Connect with us

Featured

വേണ്ടാ ട്രംപ് – ചില ചരിത്ര കാരണങ്ങൾ

ട്രംപ് ജയിച്ചാലോ തോറ്റാലോ നമുക്ക് എന്തുട്ട് പുട്ട് ? പലരും ചോദിച്ചു കേട്ടു . കേൾക്കുമ്പോ ശരിയാണ് . പക്ഷെ എന്റെ വീക്ഷണം ആദ്യം തന്നെ വ്യക്തമാക്കട്ടെ . ഞാൻ ട്രംപിന്റെ ഒരു സപ്പോർട്ടർ അല്ല . അയാൾ

 43 total views

Published

on

ജിമ്മി മാത്യു

വേണ്ടാ ട്രംപ് – ചില ചരിത്ര കാരണങ്ങൾ :

ട്രംപ് ജയിച്ചാലോ തോറ്റാലോ നമുക്ക് എന്തുട്ട് പുട്ട് ? പലരും ചോദിച്ചു കേട്ടു . കേൾക്കുമ്പോ ശരിയാണ് . പക്ഷെ എന്റെ വീക്ഷണം ആദ്യം തന്നെ വ്യക്തമാക്കട്ടെ . ഞാൻ ട്രംപിന്റെ ഒരു സപ്പോർട്ടർ അല്ല . അയാൾ ചരിത്രപരമായ ഒരു ദുരന്തം ആണെന്ന് വിശ്വസിക്കുന്നത് കൊണ്ടാണത് . കാരണം വ്യക്തമാക്കാം .

ഒന്ന് – വംശീയത എന്ന ഒറിജിനൽ ഗോത്രീയത :

ചരിത്രത്തിൽ ഏറ്റവും അധികം കൊല്ലൽ , ബലാത്സംഗം , കൂട്ടക്കൊല്ലൽ , അടിമത്തം , വേരോടെ ഉള്ള ദയാരഹിത വംശ ഹത്യ , കരുണ തൊട്ടു തീണ്ടാത്ത ക്രൂരതകൾ എന്നിവ നടന്നിട്ടുള്ളത് ഗോത്രം , വംശം , മതം , ജാതി , എന്നീ പേരുകളിൽ മനുഷ്യൻ അങ്ങോട്ടും ഇങ്ങോട്ടും അടി കൂടിയപ്പോൾ ആണ് . ഈ അടുത്ത കാലങ്ങളിൽ പോലും , പല ഭരണാധികാരികളും സ്വന്തം ജനതയെ നിയന്ത്രിക്കാൻ ഇത് ഒരു എളുപ്പ ഉപാധിയായി കണ്ടിട്ടുണ്ട് . അപ്പോഴൊക്കെ പ്രശ്നങ്ങൾ ഉണ്ടായിട്ടും ഉണ്ട് . എന്തോരും കൂട്ടക്കൊലകൾ ! ഉദാ – നാസി ജർമനിയിലെ ജൂത കൂട്ടക്കൊല , ടർക്കിയിലെ അർമേനിയൻ ക്രിസ്ത്യൻ കൂട്ടക്കൊല , സെർബിയയിലെ മുസ്‌ലിം കൂട്ടക്കൊല , റുവാണ്ടയിലെ ഭീകര കൂട്ടക്കൊല . ഇതൊക്കെ വെറും സാമ്പിളുകൾ മാത്രം .

വെള്ള വംശീയത , ആന്റി – കുടിയേറ്റം , ഇവാൻജെലിക്കൽ മത വാദ സപ്പോർട്ട് . ഇത്രേം കാര്യങ്ങൾ ആണ് ട്രംപിന്റെ തുറുപ്പു ചീട്ട് എന്ന് ആർക്കാണ് അറിയാൻ പാടില്ലാത്തത് ? കരിസ്മാറ്റിക് മൗത് പീസ് ആയ ശാലോം വരെ ട്രംപിനെ സപ്പോർട്ട് ചെയ്തിരുന്നു എന്നോർക്കുക . അപ്പൊ തന്നെ മണക്കേണ്ടതാണ് . എന്ത് ? അപകടം .
ഇന്നത്തെ ലോകത്തിൽ – വേണ്ടാ ഇത് , സുഹൃത്തേ – വേണ്ട , വേണ്ട .

