റോബിൻ കെ മാത്യു
Behavioural Psychologist/Cyber Psychology Consultant

ജപ്പാൻ,കൊറിയ തായ്‌വാൻ തുടങ്ങിയ രാജ്യങ്ങളിൽ ഉള്ള ഒരു പ്രത്യേകതയാണ്- അവർ പെട്ടന്ന് പഴി സ്വയം ഏറ്റെടുക്കും(self blaming ). അത് എപ്പോഴും മനഃശാസ്ത്രപരമായി അത്ര നല്ല കാര്യമൊന്നുമല്ല . കുറ്റബോധത്തിന്റെ പാരമ്യത്തിൽ ആത്മഹത്യ ചെയ്യുന്നവരും ഉണ്ട്. എന്നാൽ നമ്മുടെ നാട്ടിൽ കാര്യങ്ങൾ നേരെ വിപരീത ദിശയിലേക്കാണ് പോകുന്നത്. നമ്മുടെ നാട്ടിൽ സൈക്കോപത്തുകളുടെ എണ്ണം കൂടി വരികയാണ്.മനോരോഗികളായ ഭീകര കുറ്റവാളികൾ എന്നാണ് സൈക്കോപാത്തുകളെ കുറിച്ച് പൊതുവെ സമൂഹം ധരിച്ചിരിക്കുന്നത് -ഇവർ യാഥാർഥ്യത്തിൽ നിന്ന് വളരെ അകലെയാണ് എന്നും ഇവരെ ചികിൽസിച്ചു ഭേദമാക്കുവാൻ സാധിക്കില്ല എന്നും ഒക്കെയുള്ള ധാരണ തെറ്റാണ്.സൈക്കോപാത്തുകളും തികച്ചും യുക്തി ഭദ്രതയുള്ളവരും ,യാഥാർഥ്യ ബോധമുള്ളവരും, തങ്ങളുടെ പ്രവർത്തികളെ കുറിച്ച് നല്ല ബോധ്യമുള്ളവരുമാണ് .അവർ മറ്റുള്ളവരുടെ വികാരങ്ങളെ മാനിക്കുന്നില്ല എന്ന് മാത്രം.

നാർസിസ്റ്റുകൾ:(Narcissist)

അനിതസാധാരണമായ സ്വാർത്ഥത,സ്വന്തം രൂപത്തെ പറ്റിയും,കഴിവുകളെ പറ്റിയും ഉള്ള അതിര് കവിഞ്ഞ ആത്മാവിശ്വാസവും,സ്വയം അംഗീകരിക്കപ്പെടുവാനും,സ്നേഹിക്കപ്പെടാനും ഉള്ള ആദ്യമ്യമായ അഭിവാഞ്ച ഇവയൊക്കെയാണ് ഈ കൂട്ടരുടെ പ്രതെയ്കതകൾ.മറ്റുള്ള ആളുകളുടെ ഏറ്റവും ചെറിയ ഒരു തെറ്റ് പോലും ക്ഷമിക്കുവാൻ സാധിക്കാത്ത ഇക്കൂട്ടർ ,സ്വന്തം തെറ്റിനെ പറ്റി ചെറുതായി പോലും ആരെങ്കിലും ചൂണ്ടി കാണിച്ചാൽ അസ്വസ്ഥരാകും.അവർ പ്രതികാരത്തിന് വേണ്ടി കാത്തിരിക്കുകയും ചെയ്യും.

കൗമാരം മുറ്റി നിൽക്കുന്ന സമയത്തെ കുട്ടികളിൽ ആത്മരതി വല്ലാതെ ഉണ്ട് .ഓടുന്ന ട്രെയിനിന്റെ മുൻപിൽ നിന്ന് സെൽഫി എടുക്കുകയും, വെള്ളച്ചാട്ടത്തിൽ ഒഴുകിപ്പോവുകയും ഒക്കെ ചെയ്യുന്നത് ഇതിന്റെ ഭീകര വശമാണ്.ഇതിന് പരിണാമപരമായും ജീവശാസ്ത്രപരവും ആയ കാരണവുമുണ്ട്.എന്നാൽ വിവേകമില്ലാത്ത പ്രായത്തിൽ കുട്ടികൾ കാണിക്കുന്നതിന്റെ മറ്റൊരു വശം തന്നെ പക്വതയെത്തി നല്ല വിദ്യാഭ്യാസമുള്ള നല്ല നിലയിൽ ഇരിക്കുന്നവർ കാണിക്കുമ്പോൾ ആണ് അതൊരു പ്രശ്നമാണെന്നു തോന്നുന്നത്.

