ആദിത്യ റാവു ആണെങ്കിൽ മനോരോഗി, അബ്ദുള്ള റാവുത്തരാണെങ്കിൽ തീവ്രവാദി. ഏറ്റവും കുറവ് മാനസിക രോഗികൾ ഇസ്ലാമിലാണ്. നോക്കൂ എത്ര മുസ്ലിം പേരുള്ള ആളുകളാണ് അറസ്റ്റ്  ചെയ്യപ്പെടുന്നതും കുറ്റവാളികളാക്കപ്പെടുന്നതും. ആർക്കും മാനസിക രോഗങ്ങൾ കണ്ടുപിടിക്കപ്പെടുന്നില്ല. മദ്യലഹരിയിൽ ചെയ്തതാണെന്ന് പറയുന്നില്ല, നല്ല ആരോഗ്യമുള്ള യുവാക്കൾ. അപ്പൊ പിന്നെ കുറ്റം തെളിയണമെന്നും നിർബന്ധം ഇല്ലല്ലോ.
എന്നാലോ ബോംബ് കേസിലും മറ്റു ക്രിമിനൽ കേസുകളിലും പിടിക്കപ്പെടുന്ന മറ്റു മതങ്ങളിൽ പെട്ടവർ പത്തിൽ എട്ടും പ്രത്യേക മാനസിക രോഗങ്ങൾക്ക് അടിമപ്പെട്ടവരാണെന്നത് ഞെട്ടിക്കുന്നതാണ്.
മദ്രസയിൽ പോവുകയായിരുന്ന കാസറകോട്ടെ ഫഹദിനെ കൊന്ന വിജയൻ മാനസിക രോഗി,
റിയാസ് മൗലവിയെ കൊന്ന അജേഷും അപ്പുവും ഒക്കെ മദ്യത്തിന് അടിമപ്പെട്ടവർ, കൊടിഞ്ഞി ഫൈസലിനെ കൊന്നവർക്ക് മാനസികാഘാതം, ആരാധനാലയങ്ങളിൽ മാലിന്യം വലിച്ചറിഞ്ഞ് വർഗീയ കലാപം സൃഷ്ടിക്കാൻ ശ്രമിച്ചവർക്ക് മാനസിക വൈകല്യം തുടങ്ങി കേരളത്തിൽ തന്നെ ഒട്ടേറെ മാനസിക ഉദാഹരണ രോഗികൾ.
Image result for adithya raoഇപ്പോൾ ഇതാ മംഗളുരു വിമാനത്താവളത്തിൽ ബോംബ് വെച്ച ആദിത്യ റാവുവിനും മാനസിക രോഗം.
കഴിഞ്ഞ ആഴ്ച തീവ്രവാദികളെ സഹായിച്ചതിന് പിടികൂടപ്പെട്ട ദേവീന്ദർ സിംഗിന്റെ മാനസിക നില പരിശോധിക്കുന്നേ ഒള്ളൂ. റിപ്പോർട്ട്‌ വന്നിട്ടില്ല. കഷ്ടം തന്നെ. നോക്കൂ ഈ പറഞ്ഞ മാനസിക രോഗികൾ ഏതെങ്കിലും വിശക്കുന്നവനെ ഊട്ടുന്നുണ്ടോ ? വഴിയിൽ മരത്തൈകൾ വെച്ചു പിടിപ്പിക്കുന്നുണ്ടോ ? വണ്ടിയിടിച്ച ആളെ ആശുപത്രിയിൽ കൊണ്ടാക്കുന്നുണ്ടോ.മാലിന്യങ്ങൾ പെറുക്കി സ്ഥലം വൃത്തിയാക്കുന്നുണ്ടോ. ഇല്ലാ, ഒരാളെ എവിടെ കുത്തണമെന്നും ഏത് മതത്തിൽ പെട്ട ആളെ കൊല്ലണമെന്നും എവിടെ ബോംബ് വെക്കണമെന്നും ഏത് ആരാധനാലയം ആക്രമിക്കണമെന്നും ഇവർക്ക് നല്ല ബോധ്യമുണ്ട് താനും.
ഒരു പ്രത്യേക മതത്തിൽ പെട്ട ആളുകളെ കൊല്ലാനും ആക്രമിക്കാനും കുറ്റവാളികളാക്കി ഒറ്റപ്പെടുത്താനും ഉള്ള ലൈസൻസാണ് ഈ മാനസിക രോഗമെങ്കിൽ അതിൽ വിശ്വാസമില്ല പുള്ളേച്ചാ. ഭരണ തലപ്പത്ത് ഇരിക്കുന്നവർ വരെ മാനസിക രോഗ സർട്ടിഫിക്കറ്റിന്റെ ബലത്തിലാണോ കേറിയിരിക്കുന്നത് എന്ന് ന്യായമായും സംശയിക്കേണ്ട കാലത്ത് പ്രത്യേകിച്ചും. ഇന്ത്യയിൽ ഏഴിൽ ഒരാൾ മാനസിക രോഗിയാണെന്ന് ലോകാരോഗ്യ സംഘടന പറയുമ്പോൾ ഇക്കാര്യം ഒന്നുകൂടി ഗൗരവത്തിൽ എടുത്ത് എല്ലാവരെയും മാനസിക രോഗങ്ങളിൽ നിന്ന് രക്ഷപ്പെടുത്തേണ്ടതുണ്ട്.
എന്തായലും കുറ്റവാളികൾ എന്നാരോപിച്ച് പിടിക്കപ്പെടുന്ന മുസ്ലിം തീവ്രവാദികളുടെ മാനസികാരോഗ്യ രഹസ്യത്തെ കുറിച്ച് വിശദമായ ഗവേഷണം നടത്തണം. പതിനായിരക്കണക്കിന് മുസ്ലിം കുറ്റാരോപിതരിൽ ഒരു മാനസിക രോഗി പോലുമില്ലെന്നത് അത്ഭുതകരം തന്നെയാണ്.
കടപ്പാട്
Advertisements
ഇന്ത്യയിലെ ആദ്യത്തെ ബ്ലോഗ് പേപ്പർ & നമ്പർ വൺ സിറ്റിസൺ ജേർണലിസം പോർട്ടൽ. ഇവിടെ പ്രസിദ്ധീകരിക്കപ്പെടുന്ന ലേഖനങ്ങളും കമന്റുകളും ബൂലോകത്തിന്റെ അഭിപ്രായങ്ങളല്ല.അവയുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.