ഷോർട് ബോളുകൾ അരങ്ങുവാണിരുന്ന ആ കാലത്ത്, ഫുൾ ലെങ്ങ്തിൽ എറിഞ്ഞു ബാറ്സ്മാന്മാരുടെ കാൽ വിരലുകൾ തകർത്തുകൊണ്ട്, പുതിയൊരു ട്രെൻഡ് രൂപീകരിച്ചതിന് പിന്നിൽ ആ ഇതിഹാസമായിരുന്നു

63

Pranav Thekkedath

ഷോർട് ബോളുകൾ അരങ്ങുവാണിരുന്ന ആ കാലത്ത്, മിന്നൽ വേഗത്തിൽ ഫുൾ ലെങ്ങ്തിൽ എറിഞ്ഞു ബാറ്സ്മാന്മാരുടെ കാൽ വിരലുകൾ തകർത്തുകൊണ്ട്, ഫാസ്റ്റ് ബൗളിങ്ങിൽ പുതിയൊരു ട്രെൻഡ് രൂപീകരിച്ചതിന് പിന്നിൽ ആ ഇതിഹാസമായിരുന്നു, വസീമിനൊപ്പം നമ്മൾ കേട്ടു വളർന്ന വഖാർ യൂനിസ് എന്ന ഇതിഹാസം. വെറും 6 ഫസ്റ്റ് ക്ലാസ് മാത്രം കളിച്ചു പരിചയമുള്ള ആ കഴിവിനെ പാകിസ്താന്റെ എക്കാലത്തെയും ഇതിഹാസമായിരുന്ന ഇമ്രാൻ ഖാൻ നേരത്തെ തിരിച്ചറിഞ്ഞപ്പോൾ 1989ൽ സച്ചിൻ അരങ്ങേറിയ ആ ടെസ്റ്റിൽ അയാളും അരങ്ങേറുകയുണ്ടായി.

പിന്നീടുള്ള ദിനങ്ങളിൽ റിവേഴ്‌സ് സ്വിങ് എന്ന ബൗളിങ്ങിലെ ആ വശ്യ സുന്ദരമായ കലയ്ക്കയാൽ പുതിയ മുഖം നൽകുകയായിരുന്നു എതിരാളികളായ ബാറ്സ്മാന്മാരെ ആ പഴയ ബോളുകൊണ്ടയാൾ എറിഞ്ഞിടുന്നത് ക്രിക്കറ്റ്‌ ലോകത്തെ സ്ഥിരകാഴ്ചയായി മാറുകയായിരുന്നു,ലോക ക്രിക്കറ്റ്‌ കണ്ട എക്കാലത്തെയും മികച്ച കൂട്ടുകെട്ടായി വസീമും വക്കാറും മുന്നേറിയ ആ നാളുകളിൽ പാക് ക്രിക്കറ്റ് ടീമും ലോകത്തിലെ മികച്ച ടീമായി മുന്നേറികൊണ്ടിരുന്നു, എതിരാളികളെ പേടിപ്പെടുത്തുന്ന വേഗതയും ആ സ്വിങ്ങും അയാളെ ബാറ്സ്മാന്മാരുടെ പേടി സ്വപ്നമായി മാറ്റിയപ്പോൾ അയാളെ പേടിച്ചു കാല്പാദം ഒളിപ്പിച്ചു വെക്കാൻ ശ്രമിക്കുന്ന ബാറ്റസ്മാൻമാർ സ്ഥിരകാഴ്ചയായി മാറി..

തന്റെ ഇന്റർനാഷണൽ ക്രിക്കറ്റിലെ തേരോട്ടം കണ്ടു കൗണ്ടിയിലേക്ക് സറേ ടീം ക്ഷണിച്ചപ്പോൾ അവിടെയും അയാൾ ആളി കത്തി ഒരർത്ഥത്തിൽ ആ ഇംഗ്ലീഷ് പ്രതലങ്ങൾ അയാളുടെ ബോളിങ് ശൈലിക്ക് വേണ്ടി നിർമ്മിച്ചതായിരുന്നു എന്ന് തന്നെ പറയാം, മോഹിപ്പിക്കുന്ന 14 എന്ന ആവറേജിലായിരുന്നു അയാൾ അവിടെ വിക്കറ്റുകൾ സ്വന്തമാക്കിയത്, കാണികൾക്കായാൽ കാണാൻ രസം കൊള്ളിക്കുന്ന രംഗമായി മാറിയിരുന്ന ആ നാളുകളിൽ ഇരുപത്തി രണ്ടു യാർഡിൽ അയാളെ നേരിടുന്ന ബാറ്സ്മാന്മാർക്കയാൾ കാലനായിരുന്നു….

തന്റെ കളി നാളുകളിൽ ടെസ്റ്റ്‌ ക്രിക്കറ്റിലെ ഒരു ബോളറുടെ മികച്ച സ്ട്രൈക്ക് റേറ്റ് അയാളുടെ പേരിലായിരുന്നു, 87 ടെസ്റ്റുകളിൽ നിന്നയാൾ 22 തവണ 5 വിക്കെറ്റ് നേട്ടം കരസ്ഥമാക്കിയപ്പോൾ ഏകദിന ക്രിക്കറ്റിൽ അയാൾ13 വട്ടം നേടിയ 5 വിക്കറ്റ് നേട്ടങ്ങൾ ഇന്നും ആർക്കും തകർക്കാൻ സാധിച്ചിട്ടില്ല എന്ന് മനസ്സിലാക്കുമ്പോൾ ബോധ്യമാവും അയാളുടെ ആ ഫാസ്റ്റ് ബൗളിംഗ് പാടവം.
വിവാദങ്ങളും അയാളുടെ മാറ്റ് കൂട്ടിയിരുന്നു ബോൾ ടാംമ്പെറിങ്ങിന്റെ പേരിൽ ആദ്യമായി കളിയിൽ നിന്ന് വിലക്ക് നേരിട്ട വ്യക്തിയും അയാളായിരുന്നു, ഇരുപത്തി രണ്ട് വയസ്സിൽ പാകിസ്താനെ നയിച്ചു പാക് ക്രിക്കറ്റിലെ തന്നെ പ്രായം കുറഞ്ഞ നായകൻ എന്ന വിശേഷണവും ആ നാളുകളിൽ ആ സ്വിങ് സുൽത്താൻ സ്വന്തമാക്കിയിരുന്നു.

ക്രിക്കറ്റ്‌ ലോകം കണ്ട മഹാനായ ബോളറായിരുന്നു അയാൾ, ടെക്‌നിക്കലി എത്ര മികച്ച ബാറ്സ്മാന്മാരും അയാൾക്ക് മുന്നിൽ വിറച്ചിരുന്നു, ബോളുമായി ഓടിയടുക്കുന്ന അയാൾ ക്രിക്കറ്റ്‌ ലോകത്തെ എക്കാലത്തെയും മികച്ച മനോഹാരിതയായിരുന്നു, ആ യോർക്കറുകളിൽ പാറി പറക്കുന്ന സ്റ്റമ്പുകൾ ക്രിക്കറ്റ്‌ ലോകത്തെ സുന്ദര കാഴ്ചകളായി ഇങ്ങനെ നിലകൊള്ളുക തന്നെ ചെയ്യും…