ജീവിതം പകര്‍ച്ചവ്യാധിയല്ല

10

People flashcards on TinycardsRavichandran C

ജീവിതം പകര്‍ച്ചവ്യാധിയല്ല. It is a sexually transmitting disease only

അടിയന്തരഘട്ടങ്ങളില്‍ അടിയന്തരപരിഹാരം അനിവാര്യമാകും. രോഗിയുടെ ജീവിതമല്ല ആരോഗ്യമുള്ള ജീവിതം നയിക്കുന്നവരുടേത്. ശവസംസ്‌കാരത്തിന് ചുടുകാട്ടില്‍ പോകും. രോഗം മൂര്‍ച്ഛിച്ചാല്‍ ആഹാരം ഉപേക്ഷിച്ചെന്നുവരാം. യുദ്ധകാലത്തും ജീവിതക്രമം അട്ടിമറിക്കപ്പെടും. പകര്‍ച്ചവ്യാധി കാലത്ത്‌ മനുഷ്യരെല്ലാം മുഖാവരണം ധരിക്കണം, പരസ്പരം അകലം പാലിക്കണം. രണ്ടും മനുഷ്യനാഗരികതയ്ക്ക് വിരുദ്ധമാണ്. കലര്‍ന്നും സമ്പര്‍ക്കം പുലര്‍ത്തിയുമാണ് നാം മുന്നേറിയതും. ജാതിഅയിത്തം സാമൂഹിക അകലം പാലിക്കല്‍ അല്ല, സാമൂഹികരോഗമാണ്. അയിത്തം കത്തി നിന്ന കാലത്തും പകര്‍ച്ചവ്യാധികള്‍ തിമിര്‍ത്താടിയിരുന്നു. മനുഷ്യനെ ചാക്കില്‍ കയറ്റുന്നത് വ്യക്തിശുദ്ധിയോ ശാസ്ത്രയുക്തിയോ അല്ല. അത് വ്യക്തിത്വത്തിന്റെ നിഷേധമാണ്, അടിമത്വമാണ്. അന്യരോടുള്ള സംശയവും അനാദരവുമാണ്. വെട്ടിക്കീറുന്നത് സര്‍ജറിയോ കുത്തിക്കീറുന്നത് ഇന്‍ജക്ഷനോ അല്ല. പ്രാകൃതവേഷം പകര്‍ച്ചവ്യാധി നേരിടാന്‍ സഹായിക്കില്ലേ? സഹായിച്ചേക്കും. ശവക്കച്ചയില്‍ പൊതിഞ്ഞാല്‍ അതിലും നന്നാവും. പക്ഷെ അത് മരിച്ചവരോട് ചെയ്യുന്ന കാര്യമാണ്. കോവിഡ് കാലത്ത് മുഖാവരണവും കയ്യുറയും ധരിച്ചു ജീവിക്കുന്നവര്‍ക്ക് അവ നീക്കംചെയ്യുമ്പോഴുള്ള ആശ്വാസവും സ്വാതന്ത്ര്യവും മനസ്സിലാകുമെങ്കില്‍ നിത്യജീവിതത്തിലും കോവിഡ് ജീവിതം നയിക്കുന്നവരുടെ പ്രയാസം തിരിച്ചറിയാനാവും. അറിയുക, ജീവിതം പകര്‍ച്ചവ്യാധിയല്ല. It is a sexually transmitting disease only