Connect with us

India

“എന്റെ ഓഫീസ് ഐഡന്റിറ്റി കാർഡിൽ നിന്നും എന്റെ മുഴുവൻ പേര് സ്വാമി മനസ്സിലാക്കി, ഞാൻ പോയതിനു ശേഷം വീടെല്ലാം പുണ്യാഹം തളിച്ച് ശുദ്ധിവരുത്തി”

ഗോൾ മാർക്കറ്റ്’ എന്ന സ്ഥലം ഡൽഹിയിലെ സർക്കാർ ജോലിക്കാർ താമസിക്കുന്ന കോളനിയാണ്. പാർലമെന്റ് ബിൽഡിങ്ങിൽ നിന്നും ഒരു വിളിപ്പാട് അകലെയാണിത്. ഈ വീടുകളിലെ ബാൽക്കണിയിൽ നിന്ന് നോക്കിയാൽ

 39 total views

Published

on

MH Subair.

‘ഗോൾ മാർക്കറ്റ്’ എന്ന സ്ഥലം ഡൽഹിയിലെ സർക്കാർ ജോലിക്കാർ താമസിക്കുന്ന കോളനിയാണ്. പാർലമെന്റ് ബിൽഡിങ്ങിൽ നിന്നും ഒരു വിളിപ്പാട് അകലെയാണിത്. ഈ വീടുകളിലെ ബാൽക്കണിയിൽ നിന്ന് നോക്കിയാൽ രാത്രിയിലും മനുഷ്യരുറങ്ങാത്ത കൊണാട്ട് പ്ളേസ് കാണാം. ന്യൂഡൽഹി റെയിൽവേ സ്റ്റേഷനിൽ നിന്നും ഉത്സാഹിച്ചു നടന്നാൽ പത്തു മിനിറ്റ് കൊണ്ട് ഇവിടെ എത്തിച്ചേരാം.

1990 ലെ ഒരു തണുപ്പ് കാലത്ത് ഈ നഗരത്തിൽ ആദ്യമായി എത്തിയപ്പോൾ ഞാൻ താമസിച്ചത് ഇവിടെയാണ്. പ്ലാനിങ്ങ് കമ്മിഷനിൽ (ഇന്നത്തെ നീതി ആയോഗ്) ആയിരുന്നു എനിക്ക് ജോലി കിട്ടിയത്. ഓഫീസിൽ നിന്നും പത്ത് മിനിറ്റ് കൊണ്ട് ഗോൾ മാർക്കറ്റിൽ നടന്നെത്താം. ഡൽഹിയിലെ എല്ലാ പ്രധാന മന്ത്രാലയങ്ങളിലേക്കും ഇവിടെ നിന്നും നടന്നെത്താം. ഇവിടെ താമസിക്കുന്നവർ ഇപ്പോഴും കാൽനട ആയാണ് ഓഫീസുകളിലേക്ക് പോവുന്നത്.

തമിഴ് നാട്ടുകാരനായ ഒരു സ്വാമിയുടെ വീട്ടിൽ പേയിങ് ഗസ്റ്റ് ആയിട്ടായിരുന്നു എന്റെ താമസം. സ്വാമിയുടെ ഭാര്യയും മക്കളും നാട്ടിലാണ്. രണ്ടു മുറികൾ മാത്രമുള്ള തീപ്പെട്ടി കൂടുപോലുള്ള ആ വീട്ടിൽ എന്നെക്കൂടാതെ വേറൊരു പേയിങ് ഗസ്റ്റും ഉണ്ടായിരുന്നു. ഉണ്ണികൃഷ്ണൻ എന്ന ഒരു മലയാളി സുഹൃത്ത്. ബെഡ്‌റൂമിൽ ഉണ്ണികൃഷ്ണൻ കിടക്കും. എന്റെ കിടപ്പ് വരാന്തയിലാണ്. സ്വാമി ബാൽക്കണിയിലും. എനിക്ക് കിടക്കാനുള്ള ഒരിടം മാത്രമേയുള്ളു, എന്റെ ഇരുമ്പു പെട്ടി വയ്ക്കാൻ ഒരിടം. ഉറങ്ങിയെണീറ്റാൽ പായ് ചുരുട്ടിയെടുത്ത് ആ പെട്ടിയുടെ മുകളിൽ വയ്ക്കും. ഇരുന്ന് വായിക്കുന്നതുമൊക്കെ അതിന് മുകളിലാണ്.