രണ്ട് – ജനാധിപത്യ മര്യാദകളുടെ കടക്കൽ കത്തി വയ്ക്കൽ :

മനുഷ്യ ഗ്രൂപ്പുകൾ തമ്മിലുള്ള യുദ്ധം കഴിഞ്ഞാൽ , പിന്നെ ഏറ്റവും ചരിത്ര ക്രൂരതകൾ നടന്നിട്ടുള്ളത് ക്രൂര ഭരണാധികാരി അഥവാ ഭരണ യന്ത്രം , സ്വന്തം പൗരന്മാരെ അടിമകൾ ആക്കുകയും , പീഡിപ്പിക്കുകയും , കൊല്ലുകയും ചെയ്തപ്പോൾ ആണ് . ഉദാ ; എത്ര വേണമെങ്കിലും ഉണ്ട് . അതിനെതിരെ ഉയർന്നു വന്ന ഒരു ഉപായം ആണ് ജനാധിപത്യം . മടുത്തു കഴിയുമ്പോ ഒരു ഭരണാധികാരിയെ മാറ്റാൻ ഉള്ള ഒരു മാർഗം ആണത് . വേറെ ഒരു കുന്തവും അല്ല . അതിന്റെ മര്യാദകളെ ബഹുമാനിക്കാത്ത ഒരാൾ അപകടകാരി ആണ് .
ഒരു നേതാവ് എന്ത് മാത്രം ഏകാധിപത്യ സ്വഭാവം കാണിക്കുന്ന ആൾ ആണ് ? ഇതറിയാൻ yale ലെ പ്രൊഫസർ ആയ ജുവാൻ ലീന്സ് നാല് ടെസ്റ്റുകൾ പറഞ്ഞിട്ടുണ്ട് .

Advertisement
  • ജനാധിപത്യ സംവിധാനങ്ങളോട് പുച്ച്ചം; വിശ്വാസം ഇല്ലായ്മ – ഭരണഘടനയെ തള്ളുക . ഇലക്ഷൻ തട്ടിപ്പ് ആണെന്ന് പറയുക , മീഡിയ ഒക്കെ കള്ളന്മാർ ആണെന്ന് വിശ്വസിക്കുക , മാധ്യമങ്ങളോട് സംസാരിക്കാതിരിക്കുക , ഇലക്ഷൻ തോറ്റെന്നു സമ്മതിക്കാതിരിക്കുക തുടങ്ങിയവ.
  • ജനാധിപത്യത്തിൽ എതിർപക്ഷം ശത്രു അല്ല . ഒരു ഫുട്ബാൾ കളിയിൽ ഉള്ള എതിരാളി പോലെയേ ഉള്ളു . ഈ സ്പിരിറ്റിൽ എടുക്കാതിരിക്കുക . എന്ത് വില കൊടുത്തും എതിരാളിയെ ഒതുക്കാൻ നോക്കുക . അവർ കൊള്ളക്കാർ ആണെന്ന് പറയുക , ശത്രു രാജ്യ ഏജെന്റുകൾ ആണെന്ന് പറയുക . ഇവിടെ ജനിച്ചതല്ല , മുസ്‌ലിം ആണ് തുടങ്ങിയ കള്ളങ്ങൾ പറയുക .
  • നിയമപരമല്ലാത്ത അക്രമങ്ങളെയും , അക്രമം കാണിക്കുന്ന സപ്പോർട്ട് ഗ്രൂപ്പുകളെയും പ്രോത്സാഹിപ്പിക്കുക . കൊല്ലൂ , തല്ലൂ എന്നാക്രോശിക്കുക . ലഹളകൾ , വംശഹത്യകൾ എന്നിവയെ പ്രോത്സാഹിപ്പിക്കുക , നിരുത്സാഹപ്പെടുത്താതിരിക്കുക .
  • നിയമവ്യവസ്ഥ , ക്രൈം ഏജൻസികൾ , ടാക്സ് ഏജൻസികൾ , ഇവയെ ഉപയോഗിച്ച് , എതിര്പക്ഷ നേതാക്കന്മാർ , പ്രമുഖന്മാർ , മാധ്യമങ്ങൾ , സാംസ്‌കാരിക നായകന്മാർ , എഴുത്തുകാർ , സിനിമാക്കാർ ഇവരെ വേട്ടയാടുക .
    ഈ കാര്യങ്ങൾ ഒക്കെ വച്ച് നോക്കിയാൽ , ട്രംപ് വളരെ വലിയ ഒരു ജനാധിപത്യ വിരുദ്ധൻ ആണെന്ന് കാണാൻ സാധിക്കും .

മൂന്നു – നൊണ . കല്ല് വച്ച നൊണ .

