fbpx
Connect with us

Music

തമിഴ്നാട്ടുകാരൻ സാമുവൽ ജോസഫ് പ്രശസ്തനാകുന്നത് ശ്യാം എന്നപേരിൽ മലയാളത്തിന്റെ പ്രിയങ്കരനായിട്ടാണ്

ശ്യാം…..എൺപതുകളുടെ ആദ്യ പകുതിയിൽ മലയാളസിനിമാ സംഗീതത്തിലെ സമാനതകളില്ലാത്ത ‘numero uno’. അന്ന് ശ്യാം സംഗീതം നൽകിയ പാട്ടുകൾ ഓർമിച്ചെടുക്കുന്നതിലും

 147 total views,  1 views today

Published

on

 

Rasheed Pattath

ജന്മം കൊണ്ട് തമിഴ്നാട്ടുകാരൻ ആണെങ്കിലും സാമുവൽ ജോസഫ് പ്രശസ്തനാകുന്നത് മലയാളത്തിന്റെ പ്രിയങ്കരനായ സംഗീതസംവിധായകൻ ശ്യാം എന്ന പേരിലാണ്.

ശ്യാം…..എൺപതുകളുടെ ആദ്യ പകുതിയിൽ മലയാളസിനിമാ സംഗീതത്തിലെ സമാനതകളില്ലാത്ത ‘numero uno’. അന്ന് ശ്യാം സംഗീതം നൽകിയ പാട്ടുകൾ ഓർമിച്ചെടുക്കുന്നതിലും എളുപ്പം, ശ്യാം സംഗീതം നൽകാത്ത പാട്ടുകൾ ഓർത്തെടുക്കുന്നതായിരിക്കും. അത്രയും ഏകപക്ഷീയമായ മേധാവിത്വമായിരുന്നു അദ്ദേഹത്തിന് ആ കാലഘട്ടത്തിൽ. സൂപ്പർ ഹിറ്റ് ഗാനങ്ങളുടെ ഒരു നീണ്ടനിര തന്നെ അദ്ദേഹം സൃഷ്ടിച്ചു. മധുരമൂറുന്ന ഓർക്കസ്ട്രേഷൻ. കേൾക്കുമ്പോൾ വല്ലാത്ത ഒരു സുഖം. വീണ്ടും വീണ്ടും കേൾക്കാനും പാടാനും തോന്നുന്ന ഗാനങ്ങൾ.
എന്നാൽ മലയാള സിനിമാ സംഗീതത്തിന്റെ ചരിത്രത്തിൽ ഇത്രയും വിമർശനങ്ങൾ ഏറ്റുവാങ്ങേണ്ടിവന്ന മറ്റൊരാൾ ഉണ്ടോ എന്ന് സംശയമാണ്. അറുപതുകളിലേയും എഴുപതുകളിലേയും സുവർണ്ണ കാലഘട്ടത്തിന് ശേഷം മലയാള സിനിമാ ഗാനങ്ങൾ രചനാഗുണത്തിൽ താഴോട്ടു പോകുന്നതാണ് എൺപതുകളിൽ കണ്ടത്. അതിന്റെ പ്രധാനകാരണം ട്യൂൺ ഉണ്ടാക്കി അതിനനുസരിച്ച് വരികൾ എഴുതുന്ന പ്രവണത എൺപതുകളിൽ സജീവമായതാണ്. സുവർണകാലത്ത് വയലാറും ഭാസ്കരൻ മാഷും മറ്റും എഴുതിയ അനശ്വരമായ വരികൾക്കായിരുന്നല്ലോ ദേവരാജൻ മാസ്റ്ററും ബാബുക്കയും അർജുനൻ മാഷും, രാഘവൻ മാഷും ദക്ഷിണാമൂർത്തിയും സംഗീതം നൽകിയിരുന്നത്. സലിൽ ചൗധരിയുടെ ട്രൂപ്പിൽ വയലിൻ വായിച്ചിരുന്ന ശ്യാം സ്വതന്ത്ര സംഗീത സംവിധായകൻ ആയപ്പോൾ സലിൽ ദായുടെ പാത തന്നെ പിന്തുടർന്നു. ട്യൂൺ ഉണ്ടാക്കി പിന്നീട് വരികൾ എഴുതിച്ചു.
അന്ന് അത് ഉൾക്കൊള്ളുവാൻ പഴയ തലമുറയിൽ പലർക്കും കഴിഞ്ഞില്ല. അവർ ശ്യാമിനെതിരെ വിമർശന ശരങ്ങൾ തൊടുത്തു. പഴയ സുവർണ കാലത്തെ മഹാരഥന്മാരെ ഹൃദയത്തിൽ സൂക്ഷിക്കുന്ന ഞാൻ, പക്ഷേ ഈ വിഷയത്തിൽ പക്ഷം പിടിക്കുന്നില്ല. കാരണം, ശ്യാമിനെ നിഷ്ക്കരുണം വിമർശിച്ചവർ പോലും ഇതേ പാത പിന്തുടർന്ന രവീന്ദ്രനും, ജോൺസനും, എം ജി രാധാകൃഷ്ണനും പിന്നീടു വന്നവർക്കും പൂച്ചെണ്ടുകൾ നൽകുന്നതാണ് കണ്ടത്. Double standards? നിങ്ങൾക്ക് തീരുമാനിക്കാം. ഒരുപക്ഷേ എന്റെ സംശയം മാത്രമാകാം. മൂന്നു നാല് വർഷം കൊണ്ട്, നിരൂപകരും ആസ്വാദകരും ട്യൂൺ ഉണ്ടാക്കി വരികൾ എഴുതുന്ന ആ പ്രവണതയോട് പൊരുത്തപ്പെട്ടതാകാം.
