തിരിച്ചുവരവ് വൻ വിജയമാക്കിയ നടിയാണ് നവ്യാനായർ. ‘ഒരുത്തീ’ എന്ന വികെ പ്രകാശ് സംവിധാനം ചെയ്ത സിനിമയിലെ അഭിനയം നവ്യക്ക് പ്രേക്ഷകരുടെയും നിരൂപകരുടെയും മുക്തകണ്ഠ പ്രശംസ നേടികൊടുത്തിരുന്നു. ഇപ്പോൾ അനീഷ് ഉപാസന സംവിധാനം ചെയ്യുന്ന പുതിയ ചിത്രത്തിൽ നായികയായി അഭിനയിക്കുകയാണ് നവ്യ . സൈജു കുറുപ്പ് സായകനാകുന്ന ചിത്രത്തിൽ ഒരു പ്രിന്റിങ് പ്രസ് ജീവനക്കാരിയായ ജാനകിയെന്ന കഥാപാത്രത്തെയാണ് നവ്യ അവതരിപ്പിക്കുന്നത്.
ഇപ്പോൾ മകൻ സായ് കൃഷ്ണയുടെ 12-ാം ജന്മദിനം ആഘോഷിക്കുകയാണ് നവ്യ. നവ്യയുടെ ഭർത്താവ് സന്തോഷ് മേനോൻ, നവ്യയുടെയും സന്തോഷിന്റെയും അമ്മമാർ, ബന്ധുക്കൾ എന്നിവർ ആഘോഷത്തിൽ പങ്കെടുത്തു. ആഘോഷചിത്രങ്ങൾ നവ്യ സോഷ്യൽ മീഡിയയിൽ പങ്കുവച്ചു. ജാപ്പനീസ് മാംഗ സീരീസിലെ നാരുട്ടോ തീമിലാണ് പിറന്നാൾ കേക്കും മറ്റും അണിയിച്ചൊരുക്കിയത്.
View this post on Instagram
