ഇപ്പോൾ മൊട്ട രാജേന്ദ്രനെ വെറും കോമഡി പീസ് ആയി കാണുമ്പോൾ വല്ലാത്ത വിഷമം തോന്നുന്നു

മൊട്ട രാജേന്ദ്രൻ എന്ന പേരിൽ അറിയപ്പെടുന്ന തമിഴ് നടനാണ് രാജേന്ദ്രൻ. സിനിമയിൽ സ്റ്റണ്ട് മാസ്റ്ററായിരുന്നു അദ്ദേഹത്തിന്റെ അച്ഛൻ. സ്റ്റണ്ട് ഡബ്ളായിട്ടും ഒന്നു മിന്നി മറഞ്ഞുപോകുന്ന വേഷങ്ങളിലുമൊക്കെയാണ് രാജേന്ദ്രൻ തമിഴ് സിനിമകളിൽ ആദ്യകാലങ്ങളിൽ അഭിനയിച്ചിരുന്നത്. 2009 ൽ നാൻ കടവുൾ എന്ന ചിത്രത്തിൽ വില്ലനായി അഭിനയിച്ചതോടെയാണ് അദ്ദേഹം ശ്രദ്ധിയ്ക്കപ്പെടാൻ തുടങ്ങിയത്. ആ വർഷം തന്നെ റിലീസ് ചെയ്ത ബോസ് എങ്കിര ഭാസ്ക്കരൻ എന്ന സിനിമയിൽ ഹാസ്യതാരമായും അഭിനയിച്ചു. അതോടെ രാജേന്ദ്രൻ തമ്മിഴ് സിനിമയിൽ പ്രശസ്തിയിലേയ്ക്കുയർന്നു. 2002 ലാണ് മലയാളസിനിമയിലഭിനയിക്കുന്നത്. താണ്ഡവം എന്ന സിനിമയിൽ ചെറിയൊരു വേഷം ചെയ്തുകൊണ്ടായിരുന്നു തുടക്കം. ഒടിയൻ ഉൾപ്പെടെ അഞ്ചിലധികം സിനിമകളിൽ അഭിനയിച്ചു. തെലുങ്കു, കന്നഡ ചിത്രങ്ങളിലും അദ്ദേഹം അഭിനയിച്ചിട്ടുണ്ട്.

തലയിൽ നിറയെ മുടിയും മുഖത്ത് മീശയുമുള്ള ചെറുപ്പക്കാരനായിരുന്നു ആദ്യ കാലത്ത് രാജേന്ദ്രൻ. ഒരു മലയാള സിനിമയിൽ അഭിനയിക്കുന്നതിനിടയിൽ പറ്റിയ അപകടമാണ് രാജേന്ദ്രനെ മൊട്ട രാജേന്ദ്രനാക്കിയത്. പത്തടി ഉയരത്തിൽ നിന്നും വെഌഅത്തിലേയ്ക്ക് ചാടുന്ന രംഗം രാജേന്ദ്രന് ചെയ്യാനുണ്ടായിരുന്നു. കെമിക്കൽ ഫാക്ടറിയിൽ നിന്നും പുറംതള്ളുന്ന മാലിന്യം നിറഞ്ഞ വെള്ളത്തിലേയ്ക്കാണ് അദ്ദേഹത്തിന് ചാടേണ്ടിവന്നത്. ആ വെള്ളത്തിലെ കെമിക്കൽ റിയാക്ഷൻ രജേന്ദ്രന്റെ തലയിലേയും മുഖത്തേയും രോമങ്ങൾ പാടെ കൊഴിയുന്നതിന് കാരണമായി. അഞ്ഞൂറിലധികം തെന്നിന്ത്യൻ സിനിമകളിൽ രാജേന്ദ്രൻ അഭിനയിച്ചിട്ടുണ്ട്.

ഇതിനോടകം തെന്നിന്ത്യൻ ഭാഷകളിൽ നിറയെ ആരാധകരെ നേടിയ മൊട്ട രാജേന്ദ്രൻ ഇപ്പോൾ ഒരു കോമഡി താരമായി മാറിയതിൽ പല ഫാന്സിനും സങ്കടമുണ്ട്. ആ പഴയ കൊടുംക്രൂര വില്ലനെയാണ് പലർക്കും വിഷം. അല്ലെങ്കിൽ തന്നെ ഇത് മലയാളത്തിലും സംഭവിച്ചതാണല്ലോ. ഭീമൻ രഘുവും ബാബുരാജൂം ലാലു അലക്‌സും കൊച്ചിൻ ഹനീഫയും അങ്ങനെ പലരും വില്ലൻ വേഷത്തിൽ നിന്നും കൊമേഡിയന്മാർ ആയല്ലോ. എന്തായാലും മൊട്ടയുടെ കാര്യത്തിൽ ഇത് പലർക്കും സഹിക്കാൻ പറ്റുന്നില്ല എന്നതിന്റെ തെളിവാണ് Akhil C Prakash ആരാധകന്റെ ഈ ചിന്ന കുറിപ്പ്

“മൊട്ട രാജേന്ദ്രൻ ആസ് താണ്ഡവൻ… വില്ലൻ വേഷങ്ങൾ ഓർക്കുമ്പോൾ ഏറ്റവും ആദ്യം മനസിൽ വരുന്ന കഥാപാത്രം ആണ് ഇത്. ബാല സംവിധാനം ചെയ്ത നാൻ കടവുൾ എന്ന ചിത്രത്തിലെ കൊടുര വില്ലൻ…. സ്ക്രീൻ പ്രെസെൻസ് ഡയലോഗ് ഡെലിവറി പിന്നെ ബോഡി ലാംഗ്വേജ് എല്ലാം കൊണ്ടും ആ റോളിലേക്ക് മറ്റാരെയും സങ്കൽപിക്കാൻ പറ്റില്ലാത്ത വിധം ഗംഭീരമാക്കിയ പ്രകടനം….ഇതിലെ പ്രകടനത്തിന് ആ വർഷത്തെ മികച്ച വില്ലൻ വേഷത്തിനുള്ള സംസ്ഥാന അവാർഡ് ഇദ്ദേഹത്തിന് ആയിരുന്നു……ഇപ്പോൾ ഇദ്ദേഹത്തെ വെറും കോമഡി പീസ് ആയി കാണുമ്പോൾ വല്ലാത്ത വിഷമം തോന്നുന്നു….. ഹോറർ കോമഡി ചിത്രം തമിഴിൽ ഇറങ്ങിയോ മൊട്ട രാജേന്ദ്രൻ ചേട്ടന്റെ കോമഡി പീസ് റോൾ അതിൽ നിർബന്ധമാണ്…. എത്ര സിനിമകൾ അത്തരം റോളുകളിലേക്ക് പുള്ളി ടൈപ്പ് കാസ്റ്റ് ചെയ്തു പോയി എന്ന് തന്നെ പറയാം… നല്ലൊരു വില്ലൻ വേഷത്തിൽ അദ്ദേഹത്തിന് ഒരു മികച്ച തിരിച്ചു വരവുണ്ടാകാൻ ആത്മാർഥമായി ആഗ്രഹിക്കുന്നു…..”