പലരും വളരെ പ്രതീക്ഷ അർപ്പിച്ചു കാത്തിരുന്ന സിനിമയാണ് അയാന്‍ മുഖര്‍ജി സംവിധാനം ചെയ്ത ബ്രഹ്മാസ്ത്ര. ആലിയ ഭട്ട്, രണ്‍ബീര്‍ കപൂര്‍ എന്നിവര്‍ കേന്ദ്ര കഥാപാത്രങ്ങളായ ഈ ഫാന്റസി ത്രില്ലര്‍ സിനിമയിൽ അമിതാഭ് ബച്ചന്‍, നാഗാര്‍ജുന, മൗനി റോയ് എന്നിവരും പ്രധാന കഥാപാത്രങ്ങള്‍ ആയിരുന്നു. വളരെ വലിയ ബഡ്ജറ്റിൽ ഒരുങ്ങുന്ന ദൃശ്യവിസ്മയം എന്നാണു ഷൂട്ടിങ് സമയത്തൊക്കെ പറഞ്ഞുകേട്ടതു. ഇന്ത്യൻ പുരാണത്തെ അടിസ്ഥാനമാക്കിയാണ് ചിത്രം ഒരുക്കിയത് . എന്നാൽ ചിത്രം റിലീസ് ആയപ്പോൾ സമ്മിശ്ര അഭിപ്രായങ്ങളാണ് പുറത്തുവരുന്നത്. ചിത്രത്തിനെതിരെ രംഗത്ത് വന്നിരിക്കുകയാണ് അഭിനേത്രി കങ്കണ റണൗത് . അയാന്‍ മുഖര്‍ജി 600 കോടി ചാരമാക്കി എന്നാണ് കങ്കണ പറയുന്നത്. അദ്ദേഹത്തെ ജീനിയസ് എന്ന് വിളിക്കുന്നവരെ ജയിലിൽ അടയ്ക്കണം എന്നാണു കങ്കണ പറയുന്നത്. കങ്കണയുടെ വാക്കുകൾ

“നിങ്ങള്‍ ഒരു നുണ വില്‍ക്കാന്‍ ശ്രമിച്ചാല്‍ ഇതാണ് സംഭവിക്കുന്നത്, കരണ്‍ ജോഹര്‍ തന്റെ ഷോയിലൂടെ ആലിയ ഭട്ടും രണ്‍ബീറും മികച്ച താരങ്ങളാണെന്ന് സ്ഥാപിക്കുന്നു. അയന്‍ മുഖര്‍ജിയെ പോലെ ഒരു പ്രതിഭ ഈ നുണ പതുക്കെ പതുക്കെ വിശ്വസിക്കുന്നു. ജീവിതത്തില്‍ ഇതുവരെ ഒരു നല്ല സിനിമ ചെയ്യാത്ത ഒരു സംവിധായകന്‍ 600 കോടി ബജറ്റില്‍ ഒരു സിനിമ ചെയ്യുന്നു, ഇതില്‍ എല്ലാമില്ലേ?”

“ഈ ചിത്രം നിര്‍മിക്കാന്‍ ഇന്ത്യയിലെ ഫോക്‌സ് സ്റ്റുഡിയോ അവര്‍ക്ക് സ്വയം വില്‍ക്കേണ്ടതായി വന്നു…. ഈ കോമാളികള്‍ കാരണം ഇനിയും എത്ര സ്റ്റുഡിയോകള്‍ പൂട്ടും? ബോളിവുഡിലെ ഗ്രൂപ്പിസം അവരെ തിരിഞ്ഞു കൊത്താന്‍ തുടങ്ങി, ‘ബേബി പി.ആര്‍’ ആയുള്ള വിവാഹം, മാധ്യമങ്ങളെ വരുതിയിലാക്കല്‍, കെ.ആര്‍.കെയെ ജയിലിലടച്ചു, ടിക്കറ്റുകള്‍ വാങ്ങി……”

“സത്യസന്ധമല്ലാത്ത എല്ലാം അവര്‍ക്ക് ചെയ്യാം പക്ഷേ ഒരു സത്യസന്ധമായ മികച്ച സിനിമ നിര്‍മിക്കാന്‍ അവര്‍ക്ക് സാധിക്കില്ല. അയാന്‍ മുഖര്‍ജിയെ പ്രതിഭയെന്ന് വിളിക്കുന്നവരെ എത്രയും പെട്ടെന്ന് ജയിലിലടക്കണം. അദ്ദേഹം പന്ത്രണ്ട് വര്‍ഷമെടുത്ത് ഇങ്ങനെയൊരു സിനിമയെടുക്കാന്‍. 400 ദിവസത്തിന് മുകളില്‍ ചിത്രീകരിച്ചു, ഇടയില്‍ 14 ഛായാഗ്രഹകരെ മാറ്റി. 85 സഹ സംവിധായകരെ മാറ്റി. എന്നിട്ട് 600 കോടി ചാരമാക്കി.”

“മതവികാരം മുതലെടുക്കാന്‍ ‘ജലാലുദ്ദീന്‍ റൂമി’ എന്നതില്‍ നിന്നും ‘ശിവ’ എന്നതിലേക്ക് അവസാന നിമിഷം പേര് മാറ്റി. ബാഹുബലിയുടെ വിജയം ഇതിനുദാഹരണമാണ്. ഇത്തരം അവസരവാദികളെ, സര്‍ഗ്ഗാത്മക ദാരിദ്രം പിടിച്ചവരെ, വിജയം തലക്കുപിടിച്ച സ്വാര്‍ത്ഥരായ മനുഷ്യരെ പ്രതിഭയെന്ന് വിളിച്ചാല്‍ അത് പകലിനെ രാത്രിയെന്നും രാത്രിയെ പകലെന്നും വിളിക്കുന്നതിന് തുല്യമാണ്.”

