ഫേസ്ബുക്കിലെ പ്രവചനങ്ങളിൽ പരീക്ഷണം നടത്തുന്നവർ സൂക്ഷിക്കുക: നിങ്ങളുടെ അക്കൗണ്ട് ഹാക്ക് ചെയ്യപ്പെട്ടേക്കാം.
അറിവ് തേടുന്ന പാവം പ്രവാസി
👉”അടുത്ത ജന്മത്തിൽ നിങ്ങൾ ആരാകും? ,നിങ്ങളുടെ മരണവാർത്ത എന്തായിരിക്കും?,
ഇതിഹാസങ്ങളിൽ നിങ്ങളുമായി സാമ്യമുള്ള കഥാപാത്രം ആരാണ്? ” തുടങ്ങിയ യുക്തിരഹിതമായ പ്രവചനങ്ങളുമായി ഫേസ്ബുക്കിൽ പ്രത്യക്ഷപ്പെടുന്ന ലിങ്കുകൾ ഉപയോഗിച്ച് പരീക്ഷണം നടത്തുന്നവർ ശ്രദ്ധിക്കുക. ഇത്തരം ലിങ്കുകൾ ക്ലിക്ക് ചെയ്യുന്നതിലൂടെ പ്രവർത്തന സജ്ജമാകുന്ന ആപ്ലിക്കേഷനുകളിലൂടെ നിങ്ങളുടെ അക്കൗണ്ടുകൾ ഹാക്ക് ചെയ്യപ്പെടാനും അതിലൂടെ നിങ്ങളുടെ സ്വകാര്യ വിവരങ്ങൾ നഷ്ടമാകാനും സാധ്യതയേറെയാണ്.
ഈ ലിങ്ക് വഴി ഫേസ്ബുക്ക് അക്കൗണ്ടിലേക്ക് ഇൻസ്റ്റാൾ ആകുന്ന ആപ്പുകളിലൂടെ നിങ്ങളുടെ വിവരങ്ങൾ ചോർത്തിയെടുക്കുവാനുമുള്ള അവസരവുമാണ് തട്ടിപ്പുകാർക്ക് നൽകുന്നതെന്നോർക്കുക.ഫേസ്ബുക്കിൽ ഇത്തരത്തിലുള്ള ആപ്പുകൾ ഉപയോഗിക്കാതിരിക്കാൻ പ്രത്യേകം ശ്രദ്ധിക്കണം. ഇതുപോലുള്ള ആപ്ലിക്കേഷനുകൾ ഇൻസ്റ്റാൾ ചെയ്തവരുടെ ആയിരക്കണക്കിന് അക്കൗണ്ടുകൾ ഹാക്ക് ചെയ്യപ്പെട്ടതായി കണ്ടെത്തിയിട്ടുണ്ട്. പരിചയമില്ലാത്ത വിദേശികളുടെ ഫ്രണ്ട് റിക്വസ്റ്റ് അവഗണിക്കണം. അവര്‍ തരുന്ന ലിങ്കുകള്‍ തുറക്കരുത്. മലയാളികളുടെ അടക്കം അഞ്ഞൂറില്‍ അധികം ആളുകളുടെ ഫെയ്‌സ്ബുക്ക് അക്കൗണ്ടുകള്‍ ഇതിനോടകം # isaac _ odenttem എന്ന പേരില്‍ ഹാക്ക് ചെയ്യപ്പെട്ടു കഴിഞ്ഞു.
അക്കൗണ്ടുകൾ സുരക്ഷിതമാക്കാൻ പ്രൈവസി സെറ്റിങ്സിലും, സെക്യൂരിറ്റി സെറ്റിങ്സിലും ആവശ്യമായ മാറ്റങ്ങൾ വരുത്തുക. നിങ്ങളുടെ അക്കൗണ്ടിൽ സെക്യൂരിറ്റി സെറ്റിങ്സിൽ Apps and Websites എന്ന മെനുവിലൂടെ നിങ്ങൾ ഉപയോഗിക്കുന്ന ആപ്ലിക്കേഷനുകൾ കാണുവാൻ സാധിക്കും. അതിലുള്ള ആപ്ലിക്കേഷനുകൾ നീക്കം ചെയ്യുക. വ്യാജആപ്പുകൾ വഴി Data Sharing ഓപ്ഷനിലൂടെ വിവരങ്ങൾ നഷ്ടപ്പെടാതിരിക്കാൻ Apps, websites and games മെനുവിൽ സെറ്റിംഗ്സ് Turn Off ചെയ്യുക. കൂടാതെ ഫെയ്സ്ബുക്കിന്റെ സെറ്റിങ്സിൽ Security and login തിരഞ്ഞെടുത്താൽ ടൂ ഫാക്ടർ ഒതന്റിക്കേഷൻ സെറ്റ് ചെയ്തും സുരക്ഷ ഉറപ്പാക്കാം.
