fbpx
Connect with us

Malayalam Cinema

കുമ്പളങ്ങി ഗുഡ് നൈറ്റ്‌സ്  (റിവ്യു)

കുടുംബമെന്നാൽ ഉത്തരവാദിത്തങ്ങൾ കൊണ്ട് കൈകോർക്കപ്പെട്ട കണ്ണികൾ ആണെന്നും സ്നേഹമാണ് അവിടെ ദീപമായി തെളിഞ്ഞുനിൽക്കേണ്ടതെന്നും സിനിമ പഠിപ്പിക്കുന്നു. ഇതിൽ തെളിമയുള്ള സ്നേഹവും കപടതയും കഥാപാത്രങ്ങളാകുന്നു.

 179 total views,  1 views today

Published

on

യഥാർത്ഥ ജീവിതത്തിൽ നാടകീയതകൾ ഇല്ല. അത്തരം ജീവിതങ്ങളെ ആവിഷ്കരിക്കുന്ന സിനിമകളിലെ പല രംഗങ്ങളും ജീവിതത്തിന്റെ ചൂടുംചൂരും പകരുന്നതുതന്നെയാകും. മലയാളസിനിമയുടെ പരിവർത്തനകാലം തുടങ്ങിയിട്ട് കുറച്ചായെങ്കിലും അതിനുശേഷം നമുക്കുലഭിച്ച മനോഹരമായ റിയലിസ്റ്റിക് സിനിമകളിൽ ഒന്നാണ് കുമ്പളങ്ങി നെറ്റ്‌സ്. പടം കണ്ടിറങ്ങുമ്പോൾ ഓരോ പ്രേക്ഷകനും മന്ത്രിക്കും കുമ്പളങ്ങി ‘ഗുഡ് ‘നെറ്റ്‌സ്. ടൂറിസ്റ്റ് ഗ്രാമമായ കുമ്പളങ്ങിയിലെ നാല് സഹോദരന്മാരിലൂടെ മുന്നേറുന്ന സിനിമയാണ് കുമ്പളങ്ങി നെറ്റ്‌സ്. തികച്ചും അരാജകാവസ്ഥയിലുള്ള ജീവിതം നയിക്കുന്ന അവർക്കു ഓരോരുത്തർക്കും മാതാപിതാക്കളുടെ സ്നേഹവും അന്യമായിരുന്നു. അച്ഛൻ നെപ്പോളിയൻ നേരത്തെ മരിച്ചു അമ്മയാണെങ്കിൽ ദൈവവിളികിട്ടി പള്ളിയുടെ വഴിയേ. പരസ്പരം ഉത്തരവാദിത്തമില്ലാതെ, സ്നേഹമില്ലാതെ ഒരു കൂരയ്ക്കുകീഴിൽ തല്ലുകൂടിയും ഗുസ്തിപിടിച്ചും ദാരിദ്ര്യാവസ്ഥയുടെയും അരക്ഷിതാവസ്ഥയുടെയും സന്തതികളായി നാല് സഹോദരങ്ങൾ.
ആളുകൾ പട്ടിയെയും പൂച്ചയേയും കൊണ്ടുകളയുന്ന, സമൂഹത്തിനുതന്നെ ആവശ്യമില്ലാത്ത ഒരു തുരുത്തിൽ അവയേക്കാൾ ഗതികെട്ട് ജീവിക്കുന്ന -സജി, ബോണി, ബോബി, ഫ്രാങ്കി. അവരുടെ അടുക്കും ചിട്ടയും ഇല്ലാത്ത ജീവിതത്തിലേക്ക് ചിലർ കടന്നുവരുന്നവരിലൂടെ അവരുടെ വീടൊരു യഥാർത്ഥ വീടാകുന്നു. എല്ലാ മാനുഷികവികാരങ്ങളും തിരിച്ചറിയുന്ന അവർ ജീവിതമെന്തെന്നു പഠിക്കുന്നു. സുഡാനിയിലെ മജീദ് എന്ന കഥാപാത്രത്തിന് ശേഷം സൗബിന് ലഭിച്ച മനോഹരമായ കഥാപാത്രമാണ് സജി. ഒരു ജോലിയും ചെയ്യാതെ ഓസിനു കള്ളുമടിച്ചു നടക്കുന്ന കഥാപാത്രം. സൗബിന്റെ കൈകളിൽ ഭദ്രമായിരുന്നു ആ കഥാപാത്രം. സംസാരിക്കാൻ കഴിയാത്ത ബോണിയെ അവതരിപ്പിച്ചത് ശ്രീനാഥ്‌ ഭാസിയാണ്. ഫ്രീക്കൻ കഥാപാത്രങ്ങളിലൂടെ മാത്രം നമ്മൾ കണ്ടിട്ടുള്ള ഭാസിയുടെ കരിയിലെ മികച്ച