എന്തിനെയും ഏതിന്റെയും കൂടെ നിന്ന് സെൽഫി എടുക്കുന്നവർ,തങ്ങൾ ഭകഷണം കഴിക്കുന്നതും യാത്ര പോകുന്നതും തങ്ങളുടെ സ്വകാര്യ നിമിഷങ്ങളുമെല്ലാം എപ്പോഴും ഫേസ്‌ബുക്കിൽ നിരന്തരം പോസ്റ്റ് ചെയ്യുന്നവർ.സ്വന്തം പോസ്റ്റുകൾക്ക് സ്വന്തമായി ലൈക് ചെയ്യുന്നവർ, ഇതൊന്നും അത്ര നിഷ്കളങ്കമായ കാര്യമല്ല.നല്ല പ്രൊഫെഷനിൽ ഇരിക്കുന്ന ചിലർ ഒരു ദിവസം തന്നേ 14 പോസ്റ്റുകൾ വരെ ഇട്ടു കാണാറുണ്ട്. .മജ്ജയും മാസാംവുമുള്ള എത്ര മനുഷ്യരുമായി സംവദിക്കേണ്ട സമയമാണ് ഇവർ പാഴാക്കുന്നത്.ഇവരുടെ ജോലിയിൽ എത്രത്തോളം നിലവാരത്തകർച്ച ഉണ്ടായിക്കാണും.

തങ്ങൾക്ക് താൽപര്യമില്ലാത്ത അഭിപ്രായങ്ങൾ പറയുന്ന ആൾക്കാരുടെ പോസ്റ്റുകൾക്ക് ചിരിക്കുന്ന ഇമോജി ഇട്ട് പരിഹസിക്കുക. അവനെ വ്യക്തിപരമായി അധിക്ഷേപിക്കുക, ബഹുമാനമില്ലാതെ അഭിസംബോധന ചെയ്യുക, അല്ലെങ്കിൽ ഏതെങ്കിലും പ്രത്യയശാസ്ത്ര ചട്ടക്കൂടിനുള്ളിൽ തള്ളിക്കേറ്റി ആക്രമിക്കുക, നിഷ്പക്ഷത പാലിക്കുക എന്ന് പറഞ്ഞാൽ എന്തോ അടിമത്തം ആണെന്ന് കരുതുക. ഏതെങ്കിലും പക്ഷം പിടിച്ചില്ലെങ്കിൽ അവനെ അപരാധി ആക്കുക തുടങ്ങിയ സാമൂഹിക മാധ്യമ ചെയ്തികൾ..

മാക്കിവെലിയനിസം (Machiavellianism)

ഒരു പൂർണ മനോരോഗമായി കാണാക്കപെടുവാൻ സാധിക്കില്ലായെങ്കിൽ കൂടി മുകളിൽ പറഞ്ഞ രണ്ടു രോഗങ്ങങ്ങളുടെയും പല പ്രത്യേകതകളും ഇക്കൂട്ടർക്ക് ഉണ്ട് .സ്വന്തം ആവശ്യത്തിന് വേണ്ടി എങ്ങനെയും കാര്യങ്ങൾ വളച്ചൊടിക്കുവാൻ മടിയില്ലാത്തവർ .അന്യന്റെ വേദനകളെ കുറിച്ചുള്ള യാതൊരു കരുതലും ഇക്കൂട്ടർക്ക് ഉണ്ടാവില്ല.നമ്മുടെ ഇടയിൽ ഇത്തരത്തിലുള്ള ഒരു പാട് പേർ ഉണ്ടാകാം. ആർക്കും ഒരു തരത്തിലുള്ള കുറ്റബോധവും ഇല്ല .ആരും ഒരു തെറ്റും ചെയ്തതായി സമ്മതിക്കുന്നില്ല. ആരും ആരോടും ക്ഷമ ചോദിക്കുന്നില്ല. ആരും ആരോടും നന്ദി പറയുന്നില്ല. അവനവന് ആവശ്യമുണ്ട് എന്ന് തോന്നുമ്പോൾ മാത്രം സൗഹൃദങ്ങളും ബന്ധങ്ങളും നിലനിർത്തുകയും തങ്ങൾക്ക് ആവശ്യമില്ലാത്ത എല്ലാത്തിനെയും പുറംകാലുകൊണ്ട് തള്ളിക്കളയും ചെയ്യുക.

യുധിഷ്ട്ടരൻ യക്ഷനോട് പറയുന്നത് പോലെ “തനിക്ക് ചുറ്റുമുള്ള ജീവികൾ ഒക്കെയും മരണത്തിന്റെ വായിലേയ്ക്ക് പൊയ്ക്കൊണ്ടിരിക്കുമ്പോഴും ഇതൊന്നും തന്നെ ഏശില്ല എന്ന് കരുതുന്ന മാനസിക അവസ്ഥയുടെ” രൂപ ഭേദങ്ങൾ ഇവരിൽ പലരും കൊടും കുറ്റവാളികൾ പോയിട്ട് സ്വന്തം പേരിൽ ഒരു പെറ്റി കേസ് പോലും കാണണമെന്നില്ല. അവർ സമൂഹത്തിലെ താഴെക്കിടയിൽ ഉള്ളവർ അല്ല. വലിയ നിലകളിൽ, നല്ല അധികാരസ്ഥാനങ്ങളിൽ ഇരിക്കുന്നവർ തന്നെയാണ്.

