ആണുങ്ങൾക്ക് ഇടയിൽ പ്രണയം പൂക്കുമ്പോൾ 

74

ആണുങ്ങൾക്ക് ഇടയിൽ പ്രണയം പൂക്കുമ്പോൾ 

ആണിന് കൂട്ടായി പെണ്ണ് മാത്രം എന്നത് ഉല്പത്തികാലം മുതൽക്കേ ഉള്ളതാണ് എന്നാൽ അതിനെ പൊളിച്ചെഴുതിയാണ് ഇന്ന് നമ്മുടെ സമൂഹം മുന്നോട്ട് പോവുന്നത്. അത്തരത്തിൽ ഒരേ ലിംഗത്തിലുള്ള വ്യക്തികൾ തമ്മിലുള്ള വൈകാരിക അടുപ്പത്തിന്റെ കഥയാണ് Luca Guadagnino എന്ന സംവിധായാകൻ Call Me By Your Name എന്ന ഈ ചിത്രത്തിലൂടെ പറയുന്നത്.

Call Me By Your Name 2 release date, plot, cast, book and moreഅതെ രണ്ട് ആണുങ്ങൾ തമ്മിലുള്ള തീവ്ര പ്രണയത്തിന്റെ കഥ. നോർത്തേൺ ഇറ്റലിയിൽ വേനലവധി ആഘോഷിക്കാൻ വന്ന പതിനേഴുകാരനായ എലിയോയുടെ കുടുംബത്തിലേക്ക് തന്റെ അച്ഛന്റെ റിസർച്ചിൽ പങ്കാളിയാവാൻ ഒലിവർ എന്ന ചെറുപ്പക്കാരൻ കടന്ന് വരുന്നു. അദ്ദേഹത്തിനോട് ആദ്യമൊക്കെ എലിയോക്ക് ബഹുമായിരുന്നെങ്കിലും അത് പിന്നീട് ഈഗോയായി കലാശിക്കുന്നു. തന്നെക്കാൾ ശ്രദ്ധ മറ്റുള്ളവരിൽ നിന്ന് ഒലിവർ പിടിച്ചുപറ്റുന്നു എന്ന തോന്നൽ മനസ്സിലുണ്ടാവുമ്പോൾ ഏതൊരാൾക്കും തോന്നുന്ന ഈഗോ. ആ ഈഗോ എന്നത് മറ്റൊരു ബന്ധത്തിലേക്ക് നയിക്കാൻ അധികം സമയം വേണ്ടിവന്നില്ല. അവരെ തമ്മിൽ അടുപ്പിക്കുന്ന പല ഘടകങ്ങളും അവർക്കിടയിൽ ഉണ്ടായിരുന്നു. പിന്നീട് ഓരോ ദിവസം കഴിയുന്തോറും മറ്റെന്തോ ഒരു അടുപ്പം അവർക്കിടയിൽ സ്രഷ്ടിക്കപ്പെടുന്നു. ഇരുവരുടെയും പല ചര്യകളും ആകർഷിക്കാൻ തുടങ്ങിയപ്പോൾ ഉണ്ടാവുന്ന, രണ്ട് മനസ്സുകൾ തമ്മിലുള്ള ഒരുതരം പ്രണയം. ഒരു റൊമാന്റിക്ക് റിലേഷൻഷിപ്പ്.

ആദ്യം ഒന്നും ഒലിവർ എലിയോയുടെ താത്പര്യങ്ങൾക്ക് വഴങ്ങി കൊടുക്കുത്തിരുന്നില്ല. മാത്രവുമല്ല ഒലിവർ ആ നാട്ടില്ലേ മറ്റൊരു പെൺകുട്ടിയുമായി അടുപ്പത്തിൽ ആവുകയും ചെയിതു. ഇതിൽ വിഷമത്തിലായ എലിയോ തന്റെ ബാല്യകാലസഖിയായ മരിയയോട് ശാരീരിക ബന്ധം പുലർത്തുകയും അതിനെ കുറിച്ച് ഒലിവറിന്റെ മുന്നിൽ വാചാലനായി തീരുന്നു. പക്ഷെ എലിയോക്ക് ഒലിവറിനെ പ്രെകോപിക്കാൻ സാധിക്കുന്നില്ല. മാത്രമല്ല അയാളോടുള്ള അവന്റെ ഇഷ്ടം വർധിക്കുന്നു. വളരെ വിഷമത്തോടെ അവൻ എഴുതിയ കത്തിലെ വരികളിലൂടെയാണ് അതൊരു പുതിയ ബന്ധത്തിന് തുടക്കം കുറിക്കുന്നത്.