കഥാപാത്രമാണ് ബോണി. പ്രണയരസങ്ങളോടെ ബോബിയെ അവതരിപ്പിച്ചിരിക്കുന്നത് ഷൈൻ നിഗമാണ്. ലഹരിയുടെ ലോകത്തു നിന്നും പ്രണയത്തിന്റെയും ജീവിതത്തിന്റെയും ലോകത്തെത്തുന്ന കഥാപാത്രം. ആ കുടുംബത്തിൽ അല്പമെങ്കിലും കാര്യപ്രാപ്തിയുള്ള കഥാപാത്രം ഏറ്റവും ഇളയവനായ ഫ്രാങ്കിയാണ് . മാത്യുവാണു ആ വേഷം കൈകാര്യം ചെയ്തിരിക്കുന്നത്. നായിക ബേബിമോളായി വേഷമിട്ടത് പുതുമുഖതാരം അന്നാബെൻ ആണ്. ബേബിയുടെ ചേച്ചിയായ സുമിയെ അവതരിപ്പിച്ചത് ഗ്രേസ്.
ഫ്രാങ്കിയുടെ നാട്ടിലേക്കു പോകാമെന്നു ഹോസ്റ്റൽ സുഹൃത്തുക്കൾ പറയുകയും അത് സാധിക്കില്ല അവിടിപ്പോൾ എല്ലാരും ചിക്കൻപോക്സ് പിടിച്ചു കിടക്കുകയാണെന്ന് ഫ്രാങ്കി നുണ പറയുകയും ചെയുന്നതിലൂടെയാണ് ആ വീടിന്റെ ദുരവസ്ഥയെ പ്രേക്ഷകർക്ക് കാണിച്ചു തരുന്നത്. ബോബിയും ബേബിയും തമ്മിലുള്ള പ്രണയമാണ് ആ വീടിന്റെ മാറ്റത്തിനു തുടക്കമിടുന്നത്. പിന്നീട് മറ്റുള്ളവരുടെ ജീവിതത്തിലും ഓരോ സ്ത്രീകൾ കടന്നുവരുന്നു. പെണ്ണാണ് ഒരു കുടുംബത്തെ വാർത്തെടുക്കുന്നതെന്നു കാണിച്ചുതരുന്നു. ഏതൊരു അരാജകത്വത്തിന്റെയും ഗോപുരങ്ങൾ തച്ചുടയ്ക്കാൻ അവളുടെ സ്നേഹത്തിനു സാധിക്കും. പുരുഷന്റെ കൊമ്പുകളെ ചിലയിടങ്ങളിലെങ്കിലും സ്ത്രീകൾ പറിച്ചെടുക്കുന്നുണ്ട്.
ബോബിയുടെയുടെ ബേബിയുടെയും പ്രണയത്തിലൂടെയാണ് ബേബിയുടെ വീടും അവളുടെ ചേച്ചിയായ സുമിയും ഭർത്താവും പ്രേക്ഷകരിലേക്കെത്തുന്നത്. മലയാളത്തിന്റെ പൂർണ്ണനടനായി വളർന്നുകഴിഞ്ഞ ഫഹദ് ഫാസിൽ ആണ് സുമിയുടെ ഭർത്താവായ ഷമ്മിയെ അവതരിപ്പിക്കുന്നത്. ആ നടൻ ഇന്നോളം നമുക്കുതന്നെ കഥാപാത്രങ്ങളിൽ നിന്നും തികച്ചും വ്യത്യസ്തമായ കഥാപാത്രം. ആ കഥാപാത്രത്തെ ഇവിടെ സസ്പെൻഡ്‌സ് ആക്കി നിർത്തേണ്ടതുകൊണ്ടുതന്നെയാണ് തുറന്നുപറയാത്തത്. ഒരു മലയാളിയുടെ തനിപ്പകർപ്പ് ആണ് ഷമ്മി. ആ കഥാപാത്രത്തിന്റെ ആവാഹിച്ചുകൊണ്ടുള്ള ഫഹദിന്റെ മാനറിസങ്ങൾ നമ്മെ അത്ഭുതപ്പെടുത്തും. തികച്ചും ഉദ്വേഗജനകമായ ഒരു സസ്പെൻസ് ആണ് പ്രേക്ഷകരെ കാത്തിരിക്കുന്നത്. ഫഹദും സൗബിനും ആണ് സിനിമയിലെ യഥാർത്ഥ താരങ്ങൾ.