“കരണ്‍ ജോഹറിനെ പോലുള്ളവരെ അവരുടെ ചെയ്തികള്‍ക്ക് ചോദ്യം ചെയ്യണം. സിനിമയുടെ കഥകളേക്കാള്‍ അദ്ദേഹത്തിന് താല്‍പര്യം ലൈംഗിക ജീവിത കഥകള്‍ കേള്‍ക്കാനാണ്. റിവ്യൂകളും റേറ്റിങ്ങും വ്യാജ കലക്ഷന്‍ നമ്പറുകളും ടിക്കറ്റുകളും അദ്ദേഹം സ്വയമങ്ങ് ഏറ്റെടുക്കും. ഇത്തവണ അദ്ദേഹം ഹിന്ദൂയിസത്തിലും തെന്നിന്ത്യന്‍ കാറ്റിലും ആറാടാന്‍ ശ്രമിച്ചു.”

“സ്വയം പൂജാരികളായി ചമഞ്ഞവര്‍ വളരെ പെട്ടെന്ന് തെന്നിന്ത്യന്‍ താരങ്ങള്‍ക്കും എഴുത്തുകാര്‍ക്കും സംവിധായകര്‍ക്കും മുന്നില്‍ സിനിമ പ്രചരിപ്പിക്കാന്‍ യാചന ആരംഭിച്ചു. നല്ലൊരു എഴുത്തുകാരനെയോ സംവിധായകനെയോ താരങ്ങളെയോ മറ്റു പ്രതിഭാധനരയോ വിലക്കെടുക്കുന്നത് ഒഴിച്ച് അവര്‍ വേറെയെന്തും ചെയ്യും. യാചിക്കാന്‍ പോകുന്നതിന് പകരം അവര്‍ എന്തുകൊണ്ട് ബ്രഹ്‌മാസ്ത്രയെ പോലെ ഒരു ദുരന്തത്തിലെ പ്രശ്‌നങ്ങള്‍ പരിഹരിച്ചില്ല.”

“നമ്മുടെ സിനിമകളുമായി സമീപിക്കാന്‍ ഇന്നീ രാജ്യത്ത് ഒരൊറ്റ അന്താരാഷ്ട്ര സ്റ്റുഡിയോയും നിലവിലില്ല. സിനിമാ മാഫിയാ സംഘം ഈ വ്യവസ്ഥിതി മുഴുവനായും കൈയ്യടക്കി എല്ലാം തരിപ്പണമാക്കി. പുതിയതൊന്ന് തുറക്കുമ്പോള്‍ തന്നെ ഇല്ലാതാകുന്നു. ഒരു സ്റ്റുഡിയോയും ഇവിടെയില്ലെങ്കില്‍ നമ്മള്‍ എങ്ങനെ സിനിമ നിര്‍മ്മിക്കും. പഴയ കാല ഫൈനാന്‍ഷ്യേഴ്‌സും ഒറ്റപ്പെട്ട നിര്‍മാതാക്കളുമാണ് ഇനി ബാക്കിയുള്ളത്, അവരാണെങ്കില്‍ ഒരുപാട് അകലെയും വളരെ കുറവും.”

Leave a Reply
You May Also Like

അഞ്ചാം പാതിരയ്ക്ക് ശേഷം മിഥുൻ മാനുവൽ തോമസ് സംവിധാനം ചെയ്യുന്ന ജയറാം നായകനാകുന്ന ‘എബ്രഹാം ഓസ്‌ലർ ‘ എന്ന സിനിമയുടെ ഫസ്റ്റ് പോസ്റ്റർ

അഞ്ചാം പാതിരയ്ക്ക് ശേഷം മിഥുൻ മാനുവൽ തോമസ് സംവിധാനം ചെയ്യുന്ന ജയറാം നായകനാകുന്ന ‘എബ്രഹാം ഓസ്‌ലർ…

വിശാൽ എന്ന നടനെ പരമാവധി ഉപയോഗിച്ച ഒറ്റ സിനിമയേ ഉള്ളു…

Akhil C Prakash വിശാൽ കൃഷ്ണ റെഡ്ഡി എന്ന വിശാൽ തമിഴ് സിനിമയിലെ മുൻനിര നടനും…

ഒരുകാലത്തു മലയാളത്തിലെ പ്രധാന നായികയായിരുന്ന സുനിതയുടെ ഇപ്പോഴത്തെ ജീവിതം

ആന്ധ്രാപ്രദേശിൽ വേണുഗോപാൽ ശിവരാമകൃഷ്ണനും ഭുവാനയ്ക്കും ജനിച്ചു . 1986 ൽ മുക്ത എസ്. സുന്ദർ സംവിധാനം…

‘ദി ഗ്രേറ്റസ്റ്റ്’ എന്ന് ഫിഫ രേഖപ്പെടുത്തിയ മനുഷ്യനെകുറിച്ച് അറിയാനുള്ള യാത്ര

Pelé: Birth of a Legend 2016/english Vino John 2022 ഖത്തർ ഫിഫാ വേൾഡ്…