Call Me by Your Name (2017) - IMDbഒരു രാത്രി ആലിംഗബദ്ധരായ് കിടക്കുമ്പോൾ ഒലിവർ എലിയോയുടെ ചെവിയിൽ അടഞ്ഞ ശബ്ദത്തിൽ തീവ്രപ്രണയത്തോടെ ഇങ്ങനെ പറയുന്നുണ്ട് “call me by your name and I’ll call you by mine”. ഇതിൽ നിന്ന് തന്നെ അവരുടെ ബന്ധത്തിന്റെ ആഴം കാണാനാവും. വളരെ പതിഞ്ഞ താളത്തിൽ ആവശ്യത്തിന് സമയമെടുത്താണ് മൂവി മുന്നോട്ട് പോവുന്നത്. അതുകൊണ്ടുതന്നെ അവരുടെ ആശയങ്ങൾ കൈമാറുന്ന രംഗങ്ങളും പ്രണയം വെളിവാക്കുന്ന രംഗവുമൊക്കെ അതിന്റെ തീവ്രതയോടെ തന്നെ കാണാൻ കഴിയും.

പക്ഷെ വേനലവധി കഴിഞ്ഞു ഒലിവർ തിരിച്ചു പോകുന്നതോടെ എലിയോ നിരാശനാവുന്നു. താൻ നാട്ടിൽ പോയാൽ വിവാഹിതൻ ആകാൻ പോവുകയാണ് എന്നും എന്നാൽ ഞാൻ നിന്നെ മറന്നാട്ടിലെന്നും ഒലിവർ പറയുന്നുണ്ട്. അതെ സമയം മികച്ച മാതാപിതാക്കളാൽ അനുഗ്രഹീതനായ ലോകത്തെക്കുറിച്ചും ചരിത്രത്തെക്കുറിച്ച് അറിവുള്ള അച്ഛൻ “learn from grief and grow instead of moving on” എന്ന് എലിയോനോട് ആവശ്യപ്പെടുകയാണ് ക്ലൈമാക്സിൽ. ചിത്രം അവസാനിക്കുമ്പോഴുള്ള അവരുടെ സംഭാക്ഷണം നമ്മളെ മനസ്സിൽ ആഴത്തിൽ പതിയും.

അവരുടെ ഈ രഹസ്യ ബന്ധം അറിയാമായിരുന്ന അച്ഛന്റെ ആ വാക്കുകൾ ഒരുപക്ഷേ അത്ര നേരം പകർന്ന് തന്നിരുന്ന വികാരവിചാരങ്ങളെ അതെ തീവ്രതയോടെ നമ്മളിലേക്ക് എത്തിക്കുന്നു. പറയുന്നവ തികച്ചും യാഥാർത്ഥ്യമായതുകൊണ്ടാണ് ഈ രംഗം വളരെ ഹൃദയസ്പന്ദനമാകാൻ കാരണം. ആ നേരം നിങ്ങൾ ഒരു നിശ്ചിത പോയിന്റിലേക്ക് നോക്കുമ്പോൾ അവൻ കരയുന്നതും അവന്റെ കണ്ണുകളുടെ ആവിഷ്കാരങ്ങളും അവന്റെ ഓർമ്മകളും ചിന്തകളും നിങ്ങൾക്ക് റിയൽ ആയിട്ട് ഫീൽ ചെയ്യാൻ കഴിയും. അവന്റെ മുഖത്തെ തീയുടെ പ്രതിഫലനങ്ങളും വിറകിന്റെ ശബ്ദവും. എനിക്ക് ഇത് മണിക്കൂറുകളോളം കാണാൻ കഴിഞ്ഞു. Homophobic കാലഘട്ടത്തിലെ സ്വവർഗ ലൈകീകത തുറന്നു കാട്ടുന്ന ഈ മൂവി നിങ്ങൾ തീർച്ചയായും കാണേണ്ട ഒന്നാണ്