ജോലി, പഠനം, മറ്റ് കാരണങ്ങളാൽ പല ദമ്പതികളും അകന്നു കഴിയുന്നു. സ്നേഹമാണ് അവരെ ഒരുമിപ്പിക്കുന്നത് . ഭാര്യാഭർത്താക്കന്മാർ തമ്മിലുള്ള അകലം കൂടുതലായതിനാൽ പലപ്പോഴും വഴക്കുകൾ ഉണ്ടാകാൻ സാധ്യതയുണ്ട്. ദൂരെയുള്ള ബന്ധത്തിൽ പ്രണയിനികളുടെ കണ്ടുമുട്ടൽ വളരെ വിരളമാണ്. ആലിംഗനം, ചുംബനം എന്നിവയും പലർക്കും അതുവഴി നഷ്ടമാകുന്നു.
കരയാൻ അവന്റെ തോളില്ല, ഉറങ്ങാൻ അവളുടെ മടിയുമില്ല. കാത്തിരിക്കുക മാത്രമാണ് അവർക്ക് ചെയ്യാനാകുന്നത്. അത്തരം ബന്ധം സുരക്ഷിതമാക്കാൻ ഇടയ്ക്കിടെയുള്ള കൂടിക്കാഴ്ചയും ആലിംഗനവും ചുംബനവും തീർച്ചയായും ആവശ്യമാണ്. കണ്ടുമുട്ടാൻ നിങ്ങൾക്ക് ഒരു വീഡിയോ കോൾ പോലും ചെയ്യാം. എന്നാൽ ചുംബിച്ചാലോ? ചൈനയിൽ നിന്നുള്ള ജിയാങ് ഷാങ്‌ലിയാണ് ദീർഘദൂര ബന്ധമുള്ളവർക്ക് വേണ്ടി ഈ ദുരിതം മറികടക്കാൻ ചുംബന ഉപകരണം കണ്ടുപിടിച്ചത്.
കാമുകിയുമായി ദീർഘദൂര ബന്ധത്തിലായിരുന്നു. ഫോണിലൂടെ മാത്രമേ ബന്ധപ്പെടാനാകൂ. പക്ഷേ ഹൃദയത്തിലെ സ്നേഹം ഒരു ചുംബനത്തിൽ പ്രകടിപ്പിക്കാൻ കഴിയുന്നില്ല . അങ്ങനെയാണ് ഒരു ചുംബന ഉപകരണം കണ്ടുപിടിക്കാൻ അവനെ പ്രേരിപ്പിച്ചത് . ചൈനയിലെ സാൻഷൂവിലുള്ള ചാങ്ഷു വൊക്കേഷണൽ ഇൻസ്റ്റിറ്റ്യൂട്ട് ഓഫ് മെക്കാട്രോണിക് ടെക്നോളജി ഈ ഉപകരണത്തിന്റെ പകർപ്പവകാശം വാങ്ങി.
ചുംബന ഉപകരണത്തെ റിമോട്ട് കിസ് എന്നും വിളിക്കുന്നു. ഇതിന് ചലിക്കുന്ന സിലിക്കൺ ചുണ്ടുകൾ ഉണ്ട്. ഈ ചുണ്ടുകൾ വഴി നിങ്ങളുടെ പ്രിയപ്പെട്ട വ്യക്തിക്ക് ഒരു ചുംബനം അപ്‌ലോഡ് ചെയ്യാം. അവരിൽ നിന്നും നമുക്ക് ഒരു ചുംബനം ലഭിക്കും. ഈ ചുംബനം ആസ്വദിക്കാൻ ഇരുവർക്കും ചുംബന കിറ്റും ആപ്പും ഉണ്ടായിരിക്കണം.
ആദ്യം കാമുകീകാമുകന്മാർ രണ്ടുപേരും വീഡിയോ കോളിൽ ബന്ധപ്പെടണം. അപ്പോൾ ചുംബനങ്ങൾ കൈമാറാം. ഉപകരണത്തിലെ ഒരു സെൻസർ ചുംബനം രേഖപ്പെടുത്തുന്നു. ഈ ചുംബനം നിങ്ങളുടെ പങ്കാളിയുടെ ഉപകരണത്തിലേക്ക് തൽക്ഷണം ഇന്റർനെറ്റിലൂടെ അയയ്‌ക്കും. നിങ്ങളുടെ ചുംബനം നിങ്ങളുടെ ഇണയുടെ ചുണ്ടുകളിൽ പതിക്കും.ഇത് വെറും സാങ്കേതികം മാത്രമല്ല കേട്ടോ, ഒരു വ്യക്തി ചുംബിക്കുമ്പോൾ ഉണ്ടാകുന്ന ചുണ്ടുകളുടെ സമ്മർദ്ദവും ചലനവും ചൂടും എല്ലാം ഈ ഉപകരണത്തിലൂടെ കടന്നുപോകുമെന്ന് പറയപ്പെടുന്നു. നിലവിൽ പുറത്തിറക്കിയിരിക്കുന്ന കിസ് കിറ്റിന്റെ വില 288 യുവാൻ ആണ്, അതായത് 3,433 രൂപ.
നെറ്റിസൺസ് ഒരു വശത്ത് ഈ ടൂളിനെ പ്രശംസിക്കുകയും മറുവശത്ത് കളിയാക്കുകയും ചെയ്യുന്നു. വായിൽ മാത്രം ആണോ ചുംബിക്കുന്നത് എന്ന് ചിലർ കളിയാക്കുന്നു. ഇതാദ്യമായല്ല ഈ ഉപകരണം ചുംബനത്തിനായി ഉപയോഗിക്കുന്നത്. 2016-ൽ മലേഷ്യ ആസ്ഥാനമായുള്ള ഇമാജിനിയറിംഗ് കമ്പനി ‘കിസിംഗർ’ എന്ന പേരിൽ ടച്ച് സെൻസിറ്റീവ് സിലിക്കൺ പാഡിന്റെ ആകൃതിയിലുള്ള ചുംബന ഉപകരണം പുറത്തിറക്കിയിരുന്നു.
