Devika Rajesh

നാല്പത്തിഒന്ന് — ശ്രീ ലാൽ ജോസിന്റെ പുതിയ സിനിമ ..

ചില സിനിമകൾ അങ്ങിനെയാണ്.. നമ്മുടെ മനസ്സിനെ ഒരു പാട് സ്വാധീനിക്കും. അത്തരം സിനിമകളിലെ കഥാപാത്രങ്ങളെ നമ്മൾക്ക് പെട്ടെന്നൊന്നും മറക്കാൻ സാധിക്കില്ല. ആ ഗണത്തിൽ പെടുന്ന ഒരു സിനിമയാണ് നാൽപത്തിയൊന്ന്. പടം കണ്ടു മൂന്നു ദിവസമായിട്ടും ഉല്ലാസ് മാഷും , വാവാച്ചി കണ്ണനും , സുമയും മനസ്സിൽ നിന്ന് പോകുന്നില്ല. അതുകൊണ്ടാണ് ഈ പോസ്റ്റ് ഇടുന്നതു .എന്നെ പോലുള്ള ഒരുസാധാരണ പ്രേക്ഷകന് ഒരുപാടു സംപൃതി നൽകുന്ന ഒരു സിനിമ. കുടുംബത്തോടൊപ്പം കാണേണ്ട ഒരു നല്ല ചിത്രം. ഈ സിനിമ നിങ്ങളെ ഒരിക്കലും നിരാശപ്പെടുത്തില്ല. യുക്തിയും വിശ്വാസവും മല കയറുന്നത് മാത്രമല്ല ഈ സിനിമയിൽ കാണാൻ കഴിയുക

Image may contain: 1 person, beard, cloud and skyഭർത്താവിനെയും മകളെയും ജീവനുതുല്യം സ്നേഹിക്കുന്ന “സുമ”യെ കാണാൻ കഴിയും ….
ഭാര്യയെയും മകളെയും “ജീവനേക്കാളേറെ” സ്നേഹിക്കുന്ന , പരുക്കൻ സ്വഭാവത്തിനുള്ളിൽ ഒളിപ്പിച്ചു വെച്ച , ഹൃദയത്തിൽ ഒരുപാടു സ്നേഹമുള്ള “വാവാച്ചി കണ്ണനെ” കാണാൻ കഴിയും ..
സ്വന്തം വിശ്വാസത്തിൽ അടിയുറച്ചു വിശ്വസിച്ചു, അത് കാരണം ജീവിതത്തിൽ നഷ്ടങ്ങൾ സംഭവിച്ച , എന്നാൽ മറ്റൊരു കുടുംബത്തിന്റെ സന്തോഷത്തിനു വേണ്ടി, അവരെ സഹായിക്കുന്ന ഉല്ലാസ് മാഷിന്റെ മനുഷ്യത്തതിനെ കാണാൻ കഴിയും .വിശ്വാസിയെയും , അവിശ്വാസിയെയും ഒരു പോലെ ബഹുമാനിക്കുന്ന ലാൽ ജോസ് എന്ന പ്രിയ സംവിധായകന്റെ മികവ് കാണാൻ കഴിയും..

എന്റെ അഭിപ്രായത്തിൽ ഈ സിനിമയിൽ ആരും അഭിനയിക്കുന്നില്ല അവർ ശരിക്കും കഥാപാത്രങ്ങളായി ജീവിക്കുകയാണ്.എനിക്ക് സിനിമയുടെ സാങ്കേതിക വശങ്ങളെ കുറിച്ച് യാതൊരു അറിവുമില്ലെങ്കിലും , ഈ പടം സാങ്കേതികമായി മികച്ചതാണെന്ന് നിസ്സംശയം പറയാൻ കഴിയും.. ഒരു പാട് ആർട്ടിസ്റ്റുകൾ , സങ്കീർണമായ രംഗങ്ങൾ . ഇതിന്റെ അണിയറ പ്രവർത്തകർ അഭിനന്ദനം അർഹിക്കുന്നു..

# ഉല്ലാസ് മാഷായി ജീവിച്ച ബിജു മേനോനോട് ഇഷ്ടം
# വാവാച്ചി കണ്ണനായി ആടിതിമിർത്ത ശരഞ്ജിത്തിനോട് ഇഷ്ടം …( ഒരു ചോദ്യം — എവിടെ ആയിരുന്നു ഇത്രയും കാലം ? ജീവിതത്തിൽ എന്നേലും കാണാൻ പറ്റിയാൽ എനിക്ക് നിങ്ങളെ ഒന്ന് കെട്ടിപിടിക്കണം.. 
# തല്ലിപൊളിയായ ഭർത്താവിനെ ഇത്രക്ക് സ്നേഹിക്കുന്ന സുമയോടിഷ്ടം .
# ഉല്ലാസ് മാഷെ സ്നേഹിച്ചു ജീവിക്കുന്ന ഭാഗ്യത്തോട് ഇഷ്ടം
# ഈ കഥാപാത്രങ്ങളെ പ്രേക്ഷകർക്ക് സമ്മാനിച്ച സംവിധായൻ ലാൽ ജോസിനോട് പെരുത്തിഷ്ടം ..

നിങ്ങൾ ഒരു സിനിമ പ്രേമിയാണെങ്കിൽ, ഈ സിനിമ നിങ്ങൾ കാണണം .. ഇല്ലെങ്കിൽ നഷ്ടമാണ് ..ഈ സിനിമ കണ്ടിറങ്ങിയാലും നിങ്ങൾ സിനിമയെ , അതിലെ കഥാപാത്രങ്ങളെ ചിന്തിച്ചു കൊണ്ടേയിരിക്കും .. എനിക്ക് ഉറപ്പാണ്.

ഇന്ത്യയിലെ ആദ്യത്തെ സിറ്റിസൺ ജേർണലിസം പോർട്ടൽ. ഇവിടെ പ്രസിദ്ധീകരിക്കപ്പെടുന്ന ലേഖനങ്ങളും കമന്റുകളും ബൂലോകത്തിന്റെ അഭിപ്രായങ്ങളല്ല.അവയുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.