നർത്തകിയും നടിയുമായ ആശ ശരത്ത് ഒരു പുതിയ സംരംഭത്തിന് തുടക്കമിട്ടിരിക്കുന്നു. പ്രതിമാസം 80 രൂപയ്ക്ക് നൃത്തമടക്കം 21 കലകൾ പഠിപ്പിക്കാനുള്ള മൊബൈൽ ആപ്പ്. മൊബൈൽ ആപ്പ് ശനിയാഴ്ച അവതരിപ്പിക്കും. പ്രാണ ആശ ശരത്ത് കൾച്ചറൽ സെന്‍റർ ആണ് ആപ്പ് അവതരിപ്പിക്കുന്നത്. ഇതിന്റെ പ്രധാനലക്ഷ്യം കലയെ ജനകീയമാക്കുക, കുറഞ്ഞ ചെലവിൽ താത്പര്യമുള്ളവർക്കെല്ലാം കലകൾ പഠിക്കാൻ അവസരമൊരുക്കുക എന്നിവയാണ്.പ്രതിമാസം വെറും 80 രൂപ മാത്രം ഫീസ് ആണ് ഈടാക്കുന്നത്. അതായത് വർഷത്തിൽ ആയിരം രൂപയ്ക്ക് താഴെ മാത്രം. ഫീസ് കൊടുക്കാൻ സാധിക്കാത്തവരെ ആശ ശരത്ത് സൗജന്യമായി പഠിപ്പിക്കുകയുംചെയ്യും. തുടക്കാരെന്നോ പരിശീലനം നേടിയവർ എന്നോ വ്യത്യാസമില്ലാതെ ഒരുപോലെ ആപ്പിൽ നിന്ന് ക്ലാസുകൾ കിട്ടും. ആദ്യഘട്ടത്തിലുള്ളത് റെക്കോഡ് ചെയ്ത ക്ലാസുകൾ ആണ്. ആപ്പ് ആൻഡ്രോയിഡ്, ആപ്പിൾ പ്ലാറ്റ് ഫോമുകളിലെല്ലാം ലഭ്യമാകും. ശനിയാഴ്ച കൊച്ചിയിലാണ് ആപ്പിന്‍റെ അവതരണം. ആശ ശരത്ത് കൾച്ചറൽ സെന്‍റർ പ്രാണ ഇൻസൈറ്റുമായി സഹകരിച്ച് ആണ് ആപ്പ് പുറത്തിറക്കുന്നത് .
**
