Ahnas Noushad
ചില സിനിമകൾക്ക് മാത്രം നൽകാൻ കഴിയുന്ന ഒരു തരം ആശ്വസിപ്പിക്കൽ ഉണ്ട് .ജീവിതത്തിൽ എത്ര മോശം അവസ്ഥയിലൂടെ കടന്ന് പോകുമ്പോഴും,അരണ്ട വെളിച്ചത്തിൽ ഒരു രണ്ട് രണ്ടര മണിക്കൂർ സർവ്വതും മറന്ന് നമ്മളെ ഇരുത്തി അങ്ങ് സന്തോഷിപ്പിച്ചു കളയും,നമ്മളെ പോലെ തന്നെ പരിസരം മറന്ന് ആസ്വദിക്കുന്ന നല്ലൊരു ക്രൗഡും കൂടെ ഉണ്ടേൽ പിന്നെ പറയണ്ടാ ആ സന്തോഷം ഇരട്ടി ആയിരിക്കും. പറഞ്ഞ് വന്നത് രോമാഞ്ചത്തെ കുറിച്ചാണ് ❤️
രോമാഞ്ചം മോളിവുഡിൽ ഇന്നേവരെ ഇറങ്ങിയതിൽ വെച്ച് ഏറ്റവും മികച്ച എന്റെർറ്റൈനെർ ആണെന്ന അഭിപ്രായം എനിക്കില്ല. രോമാഞ്ചം എന്നെ ചിരിപ്പിച്ച പോലെ എല്ലാവരെയും ചിരിപ്പിച്ചിട്ടുണ്ടോ എന്നും എനിക്കറിയില്ല, എന്നെ സംബന്ധിച്ചടുത്തോളം വെറുമൊരു എന്റർടൈനർ എന്നതിൽ ഉപരി ഇനി ഒരിക്കലും തിരികെ കിട്ടാൻ സാധ്യത ഇല്ലാത്ത കഴിഞ്ഞു പോയ രസകരമായ ഓർമ്മകളിലേക്കുള്ള ഒരു യാത്രയായിരുന്നു .സീനിയേഴ്സ്സിന്റെ കൂടെ ചെറുതാണെങ്കിൽ പോലും 5 വർഷം മുൻപുള്ള ഒരു ഹോസ്റ്റൽ ലൈഫ് ഏറെക്കുറേ അതേപടി സ്‌ക്രീനിൽ കണ്ട ഫീൽ ആയിരുന്നു രോമാഞ്ചം കണ്ടോണ്ടിരുന്നപ്പോൾ .ഓരോ കഥാപാത്രങ്ങളും എന്തിന് അധികം പറയുന്നു അവരുടെ എക്സ്പ്രഷൻസ് പോലും റിലേറ്റ് ചെയ്യാൻ പറ്റുന്ന ഒരു പടം.
പ്രേതവും ഓജോ ബോർഡും ഹോസ്റ്റൽ ലൈഫുമൊക്കെ ഇതിന് മുൻപ് പല തവണ പറഞ്ഞിട്ടുള്ള കഥ ആണെങ്കിലും രോമാഞ്ചം വേറിട്ട് നിൽക്കുന്നത് അതിന്റെ കാസ്റ്റിങ്ങിലും പെർഫോമൻസിലുമാണ്,കൂടെ സുഷിന്റെ ബിജിഎം കൂടി ആകുമ്പോൾ അടി മുടി വേറൊരു വൈബാണ് .ഒരു ആയുസ്സ് മുഴുവൻ ഓർത്ത് വെക്കാൻ പാകത്തിനുള്ള ഓർമ്മകളുടെ കലവറയാണ് ഹോസ്റ്റൽ /PG ജീവിതം രോമാഞ്ചം എന്നെ കൂട്ടികൊണ്ട് പോയതും ആ ഓർമ്മകളിലേക്കാണ് .ഞങ്ങളുടെ കൂട്ടത്തിൽ പ്രേതത്തെ കണ്ട് പ്രേതത്തിന്റെ ഫോട്ടോ വരക്കുന്ന ഒരുത്തൻ ഉണ്ടായിരുന്നു!!
ഹാൻസിനോട് കൂടുതൽ ആസക്തി ഉള്ള ഒരുവൻ വേറേ കൂട്ടത്തിൽ എല്ലാവരെയും വിറപ്പിച്ചു നിർത്തുന്ന പുറമേ ടഫ് ലുക്ക് കൊടുക്കുന്ന പിഞ്ചു മനസുള്ള ഒരാളും ഉണ്ട് .ആൻഡ്രോയ്ഡ് ഫോണും, പഴയ നോക്കിയ ഫോണും ഒരുപോലെ ഉപയോഗിച്ച് ഇരുട്ട വെളുക്കെ സൊള്ളുന്ന ഒരുത്തൻ എല്ലാ ടീമിലും കാണും പിന്നെ വമ്പൻ ഐഡിയാസ് കൊണ്ട് വരുന്ന ബിസിനസ്‌ മാഗ്‌നെറ്റും ഉണ്ടായിരുന്നു .ഇടക്ക് കുറച്ച് പൊട്ടലും ചീറ്റലുമൊക്കെ ഉണ്ടായിരുന്നെങ്കിലും,പടുത്തമൊക്കെ കഴിഞ്ഞ് ജോലി കിട്ടി പല വഴിക്ക് ആയിട്ടും ഇടക്ക് എല്ലാവരും ആ ഫ്ലാറ്റിൽ ഒത്തു കൂടുമായിരുന്നു. പതിയെ പതിയെ അതൊക്കെ നിന്നു .ഒരു ബാച്ചിലർ ഹോസ്റ്റൽ ലൈഫ് കിട്ടാൻ ഇനിയും സാദ്ധ്യതകൾ ഏറെയുണ്ട് .പക്ഷേ ആ ഒരു ടീം ഉണ്ടല്ലോ അതുപോലെ ഒരെണ്ണം ഒത്തു കിട്ടാൻ പാടായിരിക്കും!!
രോമാഞ്ചം ഇതിനോടകം രണ്ട് തവണ തിയേറ്ററിൽ കണ്ടു, സാഹചര്യവും സമയവും ഒത്തു വന്നാൽ ഇനിയും തിയേറ്ററിൽ പോയി കാണണം എന്ന് ആഗ്രഹമുണ്ട് .OTT ഇറങ്ങുമ്പോൾ നല്ലൊരു പ്രിന്റ് ഡൗൺലോഡ് ചെയ്ത് ഫോണിൽ സൂക്ഷിക്കും, ഒരു സ്ട്രെസ് ഫ്രീ പിൽ പോലെ ആവശ്യമുള്ളപ്പോഴൊക്കെ എടുത്ത് വെച്ച് കാണണം സന്തോഷിക്കണം