ഉണ്ണികൃഷ്ണന് രണ്ടു നേരത്തെ ഭക്ഷണവും രാവിലേയും വൈകിട്ടുമുള്ള രണ്ടു ചായയും സ്വാമിയുടെ വകയാണ് (ഫ്രീ അല്ല). എനിക്ക് കിടക്കാടം മാത്രമേയുള്ളു. എന്റെ ഭക്ഷണവും ചായയും ഒരു മാസം വെയിറ്റ് ചെയ്തിട്ട് തീരുമാനിക്കാമെന്ന് സ്വാമി പറഞ്ഞു. എന്റെ പേരാണ് സ്വാമിക്ക് പ്രശ്‍നമായത്. ഉണ്ണികൃഷ്ണൻ എന്നെ സ്വാമിക്ക് പരിചയപ്പെടുത്തുമ്പോൾ സുബൈർ എന്ന് പറഞ്ഞു. പക്ഷെ സ്വാമി കേട്ടത് സുബേദാർ എന്നായിരുന്നു. അതോടെ ജാതിയേത് മതമേത് എന്ന കാര്യത്തിൽ സ്വാമി കൺഫ്യൂഷനിൽ ആയി. ആ സംശയം തീർക്കാനായിരുന്നു കുറച്ചുകാലത്തെ കാലാവധി. എന്നോടോ ആ സുഹൃത്തിനോടോ അക്കാര്യം തുറന്നു ചോദിക്കാൻ സ്വാമിക്ക് മടിയായിരുന്നു.

ഞാൻ കിടക്കുന്ന വരാന്തയിൽ ഇരുന്നാണ് ഉണ്ണികൃഷ്ണനും സ്വാമിയും ഭക്ഷണം കഴിക്കുന്നത്. അതിനാൽ ഞാൻ അവർക്കൊരു ശല്യമാവേണ്ട എന്ന് കരുതി രാത്രികളിൽ അവർ ഭക്ഷണമൊക്കെ കഴിച്ച് ഉറങ്ങാൻ നേരത്ത് മാത്രമേ ഞാൻ വീടണയു. അങ്ങിനെ ഓഫീസ് ജോലി തീർന്നാലും രാത്രി ഏറെ വൈകും വരെ കൊണാട്ട് പ്ലേസിൽ ചുറ്റിക്കറങ്ങി നടക്കുന്നത് പതിവായി. ഒരു ദിവസം രാത്രി പതിവുപോലെ കറങ്ങി നടന്നിട്ട് ഉറങ്ങാനായി വീട്ടിലെത്തി. മുറിക്കുള്ളിൽ കടന്നപ്പോൾ തന്നെ മനസ്സിലായി എന്തോ പന്തികേട് ഉണ്ടെന്ന്. എന്റെ പെട്ടിയും കിടക്കയും ചുരുട്ടിക്കെട്ടി വാതിൽക്കൽ നീക്കി വച്ചിട്ടുണ്ട്. സ്വാമി നിന്ന് പുകയുന്നു. “വല്ല ആടിനേയും കോഴിയേയും തിന്നിട്ട് എന്റെ വീട്ടിൽ കയറി വരാൻ തന്നോട് ആരു പറഞ്ഞു?” സ്വാമി തമിഴിലും ഹിന്ദിയിലുമായി അലറി.

