ഇറേസറും ആന്റി-ഇറേസറും: ഇസ്രായേലിലെ കളർ ടെലിവിഷനായുള്ള യുദ്ധം
✍️ Sreekala Prasad
ഇസ്രായേലിലെ ആദ്യത്തെ ടെലിവിഷൻ സംപ്രേക്ഷണം ബ്ലാക്ക് ആൻഡ് വൈറ്റ് ആയിരുന്നു, എന്നാൽ മിക്ക രാജ്യങ്ങളിൽ നിന്നും വ്യത്യസ്തമായി, നിറത്തിൽ പ്രക്ഷേപണം ചെയ്യാനുള്ള സാങ്കേതികവിദ്യയുടെ അഭാവം മൂലമായിരുന്നില്ല ഇത്. 1968 ൽ ടെലിവിഷൻ ആദ്യമായി ഇസ്രായേലിലേക്ക് വരുമ്പോൾ, ലോകം ഇതിനകം തന്നെ വർണ്ണ പ്രക്ഷേപണത്തിലേക്ക് മാറുകയായിരുന്നു. എന്നാൽ ഇസ്രായേൽ അധികൃതർക്ക് . കളർ ബ്രോഡ്കാസ്റ്റ് എന്നത് ഒരു അനാവശ്യ ചെലവാണെന്ന് അവർ കരുതി, അത് ഒഴിവാക്കാൻ , നിറങ്ങളിൽ സംപ്രേക്ഷണം ചെയ്യാനുള്ള കഴിവ് ഉണ്ടായിരുന്നിട്ടും, ഇസ്രായേലിന്റെ ഒരേയൊരു ദേശീയ ചാനൽ ഇരുപത് വർഷത്തിലേറെയായി അവരുടെ എല്ലാ പ്രോഗ്രാമുകളിൽ നിന്നും, അവർ വിദേശത്ത് നിന്ന് സംപ്രേക്ഷണം നടത്തുന്നതോ സ്വദേശത്ത് നിന്നുള്ളത് ആയവയിൽ നിന്ന് പോലും മനഃപൂർവ്വം നിറം മായ്ച്ചു.
സംശയങ്ങളുടേയും ആശങ്കകളുടേയും ഇടയിലാണ് ടെലിവിഷൻ ഇസ്രായേലിലേക്ക് വന്നത്. അധികാരികൾ ടെലിവിഷൻ ഒരു ഭീഷണിയായി കണ്ടു; അത് രാജ്യത്തിന്റെ രാഷ്ട്രീയ, സാമൂഹിക, സാംസ്കാരിക സവിശേഷതകളെ മാറ്റിമറിക്കുമെന്ന് അവർ ഭയപ്പെട്ടു. ടെലിവിഷൻ സംപ്രേക്ഷണങ്ങൾ സംസ്ഥാനത്തിന്മേൽ അനാവശ്യമായ സാമ്പത്തിക സമ്മർദ്ദം ചെലുത്തുമെന്നും ടെലിവിഷൻ സെറ്റുകൾ വൻതോതിൽ വാങ്ങുന്നത് ജനസംഖ്യയുടെ മേൽ സാമ്പത്തിക ബാധ്യതയുണ്ടാക്കുമെന്നും അവർ കരുതി. സെറ്റുകൾ വാങ്ങാൻ കഴിയുന്നവരും കഴിയാത്തവരും തമ്മിലുള്ള സാമൂഹിക ധ്രുവീകരണത്തിനും ഇത് കാരണമാകുമെന്ന് പാർലമെന്റിലെ ചില അംഗങ്ങൾ വാദിച്ചു. ടെലിവിഷൻ, സമ്പന്നവും സാമ്പത്തികവും സ്ഥിരതാമസവുമുള്ളവർക്ക് മാത്രം അനുയോജ്യമായ ഒരു ആഡംബരമാണെന്ന് അവർ വാദിച്ചു.
ടെലിവിഷനും പാശ്ചാത്യ ഷോകളും ഹീബ്രു സംസ്കാരത്തെ മലിനമാക്കുമെന്നും ജനങ്ങളുടെ രാഷ്ട്രീയ കാഴ്ചപ്പാടുകൾ മാറ്റുമെന്നും സർക്കാർ ഭയപ്പെട്ടു. കൂടാതെ, ടെലിവിഷൻ ജനങ്ങളുടെ വായനയും തിയേറ്ററിൽ പോകുന്നതിനും സാമൂഹിക പ്രവർത്തനങ്ങളിൽ പങ്കെടുക്കുന്നതിനും ചെലവഴിക്കുന്ന സമയം കുറയ്ക്കുകയും അതുവഴി പരമ്പരാഗത മാനദണ്ഡങ്ങളെയും കുടുംബജീവിതത്തെയും ബാധിക്കുമുന്നും ഭയപ്പെട്ടു. .
