(ഡോ. കെ. പ്രമോദ്, ക്ലിനിക്കൽ സൈക്കോളജിസ്റ്റ് ആൻഡ് സെക്സോളജിസ്റ്റ്, ഡോ. പ്രമോദ് ഇൻസ്റ്റിറ്റ്യൂട്ട് ഒാഫ് സെക്ഷ്വൽ ആൻറ് മാരിറ്റൽ ഹെൽത്ത്, കൊച്ചി)
സുപ്രിയ വിവാഹിതയും ഒരു കുഞ്ഞിെൻറ അമ്മയുമാണ്. 39 വയസുണ്ട്. ഭർത്താവ് രാജീവിന് ബാംഗ്ലൂരിലായിരുന്നു ജോലി. പത്താം ക്ലാസു വരെ പഠിച്ച സുപ്രിയ രണ്ടു വർ‌ഷത്തോളം ഒരു സൂപ്പർമാർക്കറ്റിൽ ജോലി ചെയ്തിരുന്നു. അവിടെ വച്ച് പരിചയപ്പെട്ട തന്നേക്കാൾ പ്രായം കുറഞ്ഞ ഒരു ചെറുപ്പക്കാരനുമായി സുപ്രിയ അടുപ്പത്തിലായി.ഒരിക്കൽ അരുതാത്ത സഹാചര്യത്തിൽ ഇരുവരെയും നാട്ടുകാർ പിടികൂടി. രണ്ടു പേരെയും വീട്ടിൽ അടച്ചിട്ട ശേഷം ഭർത്താവിനെ വിവരം അറിയിച്ചു. രാജീവ് നാട്ടിലെത്തി സുപ്രിയയുമായി വഴക്കുണ്ടാക്കുകയും മാതാപിതാക്കളെ വിളിച്ചു വരുത്തി സുപ്രിയെയും കുട്ടിയെയും അവരോടൊപ്പം പറഞ്ഞു വിടുകയും ചെയ്തു.
പിന്നീട് ബന്ധുക്കൾ ഇടപെട്ട് പ്രശ്നം പരിഹരിക്കാനുള്ള ശ്രമമായി. കാരണം ആകെയുള്ളത് ഒരു പെൺകുട്ടിയാണ്. അവൾക്ക് പ്രായം 17 തികഞ്ഞു. യുവാവുമായുള്ള ബന്ധം പൂർണമായും ഉപേക്ഷിക്കാമെന്ന ഉറപ്പിൽ സുപ്രിയയോട് ക്ഷമിക്കാൻ രാജീവ് തയാറായി.തന്നേക്കാൾ പ്രായം കുറഞ്ഞ യുവാവുമായി ഇതുപോലൊരു ബന്ധത്തിലെത്താനുള്ള കാരണം വീട്ടുകാർ തിരക്കിയപ്പോൾ സുപ്രിയ പൊട്ടിത്തെറിച്ചു.
ഇരുപത്തിയൊന്നാം വയസ്സിലായിരുന്നു സുപ്രിയയുടെ കല്യാണം. കഴിഞ്ഞ 18 വർഷത്തെ ദാമ്പത്യബന്ധം പരിശോധിച്ചാൽ ഭർത്താവുമായുള്ള ലൈംഗികബന്ധം നടന്നത് വെറും നാേലാ അഞ്ചോ തവണ മാത്രം. ആദ്യ ബന്ധത്തിൽ തന്നെ സുപ്രിയ ഗർഭിണിയാവുകയും ചെയ്തു.പിന്നെ ഗർഭകാല പരിചരണം, പ്രസവം കുഞ്ഞിനെ വളർത്തൽ അങ്ങനെ നാലഞ്ചു വർഷം കടന്നു പോയി. ഈ കാലയളവിൽ അവർ തമ്മിൽ യാതൊരു ശാരീരിക ബന്ധവും ഉണ്ടായിരുന്നില്ല.