ജ്വലിച്ചു നിൽക്കുമ്പോൾ അപാരമായ ഓർക്കസ്ട്രേഷൻ കൊണ്ട് സിനിമാ പ്രേമികളെ ശ്യാം ആവേശം കൊള്ളിച്ചു.
ശ്യാമിന്റെ, എനിക്ക് ഏറ്റവും ഇഷ്ടപ്പെട്ട 10 പാട്ടുകൾ താഴെ കുറിക്കുന്നു.
1. മൈനാകം കടലിൽ നിന്നുയരുന്നുവോ
2. തൊഴുതു മടങ്ങും സന്ധ്യയുമേതോ
3. കണ്ണും കണ്ണും തമ്മിൽ തമ്മിൽ
4. മഞ്ഞേ വാ മധുവിധു വേള
5. മലവാക പൂവേ മണമുള്ള പൂവേ
6. ശ്രുതിയിൽ നിന്നുയരും നാദശലഭങ്ങളേ
7. പൂമാനമേ ഒരു രാഗമേഘം താ
8. വരൂ നീ വരൂ നീ സന്ധ്യേ വരവർണ്ണിനിയാം
9. ഹൃദയം കൊണ്ടെഴുതുന്ന കവിത
10.കണ്ണാന്തളിയും കാട്ടുകുറിഞ്ഞിയും
എന്റെ വിണ്ണിൽ വിടരും നിലാവേ
5, 8, സ്ഥാനങ്ങളിലെ ഗാനങ്ങൾ അത്ര സുപരിചിതം ആകണമെന്നില്ല. നിങ്ങൾ ഒന്നു കേട്ടു നോക്കണം. തീർച്ചയായും ഇഷ്ടപ്പെടും.
The above list of 10 might look like the tip of an iceberg. Just go through the amazing collection of super duper hit songs below…….
രാഗാർദ്ര ഹംസങ്ങളോ,
ഓളങ്ങൾ താളം തല്ലുമ്പോൾ,
രാപ്പാടി തൻ പാട്ടിൻ കല്ലോലിനി
ഓർമ്മതൻ വാസന്ത നന്ദനത്തോപ്പിൽ,
ഈ നീലരാവിൽ സ്നേഹാർദ്രനായ് ഞാൻ
ഹൃദയവനിയിലെ ഗായികയോ,
കാലമേ കാലമേ കനകത്തിൽ കരിപൂശും
സന്ധ്യതൻ അമ്പലത്തിൽ
കേട്ടില്ലേ കോട്ടയത്തൊരു മൂത്ത പിള്ളേച്ചൻ
ഒരിക്കലോമന പൊന്നാറ്റിൻ
വെള്ളാരം കുന്നിന്മേലെ
ആകാശഗംഗയിൽ വർണ്ണങ്ങളാൽ
വൈശാഖ സന്ധ്യേ
കസ്തൂരിമാൻ കുരുന്നേ
കറുത്ത തോണിക്കാരാ
അലസത വിലസിതം
നളദമയന്തി കഥയിലെ അരയന്നം പോലെ
അനുരാഗ തീരം തളിരണിയും കാലം
ശ്യാമ മേഘമേ നീ
കാളിന്ദി തീരം ഉറങ്ങി
പൂന്തെന്നലേ നീ പറന്നു പറന്നു പറന്നുവാ
ചന്ദ്രഗിരി താഴ് വരയിൽ വെള്ളി കൊലുസും
ഏതോ ജന്മബന്ധം നിന്നിൽ കണ്ടു ഞാൻ ഡാഫോഡിൽ വീണ്ടും വിരിയുന്നു
ഒരു മഞ്ഞുതുള്ളിയിൽ നീലവാനം,
കറുകറുത്തൊരു പെണ്ണാണ്
ഒരു മധുരക്കിനാവിൻ
അമ്പിളി മണവാട്ടി അഴകുള്ള മണവാട്ടി
പൂവിരിഞ്ഞല്ലോ ഇന്നെന്റെ മുറ്റത്തും
ചിരികൊണ്ട് പൊതിയും മൗന ദുഃഖങ്ങൾ
കാത്തിരിപ്പൂ കുഞ്ഞരിപ്പൂവ്
തുലാഭാരമല്ലോ ജീവിതം
മേളം ഉന്മാദ മേളം
പാവാട വേണം മേലാട വേണം
കന്നി പളുങ്കേ പൊന്നും കിനാവേ
