Moidu Pilakkandy

എയ്ഞ്ചൽ മുനോസ് ഗാർസിയ എന്ന ജോർഡി എൽനിനോ പോള

ഒരു ഇൻഡസ്ട്രിയിൽ വിജയിക്കാൻ സൈസും എക്സ്പീരിയൻസും ചെറുപ്രായവുമൊന്നും വിഷയമല്ല എന്ന് തെളിയിച്ച ഭാഗ്യവാനായ , അമേരിക്കൻ പോൺ ഇൻഡസ്ട്രിയിലെ വിലപിടിപ്പുള്ള താരം…!
ഇൻഡസ്ട്രിയിലെ മറ്റു പോപ്പുലർ താരങ്ങളെ അപേക്ഷിച്ച് പ്രായം വളരേ കുറവായതിനാൽ ജോർഡി മോൻ എന്ന് നമ്മളിൽ പലരും തമാശയായി വിളിക്കുന്ന എയ്ഞ്ചൽ മുനോസ് ഗാർസിയ 1994 സെപ്റ്റംബർ 11 ന് സ്പെയിനിലെ സിയുഡാസ് റിയലിലാണ് ജനിച്ചത്. 18 ആം വയസിൽ ഇൻ്റർനെറ്റിൽ മോഡലുകളുടെ പരസ്യം കണ്ടാണ് ഗാർസിയ അഡൽട്ട് സിനിമകളിൽ അഭിനയിക്കാൻ താൽപര്യപ്പെടുന്നത്. 2013 ൽ ഉടൻതന്നെ ഗാർസിയയ്ക്ക് ഫാകിംഗ്സ് എന്ന പ്രൊഡക്ഷൻ കമ്പനിയിൽ അവസരം ലഭിക്കുകയും അവിടെ വച്ച് തൻ്റെ സ്ക്രീൻ നെയിം ആയി “ജോർഡി എൽനിനോ പോള” എന്ന് സ്വീകരിക്കുകയും ചെയ്തു.

  അരങ്ങേറ്റത്തിൽ തന്നെ ശ്രദ്ധ നേടിയ ജോർഡിയെ 2016 ൽ ബ്രാസേർസ് എന്ന വലിയ പ്രൊഡ്ക്ഷൻ കമ്പനി ഓഫർ നൽകുകയും അവരുമായി സഹകരിക്കുകയും ചെയ്തു. തുടർന്ന് ബ്രാസേർസിനായി ചെയ്ത സിനിമകൾ ജോർഡിയെ ആഗോളതലത്തിൽ പോപ്പുലർ ആക്കുകയും ഏറ്റവും പ്രശസ്തിയുള്ള ഒരു ഇൻഡസ്ട്രി താരമാക്കുകയും ചെയ്തു. ജോർഡിയുടെ ബ്രാസേർസിൻ്റെ വീഡിയോകൾക്ക് ഏറ്റവുമധികം വ്യൂവർഷിപ്പ് വന്നതിനാൽ അദ്ദേഹത്തിന് പ്രത്യേക കരാർ തന്നെ കമ്പനി നൽകി.

2017 ൽ മികച്ച പുതുമുഖ നടനുള്ള AVN , XRCO നോമിനേഷൻ ജോർഡിക്ക് ലഭിച്ചു. ഇതിനിടെ അഡൽട്ട് എൻ്റർടെയ്ൻമെൻ്റ് രംഗത്ത് വൻ പ്രശസ്തി നേടിയ ജോർഡി 2017 ൽ തൻ്റെ യുട്യൂബ് ചാനലും ആരംഭിച്ചു. Jordi ENP എന്നപേരിൽ ഉള്ള തൻ്റെ ചാനലിൻ്റെ ആദ്യ അപ്-ലോഡിന് തന്നെ 25 ദശലക്ഷത്തിന് മുകളിൽ വ്യൂ കിട്ടിയത് ജോർഡിയെ തന്നെ അത്ഭുതപ്പെടുത്തി. തുടർന്ന് 2 മാസത്തിനുള്ളിൽ യുട്യൂബിൻ്റെ ഗോൾഡൻ പ്ലേ ബട്ടൺ ജോർഡിക്ക് ലഭിച്ചു. അതായത് ചാനൽ തുടങ്ങി രണ്ട് മാസത്തിനുള്ളിൽ 10 ലക്ഷം സ്ബ്സ്ക്രൈബർമാർ.2018, 2019, 2020 വർഷങ്ങളിൽ തുടർച്ചയായി ഏറ്റവും രസകരമായ ജനപ്രിയ പ്രകടനത്തിനുള്ള PornHub അവാർഡ് ജോർഡിക്ക് ലഭിച്ചു. 2022 ലും ഈ പുരസ്കാരം നേടി. 2020,2021 വർഷങ്ങളിൽ മികച്ച പുരുഷ പെർഫോർമർക്കുള്ള XBIZ നോമിനേഷനും ലഭിച്ചിട്ടുണ്ട്.