രാജീവിൻറ മുഖ്യപ്രശ്നം ശീഘ്രസ്ഖലനമായിരുന്നു. മിക്കപ്പോഴും ബന്ധത്തിന് ശ്രമം ആരംഭിക്കുമ്പോൾ തന്നെ എല്ലാം അവസാനിക്കും.. ഒട്ടേറെ തവണ ശ്രമിച്ചപ്പോഴാണ് മൂന്നോ നാലോ പ്രാവശ്യം എെന്തങ്കിലുമൊന്ന് നടന്നത്. അതു തന്നെ ഏതാനും സെക്കൻറുകൾക്കുള്ളിൽ അവസാനിക്കുകയും ചെയ്തു. സുപ്രിയയെ സംബന്ധിച്ച്, ഉറക്കത്തിൽ നിന്നു വിളിച്ചുണർത്തി അത്താഴമില്ലെന്നു പറയുന്ന അവസ്ഥ.
എപ്പോഴെങ്കിലും രാജീവ് അങ്ങനെയൊരു താല്‍പര്യം പ്രകടിപ്പിച്ചാൽ തന്നെ അവൾ പറയും ‘‘ എന്തിനാ നമ്മൾ വെറുതെ മെനക്കെടുന്നത്?’’
രാജീവിന് മറ്റൊരു പ്രശ്നം കൂടി ഉണ്ടായിരുന്നു. ബന്ധപ്പെടാൻ സാധിച്ചാൽ തന്നെ കുറേ നേരത്തേക്ക് ഉള്ളിൽ കഠിനമായ പുകച്ചിലും വേദനയും. കുറച്ചു നേരത്തേക്ക് മൂത്രമൊഴിക്കാൻ പോലും നല്ല ബുദ്ധിമുട്ടായിരിക്കും. ഇത്തരം ഒരു സാഹചര്യത്തിലാണ് യുവാവുമായി സുപ്രിയയുടെ പ്രണയം തളിരിട്ടതും ശാരീരിക ബന്ധത്തിലെത്തിയതും അത് നാട്ടുകാർ പിടികൂടിയതും. സുപ്രിയയുടെ സഹോദരനും ഭാര്യയും കൂടിയാണ് ഇരുവരെയും ചികിത്സയ്ക്കു കൊണ്ടു വന്നത്.
രാജീവിന് പ്രോസ്ട്രേറ്റ് ഗ്രന്ഥിക്കു വീക്കവും നീർക്കെട്ടും അണുബാധയുമുണ്ടായിരുന്നു. ഈ അസുഖം പഴകിയപ്പോഴാണ് പ്രശ്നം രൂക്ഷമാവാൻ തുടങ്ങിയത്.ഏകദേശം രണ്ടു മാസത്തെ ചികിത്സകൊണ്ട് അണുബാധയും നീർക്കെട്ടും പൂർണമായും മാറി. സ്ഖലനം നിയന്ത്രിക്കാനുള്ള മരുന്നുകൾ കുറച്ചു കാലം കൂടി തുടരേണ്ടി വന്നു. ഇപ്പോൾ ഇരുവരും സന്തോഷത്തോടെ ജീവിക്കുന്നു.
**
ലൈംഗികബന്ധത്തിൽ ഏർപ്പെടുമ്പോൾ, രതിമൂർച്ഛയിൽ എത്തുന്നതിനു വളരെമുമ്പ് തന്നെ നിയന്ത്രിക്കുവാനാവാതെ സ്ഖലനം സംഭവിക്കുന്ന അവസ്ഥയാണ് ശീഘ്രസ്ഖലനം ( Premature ejaculation). വളരെ ചെറിയ ലൈംഗികോദ്ദീപനം പോലും ഇതിന് വഴിതെളിച്ചേക്കാം. ഇതൊരു രോഗമാണെന്ന തെറ്റിദ്ധാരണ നിലനിൽക്കുന്നുണ്ട്. തുടർച്ചയായി ശീഘ്രസ്ഖലനം സംഭവിക്കുന്നവരിൽ ഇതൊരു ലൈംഗിക ശേഷിക്കുറവാണെന്ന തെറ്റിദ്ധാരണ ഉണ്ടാവുകയും, പങ്കാളിയെ തൃപ്തിപ്പെടുത്താൻ സാധിക്കാത്തതിൽ കുറ്റബോധം ഉടലെടുക്കുകയും ചെയ്യുന്ന പക്ഷം ഇത് രോഗാവസ്ഥയായി മാറിയേക്കാം.
