പി ആർ ഒ-എ എസ് ദിനേശ്.

തിങ്കളാഴ്ച നിശ്ചയം എന്ന ചിത്രത്തിനു ശേഷം സുനിൽ സൂര്യ പ്രധാന കഥാപാത്രത്തെ അവതരിപ്പിക്കുന്ന ”മുകൾപ്പരപ്പ് “എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ, ലാൽ ജോസ്, വിനീത് ശ്രീനിവാസൻ തുടങ്ങിയ പ്രമുഖരോടൊപ്പംഅമ്പതോളം പ്രമുഖ താരങ്ങൾ തങ്ങളുടെ ഫേസ്ബുക്ക് പേജിലൂടെ റിലീസ് ചെയ്തു. സിബി പടിയറ രചനയും സംവിധാനവും നിർവഹിക്കുന്ന “മുകൾപ്പരപ്പ് ” എന്ന ചിത്രത്തിൽ മലബാറിലെ തെയ്യങ്ങളുടെയും പശ്ചാത്തലത്തിലാണ് കഥപറയുന്നത്.അപർണ്ണ ജനാർദ്ദനൻ നായികയാകുന്ന ഈ ചിത്രത്തിൽ പ്രമുഖ താരങ്ങൾക്കൊപ്പം നിരവധി പുതുമുഖങ്ങളും അണിനിരക്കുന്നുണ്ട്.അന്തരിച്ച പ്രശസ്ത നടൻ മാമുക്കോയ അവസാനമായി അഭിനയിച്ച ചിത്രം കൂടിയാണിത്.ശിവദാസ് മട്ടന്നൂർ, ഉണ്ണിരാജ് ചെറുവത്തൂർ, ഊർമിള ഉണ്ണി, ചന്ദ്രദാസൻ ലോകധർമ്മി , മജീദ്,ബിന്ദു കൃഷ്ണ, രജിത മധു , എന്നിവർക്കൊപ്പം ഒട്ടേറെ തെയ്യം കലാകാരൻമാരും അഭിനയിക്കുന്നുണ്ട്.

“മുകൾപ്പരപ്പ്”എന്ന ചിത്രത്തിന്റെ സഹ രചയിതാവും ഗാനരചയിതാവും കൂടിയായ ജയപ്രകാശൻ കെ കെ നിർമ്മിക്കുന്ന ചിത്രമാണ് “മുകൾപ്പരപ്പ് “.സംഗീതത്തിനും പ്രണയത്തിനും നർമ്മത്തിനും പ്രാധാന്യം നൽകുന്ന ചിത്രം നിരന്തരം പാറ ഖനനത്തിന്റെ പ്രകമ്പനങ്ങൾ മുഴങ്ങുന്ന ഒരു ഗ്രാമത്തിലെ പേരെടുത്ത തെയ്യം കലാകാരനായ ചാത്തുട്ടിപ്പെരുവണ്ണാന്റെ അന്ത:സംഘർഷങ്ങളിലൂടെ കണ്ണൂരിന്റെ പശ്ചാത്തലത്തിൽ പാരിസ്ഥിതിക വിഷയങ്ങളും ചർച്ച ചെയ്യുന്ന ചിത്രമാണ് “മുകൾപ്പരപ്പ് “. ജോൺസ്പനയ്ക്കൽ, സിനു സീതത്തോട്, ഷമൽ സ്വാമിദാസ്, ബിജോ മോഡിയിൽ കുമ്പളാംപൊയ്ക, ഹരിദാസ് പാച്ചേനി, മനോജ് സി.പി, ആദിത്യ പി.ഒ, അദ്വൈത് പി.ഒ, ലെജു നായർ നരിയാപുരം എന്നിവരാണ് ‘മുകൾപ്പരപ്പി’ന്റെ സഹ നിർമ്മാതാക്കൾ

ഛായാഗ്രഹണം-ഷിജി ജയദേവൻ,നിതിൻ കെ രാജ്,സംഗീതം-പ്രമോദ് സാരംഗ്,ജോജി തോമസ്,ഗാനരചന- ജെ പി തവറൂൽ,സിബി പടിയറ,എഡിറ്റർ- ലിൻസൺ റാഫേൽ,പശ്ചാത്തല സംഗീതം- അലൻവർഗീസ്,ചീഫ് അസോസിയേറ്റ് ഡയറക്ടർ-ശ്രീകുമാർ വള്ളംകുളം,ഫിനാൻസ് കൺട്രോളർ-ടി പി ഗംഗാധരൻ,പ്രൊജക്റ്റ് മാനേജർ-ബെന്നി നെല്ലുവേലി, പ്രൊഡക്ഷൻ എക്സിക്യൂട്ടിവ്- പ്രവീൺ ശ്രീകണ്ഠപുരം. ഡിടിഎസ് മിക്സിംഗ്- ജുബിൻ രാജ്, സ്റ്റുഡിയോ-മീഡിയ പ്ളസ് കൊച്ചി, വിസ്മയാസ് മാക്സ് തിരുവനന്തപുരം.ജ്യോതിസ് വിഷൻന്റെ ബാനറിൽ എത്തുന്ന “മുകൾപ്പരപ്പ് “അഗസ്റ്റ് നാലിന് തിയേറ്ററുകളിലെത്തും.

 

Leave a Reply
You May Also Like

ഓൺലൈൻ സംവിധാനത്തിന്റെ സാധ്യതകൾ തുറന്നിട്ട ഡേർട്ട് ഡെവിളും സംവിധായകൻ സോമൻ കള്ളിക്കാട്ടും

സോമൻ കള്ളിക്കാട്ട്, എറണാകുളം ജില്ലയിലെ പെരുമ്പാവൂർ  സ്വദേശി. ചിത്രകാരൻ -സിനിമാ സംവിധായകൻ എന്ന നിലകളിൽ പ്രശസ്തനാണ്…

ബോളിവുഡിൽ 1997 ലെ വലിയ വിജയങ്ങളിൽ ഒന്ന്, കേരളത്തിലും സൂപ്പർ ഹിറ്റായിരുന്നു ഗുപ്ത് 26-ാം വാർഷികം ആഘോഷിക്കുന്ന ഗുപ്ത്

26-ാം വാർഷികം ആഘോഷിക്കുന്ന ഗുപ്ത് Bineesh K Achuthan മൊഹ്റക്ക് ശേഷം രാജീവ് റായ് –…

പുതുമുഖങ്ങൾക്ക് ഏറേ പ്രാധാന്യം നല്കി കെ എസ് ഹരിഹരൻ സംവിധാനം ചെയ്യുന്ന ചിത്രമാണ് ‘ലൂയിസ് ഇലവൻ’

പുതുമുഖങ്ങൾക്ക് ഏറേ പ്രാധാന്യം നല്കി കെ എസ് ഹരിഹരൻ സംവിധാനം ചെയ്യുന്ന ചിത്രമാണ് ‘ലൂയിസ് ഇലവൻ’…

രജനിയുടെ തീരുമാനം കൊണ്ടാണോ ദർബാർ പരാജയപ്പെട്ടത്? സംവിധായകൻ എ ആർ മുരുഗദോസ് പുറത്തുവിട്ട വിവരങ്ങൾ

രജനികാന്ത് നായകനായ ദർബാർ പരാജയപ്പെട്ടതിന്റെ കാരണം അടുത്തിടെ ഒരു അഭിമുഖത്തിൽ സംവിധായകൻ എആർ മുരുഗദോസ് വെളിപ്പെടുത്തി.…