വിണ്ണിൻ രാഗമാല്യം മണ്ണിൽ വീഴും നേരം
മാറത്തു മറുകുള്ള മന്ദാര പൂവിന്റെ
മുത്തുനവ രത്നമുഖം കത്തിടും മയിലാളേ
ഫിർദൗസിൽ അടുക്കുമ്പോൾ
കാലങ്ങൾ മാറുന്നു
തെയ്യാട്ടം ധമനികളിൽ മനസ്സിൽ
മാനത്തെ ഹൂറിപോലെ പെരുന്നാൾപിറ
തൂവെൺതൂവൽ ചിറകിൽ ശിശിരം
കണ്ണിന്റെ കർപ്പൂരം കരളിന് സായൂജ്യം
കരകാണാ കടലല മേലേ
മൂടൽ മഞ്ഞിൻ മൂവന്തി ചേലയൂർന്നിതോ
കായാമ്പൂ കോർത്തു തരും കടാക്ഷമാല്യം
അരയന്നക്കിളിയൊന്നെൻ മാനസത്തിൽ
സ്വർഗ്ഗവാതിൽ തുറന്നു തന്നു
ആരോമലേ നിലാവിൽ
ഇന്ദ്രനീലമെഴുതിയ മിഴികൾ തൻ
വളകിലുക്കം ഒരു വളകിലുക്കം
സിന്ദൂരതിലകവുമായി പുള്ളിക്കുയിലെ
പാതിരാ താരമേ സ്നേഹ പൂക്കൾ
ശരൽക്കാല സന്ധ്യ കുളിർ തൂകി നിന്നു
ദേവദാരു പൂത്തു എൻ മനസ്സിൻ
എന്റെ മനോമയീ മഞ്ഞു നിലാമയീ
മധുമാസം പോയല്ലോ മതിലേഖ മാഞ്ഞല്ലോ
രാധേ നിന്റെ കൃഷ്ണൻ വന്നു
നിശയുടെ താഴ്‌വരയിൽ നിഴലുകൾ
കാട്ടുകുറിഞ്ഞി പൂവും ചൂടി സ്വപ്നം കണ്ടു
മഞ്ജരികൾ മഞ്ജുഷകൾ
യൗവനം പൂവനം നീയതിൽ തേൻ കണം
പൂവേ അരിമുല്ലപ്പൂവേ
വാസരം തുടങ്ങി ഒരു ജീവിതം തുടങ്ങി
അല്ലിമലർ കണ്ണിൽ പൂങ്കിനാവും
ഒന്നാനാം ഊഞ്ഞാൽ
ഓ ശാരികേ ദൂരെ വസന്തം വരൂ നീ
രജനീതൻ മലർ വിരിഞ്ഞു
ചിന്നു കുട്ടി ഉറങ്ങീലെ……
Fabulous array of melodious songs.
ഒരു കാലഘട്ടത്തിൽ ഹിറ്റുകളുടെ പൂക്കാലം തന്നെ തീർത്തു ശ്യാം. നിങ്ങളുടെ പ്രിയപ്പെട്ട ശ്യാമഗീതങ്ങൾ ഇവിടെ പങ്കുവയ്ക്കുക.
ഒരു കാര്യം കൂടി സൂചിപ്പിക്കട്ടെ. മറ്റു സംഗീതസംവിധായകർ പുതിയ ഗായകർക്ക് ഒരിക്കലും അവസരം നൽകാത്ത ആ സമയത്താണ്, ശ്യാം ഉണ്ണിമേനോനെ കൊണ്ടുവന്ന് ഓളങ്ങൾ താളം തല്ലുമ്പോൾ, തൊഴുതു മടങ്ങും,വളകിലുക്കം,
തൂവെൺതൂവൽ, മൂടൽ മഞ്ഞിൻ മൂവന്തി തുടങ്ങിയ മനോഹരമായ ഗാനങ്ങൾ പാടാൻ അവസരം നൽകിയത്. പിന്നീട് തമിഴിൽ ഒരുപാടു നല്ല ഗാനങ്ങൾ പാടിയിട്ടുള്ള ഉണ്ണിമേനോന്റെ മികച്ച മലയാളഗാനങ്ങൾ എല്ലാം ശ്യാം അന്നു നൽകിയ പാട്ടുകളാണ്.
തൊണ്ണൂറുകളുടെ തുടക്കത്തിൽ ശ്യാം മെല്ലെ നമ്മളിൽ നിന്നും അകന്നുപോയി. പിന്നീട് “ഹൃദയം കൊണ്ടെഴുതുന്ന കവിത” എന്ന ഗാനത്തിലൂടെ ഐവി ശശി അദ്ദേഹത്തിന് ഗംഭീരമായ ഒരു തിരിച്ചു വരവ് ഒരുക്കി.
പക്ഷേ എന്തുകൊണ്ടോ അതു നീണ്ടുനിന്നില്ല.
ഒരുകാലത്ത് ഓരോ മലയാളിയുടെയും ചുണ്ടുകളിൽ തത്തിക്കളിച്ച പാട്ടുകൾ ഒരുക്കിയ സംഗീതസംവിധായകനായിരുന്നു അദ്ദേഹം. Shyam deserves respect. Hats off to him.
സ്നേഹപൂർവ്വം
Dr Rasheed Pattath