ടൂറിസവും കായലും മത്സ്യബന്ധനവും ഉള്ള, കേരളത്തിലെ ആദ്യത്തെ ടൂറിസ്റ്റ് ഗ്രാമമായ  കുമ്പളങ്ങിയിലെ മനോഹരമായ രാത്രികൾ നമുക്ക് സമ്മാനിക്കുന്നതു നവാഗത സംവിധായകൻ മധു.സി.നാരായണനാണ്. സമീപകാലത്തു മലയാളം സിനിമയ്ക്ക് ലഭിച്ച പ്രതിഭാധനനായ ഈ സംവിധായകനിൽ വലിയ പ്രതീക്ഷകളാണ് പ്രേക്ഷകർക്കുള്ളത്. ആദ്യസംരംഭം തന്നെ മികവുറ്റതാക്കാൻ ഇദ്ദേഹത്തിന് സാധിച്ചിരിക്കുന്നു. സിനിമയ്‌ക്കൊരു കഥയില്ലെന്നത് പോരായ്മയാണെങ്കിലും ജീവിതത്തിനെന്തു കഥയാണ് വേണ്ടത്. ഓരോ നിമിഷത്തെയും സന്തോഷവും ദുഖവും കൊണ്ട് നിറയ്ക്കുന്ന മുത്തുകളായി കോർത്ത മാലപോലെ ഏവരും അത് കഴുത്തിൽ അണിയുന്നു. ഓരോ ജീവിതവും ഓരോ കഥയാണ്. കഥയില്ലായ്മ അനുഭവപ്പെട്ടെങ്കിൽ ജീവിതത്തെ അത്രമനോഹരമായി പകർത്തിയതുകൊണ്ടു തന്നെയാകും. കരയുക എന്നത് മോശമായ കാര്യമല്ലെന്നും കരയേണ്ടിടത്തു കരയണം എന്ന് സിനിമ നമ്മെ പഠിപ്പിക്കുന്നു. ഒരേ സമയത്തു സജിയുടെയും ബോണിയുടെയും രണ്ടു സാഹചര്യങ്ങളിലുള്ള കരച്ചിൽ . ആ കണ്ണുനീരിനു അവരുടെ അതുവരെയുള്ള ജീവിതത്തിന്റെ നഷ്ടങ്ങളും നൊമ്പരങ്ങളുമുണ്ട്.
കുടുംബമെന്നാൽ ഉത്തരവാദിത്തങ്ങൾ കൊണ്ട് കൈകോർക്കപ്പെട്ട കണ്ണികൾ ആണെന്നും സ്നേഹമാണ് അവിടെ ദീപമായി തെളിഞ്ഞുനിൽക്കേണ്ടതെന്നും സിനിമ പഠിപ്പിക്കുന്നു. ഇതിൽ തെളിമയുള്ള സ്നേഹവും കപടതയും കഥാപാത്രങ്ങളാകുന്നു. പരുക്കൻ ജീവിതങ്ങൾ പലതും അങ്ങനെയല്ലെന്നും കള്ളിമുള്ളിലെ പൂക്കൾപോലെ അവരിലും വസന്തം വിരുന്നുവരും. പുറമെ ചിരിച്ചുനിൽക്കുന്ന കപടതയുടെ വേഷങ്ങൾ കാര്യത്തോടടുക്കുമ്പോൾ വെളിപ്പെടുക തന്നെ ചെയ്യുമെന്നും സിനിമ പറയുന്നു.
നാച്വറൽ ആയ സംഭാഷണങ്ങൾ കൊണ്ട് തിരക്കഥാകൃത്തു ശ്യാംപുഷ്കരൻ മികച്ചുനിൽക്കുന്നു. ആ സംഭാഷങ്ങൾക്കൊപ്പം അത്രയും സ്വാഭാവികമായി അഭിനയിച്ചു ഓരോ അഭിനേതാക്കളും നീതിപുലർത്തി. അതീവസുന്ദരമായ കുമ്പളങ്ങിയെ നന്നായി പകർത്തിയ ഷൈജു ഖാലിദും അടിപ്പൊളിയാക്കി. സംഗീതം കൊണ്ട് സുശീൻ ശ്യാമും മികച്ചുനിന്നു. ഒരു നല്ല സിനിമ മലയാളിക്ക് തന്നെ നിർമ്മാതാക്കളായ ദിലീഷ് പോത്തന്‍, ശ്യാം പുഷ്‌കരന്‍, നസ്‌റിയ നസീം ഇവർക്കും നന്ദിപറയുന്നു. ഇതിലെ മറ്റു കഥാപാത്രങ്ങളും മികച്ചുനിന്നു. നിങ്ങളുടെ ജീവിതം നാടകീയമല്ലെങ്കിൽ ധൈര്യമായി ടിക്കറ്റെടുത്തുകയറാം ഈ സിനിമയ്ക്ക്. ചിലയിടങ്ങളിൽ നിങ്ങളുടെ കണ്ണുകൾ നിറയും ചിലയിടങ്ങളിൽ നിങ്ങൾ പൊട്ടിച്ചിരിക്കും. ഒരൊറ്റ സീനും അനാവശ്യമായതില്ല. …. എന്ന്,
നിലാവണിഞ്ഞ കുമ്പളങ്ങിയിലെ ഒരു രാത്രിയിൽ നിന്നുകൊണ്ട് രാജേഷ് ശിവ.

