Connect with us

Entertainment

ചലനമറ്റ വാളും ചിലമ്പും പിന്നെ കോമരവും

Published

on

രാജേഷ് ശിവ

Bibin boudh സംവിധാനം ചെയ്ത ‘കോമരം’ ഒരു ഷോട്ട് മ്യൂസിക്കൽ സ്റ്റോറി ആണ്. മഹാമാരി എല്ലാ മേഖലയെയും ഗ്രസിച്ചപ്പോൾ അവതാളത്തിലായ ജീവിതങ്ങൾ അനവധിയുണ്ട്. സ്റ്റേജ് ആർട്ടിസ്റ്റുകളും തെയ്യം കലാകാരന്മാരും എല്ലാം തന്നെ ഏറ്റവും ദുരിതം അനുഭവിക്കുന്നവർ ആണ്. അതിൽ മറ്റൊരു വിഭാഗം കൂടി വരുന്നുണ്ട്, കോമരങ്ങൾ .

കോമരം നടത്തുന്ന തുള്ളൽ ആണ് കോമരം തുള്ളൽ, അഥവാ വെളിച്ചപ്പാട് തുള്ളൽ. ഇത് പ്രധാനമായും മലബാർ, മധ്യതിരുവിതാംകൂർ ഭാഗങ്ങളിൽ ഭഗവതീ ക്ഷേത്രങ്ങളിൽ നടത്തുന്ന അനുഷ്ഠാനപരമായ ഒരു ചടങ്ങാണ്. വസൂരി കേരളത്തിൽ സംഹാരതാണ്ഡവം ആടിയ കാലങ്ങളിൽ ആ രോഗത്തിൽ നിന്നും മുക്തിനേടിയ കുടുംബങ്ങളിൽ വെളിച്ചപ്പാട് തുള്ളൽ നടത്താറുണ്ടായിരുന്നു . കോമരം തുള്ളുന്നവരുടെ വസ്ത്രധാരണം പൊതുവെ, വെള്ളത്തുണി ധരിച്ചു അതിനു മുകളിലായി ചുവന്ന തുണിയും ധരിച്ചിരിക്കും. കിലുങ്ങുന്ന അരമണിയും കെട്ടി വലതുകൈയ്യിൽ വാളും ഇടതുകൈയിൽ ചിലമ്പും പിടിച്ചാണ് വാദ്യഘോഷങ്ങളുടെ അകമ്പടിയോടെ ഇവരുടെ തുള്ളൽ.

vote for komaram

ദേവിയെ തന്നിലേക്ക് ആവാഹിച്ചു ഭക്തരുടെ ഭാവി പ്രവചിക്കുകയും ചിലപ്പോൾ സ്വന്തം ശിരസിൽ തന്നെ വാളുകൊണ്ട് വെട്ടുകയും ചെയുന്നു. പൊതുവെ കോമരങ്ങൾ തണ്ടുതരമുണ്ട്. ഇതൊരു ആചാരമായി ജീവിതാന്ത്യം വരെ സ്വീകരിച്ച കോമരങ്ങളും ഇത്തരത്തിൽ ആചാരപ്പെടാത്ത കോമരങ്ങളും. ആചാരപ്പെട്ട കോമരങ്ങളാണെങ്കിൽ പിന്നെ മദ്യമോ മാംസമോ ഉപയോഗിക്കാറില്ല. പൊതുവിൽ അവർണ്ണ സമുദായങ്ങൾക്കാണ് കോമരങ്ങൾ ഉള്ളത്. ചില സമുദ്യങ്ങൾക്കു ആചാരപ്പെട്ട കോമരങ്ങളും മറ്റുചില സമുദായങ്ങൾക്ക്‌ ആചാരപ്പെട്ടത് അല്ലാത്ത കോമരങ്ങളും ആണുള്ളത്. അസുരവാദ്യമായ ചെണ്ടയാണ്‌ പ്രധാനവാദ്യോപകരണം. വെറുതെ പട്ടുംചുറ്റി വാളുംചിലമ്പും പിടിച്ചു ആടുന്നവർ അല്ല കോമരങ്ങൾ. നല്ല പരിശീലനം വേണ്ട പരിപാടിയാണിത്.

ഈ കഥയിലെ കോമരം കാലത്തിന്റെ വറുതി തീയിൽ വെന്തുരുകുന്ന ആളാണ്. തന്നിലെ ദേവീപ്രസാദത്തിനും മഹാമാരിയുടെ ശാപങ്ങൾക്കു അറുതി വരുത്താൻ ആകുന്നില്ല. അമ്പലത്തിലെ ആരവങ്ങളും ഭക്തരുടെ തിരക്കും ഇല്ലാതെ വിജനതയിൽ അയാൾ ഒരു കോമാളിയാകുകയാണ്. കാലത്തിന്റെ കോമാളി.

