കിടപ്പാടം വിറ്റ പൈസയാണെങ്കിലും ശരി മലയാളി സർക്കാരിന്റെ ശവവെള്ളം തന്നെ വാങ്ങി കുടിക്കണം

101

Joli Joli എഴുതുന്നു 

തമിഴ്നാട്ടിലെയും കർണാടകത്തിലെയും കരിമ്പ് പിഴിഞ്ഞു കലക്കി ഉണ്ടാക്കുന്ന നാലാം കിട സ്പിരിറ്റാണ് കേരളത്തിലെ ഡിസ്‌ലറികൾ മദ്യം ഉണ്ടാക്കാൻ കേരളത്തിലേക്ക് കൊണ്ടുവരുന്ന സ്പിരിറ്റ്.ഏതാനും ദിവസത്തേക്ക് മൃതദേഹങ്ങൾ ചീയാതിരിക്കാൻ ഉപയോഗിക്കുന്ന ഗുണമേ ഈ കരിമ്പ് സ്പിരിറ്റിനൊള്ളൂ.ലിറ്ററിന് അൻപത് രൂപ പോലും വിലയില്ലാത്ത ആ ശവം കഴുകിയ വെള്ളമാണ് തോമസ് ഐസക്ക് കളറ് കേറ്റി വിവിധ ലേബലുകളിൽ മുന്തിയ മദ്യം എന്ന് പറഞ്ഞ് ആയിരവും രണ്ടായിരവും രൂപക്ക് നമ്മുക്ക് തരുന്നതും നമ്മുടെ സർക്കാരിനെ നാളിഇതുവരെ മുന്നോട്ട് കൊണ്ടുപോയതും. വായിക്കുന്നവർക്ക് തെറ്റുണ്ടങ്കിൽ തിരുത്താം.
വിമർശിക്കാം.തെളിവ് സഹിതം മുന്തിയ വാറ്റാണ് എന്ന് നിങ്ങൾക്കിവിടെ തെളിയിക്കാം..

രണ്ട് കിലോ മുന്തിരി..
രണ്ട് കിലോ ആപ്പിൾ..
രണ്ട് കിലോ പഞ്ചസാര..
അൽപ്പം ഈസ്റ്റ്..
ഇവയുണ്ടെങ്കിൽ നല്ല കത്തിച്ചാൽ കത്തുന്ന മുന്തിയ തരം മദ്യം കുറഞ്ഞ ചിലവിൽ നമ്മുടെ മലയാളികൾ സ്വന്തമായി വാറ്റി കുടിക്കുമെന്നും സർക്കാർ വിൽക്കുന്ന വിലയുടെ പത്തിലൊന്നുപോലും ഈ മദ്യത്തിന് ചിലവ് വരില്ലെന്നും ആർക്കും അറിയാവുന്നതാണ്.എന്നാലും ഓടി നടന്ന് റെയ്ഡ് നടത്തും.കേസെടുക്കും..അറസ്റ്റ് ചെയ്യും..പൊതുജന മധ്യത്തിൽ അവഹേളിക്കും.എന്താ കാരണം.. മലയാളി കിടപ്പാടം വിറ്റ പൈസയാണെങ്കിലും ശരി സർക്കാരിന്റെ ശവവെള്ളം തന്നെ വാങ്ങി കുടിക്കണം..ഇല്ലങ്കിൽ സർക്കാർ മുന്നോട്ട് പോകില്ല…. !അത്രതന്നെ..കുടിയന്മാർ ശർധിക്കുന്ന കട്ട ചോരയാണ് ഇന്ന് കേരള സർക്കാരിന്റെ വരുമാനം.അവരുടെ മക്കളുടെ കണ്ണീരാണ് സർക്കാരിന്റെ നിലനിൽപ്പ്..അല്ലേ..അതെ.ബാറും ബീവറേജും പൂട്ടിയപ്പോൾ സർക്കാർ ജീവനക്കാരുടെ ശമ്പളം പോലും മുടങ്ങിയില്ലേ, മുടങ്ങി. കുടിയന്റെ പണത്തിൽ നിലനിന്നു പൊയ്ക്കൊണ്ടിരുന്ന ഈ ചീട്ടുകൊട്ടാരം ഇനി വേണ്ടാ.തകരട്ടെ.ഒരു സങ്കടവുമില്ല.നൂറ് രൂപ പോലും വിലയില്ലാത്ത ഒരു ലിറ്റർ ഓൾഡ് മങ്ക് റം എന്ന ശവത്തിലൊഴിക്കുന്ന സ്പിരിറ്റ് ആയിരം രൂപക്കല്ലേ നിങ്ങൾ വിറ്റുകൊണ്ടിരുന്നത്, അതെ. ഒരു മദ്യപാനിയും അവന്റെ കുടുംബവും സാമ്പത്തികമായി നശിച്ച് പോകാൻ ഇതിൽ പരം വേറെ ക്രൂരതയുണ്ടോ…?

ആപ്പിളും മുന്തിരിയും ചെറിയും പഴവും ഇട്ട് നിങ്ങളുടെ കണ്മുന്നിൽ വാറ്റിയ ഒരു ലിറ്റർ കത്തിച്ചാൽ കത്തുന്ന സ്പിരിറ്റ് മുന്നൂറ് രൂപക്ക് നിർമിച്ച് തരാൻ കഴിവുള്ളവർ കേരളത്തിലുണ്ട്.ഏതൊരു മുന്തിയ വിദേശ മദ്യത്തോടും കിടപിടിക്കും അത്.ഉറപ്പ്.അഞ്ഞൂറ് രൂപക്ക് നിങ്ങളത് വിറ്റുകൊള്ളൂ.സമ്മതമാണോ..? സമ്മതപ്പെടില്ല നിങ്ങൾ. കാരണം കേരളത്തിലെ എല്ലാ കുടിയന്മാരും ഏകപക്ഷീയമായി നിങ്ങൾ വിതരണം ചെയ്യുന്ന ശവ വെള്ളം കുടിച്ച് കുത്തുപാളയെടുക്കണം.അതിന് തടസം നിൽക്കുന്ന ഏത് വാറ്റും നിങ്ങൾ തകർക്കും.പച്ചയായ സത്യമല്ലേ ഞാനീ പറഞ്ഞത്.നൂറ് രൂപക്ക് പണിയെടുത്ത് അതിൽ നിന്നും പതിനഞ്ചു രൂപക്ക് വയറ് നിറച്ച് ചാരായം കുടിച്ചിട്ട് ബാക്കി എൺപത്തി അഞ്ചു രൂപ കൃത്യമായി വീട്ടിലെത്തിയിരുന്ന ഒരു കാലമുണ്ടായിരുന്നു കുടിയൻമാർക്ക്…
അത് അട്ടിമറിച്ച ആന്റണി എന്ന നികൃഷ്ട ജന്മത്തിന് അന്ന് എത്ര കിട്ടി എന്നത് ഇന്നും ദുരൂഹമാണ്.കുഞ്ഞുമക്കൾ കഴിക്കേണ്ട പൈസയാണ് ഒരുവന്റെ മദ്യാസക്തിയുടെ പേരിൽ ഇത്രയും കാലം നിങ്ങൾ കൊള്ളയടിച്ചത്.അതിന്റെ ശാപം അനുഭവിക്കാതെ പോകില്ല.