ജാൻവി കപൂർ രശ്മികയെക്കാൾ കൂടുതൽ പ്രതിഫലം ചോദിക്കുന്നു
തെന്നിന്ത്യൻ സിനിമാലോകത്തേക്ക് നായികയായി ചുവടുവെക്കാനൊരുങ്ങുന്ന ജാൻവി കപൂറും പ്രതിഫലത്തിന്റെ കാര്യത്തിൽ ധാരണയുണ്ടാക്കുന്നതായി റിപ്പോർട്ട്. നടി രശ്മിക മന്ദാന ഇപ്പോൾ എല്ലാ ഭാഷകളിലും അഭിനയിക്കുന്ന ഒരു ഇന്ത്യൻ നടിയായി മാറിയിരിക്കുകയാണ്. വിജയുടെ വാരിസ് എന്ന ചിത്രമാണ് ഇപ്പോൾ താരത്തിന്റെ കൈയിലുള്ളത്. വരുന്ന പൊങ്കൽ ഉത്സവത്തിന് ചിത്രം റിലീസ് ചെയ്യാനാണ് ഉദ്ദേശിക്കുന്നത്. ഇതുകൂടാതെ, തെലുങ്കിൽ അല്ലു അർജുനൊപ്പം പുഷ്പ 2, ഹിന്ദിയിൽ രൺബീർ കപൂറിനൊപ്പമുള്ള അനിമൽ തുടങ്ങിയ ചിത്രങ്ങളുണ്ട്. ഇവയെല്ലാം ബിഗ് ബജറ്റ് ചിത്രങ്ങളാണ്.
നടി രശ്മികയുടെ 2021ലെ ചിത്രം പുഷ്പ ബ്ലോക്ക്ബസ്റ്റർ ഹിറ്റായിരുന്നു. ഇക്കാരണത്താൽ താരം തന്റെ ശമ്പളം വർദ്ധിപ്പിച്ചു. അതുവരെ ഒരു ചിത്രത്തിന് മൂന്ന് കോടി രൂപ പ്രതിഫലം വാങ്ങിയിരുന്ന രശ്മിക, പുഷ്പയുടെ വിജയത്തിന് ശേഷം പ്രതിഫലം അഞ്ച് കോടിയായി ഉയർത്തി. വിജയ്‌യുടെ വാരിസു എന്ന ചിത്രത്തിനും താരം അതേ പ്രതിഫലം വാങ്ങിയതായി പറയപ്പെടുന്നു.
ഈ സാഹചര്യത്തിൽ ഇപ്പോൾ തെന്നിന്ത്യൻ സിനിമയിൽ നായികയായി അരങ്ങേറ്റം കുറിക്കുന്ന ജാൻവി കപൂറും പ്രതിഫലം സംബന്ധിച്ച കരാറിലേർപ്പെടുന്നതായി റിപ്പോർട്ട്. അന്തരിച്ച നടി ശ്രീദേവിയുടെ മകൾ ജാൻവി കപൂർ ഹിന്ദിയിൽ നിരവധി ചിത്രങ്ങളിൽ അഭിനയിച്ചിട്ടുണ്ട്. ജൂനിയർ എൻടിആർ നായകനാകുന്ന തെലുങ്ക് ചിത്രത്തിൽ നായികയായി അഭിനയിക്കാൻ കമ്മിറ്റ് ചെയ്തിട്ടുണ്ട്.
തെന്നിന്ത്യൻ ചലച്ചിത്രമേഖലയിലെ ജാൻവിയുടെ ആദ്യ ചിത്രമായിരിക്കും ഇതെന്നാണ് സൂചന. ഈ സിനിമയിൽ അഭിനയിക്കാൻ താരം ചോദിച്ച പ്രതിഫലം കേട്ട് നിർമ്മാതാക്കൾ തലയിൽ കൈവയ്ക്കുകയാണ്. ആദ്യ തെന്നിന്ത്യൻ ചിത്രത്തിൽ തന്നെ രശ്മികയെക്കാൾ ഉയർന്ന പ്രതിഫലം ചോദിച്ചത് കണ്ടു ടോളിവുഡ് ഞെട്ടലിലാണ്.ഹിന്ദിയിൽ ഒരു ചിത്രത്തിന് മൂന്ന് കോടി രൂപ പ്രതിഫലം വാങ്ങിയിരുന്ന ജാൻവി കപൂർ ഇപ്പോൾ തെന്നിന്ത്യൻ സിനിമയിൽ അഭിനയിക്കാൻ ഇരട്ടി പ്രതിഫലം ചോദിച്ചിരിക്കുകയാണ്. ഇതോടെ ഇവരെ കാസ്റ്റ് ചെയ്യണോ അതോ മറ്റൊരു നായികയെ കണ്ടെത്തണോ എന്ന ആശയക്കുഴപ്പത്തിലാണ് .
