ചാരവൃത്തി എന്ന വ്യാജകേസുണ്ടാക്കി നിരപരാധികളുടെ ജീവിതം നശിപ്പിച്ച പാരമ്പര്യമുണ്ട് കോൺഗ്രസിനും ചില മാമാമാധ്യമങ്ങൾക്കും

98

✍️റേണസ്റ്റ് പോൾ

ഒരല്പം മനോരമചരിതം..

ഈയിടെ ഫേസ്ബുക്കിൽ കൂടി രാഷ്ട്രീയപ്രവർത്തനം നടത്തുന്ന ഖദറിട്ട ചില കോൺഗ്രസ് കുഞ്ഞുങ്ങൾ അറിയാൻ അല്പം ചരിത്രം പറയാം.. അധികം പഴക്കമില്ലാത്ത ചരിത്രമാണ്.. എന്തെങ്കിലും സംശയമുണ്ട് എങ്കിൽ വീട്ടിൽ മുതിർന്നവരോട് ചോദിച്ചാൽ മതി.. അവർ സത്യം പറയും.

വർഷം 1994 ഒക്ടോബർ 20..
അന്ന് കേരളാപോലീസ് വീസകാലാവധി തീർന്നു എന്നു പറഞ്ഞു ഒരു മാലിക്കാരി സ്ത്രീയെ അറസ്റ്റ് ചെയ്തു. അവരുടെ പേര് മറിയം റഷീദ. ഒരു വിസ കേസ് ആകേണ്ടിയിരുന്ന ആ കേസ് പിറ്റേദിവസം പത്രങ്ങൾ അറിഞ്ഞത് കേരളത്തിലെ ചാരപ്രവർത്തനം എന്ന മനോരമ തലക്കെട്ടോടു കൂടിയാണ്.. ഇന്ത്യയുടെ അഭിമാനമായിരുന്ന ഐ എസ് ആർ ഓ യിലെ ശാസ്ത്രജ്ഞർ ആയിരുന്ന നമ്പിനാരായണയും, ശശികുമാറും രാജ്യത്തിന്റെ അതീവസുരക്ഷാ രേഖകൾ മറിയം റഷീദയും ഫൗസിയഹസൻ എന്ന വനിതയും മുഖേന ശത്രുരാജ്യങ്ങൾക്കു കൈമാറി എന്നായിരുന്നു വാർത്ത.

കേരളം ഇളകിമറിഞ്ഞു.. കോട്ടയം മനോരമാ ഓഫീസിൽ ഇരുന്നു അന്നത്തെ കൊച്ചുപുസ്തകങ്ങളെ തോല്പ്പിക്കും വിധം മനോരമ അച്ചു നിരത്തി. മറിയം റഷീദ കിടക്കയിൽ പുലിക്കുട്ടിയാണെന്നു മാമൻമാപ്പിളയുടെ കുടുംബം കണ്ടുപിടിച്ചു (എങ്ങനെ.. അറിയില്ല ). മറിയം റഷീദയുടെ അടിവസ്ത്രത്തിൽ ശാസ്ത്രജ്ഞരുടെ ബീജം വരെ മണത്തു കണ്ടെത്തി മനോരമയിലെ ഞരമ്പ് രോഗികൾ.. ഓർക്കുക.. അന്ന് സത്യം അറിയാൻ വേറെ മാർഗമില്ലാതെ കാലഘട്ടം. നവമാധ്യമങ്ങൾ ഇല്ല. ടീവി ചാനലുകൾ ഇല്ല. ഇന്ന് മനോരമന്യൂസിൽ നിശാപുരുഷോത്തമന്മാരും അയ്യപ്പദാസന്മാരും ഓവർടൈം പണിയെടുക്കുന്ന പോലെ അന്ന് മനോരമയിലെ മഞ്ഞ എഴുത്തുകാർ മത്സരിച്ചു കഥകൾ എഴുതി. അന്ന് കൊച്ചുപുസ്തകങ്ങൾ വായിക്കുന്നതിനേക്കാൾ ആവേശത്തോടെ മലയാളികൾ മനോരമ വായിച്ചു തുടങ്ങി.

