മിനിമം ഗ്യാരണ്ടി എന്ന ഒരു പേരിൽ നിവിൻപോളി വിലസിയ ഒരു സമയമുണ്ട്… ആ ഒരു സമയത്ത് പോലും അധികമാരും ചർച്ച ചെയ്യപ്പെടാത്ത ഒരു സിനിമ..!!! പലരുടെയും ഇഷ്ടപ്പെട്ട നിവിൻപോളി സിനിമകളിൽ ടോപ് ഫൈവിൽ ഇടംപിടിച്ച ഒരു ചിത്രമാണ് അരികിൽ ഒരാൾ. ആ ഒരു ഭീതിയും മിസ്റ്ററിയും എല്ലാം നല്ല രീതിയിൽ ഉൾക്കൊള്ളിച്ചു കഥ പറഞ്ഞ മികച്ച ഒരു ത്രില്ലർ സിനിമ..! പക്ഷേ വളരെയധികം അണ്ടർ റേറ്റഡ് ആയി അനുഭവപ്പെട്ടു. ഇനിയും കാണാത്തവർ ആരെങ്കിലും ഉണ്ടെങ്കിൽ ട്രൈ ചെയ്യാം..! ഒരു നല്ല സിനിമയാണ്..! സിനിമയുടെ ടൈറ്റിൽ ചിത്രത്തിനോട് ഒരുപാട് നീതിപുലർത്തുന്ന പോലെ അനുഭവപ്പെട്ടു..
പ്രസക്തഭാഗങ്ങളുടെ വീഡിയോ
2013ൽ ആണ് ചിത്രം പുറത്തിറങ്ങിയത്. മനഃശാസ്ത്ര സ്തോഭജനക ചലച്ചിത്രമാണ് അരികിൽ ഒരാൾ. സുനിൽ ഇബ്രാഹിം രചനയും സംവിധാനവും നിർവഹിച്ചിരിക്കുന്ന ചിത്രത്തിൽ ഇന്ദ്രജിത്ത് സുകുമാരൻ, നിവിൻ പോളി, രമ്യ നമ്പീശൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്നു. ചിത്രത്തിന്റെ ഛായാഗ്രാഹണം കൃഷ്‌ കൈമളും സംഗീതസംവിധാനം ഗോപി സുന്ദറും നിർവഹിച്ചിരിക്കുന്നു. മൈൽ സ്റ്റോൺ സിനിമാസിന്റെ ബാനറിൽ ആഷിക് ഉസ്മാൻ ആണ് അരികിൽ ഒരാൾ നിർമിച്ചിരിക്കുന്നത്. 2013 ഏപ്രിലിൽ കൊച്ചിയിൽ ചിത്രീകരണം ആരംഭിച്ച്, 2013 ഓഗസ്റ്റ് 30ന് ചിത്രം റിലീസ് ചെയ്തു.
പ്രസക്തഭാഗങ്ങളുടെ വീഡിയോ
ഒരു പരസ്യ ഏജൻസിയിലെ ക്രിയേറ്റീവ് ഡയറക്ടർ ആയ സിദ്ധാർത്ഥ് ബാംഗ്ലൂരിൽ നിന്നും കൊച്ചിയിലേക്ക് സ്ഥലം മാറി വരുന്നു. സിദ്ധാർത്ഥിൻറെ സുഹൃത്തായ വീണ ഒരു ഡാൻസ് ട്രൂപ് നടത്തുകയാണ് .അപ് മാർക്കറ്റ് കോഫീ ഷോപ്പിലെ വെയിറ്റർ ആയ ഇച്ച വീണയുടെ സുഹൃത്താണ്. സിദ്ധാർത്ഥ് താമസിക്കുന്നതിനായി സ്ഥലം അന്വേഷിക്കുമ്പോൾ ഇച്ചയുടെ കൂടെ സിദ്ധാർത്ഥിനെ താമസിപ്പിക്കാമെന്ന് വീണ ഒരു നിർദ്ദേശം പറയുന്നു. ഇച്ച പതുക്കെയാണെങ്കിലും ഒടുവിൽ സമ്മതിക്കുന്നു. കുറച്ചു നാൾ കഴിഞ്ഞ് വീണയും സിദ്ദുവും ഒരു പ്രശ്നത്തെ അഭിമുഖീകരിക്കുന്നു. അവർ ഇച്ചയെ ഒരേ സമയം രണ്ടിടത്ത് കാണുന്നു. ഈ പ്രശ്നത്തിൻറെ കാരണം തേടി അവർ ഇറങ്ങിത്തിരിക്കുന്നു. തുടർന്ന് സങ്കീർണ്ണമായ മാനസിക തലങ്ങളിലേക്ക് ചിത്രം ചലിക്കുന്നു. തിയ്യേറ്ററുകളിൽ നിന്ന് ചിത്രത്തിന് പ്രതികൂല പ്രതികരണമാണ് ലഭിച്ചത്. എന്നാൽ ഡിവിഡി പുറത്തിറങ്ങിയതോടെ അവസ്ഥയിൽ കാര്യമായ മാറ്റമുണ്ടായി.എന്നാൽ നിരൂപകരിൽ നിന്ന് അരികിൽ ഒരാളിന് അനുകൂല പ്രതികരണമാണ് ലഭിച്ചത്.
പ്രസക്തഭാഗങ്ങളുടെ വീഡിയോ
