Connect with us

Troll

2040 ലെ CBSE സാമൂഹ്യ പാഠം, അഥവാ മോദിജി പങ്കെടുത്ത മഹാഭാരതയുദ്ധം

ഹസ്തിനപുരിയിലെ രാജാവ് ധൃതരാഷ്ട്രരുടെ പുത്രന്മാരായ കൗരവ സഹോദരന്മാരും അദ്ദേഹത്തിന്റെ അനുജൻ പാണ്ഡുവിന്റെ പുത്രന്മാരായ പാണ്ഡവ സഹോദരൻമാരും

 59 total views

Published

on

Rafeeque Mohamed ന്റെ രസകരമായ കുറിപ്പ്

2040 ലെ CBSE സാമൂഹ്യ പാഠം പുസ്തകത്തിലെ ഒരു ചരിത്ര പാഠം
പാഠം 56- ഭാരതത്തിലെ യുദ്ധ ചരിത്രം

ഹസ്തിനപുരിയിലെ രാജാവ് ധൃതരാഷ്ട്രരുടെ പുത്രന്മാരായ കൗരവ സഹോദരന്മാരും അദ്ദേഹത്തിന്റെ അനുജൻ പാണ്ഡുവിന്റെ പുത്രന്മാരായ പാണ്ഡവ സഹോദരൻമാരും മുഖ്യ എതിരാളികളായി BC 3067 നവംബർ 26ന് ആരംഭിച്ച യുദ്ധമാണ് കുരുക്ഷേത്ര യുദ്ധം എന്ന പേരിൽ അറിയപ്പെടുന്നത്. മാന്യനീയ മനോഹർ ലാൽ ഘട്ടർജിയുടെ സാമ്രാജ്യമായ ഹരിയാനയിലെ കുരുക്ഷേത്ര നഗരത്തിൽ നടന്നതിനാൽ കുരുക്ഷേത്രയുദ്ധം എന്നറിയപ്പെട്ടു. കുരുക്ഷേത്രയുദ്ധം പതിനെട്ട് ദിവസങ്ങൾ നീണ്ടു നിന്നതായി ചരിത്രകാരനായ മൈക്കൽ അന്ജലോ രേഖപ്പെടുത്തിയിട്ടുണ്ട്.

കുരുക്ഷേത്ര യുദ്ധം, ഭാരതീയ സംസ്‌കാരത്തില്‍ ഏറ്റവും കൂടുതല്‍ നാശങ്ങള്‍ വിതച്ച ഒന്നായിരുന്നു. ജീവിച്ചിരിക്കുന്നവരേക്കാള്‍ കൂടുതല്‍ മരിച്ചവരെയായിരുന്നു കുരുക്ഷേത്ര യുദ്ധം സമ്മാനിച്ചത്. എന്നാല്‍ കുരുക്ഷേത്ര യുദ്ധത്തില്‍ നിന്നും രക്ഷപ്പെട്ട് ഇപ്പോഴും ജീവിച്ചിരിക്കുന്ന ഒരാളുണ്ട്. അദ്ദേഹമാണ് ശ്രീ ശ്രീ നരേന്ദ്ര ദാമോദർ ദാസ് ജി.യുദ്ധത്തിൽ ഇരുപക്ഷത്തുമായി പതിനെട്ട് അക്ഷൗഹിണികൾ പങ്കെടുത്തു നാമാവശേഷമായി. പാണ്ഡവപക്ഷത്ത് ഏഴ് അക്ഷൗഹിണി പടസമൂഹങ്ങൾക്ക് സർവ്വസേനാധിപതിയായി പാഞ്ചാല രാജകുമാരനായ ധൃഷ്ടദ്യുമ്നനും, കൗരവരുടെ പതിനൊന്ന് അക്ഷൗഹിണി പടയുടെ സർവ്വസേനാധിപതിയായി ഭീഷ്മരും യുദ്ധം നയിച്ചു. ഒരാൾ അഗ്നിയിൽ നിന്നും, മറ്റൊരാൾ ജലത്തിൽ നിന്നും ജനിച്ചവരായിരുന്നു എന്നാണ് സങ്കല്പം. ഭീഷ്മർ മഹാഭാരതയുദ്ധത്തിൽ ആദ്യ പത്തു ദിവസങ്ങൾ സർവ്വസേനാധിപതിയായും, ഭീഷ്മരുടെ ശരശയ്യയെത്തുടർന്ന് അടുത്ത അഞ്ചു ദിനങ്ങൾ ആചാര്യനായ ദ്രോണരും, അദ്ദേഹത്തിന്റെ മരണശേഷം തുടർന്നുള്ള രണ്ടു ദിവസങ്ങൾ അംഗാധിപതിയായ കർണ്ണനും, അവസാനദിവസമായ പതിനെട്ടാം നാൾ മാദ്രേശൻ ശല്യരും കൗരവർക്കുവേണ്ടി സർവ്വസൈന്യാധിപതിയായി. പതിനെട്ടാം നാൾ രാത്രിയിൽ അശ്വത്ഥാമാവ് സർവ്വ സേനാധിപതിയായി നരേന്ദ്ര ദാമോദർ ദാസ്ജിയെ വാഴിച്ചു.