 

Advertisement



സംഗീതസംവിധായകൻ ശ്യാമിനെക്കുറിച്ച് ശ്രീ Rasheed Pattath എഴുതിയ മനോഹരമായ കുറിപ്പിന് ഒരു അനുബന്ധം.

Nikhil Venugopal


മലയാളത്തിന് ഇലക്ട്രോണിക്-ഡിസ്കോ ശബ്ദങ്ങൾ പരിചയപ്പെടുത്തിയത് ശ്യാം ആണെന്നു പറയാം. “ശരത്കാല സന്ധ്യ“ യും “ഒരു മധുരക്കിനാ“ വും മാറ്റി നിർത്തി മലയാളത്തിലെ ഡിസ്കോ സാന്നിധ്യം പരാമർശിക്കുക സാധ്യമല്ല.

ശ്യാമിന്റെ ഓർക്കെസ്റ്റ്രയിൽ കേട്ടാൽ തിരിച്ചറിയാവുന്ന 2 ഘടകങ്ങൾ ഉണ്ടായിരുന്നു.
അക്കൗസ്റ്റിക് ഗിറ്റാർ-ഇലക്ട്രിക് ഗിറ്റാർ-സിന്തസൈസർ ഉപയോഗിച്ചുള്ള കോഡ് പ്രൊഗ്രഷനാണ് അതിൽ ഏറ്റവും പ്രധാനം. ശ്യാമിന്റെ അസംഖ്യം ഗാനങ്ങളുണ്ട് ഈ ശബ്ദസങ്കലന രീതിയിൽ – “സിന്ദൂരതിലകവുമായി“ (കുയിലിനെ തേടി) എന്ന ഗാനത്തിലുടനീളം മുഴങ്ങിക്കേൾക്കാം ഈ ഗിറ്റാർ പ്രയോഗം. വളരെ ആഴത്തിലുള്ള സമ്പുഷ്ടമായ ഗിറ്റാർ കൊഡുകൾ കൊണ്ട് അണിയിച്ചൊരുക്കിയവയാണ് ശ്യാമിന്റെ മിക്ക ഗാനങ്ങളും.
സിതാർ-പ്രിക്കർഷൻ സങ്കലനമാണ് ശ്യാമിന്റെ ഗാനങ്ങളുടെ മറ്റൊരു പ്രത്യേകത. ശ്യാം തന്റെ ഗാനങ്ങളിൽ നിർലോഭം ഉപയോഗിച്ചിട്ടുള്ള ഒരു ഉപകരണമാണ് സിതാർ. അതിൽ തന്നെയും പലപ്പോഴും താളവാദ്യങ്ങൾക്ക് അനുസൃതമായുള്ള സ്വരവിന്യാസവും കൂടിയാവുമ്പോൾ അതിനൊരു പ്രത്യേക ടോണൽ ക്വാളിറ്റിയാണ്. “ചന്ദനക്കുറിയുമായി..“(ഒരു നോക്കു കാണാൻ), “ഏതോ ജന്മബന്ധം“ (അമേരിക്ക അമേരിക്ക), “പാതിരാ താരമെ“(കുയിലിനെ തേടി), “ദേവദാരു പൂത്തു“(എങ്ങിനെ നീ മറക്കും) എന്നീ ഗാനങ്ങൾ കേട്ടു നോക്കൂ.

Advertisement



സാന്ദർഭികവും തികച്ചും വ്യക്തിപരവുമായൊരു കാര്യം പറയട്ടെ. ചില സന്ദർഭങ്ങളിൽ എന്നെ നിരാശപ്പെടുത്തിയിട്ടുള്ള ഒരു സംഗീതജ്ഞനും കൂടിയാണ് ശ്യാം. അത് മോശം ഗാനങ്ങൾ കൊണ്ട് എന്ന അർത്ഥത്തിലല്ല. പക്ഷെ വളരെ മനോഹരമായ ചില സംഗീതശകലങ്ങളിലൂടെ വലിയ പ്രതീക്ഷകൾ നൽകിയ ചില ഗാനങ്ങൾ, ഒട്ടും സ്വീകാര്യമല്ലാത്ത ചില ഭാവപ്പകർച്ചകളിലേക്ക് പൊടുന്നനെ ചുവടു മാറ്റുമ്പോൾ ഉണ്ടാവുന്ന രസഭംഗം – ശ്യാമിന്റെ ചില ഗാനങ്ങൾ ആ ശ്രേണിയിൽ മുൻപന്തിയിലാണ്.
“ഓരോ നിമിഷവും ഓരോ നിമിഷവും“(അർച്ചന ടീച്ചർ) എന്ന ഈ ഗാനം കേട്ടു നോക്കൂ. പല്ലവിയുടെ ആദ്യഭാഗം കേൾക്കുമ്പോൾ മനസ്സ് അലിഞ്ഞില്ലാതാവും, അത്രയ്ക്ക് ഹൃദ്യമാണ്. അതിന്റെ ഒരു തുടർച്ച പ്രതീക്ഷിക്കുന്ന നമ്മളെ നിരാശപ്പെടുത്തിക്കൊണ്ടാണ് ആ ഗാനത്തിന്റെ ഭാവ സഞ്ചാരം ഒരു പിടിയും നൽകാതെ പല്ലവിയോടു പൊരുത്തപ്പെടാത്ത മേഖലകളിലൂടെ കയറി ഇറങ്ങുന്നത്. “മലവാകപ്പൂവേ‘(ഇളനീർ) എന്നിങ്ങനെ വേറെയും ചില ഉദാഹരണങ്ങളുണ്ട്. മേൽപ്പറഞ്ഞ ഗാനങ്ങൾ മോശം എന്നല്ല, പക്ഷെ ആ ഗാനങ്ങളുടെ പല്ലവി പ്രദാനം ചെയ്യുന്ന ഭാവവുമായി ആ ഗാനം മൊത്തത്തിൽ പൊരുത്തപ്പെടുന്നില്ല എന്നു മാത്രമാണ് ഉദ്ദേശിച്ചത്. (തികച്ചും വ്യക്തിപരമായ ഒരു കാര്യമാണ്. ഈ ഗാനങ്ങൾ ഇഷ്ടപെടുന്ന അനേകം ആസ്വാദകർ ഉണ്ട് എന്നും സ്മരിക്കുന്നു)


