അണ്ണാൻ രക്തം കുടിക്കുമോ ?⭐

അറിവ് തേടുന്ന പാവം പ്രവാസി

????ഏവർക്കും ഇഷ്‌ടമുള്ള ഇത്തിരിക്കുഞ്ഞൻമാരായ ജീവിയാണ് അണ്ണാൻ. എന്നാൽ ഇക്കൂട്ടർ രക്തം ഊറ്റിക്കുടിക്കും. പക്ഷേ, നമ്മുടെ നാട്ടിലെ പാവം അണ്ണാറക്കണ്ണൻമാർ അല്ല കേട്ടോ. ബോർണിയോ ദ്വീപിൽ മാത്രമാണ് രക്തം ഊറ്റിക്കുടിക്കുന്ന ഈ ഭീകരരെ കാണാനാകുക. ‘ ടഫ്‌റ്റഡ് ഗ്രൗണ്ട് സ്‌ക്വിറൽ ‘ എന്ന ഈ അണ്ണാൻമാർ ‘ വാമ്പയർ സ്‌ക്വിറൽ’ എന്ന അപരനാമത്തിലാണ് അറിയപ്പെടുന്നത്. ശരീരത്തിന്റെ വലിപ്പവുമായി താരതമ്യം ചെയ്‌താൽ ലോകത്തെ ഏറ്റവും വലിയ വാലുള്ള സസ്‌തനി ഇവരാണ്.

തന്റെ ശരീരത്തേക്കാൾ 30 ശതമാനം വലിപ്പമുള്ള രോമാവൃതമായ വാലാണ് വാമ്പയർ അണ്ണാനുള്ളത്. തങ്ങളുടെ കുഞ്ഞു ശരീരത്തെ മൂടുന്ന പുതപ്പായി വാമ്പയർ അണ്ണാൻമാർ ഈ വാലിനെ ഉപയോഗിക്കാറുണ്ട്. ഇന്നും ശാസ്ത്രലോകത്തിന് പിടികൊടുക്കാത്ത ജീവികളിൽ ഒന്നാണ് വാമ്പയർ അണ്ണാൻ. സെക്കന്റുകൾ മാത്രം നീണ്ടു നിൽക്കുന്ന ഒരു വീഡിയോയും, വിരലിലെണ്ണാവുന്ന ചില ഫോട്ടോകളും മാത്രമേ ഗവേഷകർക്ക് ഇവയുടേതായി ലഭിച്ചിട്ടുള്ളു. ബാക്കി വിവരങ്ങൾ ബോർണിയോയിലെ ദായക് ഗോത്രവർഗക്കാർക്ക് മാത്രമാണ് അറിയാവുന്നത്. വാമ്പയർ അണ്ണാൻമാർ വളരെ അക്രമണകാരികളാണത്രെ. കാട്ടിലെ താഴ്ന്ന മരക്കൊമ്പുകളിൽ പതുങ്ങി ഇരുന്ന് ഇവ മൃഗങ്ങളുടെ നേരെ ചാടി വീഴുമെന്നും ശേഷം ഇരയെ കടിച്ച് മുറിച്ച് ചോര ഊറ്റിക്കുടിക്കുമെന്നും പറയപ്പെടുന്നു. രക്തം ഊറ്റിക്കുടിക്കുന്നതിനിടെ തളർന്നു വീഴുന്ന ജീവികളുടെ ശരീരം കരണ്ട് തിന്നാനും ഇക്കൂട്ടർക്ക് മടിയില്ലാത്രെ.

മാനാണ് വാമ്പയർ അണ്ണാന്റെ സ്ഥിരം ഇര. മാനിനെ കൊന്ന ശേഷം ഇതിന്റെ ഉദരത്തിനുൾവശവും ,കരളും, ഹൃദയവുമെല്ലാം വാമ്പയർ അണ്ണാൻ ആഹാരമാക്കുമെന്നും പറയുന്നു. ഇരയുടെ കഴുത്തിലെ ഞരമ്പാണ് ഇക്കൂട്ടർ കടിച്ചു മുറിക്കുന്നത്. എന്നാൽ ഈ കഥകളിൽ എത്രത്തോളം വാസ്‌തവമുണ്ടെന്ന് ശാസ്ത്രലോകം കണ്ടെത്തിയിട്ടില്ല. വാലൊക്കെ വലുതാണെങ്കിലും ഈ കുഞ്ഞൻ ജീവി ഇത്രയും ക്രൂരനാകാൻ വഴിയില്ലെന്നാണ് ഗവേഷകർ പറയുന്നത്. സാധാരണ അണ്ണാൻമാരിൽ നിന്നും വ്യത്യസ്ഥമാണ് ഇക്കൂട്ടരുടെ ശരീരഘടന. കാഠിന്യമേറിയ പല്ലുകളും വാമ്പയർ അണ്ണാന്റെ പ്രത്യേകതയാണ്.

Leave a Reply
You May Also Like

പരീക്ഷിത്ത് രാജാവിന്റെയും , തന്നെ കൊല്ലാൻ പുഴുവിന്റെ രൂപത്തിൽ വരുന്ന തക്ഷകന്റെയും കഥ എന്താണ് ?

ഹിന്ദു പുരാണങ്ങളില്‍ പരാമര്‍ശിച്ചിട്ടുള്ള ഒരു സര്‍പ്പമാണ്‌ തക്ഷകന്‍.അഷ്ടനാഗങ്ങളി ലൊന്നാണ് തക്ഷകന്‍ . കശ്യപമുനിക്ക് കദ്രു എന്ന ഭാര്യയില്‍ ജനിച്ച സന്തതികളെല്ലാം സര്‍പ്പങ്ങളായിരുന്നു ഇതില്‍പ്പെട്ട തക്ഷകന്‍ നാഗപ്രമാണികളില്‍ ഒരുവനായിരുന്നു .

ലണ്ടനിലെ രഹസ്യ ആണവ റിയാക്ടർ

ലണ്ടനിലെ രഹസ്യ ആണവ റിയാക്ടർ Sreekala Prasad 1962-നും 1996-നും ഇടയിൽ, ഒരു ന്യൂക്ലിയർ റിയാക്ടർ…

ഭൂമിക്ക് നേരെ സൂര്യനിൽ നിന്നും 2 ശക്തമായ സൗരകൊടുങ്കാറ്റ്

അടുത്ത സോളാര്‍ സൈക്കിള്‍ പ്രതിഭാസം 2035ൽ നടക്കും. സൂര്യന്റെ ദക്ഷിണധ്രുവം ഉത്തരധ്രുവമായും ഉത്തരധ്രുവം ദക്ഷിണധ്രുവവുമായി മാറുന്ന പ്രതിഭാസമാണ് സോളാര്‍ സൈക്കിള്‍.

എന്താണ് മിനിമലിസം ?

അറിവ് തേടുന്ന പാവം പ്രവാസി എന്താണ് മിനിമലിസം ? “ലളിതമായ ജീവിതം ആവശ്യമുള്ള വസ്തുക്കൾ മാത്രം…