രണ്ടാംലോകമഹായുദ്ധ കാലത്തു തങ്ങളുടെ ജീവിതം രക്ഷിച്ച ആളെ അവർ ജീവിത സായാഹ്നത്തിൽ കണ്ടുമുട്ടി, നിറകണ്ണുകളുടെ ആലിംഗനം ചെയ്തു

Robin K Mathew

ബി.ബി സി യുടെ സ്റ്റുഡിയോയിലേക്ക് 96 വയസുള്ള ഒരു വൃദ്ധൻ ക്ഷണിക്കപ്പെടുന്നു.മുൻനിരയിൽ തന്നെ അദ്ദേഹത്തിന് ഇരിപ്പടം ലഭിച്ചു.അവിടെ സന്നിഹിതരായിരുന്നവർ എല്ലാം തന്നെ 60 വയസ്സിനു മുകളിൽ പ്രായമുള്ളവരായിരുന്നു.അവതാരകൻ എന്തോ പറയുമ്പോൾ ബാക്കിയുള്ളവർ എല്ലാം എഴുനേറ്റു ഈ 96 വയസുള്ള വൃദ്ധനെ നോക്കി കയ്യടിക്കുന്നു.പിന്നീട് അവർ അദ്ദേഹത്തെ ആലിംഗനം ചെയ്യുന്നു,നിറ കണ്ണുകളോടെ ..

രണ്ടാം ലോക മഹായുദ്ധത്ത കാലത്തു ചെക്കോസ്ലോവാക്യയിൽ നിന്ന് 669 കുട്ടികളെ, ഭൂരിഭാഗവും ജൂത കുട്ടികൾ ) രക്ഷപ്പെടുത്തുന്നതിന് നേതൃത്വം വഹിച്ച സർ നിക്കോളാസ് ജോർജ്ജ് വിന്റൺ ആയിരുന്നു ആ വൃദ്ധൻ . തീർച്ചയായും കൊല്ലപ്പെട്ടേക്കാവുന്ന ആ കുട്ടികൾക്ക് വിന്റൺ സുരക്ഷിതമായി ബ്രിട്ടനിലേക്ക് പോകുവാനുള്ള സൗകര്യം ഒരുക്കി.അവർക്ക് അദ്ദേഹം വീടുകൾ കണ്ടെത്തി . .

1988 ൽ ബിബിസി ടെലിവിഷൻ പ്രോഗ്രാം ദാറ്റ്സ് ലൈഫ്! ലേക്ക് ക്ഷണിക്കപ്പെടുന്നതുവരെ 50 വർഷത്തോളം അദ്ദേഹത്തിന്റെ പ്രവർത്തനങ്ങൾ ലോകം ശ്രദ്ധിക്കപ്പെടാതെ പോയി. അദ്ദേഹം രക്ഷിച്ച കുട്ടികളിൽ ചിലരാളായിരുന്നു അവിടെ സന്നിഹിതരായിരുന്നു മറ്റുള്ളവർ.. തങ്ങളുടെ ജീവിതം രക്ഷിച്ച ആളെ അവർ ഈ ജീവിത സായാഹ്നത്തിലാണ് കണ്ടുമുട്ടുന്നത് . 2015 ൽ 106 ആം വയസ്സിൽ അദ്ദേഹം മരിച്ചു

 234 total views,  1 views today