കാലങ്ങളേറെയായി കോമരമാണേ
കോമരമായിട്ട് കാലമേറെയായി
കോമരമായിട്ട് കാലമേറെയായി
കാലങ്ങളേറെയായി കോമരമാണേ

വർണ്ണങ്ങളേറെയുണ്ട് ഉലകിലെങ്കിലും
ഈയൊരു വർണ്ണമാണെ കോമരത്തിന്
ഉറ്റവരും ഉടയവരും ദൈവമായി കാണുമ്പോൾ
നാടിന്റെ കാവലാളായി തുള്ളിയുറയണ്
നാടിന്റെ കാവലാളായി തുള്ളിയുറയണ്

Advertisement

മുടിയാകെ ഉലച്ചിട്ട് പൂവൊന്നു വിതറിയിട്ട്
മുടിയാകെ ഉലച്ചിട്ട് പൂവൊന്നു വിതറിയിട്ട്
നെറ്റിയിലെ ചോരകൊണ്ട് വാളൊന്നു വിയർത്തിട്ട്
നെറ്റിയിലെ ചോരകൊണ്ട് വാളൊന്നു വിയർത്തിട്ട്
തുള്ളിത്തിരിയുമ്പോൾ വെട്ടവുമില്ല വെളിച്ചവുമില്ല
കൈകൂപ്പിയ കുലക്കാരുമില്ല ഉറ്റവരും ഉടയവരുമില്ല

വിത്തില്ല വിതയില്ല , കാലവുമില്ല കലികാലമായി
വിത്തില്ല വിതയില്ല , കാലവുമില്ല കലികാലമായി
നേരമില്ലാ നേരത്ത് കണ്ണില് കോമരവുമില്ല
കൂട്ടരും നാട്ടരും ഇന്നെന്നെ വിളിക്കണേ
കോമരമെന്ന് , കോമാളി കോമരമെന്ന്
കോമരമെന്ന് , കോമാളി കോമരമെന്ന്

ഈ പാട്ടിൽ ഒരു കോമരത്തിന്റെ ദുരവസ്ഥയുടെ , തീരാശാപങ്ങളുടെ, വ്യഥകളുടെ, ആത്മനൊമ്പരങ്ങളുടെ വേദനയാണ് . കാലങ്ങളേറെയായി അവൻ കോമരം തുള്ളുകയാണ് , കോമരമായിട്ടു കാലങ്ങൾ ഏറെയായി .. ഉലകിൽ വർണ്ണങ്ങൾ അനവധിയുണ്ടെങ്കിലും അവന്റെ വർണ്ണം ഒന്നുമാത്രമാണ് . അത് പട്ടിന്റെ ചുവപ്പ് മാത്രമാണ്. ഉറ്റവരും ഉടയവരും എല്ലാം എന്നെ ദൈവമായി കാണുമ്പൊൾ …നാടിൻറെ കാവലാളായി ഞാൻ തുള്ളി ഉറയുകയാണ് . മുടിയും ഉലച്ചു പൂക്കളും വിതറി , എന്റെ നെറ്റിയിലെ ചോര കൊണ്ടു വാളിനെ വിയർപ്പിച്ചു,…. ആടിത്തുള്ളി ഒന്ന് തിരിയുമ്പോൾ വെട്ടവും വെളിച്ചവും അണഞ്ഞിരിക്കുന്നു… അതുവരെ കൈകൂപ്പി നിന്ന കുലക്കാരും ഉറ്റവരും ഉടയവരും ഒന്നുമില്ല. നാട്ടിൽ വിത്തും വിതയും ഒന്നുമില്ല… കാലം കലികാലം ആണ്. ആർക്കും നേരമില്ലാതായ നേരങ്ങളിൽ ആരുടേയും കണ്ണുകളിൽ കോമരമായി പ്രത്യക്ഷപ്പെടാൻ യോഗമില്ലാതായ കാലത്തു കോമരത്തിന്റെ ഭാവപ്പകർച്ചകൾ എന്റെ കണ്ണുകൾക്കും കൈമോശം വന്നിരിക്കുന്നു… ഇപ്പോൾ കൂട്ടരും നാട്ടുകാരും എന്നെ വിളിക്കുന്നത് കോമാളി എന്നാണു …അതെ..ഒരു കോമാളിക്കോമരം .

