എഴുതിയത്  : Nelson Joseph

പ്രിയപ്പെട്ടവരേ,

ശരിയാണ് , എല്ലാം നമ്മൾ കരുതിയതുപോലെ നടന്നില്ല. പക്ഷേ ആ ശ്രമത്തിനിടയിൽ അതിശയകരമായ കുറച്ച്‌ കാര്യങ്ങൾ നടന്നിരുന്നു.

ചന്ദ്രനിലിറങ്ങുവാനുള്ള ശ്രമത്തിൽ മുഴുകിയിരുന്ന നിങ്ങൾ ഒരുപക്ഷേ അതറിഞ്ഞിരിക്കില്ല.

പാതിരാത്രി ലോകം മുഴുവൻ ഉറക്കത്തിലായിരുന്നപ്പൊ ഇന്ത്യ ഉണർന്നിരിക്കുകയായിരുന്നു.അത്‌ അവിടെ കമാൻഡ്‌ സെന്ററിലുണ്ടായിരുന്നവർ മാത്രമല്ല.. . .ഇന്ത്യ മുഴുവനും.

ഭർത്താവും ഭാര്യയും, മുത്തശ്ശനും മുത്തശ്ശിയും കൊച്ചുമക്കളും മക്കളുമെല്ലാമായി ചുവന്ന വരയിലൂടി നീങ്ങുന്ന ഒരു പച്ചപ്പൊട്ടിൽ ഒന്നും മനസിലായില്ലെങ്കിലും കണ്ണുനട്ടിരുന്നു.

ചന്ദ്രനിൽ നിന്ന് കയ്യെത്തും ദൂരത്ത്‌ വച്ച്‌ ലാൻഡറുമായി നമ്മുടെ ബന്ധം നഷ്ടപ്പെട്ടു. . .ഫേസ്ബുക്കിൽ ലൈവ്‌ കണ്ടുകൊണ്ടിരുന്ന ഞാൻ അപ്പൊ ഒരു കാര്യം ശ്രദ്ധിക്കുകയായിരുന്നു.

ലൈവ്‌ ഫീഡുകൾക്ക്‌ താഴെ നൂറു കണക്കിനു പ്രാർത്ഥനകൾ കൊണ്ട്‌ കമന്റ്‌ സെക്ഷൻ നിറയുന്നു. ജാതിമതഭേദമില്ലാതെ. . .

മനസിലായില്ലേ?

മിഷൻ നടന്ന സമയമത്രയും നിങ്ങൾ ഇന്ത്യയെ ഒരുമിപ്പിച്ചുനിർത്തി.പരസ്പരമുള്ള വ്യത്യാസങ്ങൾ മറന്ന് ജനങ്ങൾ ഒരൊറ്റക്കാര്യത്തിനായാഗ്രഹിച്ചു…

നാളെ സയൻസിനും ഇന്ത്യയ്ക്കും ലോകത്തിനും സംഭാവനകൾ നൽകുന്ന ഒരുപാട്‌ കുട്ടികൾക്ക്‌ നിങ്ങൾ പ്രചോദനമായി. നിങ്ങൾ ഞങ്ങൾക്ക്‌ പ്രതീക്ഷ തന്നു. .

സയൻസ്‌ ഇതെല്ലാം ചെയ്തത്‌ ഒരു വാക്കുപോലും ഉരിയാടാതെയായിരുന്നു.

ഇനി മിഷന്റെ റിസൾട്ടിന്റെ കാര്യം.

നിങ്ങൾ സയന്റിസ്റ്റുകൾക്ക്‌ മറ്റ്‌ എല്ലാവരെയും കാൾ അറിയാമായിരിക്കും ശരികളെക്കാൾ തെറ്റുകളിൽ നിന്നാണു നമ്മൾ കൂടുതൽ പാഠങ്ങൾ പഠിക്കുന്നതെന്ന്.

അതറിയില്ലാത്ത ഇന്ത്യയിലെ മറ്റ്‌ ആളുകളോടും കൂടിയാണ് ഈ കുറിപ്പ്‌.

അമേരിക്ക ഇരുപത്തഞ്ചോളം തവണ ആളില്ലാത്ത മിഷനുകൾ നടത്തിയതിനു ശേഷമാണു മനുഷ്യൻ ചന്ദ്രനിലിറങ്ങിയ അപ്പോളോ വാഹനം വിക്ഷേപിച്ചതുതന്നെ

നമ്മുടെ ശാസ്ത്രജ്ഞരിലുള്ള വിശ്വാസം കളയേണ്ട സമയമല്ലിത്‌. നമ്മൾ ഇത്രയും അടുത്തെത്തിയെന്ന് അഭിമാനിക്കേണ്ട സമയമാണിത്‌. 90% ൽ കൂടുതൽ ജോലി നമ്മൾ ചെയ്തു. ഓർബിറ്റർ ഇപ്പൊഴും ചന്ദ്രനെ ചുറ്റുന്നുണ്ട്‌.

നമ്മൾ ഒരുപാട്‌ അടുത്തെത്തി. .

ഒരിക്കൽ നമ്മൾ ചന്ദ്രനിലിറങ്ങും.
അധികം വൈകാതെതന്നെ

ISRO – Indian Space Research Organisationയ്ക്ക്‌
സ്നേഹപൂർവ്വം

Advertisements
ഇന്ത്യയിലെ ആദ്യത്തെ സിറ്റിസൺ ജേർണലിസം പോർട്ടൽ. ഇവിടെ പ്രസിദ്ധീകരിക്കപ്പെടുന്ന ലേഖനങ്ങളും കമന്റുകളും ബൂലോകത്തിന്റെ അഭിപ്രായങ്ങളല്ല.അവയുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.