എന്താണ് ഓപ്പറേഷൻ ബേബിലിഫ്റ്റ് ?

0
231

✍️ Sreekala Prasad

ഓപ്പറേഷൻ ബേബിലിഫ്റ്റ്

വിയറ്റ്നാം യുദ്ധത്തിന്റെ അവസാനത്തിൽ ദക്ഷിണ വിയറ്റ്നാമിൽ നിന്ന് അമേരിക്കയിലേക്കും മറ്റ് രാജ്യങ്ങളിലേക്കും (ഓസ്‌ട്രേലിയ, ഫ്രാൻസ്, പശ്ചിമ ജർമ്മനി, കാനഡ എന്നിവയുൾപ്പെടെ) 1975 ഏപ്രിൽ 3 മുതൽ 26 വരെ കുട്ടികളെ ലോകത്തിന്റെ പല ഭാഗങ്ങളിലേക്കും കടത്തുകയുണ്ടായി. ഔദ്യോഗിക കണക്കുകൾ പ്രകാരം 3300 നു മീതെ കുട്ടികളെ ഇങ്ങനെ കയറ്റി അയച്ചു എന്ന് പറയുന്നു . ഇങ്ങനെ കുട്ടികളെ കൂട്ടത്തോടെ ഒഴിപ്പിച്ചതിന് നൽകിയ പേരാണ് ഓപ്പറേഷൻ ബേബിലിഫ്റ്റ്. യഥാർത്ഥ എണ്ണം പലതരത്തിൽ റിപ്പോർട്ട് ചെയ്യപ്പെട്ടിട്ടുണ്ടെങ്കിലും ‘ ഓപ്പറേഷൻ ന്യൂ ലൈഫിനൊപ്പം ‘ 110,000 അഭയാർഥികളെയാണ് വിയറ്റ്നാം യുദ്ധത്തിന്റെ അവസാനത്തിൽ ദക്ഷിണ വിയറ്റ്നാമിൽ നിന്ന് ഒഴിപ്പിച്ചത്. ആയിരക്കണക്കിന് കുട്ടികളെ ലോകമെമ്പാടുമുള്ള കുടുംബങ്ങൾ ദത്തെടുത്തു.

Operation Babylift Veterans receive retroactive benefits through VA help | VAntage Pointമധ്യ വിയറ്റ്നാമീസ് നഗരമായ ഡാ നാങ് മാർച്ചിൽ പിടിച്ചെടുക്കുകയും സൈഗോൺ ആക്രമണത്തിനിരയാകുകയും ഷെല്ലാക്രമണം നടത്തുകയും ചെയ്തതോടെ 1975 ഏപ്രിൽ 3 ന് യുഎസ് പ്രസിഡന്റ് ജെറാൾഡ് ഫോർഡ്, ആസൂത്രിതമായ 30 വിമാനങ്ങളുടെ പരമ്പരയിൽ യുഎസ് സർക്കാർ സൈഗോണിൽ നിന്ന് അനാഥരെ ഒഴിപ്പിക്കാൻ തുടങ്ങുമെന്ന് പ്രഖ്യാപിച്ചു. മേജർ ജനറൽ എഡ്വേർഡ് ജെ. നാഷിന്റെ നേതൃത്വത്തിൽ മിലിട്ടറി എയർലിഫ്റ്റ് കമാൻഡ് (എം‌എസി) സി -5 എ ഗാലക്സി, സി -141 സ്റ്റാർലിഫ്റ്റർ കാർഗോ വിമാനം , 62nd Airlift Wing എന്നിവ ഈ ഉദ്യമത്തിൽ പങ്കെടുത്തു. വിവിധ ദത്തെടുക്കൽ ഏജൻസികളും സഹായത്തിനെത്തി.

ഇതിനൊപ്പം ഒരു ദുരന്തവും ചരിത്രം രേഖപ്പെടുത്തുന്നു. 1975 ഏപ്രിൽ 4 ന് സി -5 എ ഗാലക്സി, സീരിയൽ നമ്പർ 68-0218, ടാൻ സോൺ നട്ട് വിമാനത്താവളത്തിൽ നിന്ന് ടേക്ക് ഓഫ് കഴിഞ്ഞ് പന്ത്രണ്ട് മിനിറ്റിന് ശേഷം ഉണ്ടായ തകരാറിനെ തുടർന്ന് ഉണ്ടായ സ്ഫോടനത്തിൽ വിമാനം നെൽപ്പാടത്തിൽ തകർന്നു വീണുണ്ടായ അപകടത്തിൽ 78 കുട്ടികളും 35 ഡിഫൻസ് ഉദ്യോഗസ്ഥരും ഉൾപ്പെടെ 138 പേർ മരിച്ചു.
ഇന്നും കുടുംബത്തിൻ്റെ വേരുകൾ തേടുന്നവർ ലാഭേച്ഛയില്ലാതെ പ്രവർത്തിക്കുന്ന ഓപ്പറേഷൻ റീയൂനൈറ്റ് എന്ന സംഘടന ദത്തെടുത്തവരെ അവരുടെ വിയറ്റ്നാമീസ് കുടുംബങ്ങളെ കണ്ടുപിടിക്കുന്നതിന് ഡിഎൻഎ പരിശോധന സഹായം ചെയ്തു കൊടുക്കുന്നു.