‘വിലാപങ്ങൾക്കപ്പുറം’ എന്ന സിനിമയിൽ അഭിനയിച്ചതിന് ഏറ്റവും നല്ല നടിക്കുള്ള അവാർഡ് മേടിച്ച അഭിനേത്രിയാണ് പ്രിയങ്ക നായർ. വിലാപങ്ങൾക്കപ്പുറം എന്ന സിനിമയിലെ അഭിനയത്തിന് അക്കൊല്ലത്തെ ഏഷ്യാനെറ്റ് അവാർഡും താരത്തിന് ലഭിക്കുകയുണ്ടായി. ആ സിനിമയ്ക്ക് ശേഷം ഇവിടം സ്വർഗ്ഗമാണ് എന്ന സിനിമയിലാണ് താരം കൂടുതൽ ശ്രദ്ധ നേടിയത്.2006-ൽ ഇറങ്ങിയ വെയിൽ എന്ന തമിഴ് ചിത്രത്തിലാണ് പ്രിയങ്ക ആദ്യമായി അഭിനയിച്ചത്. മമ്മൂട്ടി ഒഴിയുള്ള നായക നടന്മാരുടെ കൂടെയെല്ലാം പ്രിയങ്ക ഇതിനോടകം അഭിനയിച്ചു കഴിഞ്ഞു. . അഭിനയജീവിതം തുടങ്ങിയിട്ട് പതിനാറു വര്ഷം പിന്നിടുന്ന പ്രിയങ്കയ്ക്ക് ഏറെ തിരക്കുള്ള സമയമാണ് ഇത്. കാരണം താരത്തിന്റെ ആറു ചിത്രങ്ങളാണ് വരിവരിയായി റിലീസ് ചെയ്യാൻ പോകുന്നത്.
മോഹൻലാൽ – ജീത്തു ജോസഫ് ചിത്രം ട്വൽത്ത് മാൻ, അനൂപ് മേനോൻ രചന നിർവ്വഹിച്ചു കണ്ണൻ താമരക്കുളം സംവിധാനം ചെയ്ത വരാൽ, സൈജു കുറുപ്പിന്റെ നായികയായി അന്താക്ഷരി, ഏക കഥാപാത്രമായി എത്തുന്ന ആ മുഖം ,പൃഥ്വിരാജ് – ഷാജികൈലാസ് ചിത്രം കടുവ, പൃഥ്വിരാജ്- സുരാജ് വെഞ്ഞാറമൂട് ചിത്രം ജനഗണമന എന്നീ ചിത്രങ്ങളാണ് റിലീസിന് ഒരുങ്ങുന്നത്. തന്റെ ഇത്രയും ചിത്രങ്ങൾ ഒരുമിച്ചു റിലീസ് ആകുന്നത് ഇതാദ്യമാണ് എന്ന് പ്രിയങ്ക പറയുന്നു
