പത്മരാജൻ-മോഹൻലാൽ ചിത്രമായ ‘തൂവാനത്തുമ്പികളി’ലെ തൃശൂർ ഭാഷ വളരെ ബോറടിപ്പിക്കുന്നതാണെന്ന് സംവിധായകൻ രഞ്ജിത്തിന് മറുപടിയുമായി പത്മരാജന്റെ മകൻ അനന്തപത്മനാഭൻ. സിനിമയെയല്ല, അതിലെ ഭാഷയെയാണ് വിമർശിച്ചതെന്നും രഞ്ജിത്തിന് അതിനുള്ള അവകാശമുണ്ടെന്നും അനന്തപത്മനാഭൻ പറയുന്നു.രഞ്ജിത്തിന്റെ വിമർശനം ഇങ്ങനെ

‘‘ലാലിന്റെ നമുക്കൊക്കെ ഇഷ്ടപ്പെട്ട തൂവാനത്തുമ്പികളിലെ തൃശൂര്‍ ഭാഷ വളരെ ബോറാണ്. അത് തൃശൂര്‍ ഭാഷയെ അനുകരിക്കാന്‍ ശ്രമം നടത്തുകയാണ് ചെയ്തത്. ‘മ്മ്ക്കൊരു നാരങ്ങാവെള്ളം കാച്ചിയാലോ’ ആ താളത്തിലൊന്നും അല്ല യഥാര്‍ഥത്തില്‍ തൃശൂര്‍ ഭാഷ സംസാരിക്കുക.’’– ഇതാണ് രഞ്ജിത്തിന്റെ വാക്കുകൾ. പത്മരാജന്റെ മകൻ അനന്തപത്മനാഭൻ നൽകിയ മറുപടി ചുവടെ

“നമുക്കെല്ലാവർക്കും ഇഷ്ടമുള്ള തൂവാനത്തുമ്പികളിലെ ലാലിന്റെ തൃശൂർ ഭാഷ വിരസമാണ് എന്ന് അദ്ദേഹം പറഞ്ഞു. എന്നാൽ സിനിമയെ വിമർശിച്ചിട്ടില്ല. അങ്ങനെ പറയാൻ അദ്ദേഹത്തിന് അവകാശമുണ്ട് . .ആ സ്ലാങ്ങിൽ കടുംപിടിത്തം പിടിക്കാത്തതു തന്നെയാണ്. സാക്ഷാൽ ഉണ്ണി മേനോൻ അടക്കം അച്ഛന്റെ പഴയ തൃശൂർ ബെൽറ്റ് എമ്പാടും ഇരിക്കെ അതിന് ഒരു ബുദ്ധിമുട്ടും ഇല്ലായിരുന്നു. സമയവും ഉണ്ടായിരുന്നു. പറഞ്ഞതു പോലെ ‘പപ്പേട്ടൻ അങ്ങനെ ശ്രദ്ധിക്കാത്തത്’ തന്നെയാണ്. അതിനൊരു കാരണമുണ്ട്. മുമ്പ് ‘അരപ്പട്ട കെട്ടിയ ഗ്രാമത്തിൽ’ ഇറങ്ങിയപ്പോൾ അതിലെ കടുത്ത ഏറനാടൻ ഭാഷ തെക്കൻ ജില്ലക്കാർക്ക് പിടികിട്ടിയില്ല എന്നൊരു ആക്ഷേപം ഉയർന്നിരുന്നു. മൂപ്പനും സുലൈമാനും ഒക്കെ പറയുന്ന കോംപ്രമൈസ് ഇല്ലാത്ത ഏറനാടൻ മൊഴി പലർക്കും പിടി കിട്ടിയില്ല. നൂഹു അഭിനയിച്ച ഹൈദ്രോസ് എന്ന ‘അരപ്പട്ട’ പറയുന്ന മൊഴിയൊക്കെ ഇപ്പോഴും എനിക്ക് മുഴുവൻ തിരിഞ്ഞിട്ടില്ല. ‘അരപ്പട്ട’യ്ക്ക് ഒരു മൊഴി വിദഗ്ധൻ ഉണ്ടായിരുന്നു. മറ്റാരുമല്ല സുലൈമാന് (റഷീദ്) ഡബ്ബ് ചെയ്ത സുരാസു തന്നെ. അദ്ദേഹം ചിത്രത്തിൽ മാളുവമ്മയുടെ അനുജൻ ചായക്കടക്കാരനായി ഒന്നു മിന്നി പോകുന്നുമുണ്ട്.”