ഇതിലുമേറെ ഒരു വെളിച്ചപ്പാടിനോട് കാലം ചെയ്തതിനെ വിവരിക്കുന്നതെങ്ങനെ ? രൗദ്രവും അന്ധകാരത്തിന്റെ അധിനിവേശം നടന്നതുമായ കാലത്തു കോമരം തന്റെ വാളുകൊണ്ട് നെറ്റിയിൽ ആഞ്ഞാഞ്ഞു വെട്ടുകയാണ്. ഈ പ്രതികാരം കാലത്തോടോ കുലക്കാരോടോ ഭഗവതിയോടോ ഒന്നുമല്ല.. തന്നോട് മാത്രം… തന്നോടുമാത്രം….ഞാൻ മുകളിലെ വരികൾ ഇങ്ങനെ പൂരിപ്പിക്കുകയാണ്….

ചോരകൊണ്ടിന്നു പ്രസാദിക്ക ദേവ്യെ നീ
എൻ ചോര തന്നീടാം സ്വീകരിക്ക
നാടിന്നു കാവലായ് തുള്ളുന്ന കോമരം
നാടിന്നു വേണ്ടി മരിച്ചുകൊള്ളാം
മാരി മഹാമാരി മായ്ക്കുക ഭൂമീന്ന്
എൻ പൈതങ്ങൾക്കിനി ജീവിക്കേണം
ദുഖക്ഷേത്രങ്ങളിൽ തുള്ളുവാൻ വയ്യിനി
വാളും ചിലമ്പും ചലനമറ്റു …..
വാളും ചിലമ്പും ചലനമറ്റു …..

സംവിധായകൻ Bibin boudh ബൂലോകം ടീവിയോട് സംസാരിക്കുന്നു

“ഞാൻ ഒരു പെയിന്റർ ആണ്, പിന്നെ ഓട്ടോ ഓടിക്കുന്നുമുണ്ട്. പിന്നെ അത്യാവശ്യം ഷോർട്ട് ഫിലിം, മ്യൂസിക്കൽ ആൽബം ഒക്കെ ചെയ്തുകൊണ്ടിരിക്കുന്നു. സിനിമയിൽ അത്യാവശ്യം ജൂനിയർ ആർട്ടിസ്റ്റ് ആയി പോകുന്നുണ്ട്. ഈയടുത്തു കണ്ണൻ താമരക്കുളത്തിന്റെ ഉടുമ്പ് എന്നൊരു മൂവിയിൽ ചെറിയൊരു വേഷം ചെയ്തിട്ടുണ്ട്.”

Advertisement

“കോമരം എന്റെ മൂന്നാമത്തെ വർക്ക് ആണ്. മൊബൈൽ ഷോർട്ട് ഫിലിംസ് ആണ് കൂടുതലും ചെയുന്നത്. നല്ലൊരു വർക്ക് ആയി ചെയ്‌തെന്ന ആത്മവിശ്വാസം ഉള്ളത് കോമരം ആണ്. കോമരത്തിലെ വരികൾ ഞാൻ എഴുതിയതാണ്. അത്യാവശ്യം കവിതകൾ എഴുതുന്ന ഒരാളാണ് ഞാൻ. എന്റെ ഒരു കവിതയുടെ ആശയമാണ് ഈ മൂവി. അതിൽ നിന്നുള്ള മൂന്നുനാല് വരികൾ ചേർത്താണ് കോമരത്തിലെ പാട്ട് എഴുതിയത്.”

“കൊറോണയുടെ മധ്യകാലം ആയപ്പോൾ അത്യാവശ്യം അമ്പലങ്ങൾ ഒക്കെ തുറക്കാം എന്നൊരു സാഹചര്യം വന്നിരുന്നു. പൂജകൾ ഒക്കെ ചെയ്യാം എന്ന സാഹചര്യം വന്നിരുന്നു. ഞാൻ എറണാകുളത്തു ആണ് താമസമെങ്കിലും പാലക്കാട് മുതൽ അങ്ങോട്ട് പോയാൽ കോമരം എന്നത് ഒരു വലിയ വിശ്വാസത്തിന്റെ ഭാഗമാണ്. എന്നാൽ അമ്പലങ്ങൾ തുറന്നിട്ടുപോലും കോമരങ്ങൾക്കു അവരുടെ ആചാരരീതികൾ തുടരാൻ സാധിക്കാതെ വന്നു. അവർക്കു മാറിനിൽക്കേണ്ട അവസ്ഥയുണ്ടായി. അങ്ങനെ അവരുടെ ഉപജീവനം പോലും ചോദ്യചിഹ്നമാകുന്ന അവസ്ഥവന്നു. അതൊക്കെയാണ് ഞാൻ കോമരത്തിലൂടെ പറഞ്ഞത്.”

