Connect with us

രേവതിയുടെ ജന്മദിനത്തിൽ ഓർക്കാൻ ഇതിലും നല്ലൊരു സിനിമയില്ല

ആദ്യ രാത്രിയിലേ ഭർത്താവിന്റെ പ്രഥമ സ്പർശത്തെ, ഉറക്കം വരുന്നു എന്ന് കണ്ണീർ തളം കെട്ടി കലങ്ങിയ കണ്ണുകളുമായി വകഞ്ഞുമാറ്റി കട്ടിലിന്റെ ഓരത്തേക്ക്

 18 total views

Published

on

ആദ്യ രാത്രിയിലേ ഭർത്താവിന്റെ പ്രഥമ സ്പർശത്തെ, ഉറക്കം വരുന്നു എന്ന് കണ്ണീർ തളം കെട്ടി കലങ്ങിയ കണ്ണുകളുമായി വകഞ്ഞുമാറ്റി കട്ടിലിന്റെ ഓരത്തേക്ക് ചേർന്നു കിടക്കുന്ന ദിവ്യ (രേവതി). പക്ഷേ, ഭർത്താവിനൊപ്പം ഡൽഹിയിൽ താമസമാക്കിയ ആദ്യ നാളിൽ അയാളുടെ സ്പർശനത്തെ വെറുപ്പോടെ എതിർക്കുന്നു. ഭർത്താവായ ചന്ദ്രകുമാറിന്റെ (മോഹൻ) സ്പർശനത്തെ ദിവ്യ പുഴു അരിക്കുന്നതിനോട് ഉപമിക്കുമ്പോൾ അയാൾ തീർത്തും വിളറി വെളുത്തു പോകുന്നുണ്ട്. നിർവികാരാതയ്ക്കപ്പുറം അയാളിൽ ഒരു അപകർഷതാബോധമാണ് ഉടലെടുക്കുന്നത്. ഒരു എടുത്തുചാട്ടക്കാരന്റെ കുറ്റബോധം ഉണർന്നു പ്രവർത്തിക്കുമ്പോഴാണ് അയാൾ ദിവ്യയെ കൂട്ടി പുറത്ത് പോകാൻ തീരുമാനിച്ചത്. See the source imageദില്ലിയിലെ താജ് ഹോട്ടലിലെ ഒരു ഒഴിഞ്ഞ ടേബിളിൽ ഇരിക്കുമ്പോൾ മങ്ങിയ വെളിച്ചം ദിവ്യയുടെ മുഖത്തെ കൂടുതൽ കറുപ്പിച്ചിരുന്നു. ഒഴുകിയെത്തിയ പതിഞ്ഞ സംഗീതത്തിലും അരിച്ചെത്തുന്ന ഏസിയുടെ തണുപ്പിലും അവൾ അസ്വസ്ഥയായിരുന്നു. അവളിൽ വിവാഹാനന്തരം ഒരു മൗനം കട്ടപിടിച്ചു നിന്നു. വീട്ടിലേക്കുള്ള മടക്കയാത്രയിൽ ആദ്യമായി അവൾക്കെന്തെങ്കിലും സമ്മാനം നൽകാൻ ആഗ്രഹിക്കുന്ന ചന്ദ്രകുമാറിനോട് അവൾ ആവശ്യപ്പെടുന്നത് വിവാഹമോചനമാണ്.

