Bineesh K Achuthan 

ജൂബിലി ജോയി – ജോഷി – ഡെന്നീസ് ജോസഫ് – മമ്മൂട്ടി കൂട്ടുകെട്ടിൽ പിറന്ന 1986 – ലെ ഓണ ചിത്രം. ആവനാഴിയുടെ അശ്വമേധത്തിൽ അധികം ശ്രദ്ധിക്കപ്പെടാതെ പോയി എങ്കിലും ഒട്ടേറെ വ്യത്യസ്ത ഉള്ള ചിത്രമായിരുന്നു ന്യായവിധി. ചാലിൽ ജേക്കബിന്റെ കഥക്ക് ഡെന്നീസ് ജോസഫ് തിരക്കഥയൊരുക്കിയ ന്യായവിധി, സുകുമാരന്റെ വ്യത്യസ്ത ഗെറ്റപ്പിന്റെ പ്രത്യേകതയാൽ പ്രീ റിലീസ് പബ്ലിസിറ്റി ലഭിച്ച ചിത്രമാണ്. തമിഴ് നടൻ ത്യാഗരാജൻ ചെയ്യാനിരുന്ന വേഷമാണ് സുകുമാരൻ ചെയ്തത്. ആ കാരക്ടർ സുകുമാരനിലേക്കെത്തിയപ്പോൾ തമിഴ് വംശജനു പകരം പാതി സായിപ്പായി മാറി.

ന്യായവിധിക്ക് വേണ്ടി തല മുണ്ഡനം ചെയ്യേണ്ടി വന്നപ്പോൾ ” ജോഷിയുടെ പടത്തിന് തലമുടിയല്ല തല തന്നെ മുറിക്കാനും തയ്യാറാണാശാനേ….” എന്നായിരുന്നു സുകുമാരന്റെ പ്രതികരണം എന്നെവിടെയോ വായിച്ചിട്ടുണ്ട്. മൂലകഥയിൽ ലാലു അലക്സ് അവതരിപ്പിക്കുന്ന കാവിൽ ജോണിയെ കേന്ദ്രീകരിച്ചാണ് കഥ വികസിക്കുന്നത് . ബാബു നമ്പൂതിരി അഭിനയിക്കുന്ന മഹർഷി മാത്യൂസ് എന്ന കഥാപാത്രം സിനിമയാക്കിയപ്പോൾ പ്രാധാന്യം കുറഞ്ഞ് പോയി എന്ന് ചിലർ അഭിപ്രായപ്പെടുകയുണ്ടായി. നായക കഥാപാത്രത്തെ അവതരിപ്പിക്കുന്ന മമ്മൂട്ടിയുടെ കാരക്ടറൈസേഷൻ പാളിപ്പോയതാണ് പടത്തിന്റെ പോരായ്മയെന്നാണ് വ്യക്തിപരമായി എന്റെ വിലയിരുത്തൽ. ലാലു അലക്സിന്റെ കാവിൽ ജോണി എന്ന കഥാപാത്രം ശ്രദ്ധേയമായ ഒരു വേഷമാണ്. രതീഷിന്റെ തിരക്ക് മൂലമാണ് ആ കഥാപാത്രം ലാലു അലക്സിലേക്കെത്തുന്നത്.

കഥയുടെ വളർച്ചയിൽ ക്രമാനുഗതം വികാസം പ്രാപിക്കുന്ന ഒരു കഥാപാത്രമായിരുന്നു കാവിൽ ജോണിയുടേത്. അക്കാലത്തെ ലാലു അലക്സിന്റെ സ്ഥിരം വില്ലൻ വേഷങ്ങൾക്കിടയിൽ എന്തു കൊണ്ടോ കാവിൽ ജോണി എന്ന കഥാപാത്രം അർഹിക്കുന്ന ശ്രദ്ധ പിടിച്ചു പറ്റിയില്ല. ന്യായവിധി പരാജയമാണെന്നാണ് പൊതുവെ വിലയിരുത്തപ്പെടുന്നത് ; എന്നാൽ ചിത്രത്തിന്റെ നിർമ്മാതാവായ ജൂബിലി ജോയ് ഈ ചിത്രം തനിക്ക് നഷ്ടം വരുത്തിയിട്ടില്ല എന്ന് ഈയിടെ ഒരു അഭിമുഖത്തിൽ വെളിപ്പെടുത്തുകയുണ്ടായി. കുടുംബ നായകനായി തിളങ്ങി നിൽക്കേ ; അക്കാലത്തെ പ്രേക്ഷകർക്ക് ഒരു തരത്തിലും ഉൾക്കൊള്ളാനാവാത്ത പരമു എന്ന നെഗറ്റീവ് ഷേഡ് ഉള്ള കഥാപാത്രത്തെ അവതരിപ്പിക്കാൻ മമ്മൂട്ടി കാണിച്ച ധൈര്യം പ്രശംസനീയമാണ്.

Leave a Reply
You May Also Like

“അടിവസ്ത്രത്തിൽ നടക്കാൻ പറയും മാറിടത്തിന് അളവെടുക്കും.. ” റായ് ലക്ഷ്മി വെളിപ്പെടുത്തുന്നു

മലയാള-തമിഴ് ചലച്ചിത്രരംഗത്ത് സജീവമായ താരമാണ് റായ് ലക്ഷ്മി (നേരത്തെ ലക്ഷ്മി റായ്) .കർണാടകത്തിലെ ബൽഗാമിൽ നിന്നുള്ള…

കടുവയുടെ വിജയത്തെ തുടർന്ന് ഞാൻ അല്ല കാർ മേടിച്ചത്

കടുവ ബോക്‌സോഫീസ് ഹിറ്റായി മാറിക്കഴിഞ്ഞു. 50 കോടി ക്ളബിൽ ഇടം നേടിയ ചിത്രം ആമസോൺ പ്രൈമിൽ…

‘സ്ത്രീവിരുദ്ധ പരാമർശങ്ങളുടെ അടുത്തിരുന്നു ഇളിക്കുന്ന മഞ്ജുവും നവ്യയും’ , അഡ്വ സംഗീത ലക്ഷ്മണയുടെ പോസ്റ്റ്

മഞ്ജുവിനെതിരെയും നവ്യക്കെതിരെയും തുറന്നടിച്ചു അഡ്വ സംഗീത ലക്ഷ്മണ . പല വിവാദവിഷയങ്ങളും പച്ചയായി പ്രതികരിച്ചു ശ്രദ്ധനേടിയ…

റോക്കി ഇന്ത്യയ്ക്കു മാത്രമല്ല, അമേരിക്കയ്ക്കും ഇന്തോനേഷ്യയ്ക്കും ശത്രുവായിരുന്നു

സിനിമ കാണാത്തവർ വായിക്കണമെന്നില്ല. എഴുതിയത് : Niyas N Haridas · രണ്ടാം ഭാഗത്തിൽ ക്ലൈമാകസിൽ…