 180 total views,  2 views today

Advertisement
Entertainment10 hours ago

യാതൊരു വിധ വീട്ടു വീഴ്ചകൾക്കും അവസരം നൽകാതെ തയാറാക്കിയ ഒരു ക്ലൈമാക്സ്‌

Space10 hours ago

ഇന്ന് രാത്രി ആകാശത്ത് ഈ അപൂർവ കാഴ്ച കാണാൻ മറക്കരുത് !

Featured10 hours ago

ഇന്ന് ഭാസിയെ വിലക്കിവരുടെ മൗനം വിജയ്ബാബുവിന്‌ എന്നും രക്ഷയ്‌ക്കെത്തും എന്നുറപ്പുണ്ട്

Entertainment10 hours ago

നായകനായ ശ്രീനാഥ് ഭാസിയെ ഒഴിവാക്കി ചട്ടമ്പി സിനിമയുടെ പുതിയ പോസ്റ്റർ അണിയറ പ്രവർത്തകർ പുറത്തിറക്കി

Entertainment11 hours ago

‘ജീവിത കാലം മുഴുവനായുള്ള ഒരു സുഹൃത്ത് എന്ന പോലെയാണ് ദൈവം ഒരു മകളെ തരുന്നത്’

Entertainment11 hours ago

സുരേഷ് ഗോപിക്ക് കോമഡിയോ !

SEX11 hours ago

മാറിടത്തിന് വലുപ്പം കൂട്ടാൻ എന്ത് ചെയ്യണം ?

