Rageeth R Balan

ഫാൻസ്‌ എന്ന് പറഞ്ഞു നാലു ചുമരിനുള്ളിൽ ഇരുന്നു പരസ്പരം ചെളി വാരി എറിയുന്നവർ ഈ സുഹൃത്തുക്കളുടെ ചിത്രം ഒന്ന് കാണുക..ഈ ഒരു ഫോട്ടോ കാണുമ്പോൾ ഒത്തിരി സന്തോഷം ഉണ്ട്.. അതിൽ ഉപരി ഒരു സ്വകാര്യ അഹങ്കാരം ഉണ്ട്.. ഇവരുടെ കാലഘട്ടത്തിൽ ഉള്ള ഇവർ അഭിനയിച്ച സിനിമകൾ തീയേറ്ററുകളിൽ കാണാനും കയ്യടിക്കാനും പറ്റുന്നു എന്നതിൽ…രണ്ട് നല്ല സുഹൃത്തുക്കൾ ഒത്തു ചേർന്നപ്പോൾ ഉള്ള അവരുടെ സന്തോഷ നിമിഷങ്ങളിൽ പകർത്തിയ ഈ ചിത്രം കാണുമ്പോൾ ഇവരുടെ പേരിൽ തമ്മിൽ ചെളി വാരി എറിയുന്ന ആളുകളെ ഓർത്തു പോകുന്നു.

ആരുടെ ഫാൻ ആണ് ഇഷ്ടപെട്ട നടൻ ആര് എന്ന ചോദ്യങ്ങൾക്കു മലയാളി പ്രേക്ഷകർ പൊതുവെ പറയുന്നത് മോഹൻലാൽ അല്ലെങ്കിൽ മമ്മൂട്ടി എന്നായിരുന്നു.. അതിൽ തന്നെ ഒരു സൗഹൃദപരമായ മനോഭാവം ആണ് എല്ലാവരിലും ഉണ്ടായിരുന്നത്. എന്നാൽ ഇന്ന് അങ്ങനെ അല്ല ഓരോ വെള്ളിയാഴ്ചകളും എന്നാൽ ഇന്ന് സോഷ്യൽ മീഡിയുടെ വളർച്ചക്കൊപ്പം തന്നെ ഫാൻസ്‌ എന്ന വിഭാഗം എക്സ്ട്രീം ടോക്സിക് ലെവലിലേക്ക് അധഃപതിച്ചിരിക്കുന്നു.മമ്മൂട്ടിയുടെ സിനിമ റിലീസ് ആകുമ്പോൾ മോഹൻലാൽ ഫാൻസ്‌ എന്ന് പറയുന്നവരും മോഹൻലാൽ സിനിമകൾ റിലീസ് ആകുമ്പോൾ മമ്മൂട്ടി ഫാൻസ്‌ എന്ന് പറയുന്നവരും സൈബർ പ്ലാറ്റഫോംമുകളിൽ. മത്സരിച്ചു സിനിമകളെ ഡീഗ്രേഡ് ചെയ്യുന്നു.അതിനൊപ്പം തന്നെ കണ്ടു വരുന്ന ഒരു പ്രവണതയാണ് തീയേറ്ററുകളുടെ മുൻപിൽ ഒരു സിനിമയുടെ ആദ്യ ദിന ആദ്യ ഷോ കണ്ട് ഇറങ്ങുന്നവരുടെ അഭിപ്രായം അറിയാൻ ആയി നിൽക്കുന്ന ഓൺലൈൻ ചാനലുകാർ. ഫാൻസ്‌ എന്ന് പറയുന്നവർ ഫസ്റ്റ് ഷോ ഒരു സിനിമ കണ്ടിട്ട് പറയുന്ന അഭിപ്രായങ്ങൾ ആണോ ഒരു സിനിമയുടെ വിജയവും പരാജയവും നിയന്ത്രിക്കുന്നത്…?ഒരു സിനിമ നല്ലതോ ചീത്തയോ ആകട്ടെ പക്ഷെ അത് തീരുമാനിക്കുന്നത് ഫാൻസ്‌ എന്ന ഒരു വിഭാഗം അല്ല.