ആവർത്തനവിരസത മൂലമാണ് പല സംഗീതസംവിധായകരുടേയും ഗാനങ്ങൾക്ക് വിറ്റു വരവ് കുറഞ്ഞു പോകാറുള്ളത്. പ്രത്യേകിച്ച് കുറച്ചു സമയത്തിനുള്ളിൽ ഒരു പാട് ചിത്രങ്ങൾക്ക് സംഗീതം നൽകാറുള്ളവർ.
എന്നാൽ ശ്യാം എന്ന സംഗീതസംവിധായകന്റെ കരിയർ പരിശോധിക്കുമ്പോൾ എന്നെ അതിശയപ്പെടുത്തിയിട്ടുള്ള ഒരു വസ്തുതയുണ്ട്. അദ്ദേഹത്തിന്റെ ആദ്യകാലങ്ങളിലാണ് ആവർത്തന വിരസമെന്നു തോന്നിക്കാവുന്ന, ചില പ്രത്യേക പാറ്റേർണിലുള്ള ഗാനങ്ങൾ അദ്ദേഹം ചെയ്തു തീർത്തത്.
എന്നാൽ 1985 ആകുമ്പോഴേക്കും അദ്ദേഹത്തിന്റെ ഗാനങൾ അതു വരെ പ്രകടിപ്പിച്ചിരുന്ന നിലവാരത്തിൽ നിന്നും അല്പം ഉയർന്നു സഞ്ചരിക്കാൻ തുടങ്ങി എന്നാണ് എനിക്കു തോന്നിയിട്ടുള്ളത്. “പൂമാനമേ..“ (നിറക്കൂട്ട്) ആയിരിക്കാം ഒരു പക്ഷെ അതിനു തുടക്കം കുറിച്ചത്.

പിന്നീടു വന്ന ഡെയ്സി, നാളെ ഞങ്ങളുടെ വിവാഹം, നാടോടിക്കാറ്റ്, മനു അങ്കിൾ, അധിപൻ, നാടുവാഴികൾ, അക്ഷരത്തെറ്റ്, കോട്ടയം കുഞ്ഞച്ചൻ എന്നിവയിൽ കേൾക്കുന്നത് ശ്യാമിൽ നിന്നും അതു വരെ കേൾക്കാത്ത രീതിയിലുള്ള ചില ഗാനങ്ങളാണ്. കെ. എസ്. ചിത്ര എന്ന ഗായികയുടെ ശബ്ദത്തിന് അതിൽ എന്തെങ്കിലും പങ്കുണ്ടോ എന്ന് ഉറപ്പില്ല, പക്ഷെ ഈ സിനിമകളിലുട നീളം, ചിത്ര എന്ന ഗായികയുടെ അതിമനോഹരങ്ങളായ ചില ഗാനങ്ങൾ ഉണ്ടായിരുന്നു എന്നത് ശ്രദ്ധേയമാണ് – “രാപ്പാടി തൻ“ (ഡെയ്സി), “ആലിപ്പഴം..“(നാളെ ഞങ്ങളുടെ വിവാഹം), “ഒരു കിളി ഇരു കിളി“, “മേലെ വീട്ടിലെ വെണ്ണിലാവ്“(മനു അങ്കിൾ), “ശ്യാമമേഘമേ നീ“(അധിപൻ)….

“വൈശാഖ സന്ധ്യേ“(നാടോടിക്കാറ്റ്) പോലൊരു ഗാനം മലയാളത്തിൽ വേറെയുണ്ടോ? എന്തു മനോഹരമായിരുന്ന പാട്ടായിരുന്നു അത്? (ആ ഗാനം വീണ്ടുമൊരിക്കൽ കേൾക്കാൻ കൊതിച്ച് ആകാശവാണിയുടേയും കാസറ്റു കടകളുടേയും യുവജനോൽസവ വേദികളുടെയും അരികു പറ്റി കാത്തിരിന്നിട്ടുണ്ട് അനേകം ദിവസങ്ങൾ)

Advertisement



കരിയറിന്റെ അവസാന പാദത്തിലും (1985-1990) വളരെ മികച്ച ഗാനങ്ങളും, അതിലുപരി എക്കാലവും ഓർമ്മിക്കപ്പെടുന്ന റീ-റിക്കാർഡിംഗുകളും ഒക്കെയായി സജീവമായിരുന്ന ശ്യാമ നമ്മെ ഓർമ്മിപ്പിക്കുന്നത് ആവർത്തനവിരസത കൊണ്ടല്ല താൻ തൊണ്ണൂറുകളിൽ നിശ്ശബ്ദനായത് എന്നാണ്. “ശ്യാമമേഘമെ നീ“(അധിപൻ), “രാവിൽ പൂന്തേൻ“(നാടുവാഴികൾ), “ഈ നീലരാവും“ (കോട്ടയം കുഞ്ഞച്ചൻ), “ഹൃദയം കൊണ്ടെഴുതിയ കവിത“(അക്ഷരത്തെറ്റ്) എന്നീ ഗാനങ്ങൾ ശ്യാമിന്റെ കരിയറിന്റെ അവസാനകാലത്ത് വന്നതാണ് എന്നത് ഇന്നും അവിശ്വസനീയമായ ഒരു വസ്തുതയാണ്.
ശ്യാമിന്റെ പിന്മാറ്റം പ്രധാനമായും എസ്. പി. വെങ്കിടേഷിന്റെ കടന്നു വരവും ലോ ബഡ്ജറ്റ് കോമഡി ചിത്രങ്ങൾക്ക് പ്രാധാന്യമേറിയതും അവയിലൂടെ ജോൺസൺ കണ്ടെത്തിയ സംഗീത സങ്കേതങ്ങളും ആയിരിക്കണം കാരണം എന്നു തന്നെ ഈയുള്ളവൻ വിശസിക്കുന്നു.