ഒരു നേതാവിന് വേണ്ട അത്യാവശ്യം ഗുണങ്ങളിൽ ഒന്നാണ് കഴിയുന്നതും സത്യം പറയുക എന്നത് . കഴിഞ്ഞ നാല് വർഷങ്ങളിൽ , ഇപ്പോഴുള്ള അമേരിക്കൻ പ്രസിഡണ്ട് ഇരുപത്തിരണ്ടായിരം വലിയ കള്ളങ്ങൾ ബോധപൂർവം പറഞ്ഞതായി മീഡിയ റിപ്പോർട്ട് ചെയ്യുന്നു . ഒബാമ ജനിച്ചത് അമേരിക്കയിൽ അല്ല , അയാൾ മുസ്‌ലിം ആണ് , എന്ന വലിയ നുണ വീണ്ടും വീണ്ടും പറഞ്ഞാണ് ട്രംപിന്റെ അരങ്ങേറ്റം തന്നെ .

ഇത്തരം നുണകൾ പ്രൊപ്പോഗാണ്ട ആണ് . സാദാ ജനങ്ങൾ ഇവ വിശ്വസിക്കും എന്ന് നമുക്കറിയാം . ഗീബൽസ് നെ പറ്റി നമുക്കറിയാമല്ലോ . നമ്മുടെ രാജ്യത്തും ഇത്തരം പ്രൊപ്പോഗാണ്ട ഉണ്ടാക്കി വിടുന്നതിൽ വേന്ദ്രന്മാർ ആരാണെന്നും എന്തിനാണെന്നും നമുക്കറിയാം . നല്ലതിനല്ല നുണകൾ . അതിന് യാതൊരു സംശയവുമില്ല . ജനാധിപത്യത്തിന്റെ അടിക്കല്ലുകളിൽ ഒന്നാണ് സത്യസന്ധത .
നാല് – സാർവലൗകികത അംഗീകരിക്കാത്ത സ്വാർത്ഥത :

ഇന്ത്യ , അമേരിക്ക പോലുള്ള രാജ്യങ്ങളിൽ നല്ല ഒരു ജനാധിപത്യ മര്യാദകൾ ഉരുത്തിരിഞ്ഞു വരേണ്ടത് ലോകത്തിന്റെ തന്നെ ഒരാവശ്യമാണ് . ക്രൂരവും ദയാ രഹിതവുമായ മനുഷ്യചരിത്രം ഒട്ടൊക്കെ മയപ്പെട്ടത് ഈ അടുത്ത കാലത്താണ് . ആ മാർദവം തുടരേണ്ടത് അടുത്ത് തലമുറക്ക് ആവശ്യമാണ് .

എല്ലാ മനുഷ്യരും മനുഷ്യർ ആണെന്നും , ഓരോ മനുഷ്യനും ചില അവകാശങ്ങൾ ഉണ്ടെന്നും ഇന്ന് നമുക്കറിയാം . അമേരിക്ക മാത്രം ; അഥവാ ഇന്ത്യ മാത്രം ആയി ഒരു നന്നാവാൽ ഇനി ഇല്ല . എല്ലാരും നന്നാവണം . ചില സാർവദേശീയ മര്യാദകൾ വേണം .
ഭൂമി ചൂടാവുന്നുണ്ട് . നമുക്ക് ഒരു ഭൂമിയെ ഉള്ളു . ഒരു ഇന്ത്യക്കാരൻ ചിലവാക്കുന്നതിന്റെ പത്തും ഇരുപതും അൻപതും മടങ്ങ് ഊർജം ഒരു അമേരിക്കൻ ചിലവാക്കുന്നുണ്ട് . കാലാവസ്ഥ ചർച്ചകളിൽ നിന്ന് അവർ അവരുടെ കാര്യം മാത്രം നോക്കി പിന്മാറിയാൽ ആർക്കാണ് നഷ്ടം ? നമുക്ക് എല്ലാവര്ക്കും .

ഈ കോവിഡ് പോയാൽ ഉടൻ ഒരു പക്ഷെ അടുത്ത പാൻഡെമിക് വന്നേക്കാം . പുതിയ ഒരു ഇൻഫ്ലുൻസ , എബോള , മെർസ് , സാർസ് ഒക്കെ ഇങ്ങനെ ഓങ്ങി ഇരിക്കയാണ് . അപ്പൊ ലോകാരോഗ്യ സംഘടനയിൽ നിന്ന് മാറി , ഞങ്ങളുടെ കാര്യം ഞങ്ങൾ നോക്കിക്കൊള്ളാം എന്ന് പറയുന്നതിൽ എന്തർത്ഥം ? ആർക്കാണ് നഷ്ടം ? നമുക്കെല്ലാം .
ഉട്ടോപ്പിയയിൽ എനിക്ക് വിശ്വാസമില്ല . എങ്കിലും , മനുഷ്യരാശിക്ക് ഇനിയും നന്നാവാം എന്ന് വിശ്വസിച്ചേ പറ്റൂ . അതിന് , ചില മിനിമം മൂല്യങ്ങൾ വേണ്ടേ ?
വേണം , വേണം