നമ്പിനാരായണൻ എന്ന ഇന്ത്യയിലെ ഏറ്റവും പ്രഗത്ഭനായ ശാസ്ത്രജ്ഞൻ അറസ്റ്റ് ചെയ്യപ്പെട്ടു. കൂടെ ശശികുമാറും ചന്ദ്രശേഖരനും. അവരുടെ കരിയർ ഇല്ലാതായി.. കുടുംബം നശിച്ചു. നാട്ടിൽ ഇറങ്ങാൻ പറ്റാതെ ആയി ആ കുടുംബങ്ങൾ.. വീടിനു നേരെ കല്ലേറുകൾ.. അസഭ്യവർഷങ്ങൾ.. !!

ഒടുവിൽ ഇന്നത്തെ പുതുപ്പള്ളി പുണ്യാളൻ ഉമ്മൻ‌ചാണ്ടിയും അന്നത്തെ തിരുത്തൽവാദിഗ്രൂപ്പിന്റെ നേതാവ് രമേശ്‌ ചെന്നിത്തലയും അടക്കമുള്ളവർ കെ കരുണാകരൻ എന്ന മുഖ്യമന്ത്രിയുടെ ചോരയ്ക്കായി നിലവിളിച്ചു. ഓർക്കുക അന്ന് ലീഡർ കരുണാകരന്റെ കാർ തടഞ്ഞതും കല്ലെറിഞ്ഞതും തെറിവിളിച്ചതും ഇടതുപക്ഷമല്ല. മറിച്ചു ഉമ്മൻചാണ്ടിയുടെ നേതൃത്വത്തിലുള്ള സംഘമാണ്..
ഒടുവിൽ കെ കരുണാകരൻ രാജിവെച്ചു !!

രാജിവെപ്പിച്ചു മനോരമയും ഉമ്മൻചാണ്ടിയും കൂടെ ഒരുപറ്റം കോൺഗ്രെസ്സുകാരും. അന്ന് കേ കരുണാകരൻ ഹൃദയവേദനയോടെ പറഞ്ഞ വാക്കുകൾ ഓർമ്മയുണ്ടോ?? ഒടുവിൽ എന്തായി?? പതിറ്റാണ്ടുകൾക്കു ശേഷം കേസ് വെറുതെ വിട്ടു. തെളിവുകൾ ഇല്ല എന്നുപറഞ്ഞു സിബിഐ സുപ്രീം കോടതിയിൽ ഈ കേസ് അവസാനിപ്പിക്കാൻ അപേക്ഷ കൊടുത്തു അവസാനിപ്പിച്ചു. സംസ്ഥാന സർക്കാർ 50ലക്ഷം രൂപാ നമ്പിനാരായണന്‌ നഷ്ടപരിഹാരം കൊടുക്കാൻ വിധിയുണ്ടായി.പക്ഷേ ഇതിൽ പ്രതി ചേർക്കപെട്ടവർക്കു നഷ്ടപ്പെട്ടത് അവരുടെ ജീവിതമായിരുന്നു… അവരുടെ കരിയർ ആയിരുന്നു.. അവരുടെ ജീവിതത്തിന്റെ നല്ല ഒരു പങ്കു ആയിരുന്നു.. !!
മനോരമയ്ക്ക് ലാഭം മാത്രം.. പത്രത്തിന്റെ പ്രചാരം കൂടി.. പരസ്യങ്ങൾ കൂടി.. കോൺഗ്രസ്സിന്റെ മുഖപത്രമായി മാറാൻ കഴിഞ്ഞു. ഉമ്മൻ‌ചാണ്ടി ഉൾപ്പെടെയുള്ള കോൺഗ്രസ്‌ നേതാക്കൾ മനോരമയുടെ അടുക്കളപണിക്കാർ ആയി.