ബിരുദ വിദ്യാർത്ഥിനി ആയിരുന്നിട്ടുകൂടി കുറുമ്പിയും മടിച്ചിയും നുണച്ചിയും വഴക്കാളിയുമൊക്കെയായ ഒരു പെൺകുട്ടിയായി കണ്ട ദിവ്യയുടെ ഉള്ളിൽ പെയ്തു തോരാൻ വെമ്പി നിൽക്കുന്ന സങ്കടങ്ങളുടെ കാർമേഘങ്ങൾ ഉണ്ടായിരുന്നു. അതിനെ മറയ്ക്കാനെന്നവണ്ണം ഇടയ്ക്കിടെ വന്നുപോകുന്ന മങ്ങിയ സൂര്യനാളമായിരുന്നു അവളിലെ കൊച്ചു കൊച്ചു പിടിവാശികൾ. ജീവിതത്തെ വളരെ സരളമെന്നു കരുതിയ മനോഹർ (കാർത്തിക്) ഒരു ദിവസം നിനച്ചിരിക്കാതെ അവളുടെ ജീവിതത്തിന്റെ എല്ലാം എല്ലാം ആകുന്നു. എന്നാൽ അയാൾക്കുള്ളിൽ ഒരു വിപ്ലവകാരി ഉണ്ടായിരുന്നു. ജീവവായുപോലെ അയാൾ ശ്വസിച്ച വിപ്ലവം, പ്രണയത്തിന് അടിയറ വയ്ക്കുന്നിടത്തോളം ചെന്നെത്തിയ, രെജിസ്റ്റർ വിവാഹത്തിന്റ അവസാന നിമിഷത്തിൽ സംഭവിക്കുന്ന അയാളുടെ അപകടമരണം. പുറത്ത് കരഞ്ഞു തീർക്കാൻ കഴിയാതെ, ചിരിക്കാൻ നിർബന്ധിതയാകുന്ന ജീവിതവുമായി മുന്നോട്ടു പോകാൻ പാടുപെടുന്ന ഒരുവളായിരുന്നു ദിവ്യയെന്ന് അന്ന് ചന്ദ്രകുമാർ മനസ്സിലാക്കുന്നു. ആ മനസ്സിൽ ഇടമില്ലെന്ന് മനസ്സിലാക്കിയ ചന്ദ്രകുമാർ പിടിവാശിക്കൊ, വാദപ്രതിവാദങ്ങൾക്കോ മുതിരാതെ വിവാഹമോചനത്തിന് സമ്മതം മൂളുന്നു. എന്നാൽ, വിവാഹം കഴിഞ്ഞു ആഴ്ചകൾ മാത്രായിരുന്നതിനാൽ അന്നത്തെ നിയമം (1986) ഒരു വർഷം വരെ വിവാഹമോചനത്തിനായി ക്ഷമയോടെ കാത്തിരിക്കാൻ അവരോട് ആവശ്യപ്പെടുന്നു.

എന്നാൽ.. വിവാഹമോചനത്തിനായി അപേക്ഷ കൊടുത്തവന്ന രാത്രി പുലർന്നപ്പോൾ മുതൽ ദിവ്യ തന്റെ ഭർത്താവിനെ ശ്രദ്ധിച്ചു തുടങ്ങി. അറിഞ്ഞുതുടങ്ങി. സ്നേഹിച്ചു തുടങ്ങി. ഒടുവിൽ.. ഒടുവിൽ.. പ്രണയിച്ചു തുടങ്ങി. സ്നേഹം, പ്രണയം ഒക്കെ ഉടലെടുക്കുന്ന ചില നിമിഷങ്ങളുണ്ട്. അനർഘ നിമിഷങ്ങൾ! ഒരുപക്ഷേ ഒരു പൂ പൂക്കുന്നപോലെ ലോലമാണെങ്കിലും പ്രണയത്തിന്റെ പിറവി പലപ്പോഴും വേദനാജനകമാണ്. ഒരിക്കൽ നിരാകരിച്ച സ്നേഹം കയ്യിൽ ഒന്നു മുത്താൻ വെമ്പി നിൽക്കുന്ന ദിവ്യയിൽ നിന്ന് ചന്ദ്രകുമാറിനും അകലാൻ കഴിയുമായിരുന്നില്ലല്ലോ. സ്നേഹം-പ്രണയം ഇത്രയും മൃദുലമായിരുന്നോ? ഒരു പനിനീർ പൂവിതൾ പോലെ.