 44 total views,  1 views today

Advertisement
Advertisement
cinema13 hours ago

മീണ്ടും ഒരു കാതൽ കതൈ (എന്റെ ആൽബം- 13)

cinema2 days ago

ബ്യുട്ടിപാലസ് ഷൂട്ടിംഗിനിടെ രസകരമായ ഒരു സംഭവം (എന്റെ ആൽബം- 12)

cinema3 days ago

ബ്യൂട്ടി പാലസും അഭിപ്രായ വ്യത്യാസങ്ങളും (എന്റെ ആൽബം- 11)

Entertainment3 days ago

നിങ്ങളുടെ വർത്തമാനകാലത്തെ വേട്ടയാടാൻ ‘ഭൂതകാലം’

cinema4 days ago

ബ്യൂട്ടി പാലസ് (എന്റെ ആൽബം- 10)

Uncategorized5 days ago

ബാലുസാറിനെ സ്ഥിരമായി കാണാറുള്ള കാലം (എന്റെ ആൽബം- 9)

cinema6 days ago

രാധികാ തിലക് (എന്റെ ആൽബം – 8 )

cinema7 days ago

മൗനദാഹം (എന്റെ ആൽബം- 7)

cinema1 week ago

നമുക്ക് പാർക്കാൻ മുന്തിരിത്തോപ്പുകൾ (എന്റെ ആൽബം -6)

cinema1 week ago

ജയറാമിന്റെ വളർച്ച (എന്റെ ആൽബം -5 )

cinema1 week ago

ഷൂട്ടിങ്ങിനിടെ നടന്ന ആ ദാരുണ സംഭവം (എന്റെ ആൽബം- 4)

Entertainment1 week ago

ബൂലോകം ടീവി ക്യാഷ് പ്രൈസുകൾ വിതരണം ചെയ്തു

Boolokam1 month ago

ആരുംപറയാത്ത പുരുഷ വേശ്യകളുടെ കഥയുമായി ‘ജിഗോള’

Entertainment3 weeks ago

ഏവരും കാത്തിരുന്ന ബൂലോകം ടീവി അവാർഡുകൾ പ്രഖ്യാപിച്ചു

Entertainment1 month ago

ആതുരസേവനവും സിനിമയും, അഭിമുഖം : ഡോക്ടർ ജിസ് തോമസ്

Boolokam2 months ago

വിവേകാനന്ദൻ പറഞ്ഞതു തന്നെയാണ് ‘കാലമാടൻ’ പറയുന്നതും

Entertainment2 months ago

ജീവിതം അവസാനിക്കുമ്പോഴല്ല, ജീവിക്കുമ്പോഴാണ് ചിന്തിക്കേണ്ടതെന്നു ‘പൂജ്യം’ പറയുന്നു

Entertainment2 months ago

‘അന്നുപെയ്ത മഴയിൽ’ അപവാദക്കുരുക്കുകളിൽ ജീവിതം നഷ്ടപ്പെടുത്തിയവർക്കു വേണ്ടി

Entertainment1 month ago

ചലനമറ്റ വാളും ചിലമ്പും പിന്നെ കോമരവും

Boolokam1 month ago

വിനോദത്തിന്റെ കലവറയായി ബൂലോകം ടീവീ വെബ് ആപ്പ് പ്രവർത്തനക്ഷമം ആയിരിക്കുന്നു

Entertainment3 weeks ago

മികച്ച സംവിധാനത്തിനുള്ള അവാർഡ്, മൂന്നു വ്യത്യസ്തമായ സബ്‌ജക്റ്റുകൾ

Entertainment2 months ago

അടിച്ചുപൊളി ഞായർ ദീപുവിന് തല്ലിപ്പൊളി ഞായർ ആയതെങ്ങനെയാണ് ?

Entertainment3 weeks ago

സണ്ണിചാക്കോ, സാമൂഹിക പ്രതിബദ്ധതയിൽ ഊന്നിയ ബിസിനസും കലയും

Entertainment4 weeks ago

ഐശ്യര്യയുടെ കരച്ചിൽ നമ്മുടെ ഉച്ചിയിൽ മിന്നൽപ്പിണറുകൾ ആയി പതിക്കാതിരിക്കട്ടെ

Advertisement