⭐ഇന്റര്‍നെറ്റിലെ സുരക്ഷ ഉറപ്പുവരുത്താന്‍ ചെയ്യേണ്ടത്; ഗൂഗിള്‍ നല്‍കുന്ന അറിഞ്ഞിരിക്കേണ്ട ഉപായങ്ങള്‍⭐
👉 ഫെബ്രുവരി അഞ്ച് സുരക്ഷിത ഇന്റര്‍നെറ്റ് ദിന മാണ്. ഇതിന്റെ ഭാഗമായി ഇന്റര്‍നെറ്റ് ഉപയോക്താക്കള്‍ക്ക് ചില സൈബര്‍ സുരക്ഷാ നിര്‍ദേശങ്ങള്‍ നല്‍കുകയാണ് ഗൂഗിള്‍. ഗൂഗിളിന്റെ # SecurityCheckKiya എന്ന പ്രചാരണ പരിപാടിയുടെ ഭാഗമായാണ് സുരക്ഷാ നടപടികള്‍ നിര്‍ദേശിക്കുന്നത്.
ഉപയോക്താക്കള്‍ അവരുടെ ഫോണും ഡാറ്റയും അക്കൗണ്ടും സുരക്ഷിതമാക്കണമെന്ന് ഗൂഗിള്‍ ആവശ്യപ്പെടുന്നു. മൂന്ന് ലളിതമായ നടപടികളാണ് ഗൂഗിള്‍ ഇതിന്‌ നിര്‍ദേശിക്കുന്നത്.
📌നിങ്ങളുടെ ആന്‍ഡ്രോയിഡ് ഫോണ്‍ എങ്ങനെ സുരക്ഷിതമാക്കാം?
ആന്‍ഡ്രോയിഡ് ഉപയോക്താക്കള്‍ക്ക് ആപ്ലിക്കേഷനുകള്‍ ഏറ്റവും സുരക്ഷിതമായി ഡൗണ്‍ലോഡ് ചെയ്യാന്‍ പറ്റുന്നയിടം ഗൂഗിള്‍ പ്ലേ സ്റ്റോര്‍ ആണ്. ഗൂഗിള്‍ പ്ലേ പ്രൊട്ടക്റ്റ് സേവനത്തിനൊപ്പമാണ് ഗൂഗിള്‍ പ്ലേസ്റ്റോറിലെ എല്ലാ ഗൂഗിള്‍ ഉല്‍പ്പന്നങ്ങളും പുറത്തിറങ്ങുന്നത്. ഈ സംവിധാനം ഉപയോഗിച്ച് പ്ലേ സ്റ്റോറിലെ അഞ്ച് കോടി ആപ്ലിക്കേഷനുകള്‍ ദിവസേന പരിശോധിക്കുകയും, അപകടകരമായ ആപ്ലിക്കേഷനുകള്‍ കണ്ടെത്തി ഒഴിവാക്കുകയും ചെയ്യുന്നുണ്ടെന്ന് ഗൂഗിള്‍ പറയുന്നു.പാസ് വേഡ് നല്‍കി ഫോണിന്റെ സ്‌ക്രീന്‍ ലോക്ക് ചെയ്യണമെന്ന നിര്‍ദേശവും ഗൂഗിള്‍ നല്‍കുന്നു. അബദ്ധത്തില്‍ ഫോണ്‍ മറന്നുപോയാല്‍ സ്വകാര്യ വിവരങ്ങള്‍ സുരക്ഷിതമാക്കാന്‍ ഇത് ഉപകരിക്കും. ബയോമെട്രിക് വിവരങ്ങളില്‍ മാത്രം നല്‍കരുതെന്നും ഗൂഗിള്‍ പറയുന്നു.
