വൃത്തികെട്ട മൂഡിലാണ് ഈ ഗാനം ചിത്രീകരിച്ചതെന്ന് മധ്യപ്രദേശ് ആഭ്യന്തര മന്ത്രി നരോത്തം മിശ്ര

പത്താൻ എന്ന ചിത്രത്തിൽ നടി ദീപിക പദുകോണിനെ ഗ്ലാമറസായി അഭിനയിച്ച ഗാനത്തെ അപലപിച്ച് മധ്യപ്രദേശ് ആഭ്യന്തര മന്ത്രി നരോത്തം മിശ്ര.

ഷാരൂഖ് ഖാൻ നായകനായ പത്താനിലെ ദീപിക പദുക്കോൺ അഭിനയിച്ച ‘ബേഷാരം രംഗ് എന്ന ഗാനം അടുത്തിടെ പുറത്തിറങ്ങിയിരുന്നു . ഇതിനെതിരെ ശക്തമായ എതിർപ്പ് ഉയർന്നിട്ടുണ്ട്. അതിനിടെ, ഇപ്പോൾ ഗാനത്തിനെതിരെ മധ്യപ്രദേശ് ആഭ്യന്തര മന്ത്രി നരോത്തം മിശ്രയും രംഗത്തെത്തി.ഗാനത്തിൽ കാണുന്ന ബിക്കിനി ഏറെ പ്രതിഷേധാർഹമാണെന്നും ഇതേക്കുറിച്ച് മാധ്യമങ്ങളോട് സംസാരിക്കവെ അദ്ദേഹം പറഞ്ഞു. ആക്ഷൻ ത്രില്ലർ ചിത്രം പത്താൻ ജനുവരി 25ന് റിലീസ് ചെയ്യും.

വൃത്തികെട്ട മൂഡിലാണ് ഈ ഗാനം ചിത്രീകരിച്ചതെന്ന് വ്യക്തമാണ്. സീനുകളും അവരുടെ (മിസ് പദുകോണിന്റെ) വസ്ത്രങ്ങളും (ഗാനത്തിൽ) ശരിയാക്കേണ്ടതുണ്ട്.അല്ലാത്തപക്ഷം ഈ ചിത്രം മധ്യപ്രദേശിൽ അനുവദിക്കണോ വേണ്ടയോ എന്ന് ആലോചിക്കേണ്ട സാഹചര്യം ഉണ്ടാകും. ജെഎൻയു വിഷയത്തിൽ പദുക്കോൺ ആസാദി സംഘത്തിന്റെ പിന്തുണക്കാരനായിരുന്നു.

2016ൽ ഡൽഹിയിലെ ജെഎൻയുവിൽ നടന്ന പ്രതിഷേധത്തിന്റെ ഫലമായി ഉയർന്നുവന്ന ആസാദി സംഘത്തിനു ദീപിക പദുക്കോൺ സപ്പോർട്ട് നൽകിയിരുന്നു. സംഘപരിവാർ നേതാക്കൾ അന്ന് മുതൽ ദീപികയ്‌ക്കെതിരെ ബഹിഷ്കരണാഹ്വാനം നൽകിയിരുന്നു . .വലതുപക്ഷ ഗ്രൂപ്പുകളും പലപ്പോഴും ഈ ജെഎൻയു വിഷയം ദീപികക്കെതിരെ ഉപയോഗിക്കാറുണ്ട് .

അതെ സമയം, രാമായണത്തെ ആസ്പദമാക്കിയുള്ള ബോളിവുഡ് ചിത്രമായ ആദിപുരുഷിന്റെ നിർമ്മാതാക്കൾ ഹിന്ദുമത വിശ്വാസികളെയും വിശ്വാസങ്ങളെയും തെറ്റായ രീതിയിൽ കാണിക്കുന്ന ദൃശ്യങ്ങൾ നീക്കം ചെയ്തില്ലെങ്കിൽ നിയമനടപടി സ്വീകരിക്കുമെന്നും മന്ത്രി അറിയിച്ചു.