തമിഴിൽ


ജന്മം കൊണ്ട് തമിഴും കർമ്മം കൊണ്ട് മലയാളിയും എന്ന് ശ്യാമിനെ വിശേഷിപ്പിക്കാം. ശ്യാമിന്റെ സംഗീതത്തിന്റെ മികച്ച ഏടുകളെല്ലാം മലയാളത്തിൽ ആയിരുന്നു എന്നത് തർക്കമില്ലാത്ത വസ്തുതയാണ്.
പക്ഷെ തമിഴിലും അതി മനോഹരങ്ങളായ ചില ഗാനങ്ങൾ ശ്യാം ചെയ്തിട്ടുണ്ട്.

തമിഴിൽ 1978-1990 കാലഘട്ടത്തിലെ പാട്ടുകൾ അന്വേഷിച്ചു പോകുമ്പോൾ നേരിടാറുള്ള ഒരു പ്രധാന പ്രശ്നം അവയെല്ലാം ഇളയരാജയിൽ ചെന്ന് അവസാനിക്കും എന്നുള്ളതാണ്. ഇളയരാജയ്ക്കപ്പുറത്തേക്കുള്ള അന്വേഷണം ചിലപ്പോൾ മടുപ്പിക്കാറുണ്ട്.. കാരണം ആ നിലവാരത്തിലുള്ള മറ്റു സംഗീതജ്ഞരുടെ ഗാനങ്ങൾ കണ്ടു കിട്ടാൻ നന്നേ ബുദ്ധിമുട്ടാണ് (ടി. രാജേന്ദർ, ദേവേന്ദ്രൻ ഒക്കെയുണ്ട്, എന്നിരിക്കിലും…). ഇനി അഥവാ ഉണ്ടെങ്കിൽ തന്നെ അവയൊക്കെ പലപ്പോഴും വിസ്മൃതിയിലായിരിക്കും. നവമാധ്യമങ്ങളിലോ റേഡിയൊകളിലോ ഗാനമേള വേദികളിലോ അവയക്ക് “ഇളയരാജ ഹിറ്റസ്“ എന്ന ബ്രാൻഡിംഗ് ഇല്ലാത്തതിനാൽ ആവശ്യക്കാർ നന്നേ കുറവാണ്. പഴന്തുണിക്കെട്ടുകൾക്കുള്ളിൽ ഒളിഞ്ഞിരിക്കുന്ന അത്തരം രത്നങ്ങൾ അന്വേഷിച്ചു ചെല്ലുന്നവർ മാത്രമേ അധികവും അത്തരം ഗാനങ്ങൾ കേൾക്കാറുള്ളൂ.
അതു പോലുള്ള ചില രത്നങ്ങളുണ്ട് ശ്യാമിൻ്റേതായി തമിഴിൽ.

Advertisement



അദ്ദേഹത്തിന്റെ ഏറ്റവും പോപ്പുലറായ തമിഴ് ഗാനം “മഴൈ തരുമോ എൻ മേഘം“(മനിതരിൽ ഇത്തനൈ നിറങ്കളാ) ആയിരിക്കണം. ശ്യാമിന്റെ എല്ലാ വിധത്തിലുള്ള കയ്യൊപ്പും, മേൽ വിശദീകരിച്ച ഗിറ്റാർ കോഡുകളും എസ്. പി. ബാലസുബ്രഹ്മണ്യത്തിന്റെ ദൈവീകമായ ആലാപനവും ഒത്തിണങ്ങിയ

മനോഹരമായ ഒരു ഗാനം.

മനോഹരങ്ങളായ മറ്റു ചില ഗാനങ്ങൾ
വാനം പൻ നീരൈ തൂവും–കൽ വടിയും പൂക്കൾ
ആലാപനം: എസ്. പി. ബി