തൂവാനത്തുമ്പികൾ’ വന്നപ്പോൾ സൂപ്പർ സ്റ്റാർ ചിത്രത്തിന്റെ മൊഴി ആളുകൾക്ക് തിരിയാതെ പോകണ്ട എന്നു പറഞ്ഞു തന്നെയാണ് ഡൈലൂട്ട് ചെയ്തത്. തിരക്കഥയുടെ ആദ്യ കേൾവിക്കാരി, തൃശൂർ മൊഴി നന്നായി അറിയുന്ന അമ്മ തന്നെ ‘ഇങ്ങനൊന്നുമല്ല പറയ്യാ’ എന്ന് പറഞ്ഞപ്പോൾ, ‘നിങ്ങളതിൽ ഇടപെടണ്ടാ’ എന്ന് അച്ഛൻ പറഞ്ഞു കേട്ടിട്ടുണ്ട്.2012 ലെ പത്മരാജൻ പുരസ്ക്കാരം ‘ഇന്ത്യൻ റുപ്പീ’ക്ക് സ്വീകരിച്ചു കൊണ്ട് രഞ്ജിയേട്ടൻ പ്രസംഗിച്ച വാക്കുകൾ മനസ്സിൽ മുഴങ്ങുന്നുണ്ട്. ‘‘പുതിയ തലമുറ, the so called new generation, ഒരു തീർഥാടനത്തിലാണ്. പത്മരാജൻ എന്ന ഹിമാലയത്തിലേക്ക്. ആ മലമൂട്ടിൽ ഒരു ഒണക്കച്ചായക്കടയും നടത്തി ജീവിച്ചു പോകുന്ന ഒരു കച്ചവടക്കാരൻ മാത്രമാണ് ഞാൻ’’, കല്ലിൽ കൊത്തി വെച്ച പോലെ ആ വാക്കുകൾ മനസ്സിലുണ്ട്. That’s on record. I know where He has placed Achan and the Respect he is having. ഇതിന്റെ പേരിൽ ഒരു വിമർശനം ആവശ്യമില്ല.’’–അനന്തപത്മനാഭൻ പറഞ്ഞു.‘തൂവാനത്തുമ്പികളി’ൽ ഉപയോഗിച്ചിരിക്കുന്നതുപോലെയല്ല യഥാർഥത്തിൽ തൃശൂർ ഭാഷ സംസാരിക്കുന്നതെന്നും സിനിമയിലേത് വളരെ ബോറായിരുന്നെന്നും രഞ്ജിത്ത് ഒരഭിമുഖത്തിൽ പറഞ്ഞിരുന്നു.

You May Also Like

ആരാധകരുടെ മനസ്സ് കീഴടക്കുന്ന ഫോട്ടോഷൂട്ടും ആയി ഐശ്വര്യ റായി.

ലോകമെമ്പാടും ആരാധകരുള്ള താരമാണ് ഐശ്വര്യ റായി.

ട്രെൻഡിംഗ്: ഒരാൾ ഭീകര അനക്കോണ്ടയെ വെറും കൈകളാൽ പിടിക്കുന്നു, വ്യാപക വിമർശനം

അസ്ഥികൾ തകർക്കുന്ന ശക്തിക്ക് പേരുകേട്ട പാമ്പായ അനക്കോണ്ടയുമായി കളിക്കാൻ നമ്മളിൽ പലരും ഒരിക്കലും ശ്രമിക്കില്ല. എന്നിരുന്നാലും,…

പ്രണയം രണ്ട് തുടകൾക്കിടയിൽ വീർപ്പുമുട്ടി മരിക്കുന്ന ഒന്നല്ല

ആയിരം കണ്ണുമായി കാത്തിരുന്നവൾ പ്രണയ നഷ്ട്ടം കാരണമുണ്ടായ കൊലപാതകങ്ങൾ അമേരിക്ക യൂറോപ്പ് എന്ന വികസിത നാടുകളിൽ…

അബാം മൂവീസിൻ്റെ പുതിയ ചിത്രത്തിൽ അനൂപ് മേനോൻ കാലാവസ്ഥ നിരീക്ഷണ വകുപ്പ് ഉദ്യോഗസ്ഥൻ,  ധ്യാൻ ശ്രീനിവാസനും ഷീലുഏബ്രഹാമും മുഖ്യവേഷങ്ങളിൽ

അബാം മൂവീസിൻ്റെ പുതിയ ചിത്രത്തിൽ അനൂപ് മേനോൻ കാലാവസ്ഥ നിരീക്ഷണ വകുപ്പ് ഉദ്യോഗസ്ഥൻ,  ധ്യാൻ ശ്രീനിവാസനും…