കോവിഡ് പ്രതിസന്ധിയും ജീവിതവും നിങ്ങൾ കാണാതെ പോകരുത്

“സിനിമയൊരു അതിജീവനമായി സ്വീകരിച്ച യുസഫ് മൊഹമ്മദ് എന്ന ഒറ്റപ്പാലംകാരൻ മികച്ചൊരു സംവിധായകനും തിരക്കഥാകൃത്തും ആണ് . 2015 -ൽ ‘രാഗ് രംഗീല’ എന്നൊരു സിനിമ സംവിധാനം ചെയ്ത യുസഫ് സാമൂഹിക പ്രതിബദ്ധതയുള്ള ഷോർട്ട് ഫിലിമുകളും അണിയിച്ചൊരുക്കിയിട്ടുണ്ട്. കൂടാതെ പുതുമുഖങ്ങളെ വച്ച് ചെയ്ത ‘ആയിരംകാലം’ എന്നൊരു മിനി സിനിമയും ഇപ്പോൾ റിലീസിങ്ങിന് തയ്യാറായി ഒരുങ്ങുന്നുണ്ട്.പ്രണയാർദ്രമായ ഗാനരംഗങ്ങളോട് കൂടിയ ആയിരം കാലംഎന്ന സിനിമ മൂപ്പർ ഫിലിംസിന്റെ ബാനറിൽ എസ് ശേഖർ ആണ് നിർമ്മിച്ചിരിക്കുന്നത്.. പതിനാറു വർഷത്തോളം സിനിമയിൽ പ്രവർത്തിച്ച അനുഭവസമ്പത്ത് കൈമുതലായുണ്ട് യൂസഫിന്. വിവാഹിതനും രണ്ടുകുട്ടികളുടെ പിതാവുമായ അദ്ദേഹം അണിയിച്ചൊരുക്കിയ രണ്ടു ഷോർട്ട് ഫിലിമുകൾ ബൂലോകം ടീവി ഷോർട്ട് ഫിലിം കോണ്ടസ്റ്റിൽ മത്സരിക്കുന്നുണ്ട്. പാതകം , അശ്വനിപാതം . രണ്ടിന്റെയും പ്രമേയം കോവിഡ് പ്രതിസന്ധിയും ജീവിതവും തന്നെയാണ്.”

പാതകം, അശനിപാതം
സിനിമകൾക്ക് വോട്ട് ചെയ്യാൻ
ചിത്രത്തിൽ ക്ലിക്ക് ചെയ്യുക

രണ്ടു ഷോർട്ട് മൂവീസിനെ കുറിച്ചും അദ്ദേഹം ബൂലോകം ടീവിയോട് സംസാരിക്കുന്നു

“പാതകമായാലും അശ്വനിപാതം ആയാലും ഒരു നാമ്പ് വികസിക്കുന്നത് ചുറ്റുപാടുകളിൽ നിന്നാണ് . ആദ്യ ഫിലിം അശ്വനിപാതം ഒരു സിനിമ പെൻഡിങ് ആയ സമയത്തു ചെയ്തത് ആയിരുന്നു. അപ്പോൾ നോമ്പ് സമയമായിരുന്നു. അതിനു കാരണമായി എന്റെ മനസിലേക്ക് കയറിവന്ന സംഭവം, കോവിഡിന്റെ ആരംഭസമയത്തുള്ള ലോക് ഡൌൺ ആയിരുന്നു. ഒരു ‘അമ്മ മൂന്നുവയസുകാരിയെ ഒക്കത്തിരുത്തിക്കൊണ്ടു മതിലിനപ്പുറത്തു ഭർത്താവിന്റെ മൃതശരീരം ദഹിപ്പിക്കാൻ കൊണ്ടുപോകുന്ന കാഴ്ചയാണ്, കോവിഡ് മരണം ആയതിനാൽ ഭർത്താവിന്റെ മൃതദേഹം കാണാൻ അവർക്കു പറ്റുന്നില്ല , ദൂരെ നിന്ന് നോക്കി കരയുകയാണ് അവർ. ആ രംഗം ഞാൻ ന്യുസിൽ കണ്ടതാണ്. അതിൽ നിന്നാണ് ശരിക്കും ‘അശ്വനിപാതം’ ഉണ്ടാകുന്നത്. ‘അശ്വനിപാതം’ ഒരു സംസ്കൃതവാക്കാണ് . തീവീഴ്ച എന്നാണ് അർത്ഥം. ശരിക്കും കോവിഡ് ഒരു തീവീഴ്ച തന്നെയാണല്ലോ. അങ്ങനെയുള്ള ചില നാമ്പുകളിൽ കലാപരമായ, കാവ്യാത്മകമായ സമീപനം കൊണ്ടുവന്നാൽ അതിനൊരു ജീവനുണ്ടാകുമെന്ന് എനിക്ക് മനസിലായി. കണ്ടാൽ മനസിലാകും, സംഭാഷണങ്ങളുടെ പിന്ബലമില്ലതെയാണ് അതും മുന്നോട്ടുപോകുന്നത്‌. ഒരു സംഭവത്തെ നോക്കി കാണുമ്പൊൾ അതിലൊരു കലയുണ്ട് എന്ന് തോന്നിയാൽ, അതിപ്പോൾ സമകാലിക സംഭവം ആയാലും അതിനെ ആവിഷ്കരിക്കാൻ പ്രേരകമാകുന്നതു അതുതന്നെയാണ്.”