SEX11 hours ago

പക്ഷെ ഒന്നറിയണം, പങ്കാളി സംഭോഗത്തിന് ആഗ്രഹിക്കുന്നതെപ്പോഴാണെന്ന്

Entertainment12 hours ago

ഗൗതം മേനോൻ – എസ്.ടി.ആർ – എ.ആർ റഹ്മാൻ ഒന്നിക്കുന്ന ‘വെന്തു തണിന്തതു കാട്’ മല്ലിപ്പൂ (വീഡിയോ സോംഗ്)

Entertainment12 hours ago

ദൃശ്യവിസ്മയം ‘പൊന്നിയിന്‍ സെല്‍വന്‍’; പുതിയ പ്രൊമോ വീഡിയോകള്‍ പുറത്തിറങ്ങി

Entertainment13 hours ago

മമ്മൂട്ടിയുടെ ചിത്രങ്ങൾ ചെയ്തിട്ടുണ്ട് എങ്കിലും ഒരു മോഹൻലാൽ ചിത്രം ചിരഞ്ജീവി ആദ്യമായാണ് റീമേക് ചെയുന്നത്

Entertainment13 hours ago

തന്നോടുള്ള ആരാധന മൂത്ത് ശ്രീലങ്കൻ ദമ്പതികൾ ചെയ്തത് ദുല്ഖറിനെ ഞെട്ടിച്ചു

Entertainment1 month ago

പെണ്ണിന്റെ പൂർണനഗ്നശരീരം കാണുന്ന ശരാശരി മലയാളി ആദ്യമായിട്ടാവും കാമക്കണ്ണ് കൂടാതെ ഒരു സിനിമ പൂർത്തിയാക്കുന്നത്

Law1 week ago

നിഷാമിന്റെ തന്നെ വാക്കുകൾ കടമെടുത്തുകൊണ്ട് സുപ്രിം കോടതി പറഞ്ഞ വാക്കാണ് പ്രസക്തം, “പണമില്ലാത്തവൻ പുഴു അല്ല”

Entertainment4 weeks ago

‘വധുവിന്റെ നിതംബത്തിൽ കരതലം സ്പർശിച്ച വരൻ’, വീണ്ടുമൊരു വിവാഹ ഫോട്ടോഷൂട്ട് വിവാദമാകുകയാണ്

Entertainment1 month ago

ഹോളി വൂണ്ടിന് ശേഷം മറ്റൊരു ബോൾഡ് കഥാപാത്രവുമായി ജാനകി സുധീർ, വീഡിയോ

Entertainment3 days ago

വീണ ഇനിയും ഭാസിയെ ഇന്റർവ്യൂ ചെയ്യും, ഭാസി തെറിക്ക് പകരം ചളി അടിക്കും, വീണ പൊട്ടിച്ചിരിക്കും, ആരാധകരെ ശാന്തരാകുവിൻ

Entertainment4 days ago

“സിജു ഇത്രയും ഹാർഡ് വർക്ക് ചെയ്യുന്ന ഒരാളാണെന്ന് സത്യായിട്ടും എനിക്കറിയില്ലായിരുന്നു”, സംവിധായകൻ ജൂഡ് ആന്‍റണി ജോസഫിന്റെ വാക്കുകൾ

SEX3 weeks ago

പുരുഷന്‍ എത്ര തന്നെ ഉത്തേജിപ്പിച്ചാലും വികാരം കൊള്ളാനാവാത്ത സ്ത്രീയിലെ അവസ്ഥയാണ് ലൈംഗിക മരവിപ്പ്

SEX1 month ago

അവനെ അവൾ വീണ്ടും വീണ്ടും ആഗ്രഹിക്കുന്നുവെങ്കിൽ എന്താണ് അതിന്റെ അർത്ഥം ?