90’കളിലെ ദൂരദർശൻ കാലത്ത് പൊതിഗൈ ചാനലിൽ ഏതോ ഒരു വെള്ളിയാഴ്ച രാത്രി ഈ സിനിമ ഉറക്കമൊഴിഞ്ഞു കണ്ടുതീർക്കുമ്പോൾ രേവതിയുടെ ദിവ്യയുടെ വിക്രിയകളും ഇളയരാജ സംഗീതം നൽകി ജാനകിയമ്മ പാടിയ-
“ചിന്ന ചിന്ന വണ്ണ കുയിൽ..”
എന്ന മനോഹരമായ പാട്ടും മാത്രമായിരുന്നു മനസ്സിൽ. പിന്നീട് വളർന്നു തുടങ്ങിയ കാലത്തും മറ്റും ടീവിയിൽ പലവട്ടം വന്ന ഈ സിനിമ കഴിവതും ഒഴിവാക്കാറില്ല. പ്രണയത്തെ അത്രയും തീവ്രമായി ആവിഷ്കരിക്കുന്നതിൽ മണിരത്നത്തെ വെല്ലാൻ ഇന്ത്യൻ സിനിമയിൽ ആരുമില്ലെന്ന് തോന്നിയിട്ടുണ്ട്. അദ്ദേഹത്തിന്റെ അഞ്ചാമത്തെ ചിത്രം. 1986 ഓഗസ്റ്റ് 15-ന് തിയേറ്ററിൽ എത്തിയ ചിത്രം ആ വർഷത്തെ മികച്ച ഫീച്ചർ ഫിലിമുന്നുള്ള ദേശീയ പുരസ്‌കാരം വാങ്ങിയിരുന്നു. ഒരിക്കൽ ഒരു അഭിമുഖത്തിൽ അവതാരക രേവതിയോട് ചോദിക്കുകയുണ്ടായി ചെയ്ത കഥാപാത്രങ്ങളിൽ ജീവിതത്തോട് സാമ്യമുള്ള ഏതെങ്കിലും ഉണ്ടോ എന്ന്. നിമിഷനേരം പോലും ചിന്തിക്കാതെ രേവതി പറഞ്ഞു- ഉണ്ട്. ‘മൗനരാഗ’ത്തിലെ ‘ദിവ്യ’. വർഷങ്ങൾ എത്ര കടന്നു പോയിരിക്കുന്നു. എന്നിട്ടും ഈ പ്രണയ ചിത്രത്തിന് മാത്രം തെല്ലും മങ്ങലേറ്റിട്ടില്ല. അന്നെന്നപോലെ ഇന്നും കാതിനും കണ്ണിനും ഇമ്പമായി ഒരു മൗനരാഗം..!!
പ്രിയ നടി രേവതിയുടെ ജന്മദിനത്തിൽ ഓർക്കാൻ ഇതിലും നല്ലൊരു സിനിമയില്ല.

 19 total views,  1 views today

ഇന്ത്യയിലെ ആദ്യത്തെ ബ്ലോഗ് പേപ്പർ & നമ്പർ വൺ സിറ്റിസൺ ജേർണലിസം പോർട്ടൽ.

Advertisement
Entertainment12 hours ago

‘മെൻ അറ്റ് മൈ ഡോർ’ ഒരു തികഞ്ഞ നോൺ ലീനിയർ ആസ്വാദനം

Entertainment1 day ago

അഭിനയത്തിനുള്ള അന്താരാഷ്ട്ര പുരസ്‌കാരത്തിന്റെ നിറവിൽ ഡോ. മാത്യു മാമ്പ്ര

Entertainment2 days ago

ഇത് രസക്കൂട്ടുകൾ ചേർത്ത് വിളമ്പിയ ഒന്നാന്തരം ‘ബ്രാൽ’ !