എനിക്ക് ഇപ്പോഴും യോജിക്കാൻ പറ്റാത്ത ഒരു കാര്യം ഉണ്ട്.നമ്മൾ ഒരു സിനിമയെ പറ്റി പറയുമ്പോൾ എന്തിനാണ് അതിന്റെ ബിസിനസിനെ പറ്റി മാത്രം പറയുന്നത്.. അതിനെ മാത്രം ഹൈലൈറ്റ് ചെയ്തു പറയുന്നത് എന്തിനാണ് എന്ന് മനസിലാകുന്നില്ല..നമ്മൾ സിനിമയെ കുറിച്ച് പറയുമ്പോൾ അതിന്റെ കഥ അതിന്റെ ടെക്നിക്കൽ സൈഡ് അതിന്റെ ക്വാളിറ്റി എന്താണ് എന്നുള്ളതും അത് ആൾക്കാരിലേക്ക് എത്തുന്നുണ്ടോ എന്നും ആൾക്കാരുടെ മനസ്സിനെ സ്വാധിനിക്കുന്നുണ്ടോ എന്നും ആൾക്കാർക്ക് ഇഷ്ടപെടുന്നുണ്ടോ എന്നതിനല്ലേ പ്രാധാന്യം നൽകേണ്ടത്. നല്ല സിനിമ അത് എത്ര കോടി ജനങ്ങളിലേക്ക് പോകുന്നു എന്നതിന്റെ അപ്പുറം അത് എത്ര കോടി കളക്റ്റ് ചെയ്തു എന്ന് പറഞ്ഞ് തർക്കിക്കുന്ന പ്രവണതയോടു എനിക്ക് താല്പര്യം ഇല്ല…

ഒരു നടനെ ആരാധിക്കാം ഇഷ്ടപെടാം.. പക്ഷെ അതിനെ മറ്റൊരു തലത്തിൽ കാണുന്നവർ മനോരോഗികൾ തന്നെ ആണ്.ഇതുവരെ പരസ്പരം നേരിൽ കാണാത്ത സംസാരിക്കാത്ത ആളുകൾ നാലു ചുമരിനുള്ളിൽ ഇരുന്ന് ഒരു നടന്റെ സിനിമയെ കുറിച്ച് മോശമായ രീതിയിൽ സംസാരിച്ചു മോശമായ വാക്കുകൾ ഉപയോഗിച്ച് ആനന്ദിക്കുന്നു. സിനിമയുടെ പ്രധാന ഭാഗങ്ങൾ യൂട്യൂബിൽ വാട്ട്‌ സാപ്പിൽ അങ്ങനെ ചെയ്യാവുന്ന എല്ലാ പ്ലാറ്റഫോംകളിലും പ്രചരിപ്പിച്ചു ആനന്ദം കണ്ടെത്തുന്നവർ. പലപ്പോഴും മോഹൻലാലും മമ്മൂട്ടിയും എന്നെ സിനിമകളിലൂടെ വിസ്മയിപ്പിക്കുകയും അതുപോലെ ചില സമയങ്ങളിൽ എന്നെ നിരാശപ്പെടുത്തുകയും ചെയ്തു.അപ്പോഴും പരാതികളോ പരിഭവമോ ഇല്ലാതെ അടുത്ത സിനിമകൾക്കായി കാത്തിരുന്നു.മോശം സിനിമകൾ ഒരുപാട് ഉണ്ട് അവയെല്ലാം മോശം എന്ന് വിശ്വസിക്കാനേ ഞാൻ ശ്രമിച്ചിട്ടുള്ളു.

ആരാധിക്കുന്ന ഏതു നടനും ആയിക്കോട്ടെ അദ്ദേഹം അഭിനയിക്കുന്ന സിനിമകൾ എല്ലാം മികച്ച സിനിമകൾ അവരുടെ സിനിമകൾ എല്ലാം തന്നെ സൂപ്പർ ഹിറ്റ്‌ എന്ന് വിശ്വസിക്കുന്നവർ ഫാൻസ്‌ അല്ല.പരസ്പരം ചളി വാരി എറിയുന്നവർ ഫാൻസ്‌ അല്ല.. ആത്മാർത്ഥമായി സിനിമയെ സ്നേഹിച്ചു അതിനെ കാണാൻ ശ്രേമിക്കുക. ആരാധന നല്ലതാ പക്ഷെ അത് മറ്റുള്ളവനെ എന്തും ഏതും പറയാൻ ഉള്ള ഒരു ലൈസൻസ് അല്ല.. ഒരുപാട് ഫാൻസ് അസോസിയേഷനുകൾ വിദ്യാർത്ഥികൾക്ക് പഠനത്തിന് ആവശ്യമായ സഹായങ്ങൾ നൽകുന്നുണ്ട്. രോഗികൾക്ക് ചികിത്സ ധനസഹായങ്ങൾ നൽകുന്നുണ്ട്.ബ്ലഡ് ഡൊണേഷൻ ക്യാമ്പുകൾ നടത്തുന്നുണ്ട് പാലിയേറ്റിവ് കെയർ പ്രവർത്തനങ്ങൾ നടത്തുന്നുണ്ട് അങ്ങനെ സമൂഹത്തിൽ നല്ല കാര്യങ്ങളും ചെയ്യുന്ന നല്ല ഒരു വിഭാഗം ഫാൻസുകാരും നമുക്കിടയിൽ ഉണ്ട്.. സൗഹൃദപരമായ ചർച്ചകൾ നടക്കുന്ന ഒരു വേദി ആയി എന്നെങ്കിലും ഫാൻസുകാർ മാറുമെന്ന് നമുക്ക് പ്രതീക്ഷിക്കാം..നല്ല സിനിമ അത് എത്ര കോടി ജനങ്ങളിലേക്ക് പോകുന്നു എന്നതിന്റെ അപ്പുറം അത് എത്ര കോടി കളക്റ്റ് ചെയ്തു എന്ന് പറഞ്ഞ് തർക്കിക്കുന്നത് മാറ്റി വെച്ച് സിനിമകളെ ഇഷ്ടപെടുക താരങ്ങളെയോ കളക്ഷനോ മാത്രം അളന്നു തൂക്കി നോക്കി കാണുന്നതിനു പകരം.