പുരുഷനെ സംബന്ധിച്ച് രതിമൂർച്ഛയോടൊപ്പമാണ് സ്ഖലനം സംഭവിക്കുന്നു എന്നതുകൊണ്ട് ശീഘ്രസ്ഖലനം ഒരു പ്രശ്നമാകുന്നത് പലപ്പോഴും പങ്കാളിക്കാണ്. വ്യക്തികൾ തമ്മിൽ രതിമൂർച്ഛയ്ക്ക് ആവശ്യമായി വരുന്ന സമയത്തിൽ വ്യത്യാസമുണ്ടാവാം. വളരെ ചെറിയ ഉദ്ദീപനങ്ങൾകൊണ്ട് സ്ഖലനം സംഭവിക്കുന്നെങ്കിൽ മാത്രമേ രതിമൂർച്ഛ ഒരു പ്രശ്നമായി പരിഗണിക്കേണ്ടതുള്ളൂ. എല്ലാ വ്യക്തികളിലും ചില സന്ദർഭങ്ങളിൽ ശീഘ്രസ്ഖലനം സംഭവിച്ചേക്കാം. ഉദാഹരണമായി വിവാഹജീവിതത്തിലെ ആദ്യനാളുകളിൽ ശീഘ്രസ്ഖലനം ഉണ്ടാവുക തികച്ചും സ്വാഭാവികമാണ്. പലപ്പോഴും ലൈംഗികബന്ധത്തിന് പുരുഷൻ കാണിക്കുന്ന തിടുക്കം ഇതിന് കാരണമാകാറുണ്ട്. ചില പുരുഷന്മാരിൽ കാണുന്ന പരിചയക്കുറവ്, ഉത്കണ്ഠ (anxiety), ഭയം, കുറ്റബോധം, പങ്കാളിയെ തൃപ്തിപ്പെടുത്താൻ ആകുമോയെന്ന ആശങ്ക തുടങ്ങിയ മാനസിക പ്രശ്നങ്ങൾ മൂലവും ഇത് സംഭവിക്കാം. പലപ്പോഴും ലൈംഗിക ജീവിതത്തിന്റെ തുടക്കത്തിൽ കരുത്തു കാണിക്കാൻ ശ്രമിക്കുന്നത് വിപരീത ഫലമാകും നൽകുക. ലൈംഗികതയെ പറ്റി ശാസ്ത്രീയമായ അറിവില്ലാത്തത് ഇത്തരം പ്രശ്നങ്ങളുടെ തീവ്രത കൂട്ടാറുണ്ട്.
സ്വയംഭോഗം (mastarbation) ചെയ്യാത്ത അവിവാഹിതർക്ക് ചിലപ്പോൾ ചെറിയ ഉത്തേജനം പോലും ശുക്ല വിസർജ്ജനത്തിനു കാരണമായേക്കാം. ഇതൊന്നും ശീഘ്രസ്ഖലനമായി കണക്കാക്കിക്കൂടാ. ഒരാള്ക്ക് ലൈംഗികബന്ധത്തിലേർപ്പെട്ട് ഇത്ര സമയത്തിനകം ശുക്ല വിസർജനം ഉണ്ടായാൽ അത് ശീഘ്രസ്ഖലനമാണ് എന്ന് ഒരു കണക്ക് ഉണ്ടാക്കുക വയ്യ. ലൈംഗികബന്ധത്തിൽ ഏർപ്പെടുമ്പോൾ രണ്ടു പേർക്കും ഒരേ സമയത്തോ, സ്ത്രീക്ക് ആദ്യമോ രതിമൂർച്ഛ ഉണ്ടാകുന്നതാണ് അഭികാമ്യം. പങ്കാളിക്ക് മുൻപ് രതിമൂർച്ഛ ഉണ്ടാകുന്നത് പുരുഷന് ഒരു വലിയ അളവുവരെ നിയന്ത്രിക്കാവുന്നതാണ്. സ്ഖലനം സംഭവിക്കും