ഞാൻ ഒന്നും മനസ്സിലാവാതെ നിന്നു. അന്ന് രാത്രി തന്നെ എന്നോട് വീടൊഴിയാൻ പറഞ്ഞു. ആ സുഹൃത്ത് ഇടപെട്ടിട്ടാണ് ആ രാത്രിയിൽ എന്നെ അവിടെ തങ്ങാൻ അനുവദിച്ചത്. പിറ്റേന്ന് രാവിലെ ആ വരാന്തയിൽ നിന്നും ഉള്ളിലേക്ക് എന്നെ കടത്തിയില്ല. ബാത്റൂമോ ടോയ്‌ലറ്റോ ഉപയോഗിക്കാൻ എന്നെ അനുവദിച്ചില്ല.എന്റെ ഓഫീസ് ഐഡന്റിറ്റി കാർഡിൽ നിന്നും എന്റെ മുഴുവൻ പേര് സ്വാമി മനസ്സിലാക്കിയതാണ് കാരണം. ഞാൻ പോയതിനു ശേഷം വീടെല്ലാം പുണ്യാഹം തളിച്ച് ശുദ്ധിവരുത്തിയെന്ന് ഉണ്ണികൃഷ്ണൻ പിന്നീട് പറഞ്ഞു. മുപ്പത് വർഷങ്ങൾക്ക് മുമ്പ് നടന്ന ആ സംഭവം ഇപ്പോൾ ഓർക്കാൻ കാരണമുണ്ട്. ആ വീടുകളൊക്കെ സർക്കാർ ഇപ്പോൾ പൊളിച്ചു മാറ്റുകയാണ്. താമസക്കാരെ ഒഴിപ്പിച്ചു തുടങ്ങി. അവിടെയിനി ബഹു നില കെട്ടിടങ്ങളോ, ഷോപ്പിംഗ്‌ മോളുകളോ, മൾട്ടിപ്ലക്സുകളോ വരും.

ലോകം മാറുകയാണ്. മാറട്ടെ. കാലഹരണപ്പെട്ട കെട്ടിടങ്ങൾ പൊളിച്ചു മാറ്റണം. ഇരുട്ടും ഈർപ്പവും നിറഞ്ഞ വെളിച്ചം കടക്കാത്ത ഇടുങ്ങിയ മുറികളിൽ നിന്നും മനുഷ്യർ കാറ്റും വെളിച്ചവുമുള്ള തുറസ്സായ ലോകത്തേക്ക് ഇറങ്ങി വരട്ടെ.എനിക്ക് ആ സ്വാമിയോട് അന്നും ഇന്നും ഒരു വിദ്വേഷവും തോന്നിയിട്ടില്ല. അദ്ദേഹത്തെ ഞാനിന്നും ഓർക്കുന്നു. എവിടെയാണെന്നറിയില്ല, ജീവനോടെ ഇരിപ്പുണ്ടോ എന്നും അറിയില്ല. അത് ഓർമ്മയെ ബാധിക്കുന്നുമില്ല. സ്ഥലകാലങ്ങളിൽ നിന്നും അടർന്നു പോയവരാണ് ഓർമ്മകളിൽ ചിരഞ്ജീവികളായി നിൽക്കുന്നത്. മരിച്ചു പോയവരും ജീവിച്ചിരിക്കുന്നവരും ഓർമ്മയിൽ ഒരുപോലെയാണ്.
W.G Sebald ന്റെ Austerlitz എന്ന കഥാപാത്രം പറയുന്നപോലെ: “The dead are at our mercy, that we can choose to remember or forget them”
ഈ പോസ്റ്റിലെ ഫോട്ടോ ഈ സംഭവത്തിൽ യാതൊരു പങ്കുമില്ലാത്ത W.G സെബാൾഡിന്റേതാണ്.
(M.H.Subair)
04.08.2020

Advertisement

 40 total views,  1 views today

Advertisement
Entertainment10 hours ago

നിങ്ങൾ ഏതെങ്കിലും നിയമലംഘനം നടത്തിയിട്ടുണ്ടെങ്കിൽ ഈ ഷോർട്ട് മൂവി കാണണം

Entertainment16 hours ago

അടിച്ചുപൊളി ഞായർ ദീപുവിന് തല്ലിപ്പൊളി ഞായർ ആയതെങ്ങനെയാണ് ?

Entertainment1 day ago

ജീവിതം അവസാനിക്കുമ്പോഴല്ല, ജീവിക്കുമ്പോഴാണ് ചിന്തിക്കേണ്ടതെന്നു ‘പൂജ്യം’ പറയുന്നു

Entertainment2 days ago

ഭീകരമായൊരു കാലത്തിന്റെ ആവിഷ്കാരം ആണ് ‘ഹം ഏക് ഹേ’ !