ഇദയം ഇദയം മുഴുതും മോഹങ്കൾ-ഇദയം പേസുഗിറത്
ആലാപനം: എസ്. പി. ബി, എസ്. ജാനകി

പൂമാലൈകൾ ഇരു തോൾ സേരുമേ-ജാതി മല്ലി
ആലാപനം: ജയചന്ദ്രൻ, എസ്. ജാനകി

മേലാടൈ മേഘത്തിൽ നീന്തും-അക്കരൈക്കു വാരിങ്കളാ
ആലാപനം: ജയചന്ദ്രൻ, എസ്. ജാനകി

മാന്തളിരേ മയക്കമെന്ന-ദേവതൈ
ആലാപനം: എസ്. ജാനകി

ഒരു പാർവൈ പാർത്താൽ എന്ന-പുനിത മലർ
ആലാപനം: ജോളി അബ്രഹാം

വാൻ നിലാ തേടുതേ-കണ്ണീരിൽ എഴുതാതെ
ആലാപനം: എസ്. പി. ബി, എസ്. ജാനകി

സൊല്ലത്താൻ നിനൈത്തേൻ-വിലങ്ക്
ആലാപനം: എസ്. പി. ബി

ഇവൾ ദേവതൈ-വാ ഇന്ത പക്കം
ആലാപനം: എസ്. പി. ബി, വാണിജയറാം

രാധാ കൃഷ്ണാ-മാറ്റ്രവൈ നേരിൽ
ആലാപനം: എസ്. ജാനകി

നിനൈവിൽ ആടും അഴകോ-കൽ വടിയും പൂക്കൾ
ആലാപനം: കെ. ജെ യേശുദാസ്

മഴൈക്കാല മേഘങ്കൾ- കൽ വടിയും പൂക്കൾ
ആലാപനം: കെ. ജെ യേശുദാസ്

ഗലീർ ഗലീർ- ദേവതൈ
ആലാപനം: എസ്. ജാനകി

ആനന്ദ ദാഹം-വാ ഇന്ത പക്കം
ആലാപനം: ദീപൻ ചക്രവർത്തി, എസ്. ജാനകി

പാൽ നിലാ വേളയിൽ-കുയിലെ കുയിലെ
ആലാപനം: കെ. ജെ. യേശുദാസ്

Picture Credits: Original Uploader

 148 total views,  2 views today

Advertisement



ഇന്ത്യയിലെ ആദ്യത്തെ ബ്ലോഗ് പേപ്പർ & നമ്പർ വൺ സിറ്റിസൺ ജേർണലിസം പോർട്ടൽ.

Advertisement
Entertainment45 mins ago

പള്ളിയോട വിവാദനായിക നിമിഷ ‘പുരുഷു’വിന്റെ വീട്ടിൽ പാത്തുംപതുങ്ങിയും, വീഡിയോ കാണാം

Entertainment1 hour ago

സുരാജ് വെഞ്ഞാറമൂട് നായകനായ ‘ഹെവൻ’ ഒഫീഷ്യൽ ടീസർ

Entertainment1 hour ago

നീണ്ട ഇടവേളക്ക് ശേഷം ജഗദീഷ് ശക്തമായ കഥാപാത്രവുമായി തിരിച്ചു വരുന്ന സസ്പെൻസ് ത്രില്ലെർ

Entertainment2 hours ago

ഡൌൺ ടൌൺ മിററിന്റെ കവർ ചിത്രത്തിന് വേണ്ടി മാരക ഗ്ലാമർ ലുക്കിൽ ഐശ്വര്യ ലക്ഷ്മി

Entertainment2 hours ago

ബോളീവുഡിന്റെ നിറസൗന്ദര്യമായിരുന്ന സൊനാലി ബെന്ദ്രേ വീണ്ടും

Entertainment3 hours ago

നടി രമ്യ നമ്പീശൻ പേപ്പർ റോക്കറ്റിനു വേണ്ടി പാടിയ ‘ചേരനാട്’ പാട്ട് വൈറലാകുന്നു

Entertainment3 hours ago

ഒന്നിലധികം ട്വിസ്റ്റുകളും സസ്പെൻസുകളുമായി ‘ട്രോജൻ ‘ മെയ് 20 ന്, ട്രോജൻ എന്ന മൂവിയെ കുറിച്ച്‌ ഡോക്ടർ ജിസ് ബൂലോകം ടീവിയോട്

Entertainment3 hours ago

മോഡേൺ സാരിയിൽ അതിസുന്ദരിയായി അനുപമ പരമേശ്വരൻ

Entertainment3 hours ago

എനിക്ക് എന്തിനാണ് നീ ആ നോട്ടം തരുന്നത്. ചോദ്യവുമായി എസ്തർ അനിൽ.

Entertainment3 hours ago

ദുബായിൽ സ്കൈഡൈവിംഗ് ആഘോഷമാക്കി മലയാളികളുടെ പ്രിയപ്പെട്ട നടി. ഇത് ആരാണെന്ന് മനസ്സിലായോ?

Entertainment3 hours ago

ഓറഞ്ചിൽ അതിസുന്ദരിയായി പ്രിയാമണി.

Entertainment3 hours ago

ഒരു ലക്ഷം രൂപയിലധികം വിലവരുന്ന കളിപ്പാട്ടം ആവശ്യപ്പെട്ട മകൻ.വൈറലായി നവ്യയുടെ വാക്കുകൾ.

