Jijeesh Renjan

കയ്യൊപ്പ് സിനിമ മമ്മൂട്ടിയുടെ സൂക്ഷ്മാഭിനയം കൊണ്ട് ശ്രദ്ധ നേടിയ ഒരു സിനിമയാണ്. രഞ്ജിത്തിന്റെ ചുവട് മാറ്റം കൂടിയായിരുന്നു കയ്യൊപ്പ്.അതിൽ ജാഫർ ഇടുക്കിയെ അന്വേഷിച്ച് പൊലീസ് സ്റ്റേഷനിൽ എത്തുന്ന മമ്മൂട്ടിയെ എസ് ഐ ആയ ബിജു പപ്പൻ അടിക്കുന്നു. ബാലചന്ദ്രൻ ഫാത്തിമയ്ക്ക് ചികിത്സക്ക് പണം കൊണ്ട് പോകുന്നത് എസ് ഐക്ക് വിശ്വസിക്കാനാവുന്നില്ല. ജാഫറിനും തീവ്രവാദി ബന്ധമുണ്ടെന്നാണ് അയാളുടെ വിലയിരുത്തൽ.ഡയൽ ചെയ്യാൻ എടുത്ത ഫോൺ അയാൾ എറിഞ്ഞുടയ്ക്കുന്നു.ചിതറി വീണ ഫോൺ എടുക്കാൻ കുനിഞ്ഞ മമ്മൂട്ടിയുടെ കയ്യിൽ അയാൾ ബൂട്ട് കൊണ്ട് ചവിട്ടുന്നു.പിന്നെ ഫോൺ എടുത്ത് കൊണ്ട് മമ്മൂട്ടിയുടെ മികച്ച പ്രകടനമുണ്ട്.ആത്മരോഷം ഇല്ലാതെ ആത്മ ബോധവും മിതത്വവും കൊണ്ട് നീതി നിഷേധത്തോട് പ്രതികരിക്കുന്ന നിസ്സഹായാനായ ബാലചന്ദ്രനെ മമ്മൂട്ടി ഉജ്ജ്വലമാക്കുകയായിരുന്നു.അയാളുടെ വാക്കുകൾക്ക് കരുത്തുണ്ടായിരുന്നു.

“സാർ ചോദിച്ചില്ലേ ഇവനെന്റെ ആരാണെന്ന്..ഇവനെന്റെ അനിയനാണ് സാർ.നാളത്തെ ഓപ്പറേഷന് പണവും കൊണ്ട് ചെല്ലുമെന്ന് കരുതി കാത്തിരിക്കുന്ന ഫാത്തിമ എന്റെ അനിയത്തിയാണ്.ബാലചന്ദ്രന് ഫാത്തിമ എന്നൊരു അനിയത്തി കുറെ കാലം മുൻപ് വരെ ഒരത്ഭുതമായിരുന്നില്ല.ആറ് വർഷമായി ഞാൻ അവനെ അറിയുന്നത് ബാബു എന്ന പേരിലാണ്.അവന്റെ ജാതിയും മതവുമൊക്കെ ഞാൻ ഇന്നാണ് കേൾക്കുന്നത്.ആ പെട്ടിക്കകത്ത് മൂന്ന് ലക്ഷമല്ല മൂന്ന് കോടി പകരം തന്നാലും നഷ്ടപ്പെടാൻ വയ്യാത്ത ഒരു കെട്ട് കടലാസുകൾ ഉണ്ട്.അതെന്താണെന്ന് അറിയില്ലല്ലോ സാറിന് രാവും പകലും ഞാൻ നെഞ്ചിലെ നോവായി കൊണ്ട് നടന്ന് അക്ഷരങ്ങളായി വാക്കുകളായി പകർത്തിയ എന്റെ സങ്കല്പങ്ങൾ എന്റെ സന്ദേഹങ്ങൾ ഉത്കണ്ഠകൾ എന്റെ കണ്ണീര് ഭ്രാന്ത് എന്റെ സ്വപ്‌നങ്ങൾ.എന്ത് കുറ്റം ചെയ്തിട്ടാണ് അവനെ തടവിൽ വച്ചിരിക്കുന്നത് എന്നറിയാൻ മാത്രം വന്നവനാണ് ഞാൻ.അതിനുള്ള അവകാശം പോലും നിഷേധിക്കാൻ മാത്രം ഈ നാടിന് എന്താണ് സാർ സംഭവിച്ചത് ദേഹോപദ്രവം ഏൽപ്പിച്ചത് കൊണ്ടോ പുലഭ്യം പറഞ്ഞത് കൊണ്ടോ എന്നെ നിശ്ശബ്ദനാക്കാൻ നിങ്ങൾക്ക് കഴിയില്ല.കാരണം ഞാനൊന്നും മോഷ്ടിച്ചിട്ടില്ല.ഞാൻ ആരെയും വേദനിപ്പിച്ചിട്ടില്ല.ഞാനൊരു കുറ്റവാളിയല്ല.നന്മയിലും സത്യത്തിലും ഇനിയും വിശ്വാസം നഷ്ട്ടപ്പെട്ടിട്ടില്ലാത്ത ഒരു സാധാരണ മനുഷ്യൻ മാത്രമാണ് സാർ ഞാൻ”.