സർവ്വ സേനാധിപതിയായി ചുമതലയേറ്റ നാൾ നരേന്ദ്ര ദാമോദർ ദാസ്‌ജി സ്വമാതാവിനോട് ആശീർവാദംതേടി അന്തപുരത്തിലെത്തി.
കാൽതൊട്ട് വണങ്ങിയ മകന്റെ നെറുകയിൽ കൈവച്ച് ആ മാതാവ് പറഞ്ഞത് ‘ വിജയീ ഭവ’ എന്നായിരുന്നില്ല, മറിച്ചു അധർമ്മത്തിനെ ധർമ്മം കൊണ്ട് തോൽപ്പിക്കാനായിരുന്നു.സ്വമാതാവ് ഒരു ദിവസം പോലും താൻ വിജയിക്കട്ടെ എന്ന് പറയാതിരിന്നിട്ടും 18 ദിവസവും ആ മാതാവിന്റെ കാൽതൊട്ട് ആശീർവാദം വാങ്ങാതെ നരേന്ദ്ര ദാമോദർ ദാസ്‌ജി പടക്കിറങ്ങിയില്ല.

കുരുക്ഷേത്ര യുദ്ധത്തിന് ശേഷം ഒട്ടനേകം യുദ്ധങ്ങളിൽ പങ്കെടുക്കാൻ ലോകത്തിന്റെ പല ഭാഗങ്ങളിലെ രാജാക്കന്മാരിൽ നിന്നും ചക്രവർത്തിമാരിൽ നിന്നും ക്ഷണമുണ്ടായിട്ടും ഹിമാലയത്തിലെയും റെയിൽവേ സ്റ്റേഷനിലെയും തിരക്കുകൾക്കിടയിൽ അവയിൽ നിന്ന് മനഃപൂർവം അദ്ദേഹം മാറി നിന്നു. എന്നിരുന്നാലും ഒന്നാം ലോക മഹായുദ്ധത്തിലും രണ്ടാം ലോക മഹായുദ്ധത്തിലും സഖ്യകക്ഷികൾ അദ്ദേഹത്തിന്റെ യുദ്ധ തന്ത്രങ്ങൾ അനുസരിച്ചാണ് പടക്കിറങ്ങിയിരുന്നത്. 1946 ആഗസ്റ്റ് 6ലെ കാർമേഘങ്ങൾക്കിടയിലെ കുട്ടാകൂരിരുട്ട് നിറഞ്ഞ രാത്രിയിൽ അഹമ്മദാബാദ് എയർപോർട്ടിൽ നിന്ന് അദ്ദേഹത്തിന്റെ മേൽനോട്ടത്തിൽ പറന്ന് പൊങ്ങിയ വിമാനമാണ് ഹിരോഷിമ നാഗസാക്കി നഗരങ്ങളിൽ സർജ്ജിക്കൽ സ്ട്രൈക്ക് നടത്തിയത്.

പിന്നീട് അദ്ദേഹം നേരിട്ട് പങ്കെടുത്ത യുദ്ധം 1971ലെ ബംഗ്ലാദേശ് യുദ്ധമായിരുന്നു. ബംഗ്ലാദേശ് സ്വതന്ത്ര സമരത്തിൽ നേതൃത്വം കൊടുത്ത മുക്തി ബാഹിനിയുടെ നേതാക്കളായ ഓസ്മാനിയുടെയും റാബിന്റെയും സ്നേഹപൂർണമായ നിബന്ധത്തിന് മുന്നിൽ അദ്ദേഹം യുദ്ധത്തിന്റെ നേതൃത്വം ഏറ്റെടുക്കാമെന്ന് സമ്മതിക്കുകയായിരുന്നു. ഗസിപൂരിലെയും ഗരിബ്പൂരിലെയും കമൽപൂരിലെയും യുദ്ധമുഖങ്ങളിൽ മുന്നിൽ നിന്ന് പട നയിച്ച അദ്ദേഹത്തിന്റെ യുദ്ധ തന്ത്രങ്ങൾക്ക് മുന്നിൽ അധികം പിടിച്ചു നിൽക്കാനാവാതെ ഒടുവിൽ പാക്കിസ്ഥാന് കീഴടങ്ങേണ്ടി വന്നു. ബംഗ്ലാദേശിന് സ്വാതന്ത്ര്യം നൽകി എന്ന കരാറിൽ പാകിസ്താനെ കൊണ്ട് ഒപ്പ് വെപ്പിച്ചിട്ടാണ് അദ്ദേഹം ഹിമാലയത്തിലേക്ക് തിരിച്ചു പോയത്.

