ് വാസ്തവം. ഇവർ മൂവരും തമ്മിലുള്ള പോരാട്ടങ്ങളെല്ലാം ടെറിട്ടോറിയൽ വാറിന്റെ ഭാഗമാണ്. പരസ്പരം കൊല്ലുമെങ്കിലും തിന്നാറില്ല.പൊതുവിൽ പരിക്കിനേക്കുറിച്ച് അതീവ ബോധ്യമുള്ള ബിഗ് ക്യാറ്റ് ആണ് പുലി. അതായത് നമ്മുടെ വീട്ടിലെ പൂച്ചയേപ്പോലെ. പാമ്പ് പോലുള്ളവയെ കണ്ടാൽ, വളർത്തു പട്ടികൾ മുൻപിൻ നോക്കാതെ അപകടത്തി ലേക്ക് എടുത്തു ചാടുമ്പോൾ വളർത്തു പൂച്ച തന്ത്രപൂർവം അത് അവോയ്ഡ് ചെയ്ത് സേഫ് സോണിലാവും കളിക്കുക. ഇതേ പോലെയാണ് പുലി എന്നു പറയുന്നവനും.

പുലികൾ മാക്സിമം എതിരാളിയുമായുള്ള ഫൈറ്റ് ഒഴിവാക്കി മരത്തിന്റെ മേലേക്ക് ഒഴിഞ്ഞു പോകും. നിവൃത്തിയില്ലെങ്കിൽ മാത്രം അവൻ ഫൈറ്റ് ചെയ്യും. പോരാട്ടത്തിനിറങ്ങിയാൽ എതിരാളി അതെത്ര വല്യ സിംഹമായാലുംശരി, കടുവയായാലുംശരി അതിജീവനത്തിനു വേണ്ടി പുലികൾ ഏതറ്റം വരെയും പോകും. പുലി സിംഹത്തെ കൊന്ന സംഭവങ്ങൾ ഉണ്ടായിട്ടുണ്ട്. ആഫ്രിക്കയിൽ മരത്തിനു മേലെ താൻ കഥകഴിച്ച സിംഹത്തിന്റെ ഉടൽ ഭാഗങ്ങളുമായിരിക്കുന്ന പുലിയുടെ തെളിവുണ്ട്. അതേപോലെ ഇന്ത്യയിൽ പുലി, കടുവയേയും കൊന്നിട്ടുണ്ട്.

ഇന്ത്യയിലെ രന്ഥംഭോർ ടൈഗർ റിസർവിൽ, 4 വയസ് പ്രായമുള്ള കടുവയെ പുലി കൊന്ന താണ് നമുക്ക് കിട്ടിയിട്ടുള്ള തെളിവു കളിൽ പ്രധാനം. മരത്തിന്റെ മേലെയാണ് പുലികൾ കൂടുതൽ സമയവും ചിലവഴിക്കാറ്. ബോഡി വെയ്റ്റ് കുറവായതു കൊണ്ടും, ഫ്ലക്സിബിലിറ്റി കൂടിയതു കൊണ്ടും മരത്തിന്റെ തുഞ്ചത്ത് വരെ അവ ഈസിയായി കയറും.കടുവയും , സിംഹവും മരം കയറുമെങ്കിലും അവയ്ക്ക് ബോഡി വെയിറ്റ് കൂടുതലായതിനാൽ ബാലൻസിങ്ങിനും, തിരിച്ചിറങ്ങാനും അല്പം ബുദ്ധിമുട്ടാണ്.
ബോഡി വെയിറ്റിന്റെ മൂന്ന് ഇരട്ടി അധിക ഭാരമുള്ള ഇരയുമായി (ഉദാ: വൈൽഡ് ബീസ്റ്റ്, സീബ്ര Etc.) പുലികൾ വളരെ ഈസിയായി, കുത്തനേയുള്ള മരത്തിന്റെ മേലേക്ക് അതി വേഗതയിൽ കയറും. അഞ്ച് സിംഹങ്ങളുമായി ഒറ്റയ്ക്ക് ഒരു മെയിൽ ലെപ്പേഡ് തകർപ്പൻ ഫൈറ്റ് നടത്തുന്ന മരണമാസ് വീഡിയോ യൂട്യൂബിലുണ്ട്. അവൻ ആഫ്രിക്കയിലെ നൈൽ നദിക്കരയിൽ ക്രോക്കോഡൈലിനെ കഴുത്തേൽ തൂക്കി കൊണ്ടു പോകുന്ന വീഡിയോയും യൂട്യൂബിലുണ്ട്.പോർക്കുപൈൻ അഥവാ മുള്ളൻ പന്നികളെ പുലി സമർത്ഥമായി കീഴടക്കുന്നത് പോലെ കൂട്ടം ചേർന്നു നടക്കുന്ന സിംഹങ്ങൾക്ക് കഴിയാറില്ല. ചീറ്റ, ഹയിന, കുറുക്കൻ (ജക്കാൾ), വൈൽഡ് ഡോഗ്സ് തുടങ്ങി ഏതു ശത്രുവിനേയും പുലി കീഴ്പ്പെടുത്തും. പൈഥൺ, കിങ് കോബ്ര, ബ്ലാക് മാമ്പ തുടങ്ങിയ പാമ്പുകളോടും പുലികൾ യാതൊരു ദാക്ഷിണ്യവും കാണിക്കാറില്ല. ക്യാറ്റ് സ്പീഷ്യസിലെ ഏറ്റവും മാരക വേട്ടക്കാരനാണ് പുലി അഥവാ ലെപ്പേഡ്.