ആധുനിക ശാസ്ത്ര സാങ്കേതിക വിദ്യ നൽകിയ സൗകര്യങ്ങൾ കൂടിക്കൂടി വരുമ്പോൾ, ആർക്കും ആരെയും ആശ്രയിക്കേണ്ട എന്ന അവസ്ഥ വരികയും മനുഷ്യന്റെ പ്രാകൃത ഗോത്രവർഗ്ഗ ചോദന പുറത്തേയ്ക്ക് വരുകയും ചെയ്യുന്ന അവസ്‌ഥ. നിങ്ങൾക്ക് ഒരു മാലാഖയിൽ നിന്ന് ഒരു ചെകുത്താൻ ആവാൻ അതിന് പറ്റിയ സമയം മതി, അതിന് പറ്റിയ അവസരം മതി, അധികാരം കിട്ടി എന്ന തോന്നൽ മാത്രം മതി എന്നാണ് സ്ഥാൻഫോഡ് പ്രിസൺ എക്സ്പിരിമെൻറ് തെളിയിക്കുന്നത്.

Leave a Reply
You May Also Like

ഭര്‍ത്താവിനെ കീഴടക്കാന്‍ എളുപ്പ വഴി..

ഭര്‍ത്താവിനെ കീഴടക്കാന്‍ എളുപ്പ വഴി അയാളുടെ വയറിലൂടെ ആണെന്ന് പഴമക്കാര്‍ പറയും ഒരു പരിധി വരെ ശരിയുമാണ്. നല്ല രുചിയുള്ള ഭക്ഷണമുണ്ടാക്കി സ്നേഹത്തോടെ ഊട്ടുന്ന ഭാര്യമാരെ ഒട്ടുമിക്ക ഭര്‍ത്താക്കന്മാര്‍ക്കും ഇഷ്ട്ടമുള്ളതും അവരുടെ സ്വപ്നവുമാണ്.

സ്വപ്നം കാണാം, ബോധപൂര്‍വ്വം…

ഇന്‍സെപ്ഷന്‍ കാണാത്തവര്‍ ചുരുക്കമായിരിക്കും, സ്വപ്നത്തിലേക്ക് കടന്നു ചെന്ന് തന്നിഷ്ട്ട പ്രകാരം സ്വപ്നം ഡിസൈന്‍ ചെയ്യുന്നതാണ് ഇന്‍സെപ്ഷന്‍. ഇന്‍സെപ്ഷന്‍ ഇന്നത്തെ സാങ്കേതിക വിദ്യ അനുസരിച്ച് നടക്കാത്ത കാര്യമാണ്, എന്നാല്‍ നമ്മുടെ സ്വന്തം സ്വപ്നത്തില്‍ നമ്മക്ക് സ്വബോധത്തോടെ നമ്മുടെ ഇഷ്ട്ടങ്ങള്‍ നടപ്പിലാക്കാനാവും, ഇതിനെ ലൂസിഡ് ഡ്രീം എന്ന് പറയുന്നു. ഞാന്‍ സ്വപ്നത്തില്‍ ആണ് എന്ന് തിരിച്ചറിയുന്നതാണ് ലൂസിഡ് ഡ്രീം. പലര്‍ക്കും സ്വമേധയാ ലൂസിഡ് ഡ്രീം അനുഭവപ്പെടാറുണ്ട് എന്നാല്‍ അവര്‍ അപ്പോള്‍ തന്നെ ഉണര്‍ന്നു പോവുകയോ മറന്നു പോവുകയോ ചെയ്യുന്നു. പരിധിയില്ലാത്ത സാങ്കല്‍പ്പിക ലോകം ആയത് കൊണ്ട് ലൂസിഡ് ഡ്രീം ഒരു പ്രത്യേക അനുഭവം ആണ്. ചെറിയ ചില പരിശീലനം കൊണ്ട് നിങ്ങള്‍ക്ക്‌ ലൂസിഡ് ഡ്രീം ഉണ്ടാവാനുള്ള സാധ്യത വര്‍ധിപ്പിക്കുകയും സ്വപ്നം ഓര്‍ത്തു വയ്ക്കാനും(ഡ്രീം റീ കാള്‍) കഴിയും.

നല്ല പ്രൊഫൈല്‍ ചിത്രങ്ങള്‍ ഉണ്ടാക്കൂ; അംഗീകാരം നേടൂ…

സെല്‍ഫികള്‍ കൂടി വരുന്ന ഇക്കാലത്ത്, ആളുകളുടെ മുഖം നോക്കി അവരെക്കുറിച്ച് പല തീരുമാനങ്ങളിലും എത്തിച്ചേരുവാന്‍ ജനം മടിക്കുന്നില്ല. ഈയടുത്ത കാലത്ത് നടന്ന ഒരു പരീക്ഷണം ആണ് താഴെ കൊടുത്തിരിക്കുന്നത്. അതൊന്ന് കണ്ടു നോക്കുക.

എന്തുകൊണ്ട് നിങ്ങള്‍ രഹസ്യങ്ങള്‍ സൂക്ഷിക്കരുത്‌?

രഹസ്യങ്ങള്‍ സൂക്ഷിക്കുന്ന വ്യക്തിക്ക് ജീവിതത്തിലെ പല കാര്യങ്ങളോടും വിരക്തിയുണ്ടാവുക എന്നത് ഒരു പ്രധാന ലക്ഷണമാണ്.