ഈ ‘അമ്മ പ്രേക്ഷകരെ ചിരിപ്പിച്ചപോലെ മലയാളസിനിമയിൽ മറ്റൊരു അമ്മയും ചിരിപ്പിച്ചുകാണില്ല

കടപ്പാട് Anees Elayodan

ജയ (ദർശന) രാജേഷിനെ അറഞ്ചം പുറഞ്ചം തല്ലിയ പ്രശ്നം പരിഹരിക്കാൻ എത്തിയ ജയയുടെ അച്ഛൻ(ബിജു കലാവേദി)
അമ്മ (ഉഷ ചന്ദ്ര ബാബു ),രാജേഷിന്റെ അമ്മ(കുടശനാട് കനകം ), ബന്ധു അനി(അസീസ് നെടുമങ്ങാട്)

ജയയുടെ അച്ഛൻ :”രാജേഷ് ഇത്ര ദേഷ്യക്കാരൻ ആണെന്ന് കെട്ടിച്ചു വിടുമ്പോൾ നമ്മക്ക് അറിയത്തില്ലായിരുന്നു😬

രാജേഷിന്റെ അമ്മ :”ഓ അപ്പോ കുറ്റം എന്റെ മോന്റേത് ആയോ?
അവൻ എത്ര പാവമാണെന്നു അറിയോ? നിങ്ങളെ മോള് വന്ന ശേഷം ആണ് അവനിത്ര ദേഷ്യക്കാരൻ ആയത്.😏
ജയയുടെ അച്ഛൻ :”രാജേഷ് അവളെ ആവശ്യമില്ലാതെ തല്ലിയതോണ്ട് അല്ലേ അവൾ…

ഇടപെട്ട് കൊണ്ട് അമ്മ :”ആ ഭർത്താക്കമാർ ആയാ ഭാര്യമാർ അടിച്ചെന്നൊക്കെ ഇരിക്കും. നിങ്ങൾ നിങ്ങളെ ഭാര്യയെ തല്ലാറില്ലേ?അവര് തിരിച്ചടിക്കോ?അല്ല ഈ ലത നിങ്ങളെ ചാടി ചവിട്ടുന്നത് ഒന്ന് ആലോചിച്ചു നോക്ക്യേ 😀ആണുങ്ങൾ ആയാ ചെലപ്പോ ദേഷ്യപ്പെട്ടെന്നൊക്കെ ഇരിക്കും. പെണ്ണുങ്ങളും തിരിച്ചടിക്കാൻ തുടങ്ങിയാ കുടുംബം എവടെ ചെന്ന് നിക്കും🙄

ജയയുടെ ജേഷ്ഠൻ ജയൻ :”പിന്നെ ഇവളെ ഇങ്ങോട്ട് കെട്ടിച്ചു വിട്ടത് ഇവടെ കിടന്ന് അടി കൊള്ളാൻ ആണോ?

അമ്മ :”അപ്പോ എന്റെ മോന് ഈ കിട്ടിയത് അടിയൊന്നും അല്ലേ 😀അനിയാ നീ കേക്കണം കേട്ടോ. ആയ്യോാ അടിയൊന്നും അല്ല ചവിട്ട്.!ചവിട്ട് എന്ന് പറഞ്ഞാ ദൈവമേ ഒരു മനുഷ്യനെ ഇങ്ങനെ എടുത്തിട്ട് ചവിട്ടാവോ 😀ഇവിടുന്ന് ചവിട്ട് കൊണ്ട് എന്റെ ചെറുക്കൻ വീണത് അങ്ങ് ഗിരിജേടെ പറമ്പിലാ 🤣
ഒരു നിമിഷം നിശബ്ദമായ ശേഷം
:”അവിടുന്നാ പെറുക്കി എടുത്തോണ്ട് വന്നത് 🤭😀

രാജേഷിന്റെ അമ്മ “കുടശ്ശനാട് കനകം ഇവര് ഒരേ പൊളി ആയിരുന്നു.കവിയൂർ പൊന്നമ്മ ഒക്കെ ചെയ്തിരുന്നത് പോലെ നല്ലൊരു അമ്മ കഥാപാത്രം ചെയ്യണമെന്ന ആഗ്രഹവുമായി വർഷങ്ങളോളം സിനിമയിലെ ഒരു വേഷത്തിനായി കാത്തിരുന്ന കലാകാരി . സിനിമയിലേക്ക് ആദ്യ ചുവട് വയ്ക്കുന്നത് 2022 ലാണെമെങ്കിലും നാടക രംഗത്ത് 35 വർഷത്തിലേറെ അഭിനയ പരിചയമുണ്ട് കുടശ്ശനാട് കനകം എന്ന ഈ കലാകാരിക്ക് .

കേരളത്തിലുടനീളമുള്ള നിരവധി നാടക ഗ്രൂപ്പുകളിൽ അഭിനയിച്ചിട്ടുള്ള കനകമ്മക്ക് സിനിമ എന്നുമൊരു സ്വപ്നമായിരുന്നു. ഒരുപാട് ഓഡിഷനുകളിലും ലും പൂജകളിലും പങ്കെടുത്തിരുന്നെങ്കിലും നിർഭാഗ്യവച്ചാൽ അവസരങ്ങളൊന്നും കനകമ്മയെ തേടി എത്തിയിരുന്നില്ല . ഒടുവിൽ ജയ ജയ ജയ ഹേ യിലേക്ക് സംവിധായകൻ വിപിൻ ദാസ് വിളിക്കുകയും സിനിമയുടെ ഓഡിഷനിൽ പങ്കെടുത്ത് ബേസിലിന്റെ അമ്മ വേഷത്തിലേക്ക് സെലക്ട്‌ ചെയ്യപ്പെട്ടു . ബേസിൽ ജോസഫ് പറഞ്ഞത് പോലെ മലയാള സിനിമക്ക് വൈകി കിട്ടിയ കനകം തന്നെയാണ് കുടശ്ശനാട് കനകം . നർത്തകിയും നൃത്ത അധ്യാപികയും കൂടിയാണ് കനകം.

ചിത്രം :”ജയ ജയ ജയ ജയ ഹേ ”
സംവിധാനം :”വിപിൻ ദാസ്!