എന്ന് തോന്നിയാൽ ശ്രദ്ധ മറ്റെന്തെങ്കിലും കാര്യത്തിലേക്ക് കേന്ദ്രീകരിക്കുകയും ലിംഗത്തിന്റെ ചലനം നിർത്തുകയും ചെയ്യുന്നത് ഗുണകരമാണ്. അല്പ സമയം കഴിഞ്ഞു പതിയെ തുടരാം. ഈ രീതിയിൽ ശീക്രസ്ഖലനം നിയന്ത്രിക്കാൻ പുരുഷന് സാധിക്കും. ചിലരിൽ ഹോർമോൺ പ്രശ്നങ്ങൾ, മദ്യപാനം, പുകവലി തുടങ്ങിയ ലഹരി ഉപയോഗം, അരക്കെട്ടിലെ പേശികളുടെ ബലക്കുറവ്, നാഡീ വ്യവസ്ഥക്ക് (Nervous system) ഉണ്ടാകുന്ന തകരാറുകൾ എന്നിവയും ഈയൊരവസ്ഥയിലേക്ക് നയിച്ചേക്കാം.
പൊതുവേ സ്ത്രീകളിലെ ലൈംഗിക വികാരം പതിയെ ഉണ്ടായി പതുക്കെ ഇല്ലാതാവുന്ന ഒന്നാണ്. ആസ്വാദ്യകരമായ സംഭോഗ പൂർവ്വരതിലീലകൾ അഥവാ ഫോർപ്ലേയിലൂടെ (foreplay) പങ്കാളിയെ ഉത്തേജനത്തിൻറെ കൊടുമുടിയിൽ എത്തിച്ചശേഷം മാത്രം ലൈംഗികമായി ബന്ധപ്പെടുക, പുരുഷൻ അമിതമായി ഉത്തേജിതനാകാൻ അനുവദിക്കാതിരിക്കുക, സംഭോഗ സമയത്ത് ലിംഗയോനീ ചലനങ്ങളുടെ വേഗത കുറയ്ക്കുക, ശുക്ലസ്ഖലനത്തിന് തൊട്ടുമുന്പായി ചിന്ത മറ്റു കാര്യങ്ങളിലേക്കു മാറ്റി വിടുക, സ്ഖലനത്തിനു മുന്പായി ലിംഗത്തിന്റെ ചുവടുഭാഗത്തു അമർത്തിപ്പിടിക്കുക, കെഗൽസ് വ്യായാമം (kegels exercise), വജ്രാസനം തുടങ്ങിയവ പരിശീലിക്കുക, ലഹരി ഉപേക്ഷിക്കുക തുടങ്ങിയവ ആർക്കും ചെയ്യാവുന്ന ലളിതമായ പരിഹാരമാർഗ്ഗങ്ങളാണ്. ലൈംഗിക ജീവിതത്തിൽ ഫോർപ്ലേയുടെ പ്രാധാന്യം അറിയുന്നവർക്ക് പ്രശ്നങ്ങളും കുറവായിരിക്കും. ഗർഭനിരോധന ഉറ അഥവാ കോണ്ടം ഉപയോഗിക്കുന്നത് ശീക്രസ്ഖലനം നിയന്ത്രിക്കാൻ സഹായിക്കുമെന്ന് അഭിപ്രായമുണ്ട്. ചിലതരം ഉറകളിൽ (Long lasting) അടങ്ങിയിട്ടുള്ള പ്രത്യേകതരം ലൂബ്രിക്കന്റ് ഇക്കാര്യത്തിൽ വളരെയധികം ഗുണകരമാണ്. തീർത്തും നിയന്ത്രിക്കാൻ സാധിക്കാത്തവർ ഒരു വിദഗ്ദ്ധ ഡോക്ടറുടെ സേവനം തേടുന്നത് അഭികാമ്യം ആയിരിക്കും.