“അടുത്ത പ്രധാന പ്രജക്ട് ‘ചിന്നാ ‘ എന്നൊരു സിനിമയാണ്. തമിഴിലും മലയാളത്തിലും ആണ് ചെയുന്നത് . കൃത്യമായി പറഞ്ഞാൽ തമിഴ് മലയാളം മിക്സഡ് ആണ്. പൊള്ളാച്ചി, ഗോവിന്ദാപുരം പോലെ ബോർഡർ ഭാഗത്തു നടക്കുന്ന ഒരു കഥയാണ്. 1957 കേരള വിഭജന കാലത്തു നടന്ന സംഭവങ്ങളും മദ്യപന്മാരായ നാടോടിസംഘങ്ങളും എല്ലാം കോർത്തിണക്കി വളരെ രസകരമായൊരു കഥയാണ്.”

പാതകം, അശനിപാതം
സിനിമകൾക്ക് വോട്ട് ചെയ്യാൻ
ചിത്രത്തിൽ ക്ലിക്ക് ചെയ്യുക

“ബൂലോകത്തിന്റെ ഈ നീക്കം കണ്ടപ്പോൾ വളരെ സന്തോഷം തോന്നി. രജിസ്‌ട്രേഷൻ ഫീസോ ഒന്നും ഇല്ലാതെ പ്രതിഭകൾക്ക് കഴിവ് തെളിയിക്കാൻ ഒരവസരം കിട്ടുകയാണ് . ഇതുവരെ ഷോർട്ട് ഫിലിമുകളുടെ ഇടം യുട്യൂബ് ആയിരുന്നു. എന്നാൽ അവിടെനിന്നുകിട്ടുന്ന തുച്ഛമായ വരുമാനം കൊണ്ട് ഒരു ഷോർട്ട് ഫിലിം എടുക്കാൻ പറ്റില്ല. നാലഞ്ച് ലക്ഷം രൂപയെങ്കിലും ഉണ്ടെങ്കിലേ ഒരു നല്ല ഷോർട്ട് ഫിലിം അണിയിച്ചൊരുക്കാൻ സാധിക്കൂ. നമ്മുടെയൊക്കെ സൃഷ്ടികൾ വിദേശത്തുപോലും കാണാൻ സാധിക്കുന്ന രീതിയിൽ ബൂലോകത്തെ പോലൊരു ഇടത്തിലൂടെ പബ്ലിഷ് ചെയ്യപ്പെടുന്നത് തികച്ചും സന്തോഷകരമാണ്. അങ്ങനെ കഴിവുകൾ തെളിയിക്കാൻ പലർക്കും അവസരം ഉണ്ടാക്കുന്ന ഒരു മേഖല തുറന്നിടുന്നു എന്ന നിലയിൽ നൂറു ശതമാനം ഞാനതിനെ സമ്മതിക്കുന്നു. എല്ലാം നല്ലപോലെ വരട്ടെ എന്നാണു എന്റെ ആഗ്രഹം.”

പാതകം, അശനിപാതം
സിനിമകൾക്ക് വോട്ട് ചെയ്യാൻ
ചിത്രത്തിൽ ക്ലിക്ക് ചെയ്യുക

പാതകം
Production Company: Asthra vison
Short Film Description: വാർത്തകൾ അല്ല യാഥാർത്ഥ്യങ്ങളാണ് സത്യം..
Producers (,): Astra vison
Directors (,): Yousef muhammed
Editors (,): Sudeer naveena
Music Credits (,): Jaffer drummer
Cast Names (,): Suresh… sujithra…. baby adhiya
**

അശനിപാതം
Production Company: Shain line creations
Short Film Description: ഒരു നിമിഷത്തെ അശ്രദ്ധ കൊണ്ട് ഒരു കുടുംബത്തിൽ സംഭവിച്ച ആപത്ത്
Producers (,): Prabha ottapalam
Directors (,): Yousef muhammed
Editors (,): Sudeer naveena
Music Credits (,): Jafer drummer
Cast Names (,): Faizy. sujithra. baby adhiya. jayaprakash

**

Advertisement

 324 total views,  9 views today