“അതിൽ കോമരമായി അഭിനയിച്ചിരിക്കുന്നത് Kamal karumalloor ആണ്. എറണാകുളം, ആലുവ കരുമാലൂർ എന്ന നാട്ടിൻ പുറത്തുകാരൻ ആണ് ഞാൻ. ഞാൻ ചെറുപ്പം മുതൽ ഞാൻ ഗുരുസ്ഥാനത്തു കണ്ട ആളാണ് കമൽ . പുള്ളി നാടകങ്ങളും അമച്വർ നാടകങ്ങളും നാടൻ പാട്ടുകളും ആയി നടക്കുന്ന ഒരാളായിരുന്നു.  പുള്ളിയെ ആണ് ഞാൻ ഏറ്റവുമധികം കണ്ടിട്ടുള്ള ഒരു കലാകാരൻ. അങ്ങനെയാണ് ഞാൻ പുള്ളിയെ കാസ്റ്റ് ചെയ്തത്.”

“ഈ കോമരത്തിനു അരക്കെട്ടോളം മുടിയില്ല..കാരണം ആ കാലഘട്ടം കാണിക്കാൻ വേണ്ടിയാണ്. മുടി ഉണ്ടായിരുന്ന ഒരാളാണ് അദ്ദേഹം . അല്പം ഒന്ന് ക്രോപ് ചെയ്തതെ ഉള്ളൂ… അദ്ദേഹത്തിന് ചുരുണ്ട മുടിയാണ് ., പിന്നെ അത്തരത്തിൽ നിർത്തിയതാണ്. സാധാരണ കോമരങ്ങൾക്കു ഉറഞ്ഞു തുള്ളലിന്റെ ഭാവമാണ് .ഞാൻ അത്തരത്തിൽ ഒന്നും ചെയ്തില്ല.. ആ സമയത്തു പുള്ളിയുടെ ഭാവങ്ങളിലൂടെ മാത്രം കടന്നുപോയി. അതായത് ഒന്നും ചെയ്യാൻ പറ്റാത്ത ഒരു അവസ്ഥ. പുള്ളിയുടെ സങ്കടങ്ങളുടെ ഒരു ഭാവം.”

“ഞാൻ അടുത്തതായി ചൂണ്ടക്കൊളുത്ത് എന്ന സബ്ജക്റ്റ് ചെയ്തുകൊണ്ടിരിക്കുകയാണ്. അത് ഫെസ്റ്റിവൽസിനു പോകാൻ ചെയുന്ന ഒരു വർക്ക് ആണ്. പിന്നെ ഡിസംബർ അഞ്ചിന് മണ്ണുദിനം ആയിരുന്നല്ലോ..അതിന് വേണ്ടി മണ്ണപ്പം എന്നൊരു മൂവി ചെയ്തു. ഇവിടെ ഒരു ഷോർട്ട് ഫിലിം ഫെസ്റ്റിവൽ നടന്നിരുന്നു. മൊബൈലിൽ ആണ് ഞാൻ മണ്ണപ്പം ചെയ്തത്. പതിനെട്ടോളം ഷോർട്ട് ഫിലിംസ് പങ്കെടുത്ത അതിൽ മണ്ണപ്പത്തിന് ആയിരുന്നു മികച്ച ചിത്രത്തിനും സംവിധാനത്തിനും ഒക്കെയുള്ള അവാർഡ് കിട്ടിയത്.”

“ഡയറക്ഷൻ തന്നെയാണ് പ്രധാന ആഗ്രഹം. സിനിമകൾ കണ്ടും സിനിമകളെ കുറിച്ച് കൂടുതൽ വായിച്ചും ഒക്കെയുള്ള പരിചയം തന്നെയാണ്. ആരുടേയും കൂടെ വർക്ക് ചെയ്തിട്ടില്ല. സിനിമയെ കുറിച്ചുള്ള ഓൺലൈൻ ക്ളാസുകളിൽ ഞാൻ അത്യാവശ്യം അറ്റൻഡ് ചെയ്തുകൊണ്ടിക്കുന്നുണ്ട് .”