1967-ലെ അറബ് യുദ്ധം ടെലിവിഷനിൽ സംപ്രേക്ഷണം തുടങ്ങുവാൻ രാഷ്ട്രീയക്കാർ കാലതാമസം വരുത്തി. ഒരു സെൻട്രൽ ബ്രോഡ്കാസ്റ്റിംഗ് സംവിധാനത്തിന്റെ അഭാവം യുദ്ധത്തെക്കുറിച്ചുള്ള വാർത്തകൾ പൗരന്മാർക്കിടയിൽ വേഗത്തിൽ പ്രചരിപ്പിക്കാൻ കഴിയില്ല എന്ന് കരുതി. രണ്ടാമതായി, അറബ് കുപ്രചരണത്തെ ചെറുക്കാൻ തങ്ങൾക്ക് ഒരു ഉപകരണം ആവശ്യമാണെന്ന് സർക്കാർ മനസ്സിലാക്കി. അധിനിവേശ പ്രദേശങ്ങളിൽ താമസിക്കുന്ന പല പലസ്തീനികളും ടെലിവിഷൻ സെറ്റുകൾ സ്വന്തമാക്കി, അതിലൂടെ അവർക്ക് അറബ് രാജ്യങ്ങളിൽ നിന്ന് പ്രോഗ്രാമുകൾ ലഭിച്ചു, ജോർദാൻ ഇസ്രായേലി പ്രേക്ഷകർക്കായി ഹീബ്രു ഭാഷയിൽ വാർത്തകൾ പ്രക്ഷേപണം ചെയ്യാൻ തുടങ്ങി. ശത്രുക്കളായ അയൽക്കാരിൽ നിന്നുള്ള പ്രക്ഷേപണങ്ങൾക്ക് മാത്രമായി പൊതുജനങ്ങളെ തുറന്നുകാട്ടാൻ തങ്ങൾക്ക് കഴിയില്ലെന്ന് ഇസ്രായേലി അധികാരികൾ തീരുമാനിച്ചു. ഭരണകൂട നിയന്ത്രണത്തിലുള്ള ഒരു ഇസ്രായേലി ടെലിവിഷൻ ചാനലിന് മാത്രമേ ഈ മാനസിക യുദ്ധത്തിൽ പ്രത്യാക്രമണം നടത്താൻ കഴിയൂ. അങ്ങനെ 1968 മെയ് 2ന്ഇസ്രയേലിന്റെ ആദ്യ ടെലിവിഷൻ ചാനൽ, ചാനൽ വൺ, കറുപ്പിലും വെളുപ്പിലും പ്രക്ഷേപണം ചെയ്തു, വർണ്ണ പ്രക്ഷേപണം ഇതിനകം ലോകമെമ്പാടു ആരംഭിച്ചിരുന്നു.
ഇസ്രായേലി ബ്രോഡ്കാസ്റ്റിംഗ് അതോറിറ്റി (IBA) കളർ ഉപകരണങ്ങളിൽ നിക്ഷേപം നടത്തിയെങ്കിലും, രാഷ്ട്രീയ സമ്മർദ്ദം അവരെ കറുപ്പിലും വെള്ളയിലും സംപ്രേക്ഷണം ചെയ്യാൻ നിർബന്ധിച്ചു. ഇസ്രായേലി ടെലിവിഷൻ നിരവധി അമേരിക്കൻ, ബ്രിട്ടീഷ് ടിവി സീരീസുകളുടെയും നിറങ്ങളിൽ ചിത്രീകരിച്ച സിനിമകളുടെയും അവകാശം വാങ്ങാൻ തുടങ്ങിയപ്പോൾ, സിഗ്നലിൽ നിന്ന് വർണ്ണ വിവരങ്ങൾ മായ്ക്കാൻ സർക്കാർ ബ്രോഡ്കാസ്റ്റിംഗ് അതോറിറ്റിയോട് ഉത്തരവിട്ടു, അങ്ങനെ റിസീവറുകൾ കറുപ്പിലും വെള്ളയിലും ചിത്രങ്ങൾ പ്രദർശിപ്പിച്ചു.ം
ബ്രോഡ്കാസ്റ്റിംഗ് നെറ്റ്‌വർക്ക് കളർബർസ്റ്റ് എന്ന് വിളിക്കുന്ന വർണ്ണ സമന്വയ ഘടകം നീക്കം ചെയ്യണമെന്ന് സർക്കാർ നിർദ്ദേശിച്ചു, അതിന്റെ അഭാവത്തിൽ ചിത്രങ്ങൾക്ക് മുകളിൽ നിറങ്ങൾ എങ്ങനെ സൂപ്പർഇമ്പോസ് ചെയ്യണമെന്ന് റിസീവറിന് തീരുമാനിക്കാൻ കഴിയില്ല. തൽഫലമായി, ടെലിവിഷൻ സെറ്റ് വർണ്ണ വിവരങ്ങൾ ഉപേക്ഷിക്കുകയും കറുപ്പും വെളുപ്പും ചിത്രങ്ങൾ മാത്രം പ്രദർശിപ്പിക്കുകയും ചെയ്തു. . നിറം മായ്ക്കാൻ IBA ഉപയോഗിച്ച ഉപകരണം ‘ഇറേസർ’ അല്ലെങ്കിൽ മെച്ചിക്കോൺ എന്ന് ബ്രാൻഡ് ചെയ്തു .