📌മറ്റ് ആപ്ലിക്കേഷനുകളില്‍ നിന്നും നിങ്ങളുടെ വിവരങ്ങള്‍ എങ്ങനെ സുരക്ഷിതമാക്കാം?
ആപ്ലിക്കേഷനുകള്‍ ഇന്‍സ്റ്റാള്‍ ചെയ്യുമ്പോള്‍ നിങ്ങളുടെ ലൊക്കേഷന്‍, കോണ്‍ടാക്റ്റ്, ക്യാമറ, മൈക്രോഫോണ്‍, സ്‌റ്റോറേജ് എന്നിവയിലേക്ക് പ്രവേശിക്കാന്‍ അവ അനുവാദം ചോദിക്കാറുണ്ട്. ചില ആപ്ലിക്കേഷനുകള്‍ക്ക് അത്തരം അനുവാദങ്ങള്‍ ആവശ്യമാണ് അവ മാന്യമായി പ്രവര്‍ത്തിക്കുകയും ചെയ്യാം. എന്നാല്‍ ചില ആപ്ലിക്കേഷനുകള്‍ പ്രത്യക്ഷത്തില്‍ ആവശ്യമില്ലാത്ത അനുവാദങ്ങളും ചോദിക്കും.
ആവശ്യമെന്ന് തോന്നുന്ന അനുവാദങ്ങള്‍ മാത്രം ആപ്ലിക്കേഷനുകള്‍ക്ക് നല്‍കുക.ആപ്ലിക്കേഷനുകള്‍ക്ക് എന്തെല്ലാം അനുവാദം നല്‍കിയിട്ടുണ്ടെന്ന് പരിശോധിക്കാനുള്ള സൗകര്യമുണ്ട്. Settings >Apps & Notifications >Advanced >App Permissions സന്ദര്‍ശിച്ചാല്‍ മതി.
📌ഗൂഗിള്‍ അക്കൗണ്ട് എങ്ങനെ സുരക്ഷിതമാക്കാം?
ജിമെയില്‍, ഡോക്‌സ്, ഡ്രൈവ് എന്നിവ ബന്ധിപ്പിച്ചിരിക്കുന്നതിനാല്‍ ഒരാളുടെ ഗൂഗിള്‍ അക്കൗണ്ട് സുരക്ഷിതമാക്കി വെക്കേണ്ടത് അനിവാര്യമാണ്. ഗൂഗിള്‍ അക്കൗണ്ടിന്റെ സുരക്ഷ പരിശോധിക്കണമെന്ന നിര്‍ദേശം ഗൂഗിള്‍ ഉപയോക്താക്കള്‍ക്ക് നല്‍കിവരുന്നുണ്ട്.ഇതിനായി നിങ്ങള്‍ ചെയ്യേണ്ടത് ഇത്രമാത്രം- ഡെസ്‌ക്ടോപ്പില്‍ ഗൂഗിള്‍ അക്കൗണ്ടില്‍ കയറി റണ്‍ സെക്യൂരിറ്റി ചെക്ക് എന്നത് തിരഞ്ഞെടുത്താല്‍ മതി.
മൊബൈലില്‍ നിങ്ങള്‍ ജിമെയില്‍ ആപ്പ് തുറക്കുക, മെനു ഐക്കണ്‍ തിരഞ്ഞെടുത്ത്, Settings >tap ID >Manage Your Google Account >Run Security Check നല്‍കുക.ഇതുവഴി ആവശ്യമായ സുരക്ഷാ നിര്‍ദേശങ്ങള്‍ ഗൂഗിള്‍ നിങ്ങള്‍ക്ക് തരും. ഗൂഗിള്‍ അക്കൗണ്ടുകള്‍ സുരക്ഷിതമാക്കാന്‍ ടു ഫാക്ടര്‍ ഒതന്റിക്കേഷനും ,ആക്റ്റിവേറ്റ് ചെയ്യണം.