അഭിമുഖത്തിന്റെ ശബ്‌ദരേഖ

BoolokamTV InterviewBibin boudh

Komaram
Production Company: Agara
Short Film Description: കോമരം,
അതിജീവനത്തിന്റെ അതിർവരമ്പുകൾ തേടിയുള്ള യാത്ര.
Producers (,): Sumi bibin
Directors (,): Bibin boudh
Editors (,): Vishak
Music Credits (,): Nazarudheen sha
Cast Names (,): Kamal karumalloor
Genres (,):
Year of Completion: 2020-10-10

Advertisement

boudhboudh250@gmail.com

 11,322 total views,  15 views today

Continue Reading
Advertisement

Comments
Advertisement
cinema17 hours ago

ജെയിംസിന്റെ മരണം (എന്റെ ആൽബം- 14)

Entertainment22 hours ago

യാഥാസ്ഥിതികതയുടെ കണ്ണാടികളെ തച്ചുടയ്ക്കുന്ന ഛായാമുഖി

cinema2 days ago

മീണ്ടും ഒരു കാതൽ കതൈ (എന്റെ ആൽബം- 13)

cinema3 days ago

ബ്യുട്ടിപാലസ് ഷൂട്ടിംഗിനിടെ രസകരമായ ഒരു സംഭവം (എന്റെ ആൽബം- 12)

cinema4 days ago

ബ്യൂട്ടി പാലസും അഭിപ്രായ വ്യത്യാസങ്ങളും (എന്റെ ആൽബം- 11)

Entertainment4 days ago

നിങ്ങളുടെ വർത്തമാനകാലത്തെ വേട്ടയാടാൻ ‘ഭൂതകാലം’

cinema5 days ago

ബ്യൂട്ടി പാലസ് (എന്റെ ആൽബം- 10)

Uncategorized6 days ago

ബാലുസാറിനെ സ്ഥിരമായി കാണാറുള്ള കാലം (എന്റെ ആൽബം- 9)

cinema7 days ago

രാധികാ തിലക് (എന്റെ ആൽബം – 8 )

cinema1 week ago

മൗനദാഹം (എന്റെ ആൽബം- 7)

cinema1 week ago

നമുക്ക് പാർക്കാൻ മുന്തിരിത്തോപ്പുകൾ (എന്റെ ആൽബം -6)

cinema1 week ago

ജയറാമിന്റെ വളർച്ച (എന്റെ ആൽബം -5 )

Boolokam1 month ago

ആരുംപറയാത്ത പുരുഷ വേശ്യകളുടെ കഥയുമായി ‘ജിഗോള’

Entertainment4 weeks ago

ഏവരും കാത്തിരുന്ന ബൂലോകം ടീവി അവാർഡുകൾ പ്രഖ്യാപിച്ചു

Entertainment1 month ago

ആതുരസേവനവും സിനിമയും, അഭിമുഖം : ഡോക്ടർ ജിസ് തോമസ്

Boolokam2 months ago

വിവേകാനന്ദൻ പറഞ്ഞതു തന്നെയാണ് ‘കാലമാടൻ’ പറയുന്നതും

Entertainment2 months ago

ജീവിതം അവസാനിക്കുമ്പോഴല്ല, ജീവിക്കുമ്പോഴാണ് ചിന്തിക്കേണ്ടതെന്നു ‘പൂജ്യം’ പറയുന്നു

Entertainment2 months ago

‘അന്നുപെയ്ത മഴയിൽ’ അപവാദക്കുരുക്കുകളിൽ ജീവിതം നഷ്ടപ്പെടുത്തിയവർക്കു വേണ്ടി

Entertainment1 month ago

ചലനമറ്റ വാളും ചിലമ്പും പിന്നെ കോമരവും

Boolokam1 month ago

വിനോദത്തിന്റെ കലവറയായി ബൂലോകം ടീവീ വെബ് ആപ്പ് പ്രവർത്തനക്ഷമം ആയിരിക്കുന്നു

Entertainment4 weeks ago

മികച്ച സംവിധാനത്തിനുള്ള അവാർഡ്, മൂന്നു വ്യത്യസ്തമായ സബ്‌ജക്റ്റുകൾ

Entertainment2 months ago

അടിച്ചുപൊളി ഞായർ ദീപുവിന് തല്ലിപ്പൊളി ഞായർ ആയതെങ്ങനെയാണ് ?

Entertainment4 weeks ago

സണ്ണിചാക്കോ, സാമൂഹിക പ്രതിബദ്ധതയിൽ ഊന്നിയ ബിസിനസും കലയും

Entertainment4 weeks ago

ഐശ്യര്യയുടെ കരച്ചിൽ നമ്മുടെ ഉച്ചിയിൽ മിന്നൽപ്പിണറുകൾ ആയി പതിക്കാതിരിക്കട്ടെ

Advertisement