പുലിയുടെ പ്രധാന ശത്രുക്കളായ സിംഹം / കടുവ / ഹൈയിന / വൈൽഡ് ഡോഗ്സ് എന്നിവരുമായുള്ള ഫൈറ്റിൽ, ഒരുപക്ഷേ തോൽവി ഉറപ്പായി കഴിഞ്ഞാൽ പിന്നെ പുലി ആ ഏരിയയിൽ നിൽക്കില്ല . അവൻ ആ ടെറിടെറി വിട്ട് പാഞ്ഞ് ഏതെങ്കിലും മരത്തിന്റെ ചില്ലയിൽ പോയി നിദ്ര മാടും. ക്വിക് റിഫ്ലക്സ്, സ്പീഡ് ഇതെല്ലാം അവന് മറ്റ് മർജാരൻ മ്മാരേക്കാൾ കൂടുതലാണ്.കെവിൻ റിച്ചാർഡസൺ എത്ര സിംഹങ്ങളുമായാണ് സ്നേഹിച്ച് കെട്ടി മറിയുന്നത്. അതേപോലെ കടുവകളുമായും പല മൃഗശാലകളിലും ജോലിക്കാർ ഭയങ്കര സ്നേഹം പ്രകടിപ്പിക്കു ന്നത് യൂട്യൂബിൽ കാണാം. പക്ഷേ പുലികളും മനുഷ്യരും തമ്മിലുള്ള ഫ്രണ്ട്ഷിപ്പ് വീഡി യോകൾ നെറ്റിലില്ല. ഉണ്ടെങ്കിൽ തന്നെ വളരെ അപൂർവമാണവ. കാരണം, ഒട്ടും മെരുങ്ങാത്ത ജനുസാണവൻ. വെരീ ഡെയിഞ്ചറസ് ആനിമൽ.കടുവയും , സിംഹവും കാട്ടിലെ കിങ്ങുകളാണെങ്കിൽ, അവരുടെ ടെറിടെറിയിൽ ചെന്ന്, അവർ മൂത്രം കൊണ്ട് ബോർഡർ മാർക്ക് ചെയ്ത മരത്തിൽ – സ്വന്തം മൂത്രം സ്പ്രേ ചെയ്ത് – “ഇത് എന്റേം കൂടെ ടെറിടെറിയാടാ” എന്ന് പറയുന്ന പുലിയുടെ ആ ചങ്കൂറ്റമുണ്ടല്ലോ. അതാണ് മരണമാസ്. ഒരുത്തനേം റെസ്പെക്ട് ചെയ്യാത്ത, ഒരുത്തനേം വക വെക്കാത്ത ഒരേയൊരു പുലി. പുള്ളിപ്പുലി. പുപ്പുലി. ദി കിങ് ലെപ്പേഡ് ഐ.പി.എസ്!!! സിംഹവും കടുവയും മാസ് കൂൾ അഥവാ കൂൾ മാസാണെങ്കിൽ പുലി മരണമാസ്സ് ആണ്.

You May Also Like

തക്ഷശില, ശിലാഖണ്ഡങ്ങളുടെ നഗരം

ഇന്ത്യൻ ഉപഭൂഖണ്ഡത്തിൽ സിന്ധു നദിക്കും ഝലം നദിക്കും ഇടയിലായിരുന്നു തക്ഷശില നഗരത്തിൻറ സ്ഥാനം.ഇന്നത്തെ പാക് പഞ്ചാബിൽ റാവൽപിണ്ഡി നഗരത്തിന് ഏതാനും കി.മീറ്റർ വടക്കുമാറിയാണിത്

വീട് തേടിവരും തമിഴ്നാട് കുഗ്രാമ ബാർബർ ചരിത്രം

ഇന്നും തമിഴ്നാട്ടിലെ കുഗ്രാമങ്ങളിൽ വീട് തേടി വന്ന് വർക്ക് ചെയ്തു വരുന്ന ബാർബർമാരെ കാണാം.

ഫോസിലും അതിന്റെ പുനർനിർമ്മിതിയും

ഫോസിലും അതിന്റെ പുനർനിർമ്മിതിയും. ചിത്രത്തില്‍ കാണുന്നത്‌ ആല്‍ബർട്ടോസോറസ്‌ എന്ന ഭീകരനായ മാംസഭുക്ക്‌ ഡിനോസറിന്റെ ഫോസിലാണ്‌. പേര്‌,…

ശത്രു ആക്രമിക്കാൻ വരുമ്പോൾ ശരീരം പന്തു പോലെയാക്കി രക്ഷപെടുന്ന ജീവി

മഴക്കാടുകളിലും, പുല്ല് നിറഞ്ഞ പ്രദേശങ്ങളിലും, മരുഭൂമി സമാനമായ മിതശീതോഷ്ണ ഭാഗങ്ങളിലാണ് അർമഡി ല്ലോകൾ താമസിക്കുന്നത്. തണുപ്പ് സഹിക്കാ നുള്ള ശേഷി ഇവയ്ക്ക് കുറവാണ്.