ഇതിന് തൊട്ടുപിന്നാലെ, ആന്റി – മെക്കിക്കോൺ ഉപകരണമുള്ള പ്രത്യേക ടെലിവിഷൻ സെറ്റുകൾ വിപണിയിൽ ലഭ്യമായി. റിസീവർ വർണ്ണ ചിത്രങ്ങൾ പ്രദർശിപ്പിക്കാൻ അനുവദിക്കുന്ന കളർബർസ്റ്റ് ഫേസ് സിഗ്നൽ ഈ ഉപകരണം വീണ്ടും ഇൻസ്റ്റാൾ ചെയ്തു. ഓരോ 15 മിനിറ്റോ അതിൽ താഴെയോ നിറങ്ങൾ ക്രമീകരിക്കാൻ കാഴ്ചക്കാരന് ഒരു നോബ് തിരിക്കുക എന്നതാണ് ഒരേയൊരു പ്രശ്നം. ചില കണക്കുകൾ പ്രകാരം, വാങ്ങുന്നവരിൽ പത്തിൽ ഒമ്പത് പേരും ആന്റി- മെഖിക്കോൺ ഉപകരണം ഘടിപ്പിച്ച കളർ ടെലിവിഷൻ സെറ്റ് വാങ്ങി
ഇലക്‌ട്രോണിക് സ്‌റ്റോറുകളിലേക്ക് ആളുകളെ കൂട്ടംകൂടുന്നത് തടയാൻ ഇസ്രായേൽ സർക്കാർ ശ്രമിച്ചു. ഒരു കളർ പിക്ചർ ട്യൂബ് സാധാരണ ബ്ലാക്ക് ആൻഡ് വൈറ്റ് ട്യൂബിനേക്കാൾ അഞ്ചിരട്ടി വൈദ്യുതി ഉപയോഗിക്കുന്നു, ഇത് വൈദ്യുതി ഉപഭോഗം പല മടങ്ങ് വർദ്ധിപ്പിക്കുമെന്ന് സർക്കാർ വിലയിരുത്തി.അസമത്വവും ചെലവും കുറയ്ക്കുക എന്നതായിരുന്നു നിറം മായ്ച്ചതിന് പിന്നിലെ സർക്കാരിന്റെ പ്രാഥമിക വാദം എങ്കിലും, അത് ചെയ്തത് രണ്ടറ്റത്തും ചെലവ് വർദ്ധിപ്പിക്കുക മാത്രമാണ്. ഒരു ശരാശരി കളർ ടെലിവിഷന് 50,000 ലിറയും ആന്റി-ഇറേസർ ഉപകരണത്തിന് മറ്റൊരു 4,000 -വും വിലവരും, അതുവഴി കാഴ്ചക്കാർക്ക് കളർ പ്രോഗ്രാമുകൾ ആസ്വദിക്കാനാകും. 1977 നവംബറിലെ ഈജിപ്ഷ്യൻ പ്രസിഡന്റ് അൻവർ എൽ സാദത്തിന്റെ ഇസ്രായേൽ സന്ദർശനത്തിന്റെ തത്സമയ വർണ്ണ കവറേജും 1979 മാർച്ചിൽ വാർഷിക യൂറോവിഷൻ ഗാനമത്സരത്തിന്റെയും വർണ്ണ സംപ്രേക്ഷണം ഇസ്രായേൽ സർക്കാർ കാലാകാലങ്ങളിൽ അനുവദിച്ചു.
1970-കളുടെ അവസാനത്തോടെ, വർണ്ണ സംപ്രേക്ഷണ വിഷയത്തിൽ പൊതുജനസമ്മർദ്ദം ഉയർന്നു, 1981-ൽ, ഇസ്രായേൽ ബ്രോഡ്കാസ്റ്റിംഗ് അതോറിറ്റിയെയും ഇസ്രായേലി എജ്യുക്കേഷണൽ ടെലിവിഷനെയും അവരുടെ പതിവ് നിർമ്മാണങ്ങൾ വർണ്ണത്തിൽ ചിത്രീകരിക്കാൻ സർക്കാർ അനുവദിച്ചു. പൂർണ്ണ വർണ്ണ സംപ്രേക്ഷണം ഉപയോഗത്തിൽ വരാൻ രണ്ട് വർഷം സമയമെടുത്തു. അപ്പോഴേക്കും, ഇസ്രായേലികൾ ആന്റി-ഇറേസർ ഉപകരണങ്ങൾക്കായി 400 ദശലക്ഷത്തിലധികം ലിറകൾ ചെലവഴിച്ചിരുന്നു, ഇത് IBA നിറം മായ്‌ക്കുന്നത് നിർത്തി പൂർണ്ണ വർണ്ണ ഷെഡ്യൂളിലേക്ക് മാറിയപ്പോൾ ഉപയോഗശൂന്യമായി.