ഇതിപ്പോ പറയുന്നത് കഴിഞ്ഞ രണ്ടു ദിവസങ്ങളിലായി പുറത്തു വരുന്ന മനോരമ വാർത്തകളിൽ ആ തൊണ്ണൂറുകളിലെ നിലവാരം വീണ്ടും കണ്ടു.. ഇക്കിളിപ്പെടുത്തുന്ന കഥകൾ.. ശിവശങ്കർ എന്ന മുതിർന്ന ഐ എ എസ് ഉദ്യഗസ്ഥനെയും സ്വപ്ന എന്ന സ്ത്രീയെയും ചേർത്ത് ദ്വയാർത്ഥ പ്രയോഗങ്ങൾ.. സ്വപ്നയുടെ ശരീരഅളവുകളെക്കുറിച്ചു ഗവേഷണ പ്രബന്ധങ്ങൾ.എന്നാൽ എന്താണ് ഈ കേസിന്റെ മെറിറ്റ്?? ആർക്കാണ് ഈ സ്വർണം കൊണ്ടുവന്നത്?? ആരാണ്‌ കൊടുത്തു വിട്ടത്?? ഈ വക ചോദ്യങ്ങൾ മനോരമയ്ക്ക് അറിയേണ്ട.. കസ്റ്റഡിയിൽ ഉള്ള സരിത്ത് എന്ന പ്രതിയുടെ ജീവചരിത്രവും മനോരമയ്ക്ക് അറിയേണ്ട.. അവർക്കറിയേണ്ടത് സ്വപ്ന എന്ന യുവതിയുടെ അരക്കെട്ടിന്റെ ബലത്തെ കുറിച്ച് മാത്രമാണ്.ഇതിനു മാധ്യമധർമ്മം എന്ന് വിളിക്കാമോ?? അറിയില്ല.. എന്റെ നോട്ടത്തിൽ കാശു കൂടുതൽ ഉണ്ടാക്കാൻ സ്വന്തം അമ്മയെ വരെ കൂട്ടിക്കൊടുക്കാൻ ചിലർ തയ്യാറാകും.. ഇത്രയുമേ പറയുന്നുള്ളൂ.

എന്ത് കൊണ്ടു ഈ കേസ് അതിന്റെ മെറിറ്റിൽ അന്വേഷണം പോകുന്നതിൽ മനോരമയ്ക്ക് വേവലാതി?? എന്ത് കൊണ്ടു അപസർപ്പകകഥകൾ കൊണ്ടു ഈ നാടിന്റെ വാർത്താ സംസ്കാരത്തെ കളങ്കപ്പെടുത്തുന്നു.. ഉത്തരം ഒന്നേയുള്ളൂ.. കണ്ടത്തിൽ മാമൻമാപ്പിളയും കുടുംബവും പത്രമെഴുത്തു പഠിച്ചത് ഏതോ കൊച്ചുപുസ്തകകടയിൽ നിന്നാവും.പണ്ട് ചാരക്കേസ് പ്രതിയായി ആരോപക്കപ്പെട്ട രാമൻ ശ്രീവാസ്തവയെ സർവീസിൽ തിരിച്ചെടുത്ത സമയം കെ കരുണാകരൻ പറഞ്ഞു.

” ഈ കേസിൽപെട്ട എല്ലാവരെയും തിരിച്ചെടുത്തു.. പഴയ മുഖ്യമന്ത്രിയെ മാത്രം… “ഓർക്കുക നിങ്ങൾ ചമച്ച കഥകളിൽ ജീവിതം തകർന്നുപോയ ആത്മാക്കൾ ഇന്നും ജീവനോടെ കേരള സമൂഹത്തിൽ ഉണ്ടു.. മാധ്യമ വിചാരണയും തുണ്ട് കഥകളും എഴുതി ആത്മസംതൃപ്തിയോടെ വീട്ടിൽ ചെല്ലുന്ന മനോരമയിലെ കൂലിപണിക്കാർ വീട്ടിൽ ചെല്ലുമ്പോൾ സ്വന്തം മക്കളുടെ മുഖം ഒന്ന് നോക്കുക.. അവർ കഴിക്കുന്ന ഭക്ഷണം താൻ ആത്മാഭിമാനം പണയം വെച്ചു കൂട്ടിക്കൊടുത്തതിന് കിട്ടിയ കൂലിയാണ് തന്റെ മക്കൾ കഴിക്കുന്നതെന്ന നിന്ദ നിങ്ങളെ മുറിവേല്പിക്കാതിരിക്കില്ല.. നിങ്ങൾ മനുഷ്യൻ ആണെങ്കിൽ.