Entertainment2 days ago

തിരിവുകൾ, ജീവിതത്തിന്റെ തിരിവുകളിലൂടെയുള്ള ഒരു യാത്ര

Entertainment3 days ago

കാണി; സദാചാര രാക്ഷസ നിഗ്രഹത്തിന് അവതരിക്കുന്ന കാനനും കാനത്തിയും

Entertainment4 days ago

നിങ്ങളെ ഭയപ്പെടുത്തുന്ന ‘എലോൺ’ കർമയുടെ നിശ്ചയദാർഢ്യത്തിന് പിന്നിലെ കഥയാണ്

Entertainment4 days ago

അതിഥി ഒരു പ്രതിരോധമാണ്, ഒരു പോരാട്ടമാണ്

Entertainment4 days ago

നിങ്ങളുടെ തമാശ കൊണ്ട് ഒരാളുടെ ജീവൻ നഷ്ടമായാൽ ആ പാപബോധം ഒരു ശാപമാകും

Entertainment5 days ago

ഒരു കോഴിക്കോടുകാരൻ ഓട്ടോ ഡ്രൈവറുടെ നന്മയുള്ള സൃഷ്ടികൾ

Entertainment5 days ago

സ്വന്തം നഗ്നത വൈറലാകുന്നതിൽ നിന്നും അവളരെ പിന്തിരിപ്പിച്ചത് പ്രേതമോ അതോ മനസോ ?

Entertainment6 days ago

ഓൺലൈൻ സംവിധാനത്തിന്റെ സാധ്യതകൾ തുറന്നിട്ട ഡേർട്ട് ഡെവിളും സംവിധായകൻ സോമൻ കള്ളിക്കാട്ടും

Entertainment6 days ago

ഇനിയൊരു കുടുംബത്തിനും ഇത്തരം ഫേറ്റുകൾ ഉണ്ടാകരുത്…

Entertainment5 days ago

സ്വന്തം നഗ്നത വൈറലാകുന്നതിൽ നിന്നും അവളരെ പിന്തിരിപ്പിച്ചത് പ്രേതമോ അതോ മനസോ ?

INFORMATION1 month ago

അറിഞ്ഞില്ലേ… ശ്രീലങ്ക മുടിഞ്ഞു കുത്തുപാള എടുത്തു, ഓർഗാനിക് കൃഷി വാദികൾ ഇവിടെ എവിടെയെങ്കിലും ഉണ്ടോ ?

2 months ago

ദുബായ് പോലീസിനെ കൊണ്ട് റോഡുകൾ അടപ്പിച്ചു റോഡ് ഷോ നടത്താൻ സ്റ്റാർഡം ഉള്ള ഒരു മനുഷ്യനെ കേരളത്തിലുണ്ടായിട്ടുള്ളൂ

Literature1 month ago

താര രാജാവ് – യൂസഫ് മുഹമ്മദിന്റെ കഥ

Entertainment1 week ago

രമേശിന്റെ ചെവിയിലെ ആ ‘കിണർ ശബ്‌ദം’ പലർക്കുമുള്ള ഒരു ‘അസ്വസ്ഥ’ സന്ദേശമാണ് !

Entertainment2 weeks ago

നാടിന്റെ റേപ്പ് കൾച്ചറും ലോകത്തിന്റെ വംശീയതയും അഥവാ, ‘കല്പന’യും ‘ബ്ളാക്ക് മാർക്കും’

Entertainment2 weeks ago

ചുറ്റിക കൊണ്ട് ചിലരുടെ മണ്ടയ്ക്ക് പ്രഹരിക്കുന്ന സിനിമ

Movie Reviews1 month ago

‘ഒരു ജാതി പ്രണയം’ നമ്മുടെ സാമൂഹിക അധഃപതനത്തിന്റെ നേർക്കാഴ്ച

Entertainment5 days ago

ഒരു കോഴിക്കോടുകാരൻ ഓട്ടോ ഡ്രൈവറുടെ നന്മയുള്ള സൃഷ്ടികൾ

Entertainment1 week ago

വ്യക്തമായ രാഷ്ട്രീയം പറയുന്ന ജാതിക്ക… അല്ല ജാതി ക്യാ (?)

1 month ago

റിമ കല്ലിങ്കലിന്റെ ഹോട്ട് ഡാൻസ്

1 month ago

വിവാഹേതരബന്ധം എന്നത് തെറ്റല്ലല്ലോ പ്രണയം മനുഷ്യന് എപ്പോൾ വേണമെങ്കിലും….

Advertisement