അറിവ് തേടുന്ന പാവം പ്രവാസി

രണ്ട് സംഘങ്ങളുടെ ബലപരീക്ഷണം നേരിട്ട് നടത്തപ്പെടുന്ന ഒരു കായികവിനോദമാണ് വടംവലി (Tug of war, tug o’ war) എന്നറിയ പ്പെടുന്നത്. ഈ പദം കൊണ്ട് എതിർകക്ഷികളുടെ മത്സരത്തെ സൂചിപ്പിക്കുന്നതിന് രൂപാലങ്കാരമായും ഉപയോഗിക്കാറുണ്ട്. വടംവലിമത്സരത്തിൽ രണ്ടു സംഘങ്ങൾക്കു പുറമേ വടം എന്നു
വിളിക്കുന്ന കട്ടിയുള്ള കയറാണ് ഈ കളിയിലുള്ള മൂന്നാമത്തെ ഘടകം.

വടം വലിയുടെ ഉത്ഭവത്തെക്കുറിച്ച് ഇന്നും വ്യക്തമായ അറിവില്ല. പക്ഷേ ഇത് ഒരു പുരാതനമായ മത്സരമാണ്. ആദ്യകാലത്ത് ഇത് മതപരമായ ആചാരത്തിൽ ഉൾപ്പെട്ടിരുന്നതായി കണക്കാക്കപ്പെടുന്നു. ഇതിന്റെ തെളിവുകൾ ഈജിപ്ത്, ഇന്ത്യ, മ്യാൻ‌മാർ‍, ന്യൂ ഗിനിയ എന്നിവടങ്ങളിൽ കണ്ടെത്തിയിട്ടുണ്ട്. ഇന്ത്യയിലെ ഒറീസ്സയിലെ കൊണാർക് സൂര്യക്ഷേത്രത്തിലെ ഒരു ശിലയിൽ ഒരു വടം വലി മത്സരത്തിന്റെ കൊത്തുപണികൾ കണ്ടെത്തിയിട്ടുണ്ട്. പുരാത ഈജിപ്തിലും ചൈനയിലും ഇത് നടന്നുവന്നതായും കണക്കാക്കപ്പെടുന്നു.

എട്ട് അംഗങ്ങൾ ഉള്ള രണ്ട് ടീമുകൾ ഇതിൽ പങ്കെടുക്കുന്നു. ഇതിൽ പങ്കെടുക്കുന്ന ടീമുകളുടെ ആകെ ഭാരം നിജപ്പെടുത്തിയതിൽ നിന്ന് കൂടുവാൻ പാടില്ല. ഇരു ടീമുകളും ഒരു വടത്തിനു ഇരു വശവുമായി അണിനിരക്കുന്നു. ഈ വടത്തിന് സാധാരണ 10 സെ.മി വ്യാസമുള്ളതായിരിക്കും. വടത്തിന്റെ നടുവിൽ ഒരു അടയാളം രേഖപ്പെടുത്തിയിരിക്കും. ഇത് നടുവിലെ ഒരു വരയിൽ വരുന്ന വിധം വടത്തിനെ വച്ചിരിക്കും. ഈ അടയാളത്തിൽ നിന്നും നാലു മീറ്റർ അകലത്തിൽ ഇരു വശത്തേക്കും ഓരോ അടയാളങ്ങളും ഉണ്ടായിരിക്കും. ഏതു ടീമാണോ എതിർ ടീമിനെ ആദ്യം തങ്ങളുടെ വശത്തേക്ക് വലിച്ച് വശങ്ങളിലെ അടയാളത്തെ നടുവിലത്തെ വരയിൽ നിന്ന് ക്രോസ്സ് ചെയ്യിപ്പിക്കുന്നത് ആ ടീമിന്റെ വിജയിയായി പ്രഖ്യാപിക്കുന്നു.