Advertisement

കുരുക്ഷേത്ര യുദ്ധത്തിലെ ജീവിച്ചിരിക്കുന്ന ഏക ഇതിഹാസമായ നരേന്ദ്ര ദാമോദർ ദാസ് ജി ഈ പ്രായത്തിലും പ്രായത്തിനു തകർക്കാൻ പറ്റാത്ത ചുറുചുറുക്കോടെ അടുത്ത സർജ്ജിക്കൽ സ്ട്രൈക്ക് വെളിപ്പെടുത്തുന്നതും കാത്തു ലോകം ഉൽക്കണ്ഠയോടെ ഉറ്റുനോക്കുന്നു.
നരേന്ദ്ര ദാമോദർ ദാസ് ജിയുടെ സന്ദേശങ്ങളാകട്ടെ നമ്മുടെ ജീവിത പാഠം.

 60 total views,  1 views today

Advertisement
cinema23 hours ago

ജെയിംസിന്റെ മരണം (എന്റെ ആൽബം- 14)

Entertainment1 day ago

യാഥാസ്ഥിതികതയുടെ കണ്ണാടികളെ തച്ചുടയ്ക്കുന്ന ഛായാമുഖി

cinema2 days ago

മീണ്ടും ഒരു കാതൽ കതൈ (എന്റെ ആൽബം- 13)

cinema3 days ago

ബ്യുട്ടിപാലസ് ഷൂട്ടിംഗിനിടെ രസകരമായ ഒരു സംഭവം (എന്റെ ആൽബം- 12)

cinema4 days ago

ബ്യൂട്ടി പാലസും അഭിപ്രായ വ്യത്യാസങ്ങളും (എന്റെ ആൽബം- 11)

Entertainment4 days ago

നിങ്ങളുടെ വർത്തമാനകാലത്തെ വേട്ടയാടാൻ ‘ഭൂതകാലം’

cinema5 days ago

ബ്യൂട്ടി പാലസ് (എന്റെ ആൽബം- 10)

Uncategorized6 days ago

ബാലുസാറിനെ സ്ഥിരമായി കാണാറുള്ള കാലം (എന്റെ ആൽബം- 9)

cinema7 days ago

രാധികാ തിലക് (എന്റെ ആൽബം – 8 )

cinema1 week ago

മൗനദാഹം (എന്റെ ആൽബം- 7)

cinema1 week ago

നമുക്ക് പാർക്കാൻ മുന്തിരിത്തോപ്പുകൾ (എന്റെ ആൽബം -6)

cinema1 week ago

ജയറാമിന്റെ വളർച്ച (എന്റെ ആൽബം -5 )

Boolokam1 month ago

ആരുംപറയാത്ത പുരുഷ വേശ്യകളുടെ കഥയുമായി ‘ജിഗോള’

Entertainment4 weeks ago

ഏവരും കാത്തിരുന്ന ബൂലോകം ടീവി അവാർഡുകൾ പ്രഖ്യാപിച്ചു

Entertainment1 month ago

ആതുരസേവനവും സിനിമയും, അഭിമുഖം : ഡോക്ടർ ജിസ് തോമസ്

Boolokam2 months ago

വിവേകാനന്ദൻ പറഞ്ഞതു തന്നെയാണ് ‘കാലമാടൻ’ പറയുന്നതും

Entertainment2 months ago

ജീവിതം അവസാനിക്കുമ്പോഴല്ല, ജീവിക്കുമ്പോഴാണ് ചിന്തിക്കേണ്ടതെന്നു ‘പൂജ്യം’ പറയുന്നു

Entertainment1 month ago

ചലനമറ്റ വാളും ചിലമ്പും പിന്നെ കോമരവും

Boolokam1 month ago

വിനോദത്തിന്റെ കലവറയായി ബൂലോകം ടീവീ വെബ് ആപ്പ് പ്രവർത്തനക്ഷമം ആയിരിക്കുന്നു

Entertainment4 weeks ago

മികച്ച സംവിധാനത്തിനുള്ള അവാർഡ്, മൂന്നു വ്യത്യസ്തമായ സബ്‌ജക്റ്റുകൾ

Entertainment2 months ago

അടിച്ചുപൊളി ഞായർ ദീപുവിന് തല്ലിപ്പൊളി ഞായർ ആയതെങ്ങനെയാണ് ?

Entertainment4 weeks ago

സണ്ണിചാക്കോ, സാമൂഹിക പ്രതിബദ്ധതയിൽ ഊന്നിയ ബിസിനസും കലയും

Entertainment4 weeks ago

ഐശ്യര്യയുടെ കരച്ചിൽ നമ്മുടെ ഉച്ചിയിൽ മിന്നൽപ്പിണറുകൾ ആയി പതിക്കാതിരിക്കട്ടെ

Entertainment2 months ago

നിങ്ങൾ ഏതെങ്കിലും നിയമലംഘനം നടത്തിയിട്ടുണ്ടെങ്കിൽ ഈ ഷോർട്ട് മൂവി കാണണം

Advertisement