ഇന്ന് അഭിനേതാവ് എന്നനിലയ്ക്ക് പുറമേ നിർമ്മാതാവും കൂടി ആയ ജോർഡി ഇൻഡസ്ട്രിയിൽ വ്യത്യസ്ത പരീക്ഷണങ്ങൾ നടത്താൻ ആഗ്രഹിക്കുന്നു. 8 ദശലക്ഷം യു.എസ് ഡോളറാണ് ഇപ്പോൾ ജോർഡിയുടെ ആസ്തി. 18 വയസിൽ ഇൻഡസ്ട്രിയിൽ വന്ന് ചെറുപ്രായത്തിൽ തന്നെ ചുരുങ്ങിയ കാലം കൊണ്ട് അഡൽട്ട് സിനിമാ വ്യവസായത്തിലെ ഏറ്റവും പ്രശസ്തനും വിലപിടിപ്പുള്ള താരങ്ങളിൽ ഒരാളുമായിമാറിയ ജോർഡിയുടെ കഠിനാധ്വാനവും മനോഭാവവും അഭിനന്ദനാർഹം തന്നെയാണ്. അറിയാത്തമേഖലയാണ് താൻ വളരേ ചെറുപ്പമാണ് ആകാരപരമായി മറ്റു പുരുഷ താരങ്ങളെ അപേക്ഷിച്ച് ശക്തമായ മസിലുകളൊന്നുമില്ലാത്ത മെലിഞ്ഞ് ഉയരം കുറഞ്ഞ ശരീരഘടനയുള്ള ആളാണ് എന്നതൊന്നും ജോർഡിയെ ബാധിച്ചില്ല. തൻ്റെ പരിമിതികളൊന്നും വകവെക്കാതെ തനിക്ക് ഇഷ്ടമുള്ള മേഖല കണ്ടെത്തി സ്വയം അവിടെ അവസരങ്ങൾ കണ്ടെത്തി അതിലേക്ക് ഇറങ്ങിചെന്ന് കഠിനാധ്വാനം, ആത്മവിശ്വാസം, അർപ്പണമനോഭാവം, നിശ്ചയദാർഢ്യം, മനോഭാവം എന്നീ സവിശേഷഗുണങ്ങളാൽ വിജയം നേടിയ ജോർഡി ഏത് സിനിമാ പ്രേമികൾക്കും ഏത് മേഖലയിൽ പ്രവർത്തിക്കുന്നവർക്കും ഒരു പ്രചോദനമാണ്.

ജോർഡി മോൻ്റെ വ്യത്യസ്തമായ രസകരമായ പ്രകടനങ്ങൾ ഇനിയും കാണാൻ ആരാധകർക്ക് അവസരം ഉണ്ടാവട്ടെ എന്ന് ആശംസിച്ചുകൊണ്ട് നിർത്തുന്നു. നിങ്ങൾ തെരഞ്ഞെടുത്ത മേഖലയിൽ അർപ്പണമനോഭാവത്തോടെ നിങ്ങൾ മുന്നേറി വിജയം നേടാൻ ഏവർക്കും ജോർഡിമോൻ ഒരു പ്രചോദനം ആവട്ടെ

You May Also Like

പുതിയ ലുക്കിൽ അജിത്ത്..! ഏറ്റവും പുതിയ ഫോട്ടോ വൈറലാകുന്നു

തല അജിത്ത് കഴിഞ്ഞ കുറച്ച് മാസങ്ങളായി ‘തുനിവ്’ ലുക്കിൽ വലിയ താടിയും മീശയും വച്ചിരുന്നു, എന്നാൽ…

ഒടിടിയിലും താരാധിപത്യമെന്ന് രഞ്ജിത്

കോവിഡ് കാരണം ‘മാറിയ ആസ്വാദനശീലം’ ഒടിടി പ്ലാറ്റ്ഫോമുകളുടെ വളർച്ചയ്ക്ക് വഴിയൊരുക്കി. എന്നാൽ മുഖ്യധാരാ ഒടിടികൾ പലതും…

അതിവിധേയത്വം ഉള്ളതുമായ സെക്രട്ടറിയും സെക്ഷ്വൽ ഫാന്റെസികളിൽ ജീവിക്കുന്ന അവളുടെ ബോസ്സും

Secretary ???? 2002/English സ്വല്പം ഇറോട്ടിക്, സ്വല്പം കോമഡി, സ്വല്പം റൊമാൻസ് …. ഇതെല്ലാം ചേർന്നൊരു…

‘പഞ്ചാഗ്നി’യിലെ വേഷം ആ ബോളിവുഡ് നടന് നൽകാൻ എംടിയും ഹരിഹരനും തീരുമാനിച്ചു, ഒടുവിൽ മോഹൻലാലിലേക്ക് എത്തിയത് ഇങ്ങനെ…

Bineesh K Achuthan · “വസന്തത്തിൻ്റെ ഇടി മുഴക്കങ്ങൾ ” സ്വപ്നം കണ്ട്, കേരളത്തിലെ നക്സൽ…