മൂന്നു സംവിധായകർ ഒന്നിക്കുന്ന “നിഗൂഢം” ആരംഭിച്ചു
മൂന്നു സംവിധായകർ ഒത്തുചേർന്ന് സംവിധാനം ചെയ്യുന്ന ചിത്രമാണ് നിഗൂഢം. ഈ ചിത്രത്തിന്റെ ചിത്രീകരണം ഫെബ്രുവരി ഇരുപത്തിനാല് വെള്ളിയാഴ്ച്ച തിരുവനന്തപുരത്താരംഭിച്ചു.. നവാഗതരായ അജേഷ് ആന്റെണി, അനീഷ്. ബി.ജെ. ബെപ്സൺ നോർ ബൽ എന്നിവരാണ് ഈ ചിത്രം തിരക്കഥ രചിച്ച സംവിധാനം ചെയ്യുന്നത്.ജി. ആന്റ് ജി പ്രൊഡക്ഷൻസിന്റെ ബാനറിൽ അജേഷ് എസ് കെ. യാണ് ഈ ചിത്രം നിർമ്മിച്ചിരിക്കുന്നത്.
മലയിൽ കീഴിലെ ഒരിടത്തരം വീട്ടിൽ ഫെബ്രുവരി ഇരുപത്തിനാല വെള്ളിയാഴ്ച്ച പ്രശസ്ത നടൻ ഇരൻസ് ആദ്യ ഭദ്രദീപം തെളിയിച്ചു കൊണ്ടാണ് ചിത്രീകരണം ആരംഭിച്ചത്. ഇന്ദ്രൻസ് , സെന്തിൽ കൃഷ്ണ, ബേബി സ്വര അരുൺ, എന്നിവർ ആദ്യ രംഗത്തിൽ അഭിനയിച്ചു. പ്രത്യേക ലഷ്യത്തോടെ പ്രശസ്ത ചിത്രകാരനായ ശങ്കർ നടത്തുന്ന ഒരു യാത്രയും അതിലൂടെ തിരിച്ചറിയുന്ന നിഗൂഢതകളുടേയും ചലച്ചിത്രാവിഷ്ക്കാരണമാണീച്ചിത്രം.
അനൂപ് മേനോൻ, ഗൗതമി നായർ , റോസ്‌ലിൻ ജോളി, അരിസ്റ്റോ സുരേഷ്, ശിവകാമി, എന്നിവരും പ്രധാന താരങ്ങളാണ്.ഗാനങ്ങൾ – കൃഷ്ണചന്ദ്രൻ. സംഗീതം – റോണി റാഫേൽ . പ്രദീപ് നായരാണ് ഛായാഗ്രാഹകൻ. എഡിറ്റിംഗ് – സോബിൻ സോമൻ . മേക്കപ്പ് – സന്തോഷ് വെൺ പകൽ. കോസ്റ്റ്യും ഡിസൈൻ – ബ്യൂസി ബേബി ജോൺ,ചീഫ് അസ്സോസ്സിയേറ്റ് ഡയറക്ടർ – ശങ്കർ.എസ്.കെ. ഫിനാൻസ് കൺട്രോളർ – സന്തോഷ് വെൺ പകൽ. പ്രൊഡക്ഷൻ മാനേജർ – കുര്യൻ ജോസഫ് . പ്രൊഡക്ഷൻ എക്സിക്യൂട്ടീവ് – ഹരി കാട്ടാക്കട . പ്രൊഡക്ഷൻ കൺട്രോളർ – എസ്. മുരുകൻ, തിരുവനന്തപുരത്ത് ഈ ചിത്രത്തിന്റെ ചിത്രീകരണം പൂർത്തിയാകും. വാഴൂർ ജോസ്. ഫോട്ടോ – അജി മസ്ക്കറ്റ്.
.