ഒരു സിനിമയുടെ കഥ അതിന്റെ ടെക്നിക്കൽ സൈഡ് അതിന്റെ ക്വാളിറ്റി എന്താണ് എന്നുള്ളതും അത് ആൾക്കാരിലേക്ക് എത്തുന്നുണ്ടോ എന്നും ആൾക്കാരുടെ മനസ്സിനെ സ്വാധിനിക്കുന്നുണ്ടോ എന്നും ആൾക്കാർക്ക് ഇഷ്ടപെടുന്നുണ്ടോ എന്നതിനല്ലേ പ്രാധാന്യം നൽകേണ്ടത്…ഫാൻസ്‌ എന്ന് പറഞ്ഞു നാലു ചുമരിനുള്ളിൽ ഇരുന്നു പരസ്പരം ചെളി വാരി എറിയുന്നവർ ഈ സുഹൃത്തുക്കളുടെ ചിത്രം ഒന്ന് കാണുക.. സിനിമകളുടെ വിജയ പരാജയങ്ങൾ കോടികളുടെ കണക്കുകൾ ഇതെല്ലാം നിങ്ങളുടെ മാത്രം ടെൻഷനും വേവലാതിയും ആണ്..അവരുടെ അല്ല..

Leave a Reply
You May Also Like

റോഷൻമാത്യുവിനെ ചുംബിക്കുന്ന സീൻ അനവധി ടേക്കുകൾ എടുക്കേണ്ടിവന്നെന്നും റോഷൻ കൊച്ചുപയ്യൻ ആയതിനാൽ ചമ്മൽ ഉണ്ടായിരുന്നെന്നും ഷെഫാലി ഷാ

ഓഗസ്റ്റ് അഞ്ചിന് റിലീസ് ചെയ്ത ബോളിവുഡ് ചിത്രമാണ് ഡാർലിംഗ്സ്. ചിത്രത്തിൽ ആലിയ ഭട്ടും ഷഫാലി ഷായും…

തള്ളിമറിക്കുന്ന എല്ലാ ടീമുകളും അറിയാൻ, നിങ്ങൾ പറയുന്ന കാരണം കൊണ്ടല്ല ദീപികയെ ക്ഷണിച്ചത്

Shahina Shamsudheen ദീപിക പദുകോണ്‍ എന്ന ഇന്ത്യക്കാരിയായ സ്ത്രീ നെഞ്ചുവിരിച്ച് തല മറയ്ക്കാതെ ഖത്തറിൽ ലോകകപ്പ്…

“ദിലീപിനെ കണ്ടാണ് മമ്മൂട്ടിയും മോഹൻലാലും മാർക്കറ്റിംഗ് പഠിച്ചത്, പക്ഷേ അതിൽ അബദ്ധം പറ്റിയത് ജയറാമിനാണ്”

മലയാളസിനിമയുടെ നെടുംതൂണുകൾ ആണ് മോഹൻലാലും മമ്മൂട്ടിയും ദിലീപും ജയറാമും സുരേഷ്‌ഗോപിയും ഒക്കെ. എന്നാൽ ഇതിൽ ചിലർ…

തനിക്ക് ഹൃദയാഘാതം സംഭവിച്ചതായി സുസ്മിത സെൻ സോഷ്യൽ മീഡിയയിൽ പോസ്റ്റ് ചെയ്ത കുറിപ്പ് ആരാധകരെ ഞെട്ടിച്ചിരിക്കുകയാണ്

ബോളിവുഡിലെ മുൻനിര നടിയായിരുന്നു സുസ്മിത സെൻ. പലതരം പ്രണയ കിംവദന്തികളിൽ കുടുങ്ങിയിട്ടുണ്ടെങ്കിലും 47 കാരിയായ അവർ…