Entertainment1 month ago

വീണ്ടും ‘തുറന്നുകാട്ടൽ’ സേവ് ദി ഡേറ്റ് , വിമർശന പെരുമഴ

Entertainment1 month ago

മൈക്കിളപ്പന്റെ ബിരിയാണി തിന്നാൻ മാത്രം അല്ല ആലീസ് എന്ന അനസൂയയെ തിരുകികയറ്റിയത്

Entertainment1 month ago

മമ്മുക്കയ്ക്കു പറ്റിയൊരു കഥ കയ്യിലുണ്ടെന്ന് പൃഥ്വിരാജ്

Entertainment3 weeks ago

ഒരു ദിവസം സെക്‌സ് നിരസിച്ചതിന്, ഞാൻ ആർത്തവത്തിലായിരുന്നപ്പോൾ അയാൾ എന്റെ വയറ്റിൽ ബലമായി ചവിട്ടി

Entertainment1 month ago

യാഥാസ്ഥിതികരെ അലോസരപ്പെടുത്തിയേക്കാം, പക്ഷേ അത് ഒരിക്കലും അതിര് കവിയുന്നില്ല

Entertainment1 month ago

മോഹൻലാലിൻറെ ദേവാസുരം തട്ടിക്കൂട്ട് പടമെന്നു കാര്യവട്ടം ശശികുമാർ, അന്നത്തെ കഥകൾ ഇങ്ങനെ

Entertainment1 month ago

ആര്യയുടെ അടുത്ത ബോക്സിങ് അന്യഗ്രഹ ജീവിയുമായി ?

Entertainment1 month ago

മലയാളചിത്രം ബിയോണ്ട് ദ സെവൻ സീസ്’ റിലീസിന് മുൻപ് തന്നെ ലോക റെക്കോർഡ് നേടി

Entertainment3 weeks ago

ഷഡ്ഡി മാത്രം ധരിച്ച്പൂക്കൾ കൊണ്ട് ശരീരം മറച്ചു അർദ്ധ നഗ്നയായി വീണ്ടും ആരാധകരെ ഞെട്ടിച്ചു ഉർഫി

Entertainment3 weeks ago

തെറ്റ് തിരുത്തി ഭാര്യയിലേയ്ക്ക് മടങ്ങുന്ന പുരുഷൻ ഉത്തമപുരുഷൻ ആണെന്ന് ‘നീന’ എന്ന വിജയ്ബാബു നായകനായ ലാൽജോസ് ചിത്രം സ്ഥാപിക്കുന്നുണ്ട്

Entertainment4 weeks ago

‘കെജിഎഫിന്റെ കൂടെ ചേട്ടന്റെ പടവും ഇറക്കണോ ?’ ചോദ്യത്തിന് പിഷാരടി നൽകിയ രസകരമായ മറുപടി

Entertainment2 days ago

പോൺ ഫിലിം ലോകത്തിന്റെ നിങ്ങളറിയാത്ത കഥകൾ

Entertainment1 hour ago

സുരാജ് വെഞ്ഞാറമൂട് നായകനായ ‘ഹെവൻ’ ഒഫീഷ്യൽ ടീസർ

Entertainment3 hours ago

നടി രമ്യ നമ്പീശൻ പേപ്പർ റോക്കറ്റിനു വേണ്ടി പാടിയ ‘ചേരനാട്’ പാട്ട് വൈറലാകുന്നു

Entertainment2 days ago

അന്വേഷി ജെയിനിന്റെ വർക്ഔട്ട് വീഡിയോ വൈറലാകുന്നു

Entertainment2 days ago

മമിതാ ബൈജുവും ഗോപിക രമേശും പ്രധാന കഥാപാത്രങ്ങളെ അവതരിപ്പിക്കുന്ന ‘ഫോർ’ ഒഫീഷ്യൽ ട്രെയ്‌ലർ

Entertainment2 days ago

അഗാധമായ കൊക്കയിൽ കുടുങ്ങിപ്പോകുന്ന ബസിലെ യാത്രക്കാരുടെ ഭീതിയും അതിജീവനവും, ‘O2’ ട്രെയ്‌ലർ

Entertainment2 days ago

ഗാന്ധിഭവനിൽ അവാർഡ് ഏറ്റുവാങ്ങാൻ വന്ന നവ്യ അവിടത്തെ അന്തേവാസിയെ കണ്ടപ്പോൾ ഞെട്ടിപ്പോയി

Entertainment3 days ago

കമലും ഫഹദ് ഫാസിലും വിജയ് സേതുപതിയും ചെമ്പൻ വിനോദും തകർത്തുവാരുന്ന ‘വിക്രം’ ട്രെയ്‌ലർ പുറത്തിറങ്ങി

Entertainment5 days ago

കറുത്തവരെ എന്തും പറയാമല്ലേ…. ഇരിക്കട്ടെ കരണകുറ്റിക്ക് (പുഴുവിലെ രംഗം വീഡിയോ)

Entertainment5 days ago

മോഹൻലാലും മമ്മൂട്ടിയും ജയസൂര്യയെ കണ്ടു പഠിക്കണമെന്ന് ‘മേരി ആവാസ് സുനോ’ കണ്ടിറങ്ങിയ സന്തോഷ് വർക്കി

Entertainment6 days ago

പ്രിയവാര്യർ മലയാളത്തിലേക്ക് തിരിച്ചുവരുന്നു, വരവ് രജിഷയ്ക്കൊപ്പം

Uncategorized6 days ago

കങ്കണ റനൌട്ട് കേന്ദ്ര കഥാപാത്രമാകുന്ന ‘ദാക്കഡ്’ ഒഫീഷ്യൽ ട്രെയിലർ 2

Entertainment6 days ago

ഉലകനായകന്റെ അടിപൊളി ഡാൻസ്, വിക്രത്തിലെ ആദ്യ ഗാനം പുറത്തുവിട്ടിരിക്കുന്നു

Advertisement