ഇത് കേട്ട് കൊണ്ട് അവിടേയ്ക്ക് വന്ന സിഐയായ അബു സലിം മമ്മൂട്ടിയെയും ജാഫറിനെയും മോചിപ്പിക്കാൻ എസ് ഐയോട് പറയുന്നു. ഇന്ന് ഏതെങ്കിലും സിനിമയിൽ ഇങ്ങനെ ഒരു സീൻ കാണിച്ചാൽ കുറെ പേർ അത് വച്ച് ട്രോൾ ഉണ്ടാക്കും.നന്മമരം എന്ന് പരിഹസിക്കും.ശരിക്കും പലപ്പോഴും ഇത്തരം കമന്റുകളും പോസ്റ്റുകളും കാണുമ്പോൾ തോന്നാറുണ്ട് ഈ നാട്ടിൽ നന്മയുള്ള ഇല്ല വേണ്ട എന്നൊക്കെയാണോ ഒരു വിഭാഗത്തിന്റെ ചിന്ത എന്ന്. പ്രഹസനത്തെ മാത്രമല്ല എതിർക്കുന്നത്. ഇന്നും നമ്മളൊക്കെ നില നിൽക്കുന്നത് പരസ്പര സഹായങ്ങൾ കൊണ്ട് തന്നെയല്ലേ.ഒപ്പം അത്ഭുതമാകുന്ന മത സൗഹാർദവും. പിന്നെ ഇന്നലെ കോഴിക്കോട് നടികൾക്ക് നേരെ അതിക്രമം ഉണ്ടായ വാർത്തയ്ക്ക് കീഴിൽ സ്മൈലി ഇടുന്ന ധാരാളം ചെറുപ്പക്കാരെ കണ്ടു.സത്യത്തിൽ ഇതൊക്കെ എന്താണ്.അസ്വസ്ഥമാക്കുന്ന മനോഭാവം.കയ്യൊപ്പിൽ പറഞ്ഞത് പോലെ എന്താണ് ഈ നാടിന് സംഭവിച്ചത്.

Leave a Reply
You May Also Like

ഗ്ലാമർ വേഷത്തിൽനിന്ന അനന്യ പാണ്ഡേയെ ആരാധകർ വളഞ്ഞു, സഹതാരത്തിൽ നിന്നും ഡ്രസ്സ് മേടിച്ചു അണിഞ്ഞു താരം

ഇന്ത്യൻ ചലച്ചിത്രരംഗത്ത് വളരെ പ്രശസ്തയായ താരമാണ് അനന്യപാണ്ഡെ , നടൻ ചങ്കി പാണ്ഡേയുടെ മകളാണ് താരം…

കെ.ജയകുമാർ കവിത കൊണ്ട് ഹൃദയം തൊട്ടെഴുതുമ്പോൾ , ആദ്യ പ്രദർശനം 23 ന്

കെ.ജയകുമാർ കവിത കൊണ്ട് ഹൃദയം തൊട്ടെഴുതുമ്പോൾ , ആദ്യ പ്രദർശനം 23 ന് പി.ആർ.ഒ- അയ്മനം…

ഹിറ്റ്ലറിൽ ജഗദീഷിന്റെ നായികയാകാൻ പറ്റില്ലെന്ന് സുചിത്ര പറഞ്ഞതിന് കാരണമുണ്ടായിരുന്നു

ഒരുകാലത്തു മലയാളത്തിൽ തിളങ്ങി നിന്ന നടിയാണ് സുചിത്ര. സുചിത്ര മുരളി എന്ന സുചിത്ര 1990 ൽ…

കാർത്തി നായകനായ പി.എസ് മിത്രൻ സംവിധാനം ചെയ്ത ‘സർദാർ’ ഒഫീഷ്യൽ ട്രെയിലർ

കാർത്തി നായകനായ പി.എസ് മിത്രൻ സംവിധാനം ചെയ്ത ‘സർദാർ’ ഒഫീഷ്യൽ ട്രെയിലർ, ഒക്ടോബർ 21 റിലീസ്…