1900 മുതൽ 1920 വരെ ഒളിമ്പിക്സ് മത്സരങ്ങളിൽ വടം വലി ഒരു ഇനമായിരുന്നു. പക്ഷേ പിന്നീട് ഇത് ഒളിമ്പിക്സിൽ ഇതുവരെ ഉൾപ്പെടുത്തിയിട്ടില്ല. വടംവലിക്ക് വേണ്ടിയുള്ള അന്താരാഷ്ട്ര ഫെഡറേഷനായ ടഗ് ഓഫ് വാർ ഇന്റർനാഷണൽ ഫെഡറേഷൻ(Tug of War International Federation (TWIF)) അന്താരാഷ്ട്ര തലത്തിൽ മത്സരങ്ങൾ സംഘടിപ്പിക്കുന്നു. കേരളത്തിൽ പല സ്ഥലങ്ങളിലും ഒരു വിനോദമായി വടം വലി നടത്താറുണ്ട്. ഓണത്തോടനുബന്ധിച്ച് നടത്തുന്ന മത്സരങ്ങളിൽ ഒരു പ്രധാന ഇനമാണ് ഇത്. കേരളത്തിൽ ഏകദേശം 400 ഓളം പ്രഫഷണൽ വടംവലി ടീമുകൾ ഉണ്ട്.നെഹ്യജി ഉള്ളനാട് പാലാ ,ആഹാ നീലൂർ ,സമന്വയ പറവൂർ , കിംഗ്സ് പറവൂർ ,മീനച്ചിൽ സെവൻസ് പാലാ ,ആഹാ എടപ്പാൾ ,ന്യൂസ്റ്റാർ പൊൻകുന്നം , തൈമ തങ്കമണി,ഗ്രാൻഡ് സ്റ്റാർ പുളിക്കൽ, സെവൻസ് കോട്ടക്കൽ,കെ വൈ എം പുളിക്കൽ,അലയൻസ് എളമക്കര, ബാനം, ധർമശാസ്താ കരിച്ചേരി ,.ഷാഡോസ് കരിയോട്,നാസ് കോളിയാടി, ഫ്രണ്ട്സ് കല്ലുള്ളതോട് തുടങ്ങിയ ടീമുകൾ ആണ് പ്രമുഖർ. കേരളത്തിലെ എല്ലാ ജില്ലകൾക്കും തങ്ങളുടേതായ അസ്സോസിയേഷനുകളും മത്സര നിയമങ്ങളും ഉണ്ട്. രണ്ട് കാറ്റഗറിയിലാ ണ് സാധാരണ മത്സരം നടക്കാറുള്ളത്.ഒന്ന് തൂക്കം അടിസ്ഥാനമാക്കിയും മറ്റേത് ഹെവി വൈറ്റ് കാറ്റഗറി ആയും.

You May Also Like

പോയിന്റ് നെമോ :ഭൂമിയിലെ നിഗൂഢമായ ശ്മശാനദ്വീപ്

പോയിന്റ് നെമോ :ഭൂമിയിലെ നിഗൂഢമായ ശ്മശാനദ്വീപ്. Sudhakaran Kanhangad ഭൂമിയിലെ നിഗൂഢമായ ശ്മശാനഭൂമിയാണ് പോയിന്റ് നെമോ.…

ഒരു തേപ്പ് കഥ

അറിവ് തേടുന്ന പാവം പ്രവാസി ഒരു തേപ്പ് കഥ ചുളുക്കില്ലാത്ത വസ്ത്രങ്ങളും , ഞൊറിവുകളും പുരാതന…

ഫോസിലിൽ നിന്നും ദിനോസറുകളുടെ രൂപം മനസിലായി, എന്നാൽ സിനിമയിൽ കാണുന്ന ശബ്ദം, അതെങ്ങനെ മനസിലായി ? അതാണോ അവയുടെ ശബ്ദം ?

ജുറാസിക് പാര്‍ക്ക് സിനിമകളിൽ കേട്ടതാണോ യഥാർത്ഥത്തിൽ ദിനോസറുകളുടെ ശബ്ദം ? അറിവ് തേടുന്ന പാവം പ്രവാസി…

കുഗ്രാമത്തിലെ പെണ്‍കുട്ടിയില്‍ നിന്നും പ്രതികാര ദുര്‍ഗ്ഗയായി വളർന്ന ഫൂലൻ ദേവിയുടെ കഥ

ഫൂലൻ ദേവി⭐ അറിവ് തേടുന്ന പാവം പ്രവാസി ????ഒരുകാലത്ത് കാടിന്റെ റാണിയായി വാണിരുന്ന ഫൂലന്‍ ദേവിയെ…