SEX1 month ago

“ഓരോ ശുക്ലസ്ഖലനത്തോടൊപ്പവും രതിമൂർച്ഛ അനുഭവിക്കാൻ ഭാഗ്യം ചെയ്ത പുരുഷന്മാർ, പക്ഷെ സ്ത്രീകൾ”

Entertainment10 hours ago

യാതൊരു വിധ വീട്ടു വീഴ്ചകൾക്കും അവസരം നൽകാതെ തയാറാക്കിയ ഒരു ക്ലൈമാക്സ്‌

Entertainment2 months ago

ബിഗ്‌ബോസ് താരം ജാനകി സുധീറിന്റെ പുതിയ ചിത്രങ്ങൾ, വൈറൽ + വിവാദം

Entertainment4 weeks ago

സംയുക്തയുടെ മേനിപ്രദർശനം കാണിക്കാൻ ഒരു സിനിമ അത്ര തന്നെ

Entertainment12 hours ago

ഗൗതം മേനോൻ – എസ്.ടി.ആർ – എ.ആർ റഹ്മാൻ ഒന്നിക്കുന്ന ‘വെന്തു തണിന്തതു കാട്’ മല്ലിപ്പൂ (വീഡിയോ സോംഗ്)

Entertainment12 hours ago

ദൃശ്യവിസ്മയം ‘പൊന്നിയിന്‍ സെല്‍വന്‍’; പുതിയ പ്രൊമോ വീഡിയോകള്‍ പുറത്തിറങ്ങി

Entertainment13 hours ago

തന്നോടുള്ള ആരാധന മൂത്ത് ശ്രീലങ്കൻ ദമ്പതികൾ ചെയ്തത് ദുല്ഖറിനെ ഞെട്ടിച്ചു

Entertainment2 days ago

ഇന്ദ്രൻസിന്റെ ഹൊറർ സൈക്കോ ത്രില്ലര്‍, ‘വാമനന്‍’ ന്റെ വീഡിയോ ഗാനം പുറത്തിറങ്ങി

Entertainment2 days ago

ഐശ്വര്യ ലക്ഷ്മി പ്രധാനകഥാപാത്രത്തെ അവതരിപ്പിക്കുന്ന ‘കുമാരി’യുടെ ടീസർ, കഥപറഞ്ഞു പൃഥ്വിരാജ്

Entertainment2 days ago

ബ്രഹ്മാസ്ത്രയിലെ ലവ് സോങ് എത്തി, കൂടാതെ ബ്രഹ്മാസ്ത്ര കാണാൻ നവരാത്രി ഓഫർ

Entertainment3 days ago

‘ബാല, പൃഥ്വിരാജ്, ഉണ്ണിമുകുന്ദൻ, അനൂപ് മേനോൻ ‘ എന്നിവർ ചേർന്ന് വെടിക്കെട്ടിന്റെ ടീസർ പുറത്തിറക്കി

Featured4 days ago

ദുൽഖർ സൽമാൻ കേന്ദ്രകഥാപാത്രമായ നെറ്റ്ഫ്ളിക്സ് കോമഡി ക്രൈം ത്രില്ലർ സീരീസ് ‘Guns and Gulaabs’ ഒഫീഷ്യൽ ടീസർ

Entertainment4 days ago

മണിരത്നത്തിന്റെ ഡ്രീം പ്രോജക്ട് ആയ ‘പൊന്നിയിൻ സെൽവനി’ലെ പുതിയ ലിറിക് വീഡിയോ പുറത്ത്

Featured4 days ago

സീതാരാമത്തിലെ ഡിലീറ്റഡ് സീൻ പുറത്തുവിട്ടു

Entertainment4 days ago

നിത്യാദാസിന്റെ മടങ്ങിവരവ് ചിത്രം, കിടിലംകൊള്ളിച്ച് ‘പള്ളിമണി’ ടീസർ

Entertainment4 days ago

മഞ്ജു വാര്യര്‍ കേന്ദ്ര കഥാപാത്രത്തെ അവതരിപ്പിക്കുന്ന ഇന്തോ -അറബിക് ചിത്രം ‘ആയിഷ’ യിലെ ഗാനം റിലീസ് ചെയ്തു

Advertisement
Translate »