Entertainment2 days ago

‘അന്നുപെയ്ത മഴയിൽ’ അപവാദക്കുരുക്കുകളിൽ ജീവിതം നഷ്ടപ്പെടുത്തിയവർക്കു വേണ്ടി

Entertainment2 days ago

ക്രൂശിക്കപ്പെട്ട നിരപരാധിയുടെ കഥപറയുന്ന ‘ഇങ്ങനെയും ചിലർ’

Entertainment3 days ago

എന്നോ കാണാൻ മറന്നു പോയ ഒരു സ്വപ്നത്തിലേക്കുള്ള യാത്ര

Entertainment3 days ago

അധ്യാപകരിൽ ആരെയെങ്കിലും നിങ്ങൾ നന്ദിയോടെ സ്മരിക്കുന്നുവെങ്കിൽ ഈ മൂവി കാണണം

Entertainment4 days ago

ഐക്യബോധത്തിന്റെ ആവശ്യകതയും മനുഷ്യന്റെ കുടിലതകളും

Entertainment4 days ago

നിർത്താതെ പെയ്യുന്ന പ്രണയത്തിന്റെ ‘ഇടവപ്പാതി’

Entertainment7 days ago

ആത്മഹത്യ ചെയ്ത പാറുവിന്റെ ഫോണിൽ ആക്സിഡന്റിൽ മരിച്ച അലക്സിന്റെ കാൾ വന്നതെങ്ങനെ ?

Entertainment1 week ago

സത്യത്തിനെന്നും ശരശയ്യ മാത്രമെന്ന് ‘ദൈവമേ തേങ്ങ’ പറയുന്നു

Entertainment4 weeks ago

സാമൂഹ്യ പ്രതിബദ്ധതയുള്ള ‘ആഗ്നേയ’ ശരങ്ങളുമായി പ്രിയ ഷൈൻ

Entertainment2 months ago

സ്വന്തം നഗ്നത വൈറലാകുന്നതിൽ നിന്നും അവളരെ പിന്തിരിപ്പിച്ചത് പ്രേതമോ അതോ മനസോ ?

Entertainment2 months ago

നിങ്ങളെ ഭയപ്പെടുത്തുന്ന ‘എലോൺ’ കർമയുടെ നിശ്ചയദാർഢ്യത്തിന് പിന്നിലെ കഥയാണ്

Entertainment2 months ago

ഒരു കോഴിക്കോടുകാരൻ ഓട്ടോ ഡ്രൈവറുടെ നന്മയുള്ള സൃഷ്ടികൾ

Entertainment1 month ago

ഈ ഷോർട്ട് ഫിലിം നടന്ന കഥയാണ്, മറ്റാരുടേയുമല്ല ഇതിന്റെ പ്രൊഡ്യൂസറിന്റെ ജീവിതത്തിൽ

Entertainment3 weeks ago

നിങ്ങളുടെ ഉപബോധമനസിന്റെ ശക്തിയെ നിങ്ങൾ തിരിച്ചറിഞ്ഞിട്ടുണ്ടോ ? എങ്കിൽ യെമൻ കാണുക !

Entertainment4 weeks ago

‘മീനിന് സുഗന്ധം തന്നെയാണ് ‘, മരയ്ക്കാൻ ഷോർട്ട് മൂവിയുടെ വിശേഷങ്ങൾ

Entertainment3 weeks ago

അബ്യുസ് പെൺകുട്ടികൾക്കു മാത്രമല്ലെന്ന് ഒഴിവുദിവസത്തെ സംസാരം, അതാണ് രാസലീല ( A )

Entertainment4 weeks ago

‘കിസ്മത്ത് ഓഫ് സേതു’, സേതു കൃത്യം പത്തുമണിക്ക് തന്നെ മരിക്കുമോ ?

Entertainment2 months ago

ഓൺലൈൻ സംവിധാനത്തിന്റെ സാധ്യതകൾ തുറന്നിട്ട ഡേർട്ട് ഡെവിളും സംവിധായകൻ സോമൻ കള്ളിക്കാട്ടും

Boolokam1 month ago

സ്വന്തം പേരായ ‘ഭൂമി’യുടെ അർത്ഥം തേടുന്ന പെൺകുട്ടിയുടെ കഥ !

Entertainment1 month ago

നിങ്ങളിലെ വിള്ളലുകളുടെ സത്യം നിങ്ങൾ കരുതുന്നതാകില്ല

Advertisement